تويت
أنا أم لثلاثة توائم ولدين وبنت عمرهم الآن سنة ونصف.......
رزقنى الله بهم بعد رحلة طويلة من العلاج لتأخر الإنجاب.........
أحد الولدين كان دائم الترجيع منذ الصغر ولا بد يوميا أن يقوم بترجيع رضعة او رضعتين..........
وعندما إستشرت الأطباء فى حالته اخبر ونى انه ارتجاع بسيط في المريء وطالما وزن الطفل بيزيد لا توجد مشكلة وان الوضع سيتحسن عندما يبلغ الشهر السادس ويبدأ في تناول الأشياء الصلبة القوام...........
وبالفعل الوضع تحسن عندما أتم الشهر السابع واستمر معدل الترجيع فى الإنخفاض حتى أصبح لا يأتيه إلا مرة كل أسبوع بفضل الله ولكن هذا بالنسبة للسوائل فقط أما بالنسبة للأشياء الصلبة فهو يرفضها تماما وكل أكله عبارة عن الحليب أو الزبادى أو فاكهة هيرو أو مهلبية بعملها باللبن بتاعه والسريلاك وشوربات فقط .........
واى أكل قوامه سميك يرفضه وفورا يرجعه........زى البطاطس المهروسة او البيض او الارز المسلوق او قطعة فرخة مسلوقة...........
عندما بلغ 8 شهور بدأت ألاحظ سرحانه مع التليفزيون واستغراقه التام مع قناة بيبى تى فى وعدم الالتفات لاسمه عندما أناديه وهو يشاهد التليفزيون بعكس أخواته وكمان التواصل البصرى بتاعه مش زى أخواته ........
بدات أقلق وأوسوس وأراقب تصرفاته أكتر وأكتر
فى نفس الوقت كانت طريقة لعبه نمطية جدا وكل متعته انه يجمع أغطية برطمانات الفاكهة ويلقيها على الأرض ويستمتع بالصوت الصادراو يدورها ويتفرج عليها وهى بتلف وتدور........
تناقشت مع والده وقررنا عدم تشغيل التليفزيون نهائيا أمامه وتشجيعه اكتر على اللعب والاندماج مع أخواته..........
تطوره كان أبطأ من أخواته في الجلوس و التسنين والزحف والمشى ولكنه يعتبر اكتسب هذه التطورات في الوقت المناسب لعمره ولاحظت انه متأخر دائما في تطوره عن أخواته بشهر تقريبا وهذا يعتبر عادى لانهم توائم........
تحسن كثيرا بعد أن منعنا التليفزيون وبدأ يندمج أكثر مع أخواته وبدأ يهتم باللعب والزحف مع أخواته.......
عملنا له تخطيط سمعى وطلع سليم والحمد لله..........
ولكن نظرا لانى بقارنه دايما أخواته كنت بلاحظ إنه مش فى نفس حيويتهم ونشاطهم وشقاوتهم .........
كمان لاحظت ان البراز (أعزكم الله) قوامه يابس جدا ورائحته نفاذة وهى مرة واحدة فى اليوم ومرات قليلة مرتين.........
وبعمر السنة ذهبنا لدكتورة تطور وكشفت عليه كشف دقيق وسألتنا كتير عن ظروف الحمل والولادة والأدوية اللى كنت باخدها أثناء الحمل وذكرت لها قلقى من مرض التوحد على وجه الخصوص........
ولكنها نفت تماما إحتمالية انه توحد لأنها عندما قامت بملاعبته اخذ يضحك معها كثيرا وقالت لى مافيش طفل توحدى يقدر يضحك الضحكة الحلوة دى والحقيقة هو فعلا بيحب الضحك اوى واى حد يهزر معاه او يلاعبه بيضحك له على طول........
هو مرح وحبوب ولطيف بطبعه.........
بس أنا فى الفترة دى كنت قريت كتير فى المنتدى وعرفت من تجارب الأمهات ان الطفل التوحدى بيضحك وبيتفاعل عادى جدا على عكس الناس ماهى متصورة.......
هى قالت انه فقط متأخر فى بعض المهارات من خلال بعض اللعب والمكعبات اللى حاولت تخليه يلعبها بس هو معرفش واخذ المكعبات ورماها على سطح المكتب علشان يسمع الصوت الصادر فقط زى ما بيعمل فى البيت........
وقالت إنها ما تقدرش تشخص اى حاجة تانية دلوقتى وكتبت له على زيارة تانية لتقييم الوضع لما يتم سنتين ونصحتنى بانى ألاعبه كتير واشغله كتير.........
الحقيقة ما اقتنعتش أوى بكلامها وكنت حاسة إن ابني عنده مشكلة غير حكاية تأخر مهارات اللعب..........
بالنسبة للكلام ونظرا لانى فى دولة عربية(الكويت) ومش فى بلدى وبالتالى مافيش إختلاط ولا أقارب ولا معارف فالثلاثة متأخرين جدا فى الكلام ويا دوب بدأ الولد والبنت يقولوا ماما وبابا وهم على الأكل فقط........
اما حبيبى فلا يقول ولا حتى ماما وبابا ويقول فقط دادا او نانا فقط مع إصدار بعض النغمات بصوته........
لاحظت حبه واهتمامه بصوت الآذان وكذلك الموسيقى والأغانى وانه بيستجيب اكتر مع الأغانى فعندما يرفض الطعام واشغله أغنية معينة بيحبها على الموبايل على طول يمسك الموبايل ويبدأ فى الاكل وكمان لما أمسك إيده واخده للحمام مثلا أحيانا يرفض ويشد جسمه جامد فاغنيله تاتا تاتا الاحظ ان جسمه ارتخى وبدا يمشى معايا بسهولة وكمان لو زعلان وبيعيط لاى سبب مجرد ما اشيله واغنيله اى اغنية من اغانى الاطفال اللى متعود يسمعها على طول يهدى ويبطل عياط..........
بعد زيارة الدكتورة اشتريت له أنواع مختلفة من المكعبات واللعب وحاولت ألعب معاه وأعلمه إزاى يرتب المكعبات ويعمل عمود أو يدخل المكعبات فى الشكل المناظر لها .........
وبدأ يستجيب ومرة فى مرة عرف يرتب المكعبات فوق بعضها وعرف يدخل الأشكال فى أماكنها وعرف يجمع المكعبات فى صندوق صغيروهكذا وبدأالتواصل البصرى يتحسن واستجابته لاسمه كمان بقت أحسن كتير...........
وكمان بدأ يستجيب للأوامر البسيطة يعنى احدف لعبة وأقوله هات يروح يجيبها واحدفها تانى وهكذا وبدا يحاول ينطق كلمة هات ويقولها آت
وكمان نسى موضوع الاغطية ومحاولة تدويرها واللعب بيها وسماع صوت ارتطامها بالارض ......
انا تفائلت خير واعتقدت إن الفترة الماضية كانت قلة اهتمام منى أو بسبب التليفزيون .........
لكن من شهر تقريبا رجعت كل الأعراض تانى وخاصة الإستجابة لإسمه والتواصل البصرى وكمان بدات الاحظ انه مشتت وتركيزه ضعيف يعنى مثلا وانا بلبسه أحاول أقوله إيدى-رجلى-شعرى وهكذا ألاقيه غير مهتم ومش بيحاول يتواصل معايا.........
وبالعكس أخواته ألاقيهم بيركزوا معايا ويحاولوا يتابعوا حركات شفايفى ودلوقتى مثلا اقولهم ايدى على طول يحركوا ايديهم او رجلى يرفعوا رجلهم او شعرى يمسكوا شعرهم أما هو لا.............
أخواته اتعلموا يصقفوا ويعملوا باى باى من زمان اما هولا .........
بيصقف ولكن بدلع شديد وهو مثنى صوابعه كانه مكسل يفرد ايده علشان يصقف حلو...........
وكمان بدا فى المشى على اطراف اصابعه من اسبوعين والدوران حول نفسه
والدوران بالذات بدأه من 3 ايام فقط بيلف لمدة ثوانى وبعدين يقف وأنا أول ما بشوفه بوقفه على طول.........
الحقيقة يوم عن يوم بدأت أحس إن الفرق بينه وبين أخواته بدا يكبر ..........
أو بمعنى أدق لما بدأوا الثلاثة يكبروا ويدخلوا فى مرحلة التواصل الاجتماعي واكتساب مهارات التقليد ومحاولة التعرف على العالم بدأت مشكلة اخوهم تبرز بوضوح اكتر واكتر........
من خلال قراءاتى هنا فى المنتدى استفدت معلومات كتير اوى وقريت عن الدكتورة عبير عوض وقررت أنى أتوكل على الله واحجز عندها
ولكن برأيكم هل أنتظر شهر أو شهرين كمان يعنى عندما يصل عمره لسنة و8شهور مثلا حتى تكون الصورة إتضحت أكتر وتقدر تطبق عليه إختبارات التوحد زى مقياس كارز لانى قريت هنا انه المفروض لايطبق الا عندما يبلغ الطفل سنتين.......
وفى الفترة دى أستمر معاه أنا باللعب والطرق المكتوبة فى موضوع صن رايز وموضوع الأخت قلبى ضاع معك وأحاول اعمل الحمية خلال الشهرين دول.......
هو يعتبر ما بياكلش جلوتين خالص لان السريلاك والبسكوت اللى بيفطر بيهم انا بستعملهم من ميلوبا خالى من الجلوتين وده أنا عملته من الشهر الثامن ومن أول ما بدأت ألاحظ عليه المشكلة.........
المشكلة عندى فى الحليب لأنه بيحبه جدا وبيشرب بروميل جولد يا ترى ممكن استبدله باى نوع حليب يكون خالى من الكازيين وكمان الزبادى استبدله بأيه؟؟؟؟ أما الفاكهة والشوربة فلا يوجد فيهم مشكلة..........
وهو أساسا لا يأكل اى شىء غير هذه الأصناف............
بالإضافة انى بدات معه فيتامينات مدعمة بالحديد لان أكله مافيهوش أى بروتين باستثناء الحليب فخفت عليه من الأنيميا وعلشان كده بدأتها من 4 شهور تقريبا.........
طبعا أنا هاعمل كده بصفة مؤقتة لحد ما احجز وأروح لدكتورة عبير ولكن أنا هدفى أن لا تسوء الحالة خلال الشهر او الشهرين الحاليين
يا ترى من خلال خبراتكم مع أولادكم تنصحونى بايه؟؟؟؟؟؟؟؟
وخاصة انى قريت هنا فى المنتدى إن دكتورة عبير مسافرة وماعندهاش مواعيد قبل شهر مايو وأنا مش عايزة أضيع وقت على الولد وخاصة إن كل ما كان التدخل مبكر كل ما كانت النتائج أحسن بفضل الله...
على فكرة نسيت أقولكم انى لما لاحظت التغيرات دى عند الشهر الثامن لم أعطيهم التطعيم الثلاثى الفيروسى اللى عند سن سنة(mmr) لانى خفت جدا عليهم وخاصة لما قريت ان بعض الأبحاث ربطت بين هذا التطعيم ومرض التوحد فقررت انى ااجله شوية ليهم كلهم إلى أن تتضح الأمور........
أعتذر على الإطالة ولكنى أحببت أن أذكر كل ملاحظاتى بالتفصيل حتى تكون الصورة كاملة
رزقنى الله بهم بعد رحلة طويلة من العلاج لتأخر الإنجاب.........
أحد الولدين كان دائم الترجيع منذ الصغر ولا بد يوميا أن يقوم بترجيع رضعة او رضعتين..........
وعندما إستشرت الأطباء فى حالته اخبر ونى انه ارتجاع بسيط في المريء وطالما وزن الطفل بيزيد لا توجد مشكلة وان الوضع سيتحسن عندما يبلغ الشهر السادس ويبدأ في تناول الأشياء الصلبة القوام...........
وبالفعل الوضع تحسن عندما أتم الشهر السابع واستمر معدل الترجيع فى الإنخفاض حتى أصبح لا يأتيه إلا مرة كل أسبوع بفضل الله ولكن هذا بالنسبة للسوائل فقط أما بالنسبة للأشياء الصلبة فهو يرفضها تماما وكل أكله عبارة عن الحليب أو الزبادى أو فاكهة هيرو أو مهلبية بعملها باللبن بتاعه والسريلاك وشوربات فقط .........
واى أكل قوامه سميك يرفضه وفورا يرجعه........زى البطاطس المهروسة او البيض او الارز المسلوق او قطعة فرخة مسلوقة...........
عندما بلغ 8 شهور بدأت ألاحظ سرحانه مع التليفزيون واستغراقه التام مع قناة بيبى تى فى وعدم الالتفات لاسمه عندما أناديه وهو يشاهد التليفزيون بعكس أخواته وكمان التواصل البصرى بتاعه مش زى أخواته ........
بدات أقلق وأوسوس وأراقب تصرفاته أكتر وأكتر
فى نفس الوقت كانت طريقة لعبه نمطية جدا وكل متعته انه يجمع أغطية برطمانات الفاكهة ويلقيها على الأرض ويستمتع بالصوت الصادراو يدورها ويتفرج عليها وهى بتلف وتدور........
تناقشت مع والده وقررنا عدم تشغيل التليفزيون نهائيا أمامه وتشجيعه اكتر على اللعب والاندماج مع أخواته..........
تطوره كان أبطأ من أخواته في الجلوس و التسنين والزحف والمشى ولكنه يعتبر اكتسب هذه التطورات في الوقت المناسب لعمره ولاحظت انه متأخر دائما في تطوره عن أخواته بشهر تقريبا وهذا يعتبر عادى لانهم توائم........
تحسن كثيرا بعد أن منعنا التليفزيون وبدأ يندمج أكثر مع أخواته وبدأ يهتم باللعب والزحف مع أخواته.......
عملنا له تخطيط سمعى وطلع سليم والحمد لله..........
ولكن نظرا لانى بقارنه دايما أخواته كنت بلاحظ إنه مش فى نفس حيويتهم ونشاطهم وشقاوتهم .........
كمان لاحظت ان البراز (أعزكم الله) قوامه يابس جدا ورائحته نفاذة وهى مرة واحدة فى اليوم ومرات قليلة مرتين.........
وبعمر السنة ذهبنا لدكتورة تطور وكشفت عليه كشف دقيق وسألتنا كتير عن ظروف الحمل والولادة والأدوية اللى كنت باخدها أثناء الحمل وذكرت لها قلقى من مرض التوحد على وجه الخصوص........
ولكنها نفت تماما إحتمالية انه توحد لأنها عندما قامت بملاعبته اخذ يضحك معها كثيرا وقالت لى مافيش طفل توحدى يقدر يضحك الضحكة الحلوة دى والحقيقة هو فعلا بيحب الضحك اوى واى حد يهزر معاه او يلاعبه بيضحك له على طول........
هو مرح وحبوب ولطيف بطبعه.........
بس أنا فى الفترة دى كنت قريت كتير فى المنتدى وعرفت من تجارب الأمهات ان الطفل التوحدى بيضحك وبيتفاعل عادى جدا على عكس الناس ماهى متصورة.......
هى قالت انه فقط متأخر فى بعض المهارات من خلال بعض اللعب والمكعبات اللى حاولت تخليه يلعبها بس هو معرفش واخذ المكعبات ورماها على سطح المكتب علشان يسمع الصوت الصادر فقط زى ما بيعمل فى البيت........
وقالت إنها ما تقدرش تشخص اى حاجة تانية دلوقتى وكتبت له على زيارة تانية لتقييم الوضع لما يتم سنتين ونصحتنى بانى ألاعبه كتير واشغله كتير.........
الحقيقة ما اقتنعتش أوى بكلامها وكنت حاسة إن ابني عنده مشكلة غير حكاية تأخر مهارات اللعب..........
بالنسبة للكلام ونظرا لانى فى دولة عربية(الكويت) ومش فى بلدى وبالتالى مافيش إختلاط ولا أقارب ولا معارف فالثلاثة متأخرين جدا فى الكلام ويا دوب بدأ الولد والبنت يقولوا ماما وبابا وهم على الأكل فقط........
اما حبيبى فلا يقول ولا حتى ماما وبابا ويقول فقط دادا او نانا فقط مع إصدار بعض النغمات بصوته........
لاحظت حبه واهتمامه بصوت الآذان وكذلك الموسيقى والأغانى وانه بيستجيب اكتر مع الأغانى فعندما يرفض الطعام واشغله أغنية معينة بيحبها على الموبايل على طول يمسك الموبايل ويبدأ فى الاكل وكمان لما أمسك إيده واخده للحمام مثلا أحيانا يرفض ويشد جسمه جامد فاغنيله تاتا تاتا الاحظ ان جسمه ارتخى وبدا يمشى معايا بسهولة وكمان لو زعلان وبيعيط لاى سبب مجرد ما اشيله واغنيله اى اغنية من اغانى الاطفال اللى متعود يسمعها على طول يهدى ويبطل عياط..........
بعد زيارة الدكتورة اشتريت له أنواع مختلفة من المكعبات واللعب وحاولت ألعب معاه وأعلمه إزاى يرتب المكعبات ويعمل عمود أو يدخل المكعبات فى الشكل المناظر لها .........
وبدأ يستجيب ومرة فى مرة عرف يرتب المكعبات فوق بعضها وعرف يدخل الأشكال فى أماكنها وعرف يجمع المكعبات فى صندوق صغيروهكذا وبدأالتواصل البصرى يتحسن واستجابته لاسمه كمان بقت أحسن كتير...........
وكمان بدأ يستجيب للأوامر البسيطة يعنى احدف لعبة وأقوله هات يروح يجيبها واحدفها تانى وهكذا وبدا يحاول ينطق كلمة هات ويقولها آت
وكمان نسى موضوع الاغطية ومحاولة تدويرها واللعب بيها وسماع صوت ارتطامها بالارض ......
انا تفائلت خير واعتقدت إن الفترة الماضية كانت قلة اهتمام منى أو بسبب التليفزيون .........
لكن من شهر تقريبا رجعت كل الأعراض تانى وخاصة الإستجابة لإسمه والتواصل البصرى وكمان بدات الاحظ انه مشتت وتركيزه ضعيف يعنى مثلا وانا بلبسه أحاول أقوله إيدى-رجلى-شعرى وهكذا ألاقيه غير مهتم ومش بيحاول يتواصل معايا.........
وبالعكس أخواته ألاقيهم بيركزوا معايا ويحاولوا يتابعوا حركات شفايفى ودلوقتى مثلا اقولهم ايدى على طول يحركوا ايديهم او رجلى يرفعوا رجلهم او شعرى يمسكوا شعرهم أما هو لا.............
أخواته اتعلموا يصقفوا ويعملوا باى باى من زمان اما هولا .........
بيصقف ولكن بدلع شديد وهو مثنى صوابعه كانه مكسل يفرد ايده علشان يصقف حلو...........
وكمان بدا فى المشى على اطراف اصابعه من اسبوعين والدوران حول نفسه
والدوران بالذات بدأه من 3 ايام فقط بيلف لمدة ثوانى وبعدين يقف وأنا أول ما بشوفه بوقفه على طول.........
الحقيقة يوم عن يوم بدأت أحس إن الفرق بينه وبين أخواته بدا يكبر ..........
أو بمعنى أدق لما بدأوا الثلاثة يكبروا ويدخلوا فى مرحلة التواصل الاجتماعي واكتساب مهارات التقليد ومحاولة التعرف على العالم بدأت مشكلة اخوهم تبرز بوضوح اكتر واكتر........
من خلال قراءاتى هنا فى المنتدى استفدت معلومات كتير اوى وقريت عن الدكتورة عبير عوض وقررت أنى أتوكل على الله واحجز عندها
ولكن برأيكم هل أنتظر شهر أو شهرين كمان يعنى عندما يصل عمره لسنة و8شهور مثلا حتى تكون الصورة إتضحت أكتر وتقدر تطبق عليه إختبارات التوحد زى مقياس كارز لانى قريت هنا انه المفروض لايطبق الا عندما يبلغ الطفل سنتين.......
وفى الفترة دى أستمر معاه أنا باللعب والطرق المكتوبة فى موضوع صن رايز وموضوع الأخت قلبى ضاع معك وأحاول اعمل الحمية خلال الشهرين دول.......
هو يعتبر ما بياكلش جلوتين خالص لان السريلاك والبسكوت اللى بيفطر بيهم انا بستعملهم من ميلوبا خالى من الجلوتين وده أنا عملته من الشهر الثامن ومن أول ما بدأت ألاحظ عليه المشكلة.........
المشكلة عندى فى الحليب لأنه بيحبه جدا وبيشرب بروميل جولد يا ترى ممكن استبدله باى نوع حليب يكون خالى من الكازيين وكمان الزبادى استبدله بأيه؟؟؟؟ أما الفاكهة والشوربة فلا يوجد فيهم مشكلة..........
وهو أساسا لا يأكل اى شىء غير هذه الأصناف............
بالإضافة انى بدات معه فيتامينات مدعمة بالحديد لان أكله مافيهوش أى بروتين باستثناء الحليب فخفت عليه من الأنيميا وعلشان كده بدأتها من 4 شهور تقريبا.........
طبعا أنا هاعمل كده بصفة مؤقتة لحد ما احجز وأروح لدكتورة عبير ولكن أنا هدفى أن لا تسوء الحالة خلال الشهر او الشهرين الحاليين
يا ترى من خلال خبراتكم مع أولادكم تنصحونى بايه؟؟؟؟؟؟؟؟
وخاصة انى قريت هنا فى المنتدى إن دكتورة عبير مسافرة وماعندهاش مواعيد قبل شهر مايو وأنا مش عايزة أضيع وقت على الولد وخاصة إن كل ما كان التدخل مبكر كل ما كانت النتائج أحسن بفضل الله...
على فكرة نسيت أقولكم انى لما لاحظت التغيرات دى عند الشهر الثامن لم أعطيهم التطعيم الثلاثى الفيروسى اللى عند سن سنة(mmr) لانى خفت جدا عليهم وخاصة لما قريت ان بعض الأبحاث ربطت بين هذا التطعيم ومرض التوحد فقررت انى ااجله شوية ليهم كلهم إلى أن تتضح الأمور........
أعتذر على الإطالة ولكنى أحببت أن أذكر كل ملاحظاتى بالتفصيل حتى تكون الصورة كاملة
تعليق