هل ابنى بحركته دى بيتعرض للضرب ولا ليها معنى تانى

[التوحد دور برد]

السلام عليكم و كل عام و انتم بخير بمناسبه المولد النبوى الشريف
ابنى لاحظت عليه من اسبوع لما اقرب ايدى منه يغمض عينه و يتخض و يبعد نفسه و هو خايف
و فى مره عمل غلط فانا بقوله اضرب بهدده بس لقيته برضه غمض و اتخض
و لاحظتها كذا مره و بيعمل كده مع استاذته و الشادو كمان
ابنى محدش بيضربه خالص ممكن اضربه ضربه خفيفه خالص على ايده
و متاكده ان الشادو برضه مش بتضربه
انهارده الاخصائيه قالتلى ده بينضرب على وشه او دماغه مش ايده
انا مش عارفه اعمل ايه انا اكدت على الشادو يمكن يكون فى طفل بيضربه
هل التصرف ده ممكن يكون شئ تانى غير انه بينضرب
انا قلبى موجوع من ساعتها

[صابريين]

رد: هل ابنى بحركته دى بيتعرض للضرب ولا ليها معنى تانى

طبعا بينضرب مش عاوزه سوال

[ريم أحمد]

رد: هل ابنى بحركته دى بيتعرض للضرب ولا ليها معنى تانى

للأسف
أرجح أنه يتعرض للضرب فعلا
ربنا يستر

[التوحد دور برد]

رد: هل ابنى بحركته دى بيتعرض للضرب ولا ليها معنى تانى

اخواتى صابرين و ريم
مشكورين على ال د
السؤال هو مين بيضربه
هل الشخص اللى بيضربه ممكن ابنى يبوسه
لانه بيبوس الشادو و الداده كمان
هل ممكن السواق اللى بيوصله يكون بيضربه
فى ولد ضربه مره بالرجل فى رجل ابنى و ياسين عيط و من وقتها الشادو مبتخليش الولد ده يلعب مع ابنى
كل الى شاف ابنى بيعمل كده قالى ده بينضرب
اعمل ايه بس و اعرف ازاى مين بيضربه

[راجية الرحمة]

رد: هل ابنى بحركته دى بيتعرض للضرب ولا ليها معنى تانى

الله يطمنك عليه
احضري صور من عندك شك انه يضربه و
صورتك أيضاً و اعرضيها عليه صورة صورة
و شوفي ردة فعله
و انت بخبرتك و إحساسك ستعرفين

[هنا حبوش]

رد: هل ابنى بحركته دى بيتعرض للضرب ولا ليها معنى تانى

السلام عليكم
أود أن أذكر رأيي كاختصاصية
كثيراً ما يفعل أطفال معي في المركز نفس رد الفعل الذي تصفين
وبالفعل يكون بسبب خوفه مني لاستخدامي اسلوب حاد او حازم معي في مرحلة او موقف معين
لكن ذلك لا يعني أبداً أن الطفل لا يحبني او يخاف مني او يكرهني ولا يدل أبدا أني ضربت الطفل
الاطفال ولله الحمد متقبلين جدا للجلسات ويحبوني كمعلمة لهم ويحبون اللعب معي، لكنه يخافون من "شدتي" عليهم
يعني بكون بيستجيب كتير منيح لكن مجرد ما اكشر بوجهه او اصدر صوت معين بتلاقيه حاول الهرب او الاختباء بالطريقة التي وصفتيها.

يعني ممكن جدا تكون الشادو هي اللي ضربته شي مرة، لكن مو معناها أنها آذته او انه في شي خطير وانما مجرد "لسعه" على اليد ، تماما كالتي تستخدمها الأم لمنع الطفل من الإمساك مثلا بشيء خطأ
مادامه بيحبها معناها أي تعامل منها -ولو جسدي- فهو كان ضمن الحد المهني المطلوب لضبط السلوك
يبدأ القلق لو فجأة الطفل بدأ يخاف بمعنى الخوف من المعلمة او اي شخص معين...هنا تكون إشارة -وليست صحيحة بالضرورة- أن الطفل يتعرض للأذى ويحتاج لتدخل.

[التوحد دور برد]

رد: هل ابنى بحركته دى بيتعرض للضرب ولا ليها معنى تانى

اختى راجيه الرحمه شكرا لردك
انا بحاول اعامله بلطف ازيد من قبل كده و مشدش عليه

اختى ا هنا
طمنتينى بردك ربنا يطمنك
اصل فعلا مفيش حد ممكن يضربه
ياسين بياخد الجلسات و الحضانه فى مركز محترم و بيعامل الاطفال كويس جدا
فانا ان شاء الله حاراقب الوضع فى الحضانه معاه و انا كلمت الشادو و الاخصائيات بتوعه و حكلم المديره كمان
و ربنا يستر

[ازميرالدا]

رد: هل ابنى بحركته دى بيتعرض للضرب ولا ليها معنى تانى

اسألي الشادو اذا كان فيه مدرسة او طفل بتضربه في المدرسه يعني خليها مراقباه علي طول
وفي نفس الوقت شوفي مدرسه في المدرسه علاقتك بيها كويسه واساليها اخبار الشادو مع ابنك ايه هل بتشد عليه او بتضربه...
ونفس الكلام مع السواق
نفس الشئ حصل مع ابنتي السنه اللي فاتت وطلعت الشادو فعلا بتشد عليها جامد والموضوع كان اتطور لعنف من جانب ابنتي ومود سئ علي طول والحمد لله الموضوع اتصلح بس بعد ما اخد وقت
خدي بالك لان كل رد فعل منهم بيكون له فعل سببه

[صابريين]

رد: هل ابنى بحركته دى بيتعرض للضرب ولا ليها معنى تانى

بصى الولد مش حيعمل كدا الا اذا كان ينضرب من اى حد ممكن الداده اللى فى المركز
ثانيا اطفالنا مش حييخافوا او يظهر عليهم الخوف من اللى بييضربهم زى الطفل الطبيعى والا مكنتش تبقى فيه مشكله ......يعنى فكره عرض الصور دى مش حتجيب نتيجه
ثالثا اطفالنا عارفين الفرق كويس بين الشده والحزم والضرب على الراس او الوجه تحديدا يعنى لو الشادو بتضربه على ايده مش حيكون ده رد فعله
شوفى العامله اللى ممكن تكون بتوديه الحمام او بتغييرله هدومه

[مطر حياتي]

رد: هل ابنى بحركته دى بيتعرض للضرب ولا ليها معنى تانى

اذا فعلا يتضرب فحسبي الله على من يعامل اطفالنا كذا ...
انتي امه واحساسك هو الصح ووواضح اذا كان يتعرض للضررب ..اذا فيه حد تثقين فيه خليه يتابعه في الحضانه ويخبرك ..مالاحظتي لما توديه يكون خايف من حد معين ولدي يبين عليه يخااف كثير من اللي يشد عليه وع طول تطلع ردة فعله . وصلي الليل واطلبي الله ان يحمي طفلك وينور بصيرتك ..واستودعيه الله ..الله يحفظه لك ..

[التوحد دور برد]

رد: هل ابنى بحركته دى بيتعرض للضرب ولا ليها معنى تانى

اختى ازميرالدا
شكرا لردك
متهيالى رايك نفس راى ا هنا
ممكن يكون فى شد عليه لكن مش ضرب و ده انا برجحه برضه
انا بدات معليش صوتى خالص و اقلل التانيب جدا و طلبت كده من الشادو كمان
و الحمد لله معملش الحركه دى خالص امبارح و لا انهارده
ممكن فعلا اكون شديت عليه من تعبى على حاجه هايفه و هو اتاثر
هو اصلا حساس اوى
ربنا يسامحنى

اختى مطر حياتى
جزاكى الله خير
ابنى بيحب الحضانه عادى مبيخافش دلوقتى الحمد لله

ان شاء الله حروحله بكره الحضانه و اشوف الاخبار
ربنا يخليكوا ليا

[ام اسلام]

رد: هل ابنى بحركته دى بيتعرض للضرب ولا ليها معنى تانى

مرت فترات على ابني بيفز بخوووف بدون سبب,ولكنها فترة وبتعدي,وقتها كان معي بالبيت,وبالعادة انا لا اضربه,حتى ان اخصائي قابله,وتوتو مباشرة رفع يديه ليغطي وجههه,فقال لي الاخصائي:هذا الولد بينضرب على فكرة؟؟!
لكن اطفالنا عندهم الاووفر بكل شئ
الان توتو يعبر بالكلام ماشاء الله,ولكن مجرد ما احد ينهره بالكلام بسرعه يقووول......ضربني
الله بيعين
وانت ام قوووويه ماشاء الله وستجدي حل باذن الله

[التوحد دور برد]

رد: هل ابنى بحركته دى بيتعرض للضرب ولا ليها معنى تانى

الله يكرمك يا ام اسلام
توتو العسل ههههههه
ربنا يحفظه جبااااااار بجد
انا كلمت المديره و هى اخصائيه قديمه و فاهمه شغلها كويس و قالتلى استحاله يكون بينضرب فى الحضانه و هما مش بيضربوا الاطفال العاديه يبقى حيضربوا ياسين
المهم امور زى دى بتحتاج وقت و حكمه فى التصرف عشان تتحل و هى وعدتنى تتابعه فى الحضانه و تشوف
الله المستعان