تويت
فكرة ... إستحوذت على كل تفكيرى .. أرجو المشاركة للأهمية
السلام عليكم ورحمة الله وبركاته
الحمد لله رب العالمين والصلاة والسلام على أشرف المرسلين سيدنا محمد عليه أفضل الصلاة والسلام
فكرة .... وطرقت عليا من حوالى ساعتين فقط واستحوذت على كل تفكيرى لدرجة إنى مش قادرة أنام إلا لما أعرضها عليكم ... بس هى للأسف مش فكرة علاج جديد لأطفالنا ولا طريقة مبتكرة فى تعديل السلوك أو تنمية المهارات ولا سؤال عن شئ محيرنى فى بنتى زى كل مواضيعى .... وزى كل ما بيدور ويجول فى المنتدى هنا وإللى واخد مننا كل إهتمامنا لأنه طبعا يستحق ده ولأنه أهم ويمكن أصبح أحلى شئ فى حياتنا زى ما بيكون أوقات أصعب شئ فى حياتنا
سألت نفسى لحد إمتى هنحاول نخفى عن الناس حقيقة ما يعانى منه أطفالنا مع إنه مش شئ مقزز ولا مخجل ولا معدى
وكانت الإجابة إن الناس متعرفش كدة ومتعرفش أصلا يعنى إيه توحد .. ولو حد سمع عنه ويألف إسم التوحد فبيطلق لخياله العنان فى تخيل المرض ده وممكن تكون تخيلاته كلها غلط
السؤال التانى .. مين المسؤل عن إنتشار الوعى عن مرض التوحد وحقيقة الطفل التوحدى وإنه مش طفل مجنون ولا متخلف ولا خطير زى ما الناس متصورة
الإجابة الوحيدة إللى طرقت فى بالى هى ... إحنا الأمهات والآباء وليس غيرنا ... لأن لا الحكومة ولا الأعلام ولا المسئولين عايشين مع الأطفال دول ويعرفوهم كويس ولا حتى المعلمين فى المراكز المتخصصة يعرفوا حقيقة الأطفال دول كويس
طبعا هتسألونى إيه الحل من وجهة نظرى ....... طبعا أنا مش بطالب إن كل أم أو أب تعلن على الملاء لأى شخص وتقول بمنتهى السهولة أنا إبنى أو بنتى تعانى من التوحد ... لأن مازال العالم غير مستعد لفهم حقيقة التوحد ومش هتمشى تشرحى لكل شخص تقابليه إيه هو التوحد وكأنك بتستعطفيه إنه مينظرش لإبنك نظرة غير مرضية او مهينة
إنما أنا بقول .... نبدأ إحنا أولا بنشر الوعى ده بكلمات تعكس وجهة نظرنا إحنا عن أولادنا والأشياء الجميلة إللى يمتلكوها والقدرات الكبيرة إللى عندهم وحتى إن كانت غير مرئية بالنسبالنا أو بالنسبة لأى شخص فى الوقت الحالى .....
طبعا الفكرة إللى عندى حاليا ممكن أى شخص يتخيل إنها ممكن تكون تافهة أو مضيعة للوقت وإننا عندنا الأهم وإللى يستحق إننا نديه وقتنا وهو البحث فى علاج أبناءنا
إنما أنا معنديش غيرها حاليا وأتمنى إنكم تفكروا فى طرق أخرى كمان لنشر الوعى ده حسب قدرات وإمكانيات كل شخص
الفكرة إن حتى لو كل أم أو أب أو أى شخص يعرف فى تصميم الإعلانات على النت وتصميم التوقيعات يبدأ بعمل توقيعات رقيقة تعكس الأمل والتفاؤل عليها كلمات مختصرة ورقيقة نعبر بيها عن شخصية الطفل التوحدى بكل فخر ونكتب كل المميزات إللى مش شايفينها الناس ونبرر لهم الأشياء إللى شايفينها عيوب ونفتخر بأبناءنا ونحمد الله على هذه النعمة وننشرها على أى منتدى ونجعلها توقيعاتنا فى أى منتدى إحنا مشتركين فيه حتى ولو نشترك مخصوص على منتديات كثيرة لنشر التوقيعات والكلمات دى وإللى يقدر يتولها كحملة وعنده الإمكانية يكون جزاه الله كل خير أو نعمل جروب على الفيس بوك زى ما الناس بتعمل فى الأشياء التافهة وتنشرها .. أو نطلب من أقاربنا تولى نشرها عنا إن كان وقتنا لا يسمح
وهديكم بعض الأمثلة إللى خطرت فى بالى وحاسة إنها بتعبر عن أطفالنا وممكن تكتب على توقيعات أو إعلانات
- أفضل الوحدة لأنى أنتظر من يستحق الصحبة ... أنا توحدى وأفتخر
-أنا لست مجنون .. ولكنى أفضل الصمت لأنى أعلم أكثر مما تعلمون ..... أنا توحدى وأفتخر
- أفضل الصمت لأنى أخشى أن يجرحكم صدقى ......أنا توحدى وأفتخر
- نقى عالمك حتى أستطيع انا أضمه إلى عالمى النقى ....... أنا توحدى وأفتخر
- عباقرة هذا الزمان ...... أطفال التوحد
- أفكر أكثر مما أتكلم ...أنا توحدى وأفتخر
- حتى وإن كنت متوحد .. فلست وحدى لأن الله معى
- أنا أفضل مما تظنون ... انا توحدى وأفتخر
- من نعم الله على أن جعلنى توحدى ... فأنا أتحكم بعالمى
- أنا ضيف فى عالمك ... فأكرم ضيفك ولا تظلم الطريق أمامى
- أنا لست متخلف .. ولكنى متميز ومختلف ... أنا توحدى وأفتخر
- أعلم عنك الكثير .. فماذا تعلم عنى
- ثق بقدراتى .. فهى أكبر مما تتخيل
- حدثنى كتيرا لا تخف .. فأنا أفهمك جيدا
-شروط الدخول إلى عالمى : الصدق والحب وقبلهم الإحترام
- لا أعرف الغيرة والحقد .. أنا توحدى
- أنا توحدى إذن أنا صادق .... أنا توحدى وأفتخر
-أنا توحدى.. إذن انا لا أصادق إلا من أحب
أنا توحدى .. إذن انا لا أتحدث فيما لا يعنينى
********************
علمنى إبنى كيف أنقى حياتى ... ابنى توحدى وافتخر
علمنى ابنى أن للصبر حلاوة وليس مرارة كما تظنون .... ابنى توحدى وأفتخر
علمنى ابنى كيف أتذوق طعم النجاح ....... ابنى توحدى وافتخر
مع ابنى احسست بقيمة النعم وشكرت الله عليها ... ابنى توحدى وافتخر
علمنى ابنى اكثر مما علمته ..... ابنى توحدى وافتخر
مش عايزة أكتب أكتر من كدة لأنى لو فضلت أكتب مش هخلص أبدا ... وأكيد إنتوا كمان عندكم نفس أحاسيسى وأكتر ونفسى تعبروا عنها وتنشروها يمكن تكون دى بداية الوعى بالمرض ده أو بحالة اولادنا إللى يجهل بها الكثير ولا يعلم بها إلا الله ثم إحنا .... نفسى العالم كله توصله الحقيقة والوعى علشان نمهد لكل اولادنا الطريق وأكيد تقبل العالم ليهم ونظرة العالم ليهم النظرة إللى يستحقوها أكيد هتفرق معاهم كتير ومعانا من قبلهم وتكون بإذن الله عون من الله على شفاءهم وتأقلمهم مع العالم الخارجى
أتمنى إنى أكون قدرت أوصلكم كل إللى نفسى فيه وأتمنى إنكم تتحمسوا زى ما انا متحمسة لأننا مش هنفضل نعانى فى صمت ومستنيين أى حد مش عايش تجربتنا يعبر عنا وأكيد ده عمره ما هيحصل ... وإن حصل أكيد هيعبر بصورة مش هترضينا وممكن تجرح مشاعرنا أكتر .. فياريت لو كل شخص مننا حاول بنفسه تصميم توقيع او إعلان يحط فيه مشاعره وكلماته الخاصة إللى حاسس بيها هيكون شئ جميل وإن شاء الله يكون خطوة من ملايين الخطوات إللى محتاجينها للوصول للوعى المطلوب إللى يرضينا إن شاء الله
الحمد لله رب العالمين والصلاة والسلام على أشرف المرسلين سيدنا محمد عليه أفضل الصلاة والسلام
فكرة .... وطرقت عليا من حوالى ساعتين فقط واستحوذت على كل تفكيرى لدرجة إنى مش قادرة أنام إلا لما أعرضها عليكم ... بس هى للأسف مش فكرة علاج جديد لأطفالنا ولا طريقة مبتكرة فى تعديل السلوك أو تنمية المهارات ولا سؤال عن شئ محيرنى فى بنتى زى كل مواضيعى .... وزى كل ما بيدور ويجول فى المنتدى هنا وإللى واخد مننا كل إهتمامنا لأنه طبعا يستحق ده ولأنه أهم ويمكن أصبح أحلى شئ فى حياتنا زى ما بيكون أوقات أصعب شئ فى حياتنا
سألت نفسى لحد إمتى هنحاول نخفى عن الناس حقيقة ما يعانى منه أطفالنا مع إنه مش شئ مقزز ولا مخجل ولا معدى
وكانت الإجابة إن الناس متعرفش كدة ومتعرفش أصلا يعنى إيه توحد .. ولو حد سمع عنه ويألف إسم التوحد فبيطلق لخياله العنان فى تخيل المرض ده وممكن تكون تخيلاته كلها غلط
السؤال التانى .. مين المسؤل عن إنتشار الوعى عن مرض التوحد وحقيقة الطفل التوحدى وإنه مش طفل مجنون ولا متخلف ولا خطير زى ما الناس متصورة
الإجابة الوحيدة إللى طرقت فى بالى هى ... إحنا الأمهات والآباء وليس غيرنا ... لأن لا الحكومة ولا الأعلام ولا المسئولين عايشين مع الأطفال دول ويعرفوهم كويس ولا حتى المعلمين فى المراكز المتخصصة يعرفوا حقيقة الأطفال دول كويس
طبعا هتسألونى إيه الحل من وجهة نظرى ....... طبعا أنا مش بطالب إن كل أم أو أب تعلن على الملاء لأى شخص وتقول بمنتهى السهولة أنا إبنى أو بنتى تعانى من التوحد ... لأن مازال العالم غير مستعد لفهم حقيقة التوحد ومش هتمشى تشرحى لكل شخص تقابليه إيه هو التوحد وكأنك بتستعطفيه إنه مينظرش لإبنك نظرة غير مرضية او مهينة
إنما أنا بقول .... نبدأ إحنا أولا بنشر الوعى ده بكلمات تعكس وجهة نظرنا إحنا عن أولادنا والأشياء الجميلة إللى يمتلكوها والقدرات الكبيرة إللى عندهم وحتى إن كانت غير مرئية بالنسبالنا أو بالنسبة لأى شخص فى الوقت الحالى .....
طبعا الفكرة إللى عندى حاليا ممكن أى شخص يتخيل إنها ممكن تكون تافهة أو مضيعة للوقت وإننا عندنا الأهم وإللى يستحق إننا نديه وقتنا وهو البحث فى علاج أبناءنا
إنما أنا معنديش غيرها حاليا وأتمنى إنكم تفكروا فى طرق أخرى كمان لنشر الوعى ده حسب قدرات وإمكانيات كل شخص
الفكرة إن حتى لو كل أم أو أب أو أى شخص يعرف فى تصميم الإعلانات على النت وتصميم التوقيعات يبدأ بعمل توقيعات رقيقة تعكس الأمل والتفاؤل عليها كلمات مختصرة ورقيقة نعبر بيها عن شخصية الطفل التوحدى بكل فخر ونكتب كل المميزات إللى مش شايفينها الناس ونبرر لهم الأشياء إللى شايفينها عيوب ونفتخر بأبناءنا ونحمد الله على هذه النعمة وننشرها على أى منتدى ونجعلها توقيعاتنا فى أى منتدى إحنا مشتركين فيه حتى ولو نشترك مخصوص على منتديات كثيرة لنشر التوقيعات والكلمات دى وإللى يقدر يتولها كحملة وعنده الإمكانية يكون جزاه الله كل خير أو نعمل جروب على الفيس بوك زى ما الناس بتعمل فى الأشياء التافهة وتنشرها .. أو نطلب من أقاربنا تولى نشرها عنا إن كان وقتنا لا يسمح
وهديكم بعض الأمثلة إللى خطرت فى بالى وحاسة إنها بتعبر عن أطفالنا وممكن تكتب على توقيعات أو إعلانات
- أفضل الوحدة لأنى أنتظر من يستحق الصحبة ... أنا توحدى وأفتخر
-أنا لست مجنون .. ولكنى أفضل الصمت لأنى أعلم أكثر مما تعلمون ..... أنا توحدى وأفتخر
- أفضل الصمت لأنى أخشى أن يجرحكم صدقى ......أنا توحدى وأفتخر
- نقى عالمك حتى أستطيع انا أضمه إلى عالمى النقى ....... أنا توحدى وأفتخر
- عباقرة هذا الزمان ...... أطفال التوحد
- أفكر أكثر مما أتكلم ...أنا توحدى وأفتخر
- حتى وإن كنت متوحد .. فلست وحدى لأن الله معى
- أنا أفضل مما تظنون ... انا توحدى وأفتخر
- من نعم الله على أن جعلنى توحدى ... فأنا أتحكم بعالمى
- أنا ضيف فى عالمك ... فأكرم ضيفك ولا تظلم الطريق أمامى
- أنا لست متخلف .. ولكنى متميز ومختلف ... أنا توحدى وأفتخر
- أعلم عنك الكثير .. فماذا تعلم عنى
- ثق بقدراتى .. فهى أكبر مما تتخيل
- حدثنى كتيرا لا تخف .. فأنا أفهمك جيدا
-شروط الدخول إلى عالمى : الصدق والحب وقبلهم الإحترام
- لا أعرف الغيرة والحقد .. أنا توحدى
- أنا توحدى إذن أنا صادق .... أنا توحدى وأفتخر
-أنا توحدى.. إذن انا لا أصادق إلا من أحب
أنا توحدى .. إذن انا لا أتحدث فيما لا يعنينى
********************
علمنى إبنى كيف أنقى حياتى ... ابنى توحدى وافتخر
علمنى ابنى أن للصبر حلاوة وليس مرارة كما تظنون .... ابنى توحدى وأفتخر
علمنى ابنى كيف أتذوق طعم النجاح ....... ابنى توحدى وافتخر
مع ابنى احسست بقيمة النعم وشكرت الله عليها ... ابنى توحدى وافتخر
علمنى ابنى اكثر مما علمته ..... ابنى توحدى وافتخر
مش عايزة أكتب أكتر من كدة لأنى لو فضلت أكتب مش هخلص أبدا ... وأكيد إنتوا كمان عندكم نفس أحاسيسى وأكتر ونفسى تعبروا عنها وتنشروها يمكن تكون دى بداية الوعى بالمرض ده أو بحالة اولادنا إللى يجهل بها الكثير ولا يعلم بها إلا الله ثم إحنا .... نفسى العالم كله توصله الحقيقة والوعى علشان نمهد لكل اولادنا الطريق وأكيد تقبل العالم ليهم ونظرة العالم ليهم النظرة إللى يستحقوها أكيد هتفرق معاهم كتير ومعانا من قبلهم وتكون بإذن الله عون من الله على شفاءهم وتأقلمهم مع العالم الخارجى
أتمنى إنى أكون قدرت أوصلكم كل إللى نفسى فيه وأتمنى إنكم تتحمسوا زى ما انا متحمسة لأننا مش هنفضل نعانى فى صمت ومستنيين أى حد مش عايش تجربتنا يعبر عنا وأكيد ده عمره ما هيحصل ... وإن حصل أكيد هيعبر بصورة مش هترضينا وممكن تجرح مشاعرنا أكتر .. فياريت لو كل شخص مننا حاول بنفسه تصميم توقيع او إعلان يحط فيه مشاعره وكلماته الخاصة إللى حاسس بيها هيكون شئ جميل وإن شاء الله يكون خطوة من ملايين الخطوات إللى محتاجينها للوصول للوعى المطلوب إللى يرضينا إن شاء الله
تعليق