الاحصائيات المتقدمة

**ازميرالدا** · 04-03-2013, 09:25 PM

رد: سؤال بخصوص التحاليل للمصريين

التحاليل الموجوده في مصر هي: تحاليل بيبتيدات البول (لبيان مدي حاجه الطفل للحميه الخاليه من الكازين والجلوتين
المعادن الثقيله ...
ودول بيتعملوا في معمل المختبر
فيه تحليل الاحماض الامينيه في البول بيتعمل في مركز الوراثه الطبي في الكوربه - مصر الجديده
كمان فيه تحليل فراجيل اكس في معمل البرج (واعتقد بيتعمل كمان في مركز الوراثه الطبي)
ممكن كمان تسالي في الدمرداش وعين شمس التخصصي
دا اللي اعرفه

ويا ريت التوحد كان دور برد

**التوحد دور برد** · 04-03-2013, 09:44 PM

رد: سؤال بخصوص التحاليل للمصريين

متشكره اوى لحضرتك
بس التحاليل فى المختبر مش موثوق من نتيجتها
بس ايه تحليل الاحماض الامينيه ده
و الفراجل اكس ده للبنات بس مش كده
و هل تحليل الفطريات و تحليل الحساسيه لانواع الاكل موجود
و الافضل اعملها فى مصر و لا اعملها بره
و ياريت حضرتك ترشحيلى دكتور اتابع معاه لو ممكن
معلش لو اسالتى كتير
و بالنسبه للاسم ده من باب التفاؤل
لما ربنا يشفى اولادنا ساعتها حنحس انه كان دور برد شديد شويه و خف

**ازميرالدا** · 05-03-2013, 10:55 AM

رد: سؤال بخصوص التحاليل للمصريين

المشاركة الأصلية بواسطة التوحد دور برد مشاهدة المشاركة

متشكره اوى لحضرتك
بس التحاليل فى المختبر مش موثوق من نتيجتها
بس ايه تحليل الاحماض الامينيه ده
و الفراجل اكس ده للبنات بس مش كده
و هل تحليل الفطريات و تحليل الحساسيه لانواع الاكل موجود
و الافضل اعملها فى مصر و لا اعملها بره
و ياريت حضرتك ترشحيلى دكتور اتابع معاه لو ممكن
معلش لو اسالتى كتير
و بالنسبه للاسم ده من باب التفاؤل
لما ربنا يشفى اولادنا ساعتها حنحس انه كان دور برد شديد شويه و خف

التحاليل في الحقيقه مش بتتعمل ف المختبر هما بياخدوا العينات وبتتعمل بره ...وبيدوكي النتيجه
تحاليل الفطريات اللي هيه comprehensive stool analysis بتتعمل في مصر بس لانواع قليله من البكتريا والفطريات مش زي اللي بتتعمل بره اما لو تقصدي تحليل الاحماض العضويه اللي بيدي دلالات علي وجود بكتريا او فطريات فهو مش موجود
لو عندك امكانيه لعمل التحليل بره اكيد حيكون احسن
الدكتور صعب ارشح لك بصراحه مسئوليه ولو طلع مش قد كده حتبقي ف الاخر شورتي انا

لو مستقره انك حتعالجي طفلك بالدان ادخلي قسم العلاج ببروتكول الدان واقري فيه حتلاقي تجارب لاعضاء المنتدي مع اكتر من طبيب دان شوفي اللي تفضلي طريقته وفيه شكر فيه من الاعضاء استخيري وتابعي معاه

وربنا يديم عليكي نعمه التفاؤل :)

**ازميرالدا** · 05-03-2013, 10:58 AM

رد: سؤال بخصوص التحاليل للمصريين

تحليل الاحماض الامينيه اللي هيه وحده بناء البوتين زي السيستايين والفينيل الانين (اللي بيبين اذا كان عند الطفل pku ) بعض الاطفال بيبقي عندهم نقص في احماض امينيه معينه وبيستفيدوا لو تم اعطاؤهم هذه الاحماض كمكملات يعني احدي التحاليل اللي بتدور علي الخلل في ايض الجسم

تحليل فراجيل اكس بيتعمل للولاد والبنات مش البنات بس

**كوكـتـيـل طبيعي** · 05-03-2013, 09:31 PM

رد: سؤال بخصوص التحاليل للمصريين

المعادن الثقيلة عملناها بمركز البحوث امام كلية الهندسة اقصد بالاسكندرية

بالنسبة لحساسية الجلوتين والكازين الطبيبة طلبت يومها المختبر الفرع الرئيسي بالرمل بالتحديد

وفي طبيب بالكويت مندوب عن شركة فرنسية وفي دعاء بالقاهرة بترسل تحاليل وفي بالمنتدى ال بيوزع عبوات

فاضية طبعا

اهم شيء تمشي مع طبيب يحدد لك وبالمناسبة ال اعرفه ان الغالب من نتايج التحاليل الاتية من الخارج بتكون بوزيتف

والاهم من كل ال فات انك تتابعي سلوك الطفل بعد الاكل وبتعرفي وتأكدي الامر بيكون واضح 101%

=====

احتمال ان التوحد دور برد يعني انفلونزا

... فعلا مجرد انفلونزا

... لكن انفلونزا الخنازير طبعا

**التوحد دور برد** · 05-03-2013, 11:15 PM

رد: سؤال بخصوص التحاليل للمصريين

نتايج التحاليل الى فى الخارج ايجابيه يعنى الحساسيه موجوده مش كده
طيب نتايج المعامل الى فى مصر موثوق منها و لا لا
طيب الحساسيه و تسمم المعادن موجودين
طيب الفطريات موجود فين
اصلى مش من القاهره و لا اسكندريه و مش عارفه طبعا اوصل لحاجه
و سؤال اخير بالنسبه ل د دعاء
احنا رايحين االسبت
و انا شيفاكم بتقولوا ان الدوا الى بتكتبه بتبيعه
طيب الافضل اشتريه منها و لا اجيبه بالشحن من بره
فارق مبلغ كبير و لا الفرق صغير عادى
و التحاليل كذلك
شكرا جزيلا
اه و كله بيتريق على اسمى
ماشى ماشى
ده من باب التفاؤل و لما ربنا يمن على اولادنا بالشفاء حننسى سنين العذاب معاهم

**كوكـتـيـل طبيعي** · 06-03-2013, 07:24 PM

رد: سؤال بخصوص التحاليل للمصريين

المشاركة الأصلية بواسطة التوحد دور برد مشاهدة المشاركة

نتايج التحاليل الى فى الخارج ايجابيه يعنى الحساسيه موجوده مش كده

نعم .. ولذا احدى الطبيبات شككتني بالامر

طيب نتايج المعامل الى فى مصر موثوق منها و لا لا

من حيث النزاهة نعم لانهم ليس لهم مصلحة مباشرة بادوية الحمية والدان والمكملات لكن المهم هل الكفاءة موجودة بالاجهزة او لا ولذا ان قررتي فاختاري الفروع الرئيسية بالقاهرة او الاسكندرية

واحب اوضح لك ان دعاء اذا شافت الطفل هضمه جيد ولا في روايح غير طيبة بالبراز بشكل قوي او غازات او عسر بالهضم او الام بعد الاكل فلا تطلب اي تحاليل لكنها بتطلب حاجة تانية

بصراحة بتطلب القرب .. عدم المؤاخذة حتقنعك بالتكامل السمعي والاكسجين والمكملات وكل ما ابدي نصايحي لحد برضه بيسمع كلامها .. طبعا حتقوليلي ايه نصايحك ؟؟ طيب روحي الاول ونتكلم بعد زيارتك لها

طيب الحساسيه و تسمم المعادن موجودين

نعم موجودين ومهم تعمليهم لان هناك العشرات من التحاليل لكن يكفي الاساسيات وهي حساسية جلوتين وكازين ( قمح ولبن ) ومعادن زئبق وناسي الباقي وقلت لك اختاري الفرع الرئيسي بالمختبر
علشان مش تحسي بالتقصير انك بتديه شيء يضره .. فيه حساسية ودي موجودة وفي ببتيدات يعني نفاذية الامعاء وبتعمل جزيئات ببتيدز ودي مش موجودة .. امشي معانا هنا خطوة خطوة

طيب الفطريات موجود فين

مش موجود بمصر

اصلى مش من القاهره و لا اسكندريه و مش عارفه طبعا اوصل لحاجه

الله يعينك .. كم عمر ابنك ؟

و سؤال اخير بالنسبه ل د دعاء
احنا رايحين االسبت
و انا شيفاكم بتقولوا ان الدوا الى بتكتبه بتبيعه

شايفانا ازاي ؟؟ طيب شايفة ايه ؟؟ انا كده بدأت اقلق منك

طيب الافضل اشتريه منها و لا اجيبه بالشحن من بره

من بره اغلى .. اما الحقن هي بتجيب كمية كبيرة من الفيتامين بي 12 ال حتكتبه لك وتقريبا بتصبه عندها في طشت وحيعبوه بالسرنجة وصراحة مش عارف هم بيلغوصوا فيه ولا بيكونوا لابسين شباشب ومش بينزلوا

لكن انصحك تاخدي من عندها وكل ال عندها حتديكي الحقن فقط لانها بطلت تستورد الاوميجا وكذلك السنديون وبتكتب بدايل لهم من الصيدليات

فارق مبلغ كبير و لا الفرق صغير عادى
و التحاليل كذلك
شكرا جزيلا
اه و كله بيتريق على اسمى
ماشى ماشى

اعتبر ده تهديد

ده من باب التفاؤل و لما ربنا يمن على اولادنا بالشفاء حننسى سنين العذاب معاهم

سنين ايه ؟؟ انت لسه جديدة في الكار ولسه داخلة الكوبانية

اي خدمة

**التوحد دور برد** · 06-03-2013, 07:40 PM

رد: سؤال بخصوص التحاليل للمصريين

ابنى سنتين و 10 شهور
و اكتشفنا الموضوع من 8 شهور
اتحسن بالجلسات لكن لسه مش بيتكلم خالص
و بديله ريسبردال للاسف
و يارب الموضوع ميبقاش سنين و لا حاجه
خلاص اعمل التحاليل دى فى معمل جاما لانه مضمون عن المختبر
و حشوف دعاء حنقول ايه و حجيب الدوا منها
و انا مش مقتنعه بالتكامل السمعى و الاكسجين
و ناويه ان شاء الله امشيه على نظام غذائى صحى و مفيد
ده مش اسم البرنامج على فكره
جزاك الله خير

**التوحد دور برد** · 06-03-2013, 07:44 PM

رد: سؤال بخصوص التحاليل للمصريين

هو لازم عشان اعمل التحليل يكون بياخد منتجات البان
انا منعاها من 10 ايام بس لازم يكسر الحميه لمده قد ايه
يكفى يوم او يومين و لا لازم مده طويله

**ام شريف** · 06-03-2013, 08:51 PM

رد: سؤال بخصوص التحاليل للمصريين

ربنا يشفي ابنك وولادنا جميعا
ونصيحتى بلاش الريسبردال

**التوحد دور برد** · 06-03-2013, 09:03 PM

رد: سؤال بخصوص التحاليل للمصريين

انا فعلا حبطله
و حخلى الدكتوره تكتبلى جرعات السحب

**كوكـتـيـل طبيعي** · 12-03-2013, 10:31 AM

رد: سؤال بخصوص التحاليل للمصريين

المشاركة الأصلية بواسطة التوحد دور برد مشاهدة المشاركة

سؤال اخير بالنسبه ل د دعاء احنا رايحين االسبت و انا شيفاكم بتقولوا ان الدوا الى بتكتبه بتبيعه

عملتي ايه ؟؟ وهل في ادوية جديدة وماذا قالت لك

ياريت تضعين نتايج زيارتك على هذا الرابط افضل

تجمع اهالي أطفال التوحد في مصر - منتديات تحدي الإعاقة

http://www.t7di.net/vb/showthread.php?t=71924

(http://www.3deeel.com/upload/uploads/images/3deeel9f6e878eb2.png) السلام عليكم ورحمه الله وبركاته في الموضوع ده عايزين نتجمع كل اهالي اطفال التوحد من مصر نتبادل الخبرات والمعلومات عن كل حاجه تخص اولادنا بدايه من التشخيص والاطباء سواء نفسيين او اطباء دان ولا طاقه ولا غيره الحضانات ......المراكز المتخصصه ...مدارس

**التوحد دور برد** · 12-03-2013, 11:36 PM

رد: سؤال بخصوص التحاليل للمصريين

المشاركة الأصلية بواسطة كوكـتـيـل طبيعي مشاهدة المشاركة

عملتي ايه ؟؟ وهل في ادوية جديدة وماذا قالت لك

ياريت تضعين نتايج زيارتك على هذا الرابط افضل

http://www.t7di.net/vb/showthread.php?t=71924

انا اجلت المعاد عشان الاحداث بتاعه المحاكمه
لما اروح حقول الاخبار ان شاء الله

الاحصائيات المتقدمة

إعـــــــلان

سؤال بخصوص التحاليل للمصريين

سؤال بخصوص التحاليل للمصريين

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق