محلات لبيع اكل الحميه

[نجمه الفجر]

رد: محلات لبيع اكل الحميه

الله يجزاها خير الي كتبت الموضوع

وين الاقي اكل الحميه في الشرقيه (الخبراو الدمام)
واذامافي بالخبراو الدمام
وين الاقيه في الكويت اوالبحرين انا ممكن اروح البحرين او الكويت علشان اشتريه البنتي
الله يجزيها خير الي ترد

[ام عائشه]

رد: محلات لبيع اكل الحميه

انا لقيت اكل الحميه البسكويت والمكرونه في البحرين وفي السعوديه لقيت الكورن فليكس

[ام التوحد]

رد: محلات لبيع اكل الحميه

خواتي اللي تقدر تجي الكويت
حياكم الله في مركز سلطان السالميه وسوق شرق معكرونه وبسكوت وكيك وطحين وحليب صويا وفيه بعد مثل الزبادي او بودنج على صويا في فانيليا وكاكاو وكراميل يمكن فيه شويه سكر بس انا دايما اشتري منه حق ولدي لانهم جابوه بالكويت بعد ما طلبته منهم
انا كنت اسوي طلبيات بالنت بس مره خدعوني وصلتني منتجات من استراليا منتهي تاريخها
فرحت حق مركز سلطان عندهم خدمه اسمها اسال يجيبون المنتج للي تبين من اي دوله وطبعت المنتجات اللي ابيها من النت وعطيتها الموظف وبعد كم يوم اتصل فيني وقال التكلفه واستمريت بين فترة وفترة انوع حق حبيبي اللي محروم من اطايب الاكل ومره كنت ابي زبادي وقال ما يصير وقلت زيد الكميه واطلب كرتون وقال لانه يجي مبرد لازم كميه كبيره ما تقدرين عليها وزعلت وقلت له انتوا نفس الماركه تجيبون حليب ليش ما تجيبون بعد الزبادي وقال راح اقدم طلبج للاداره ونسيت السالفه بعد فتره اتصل فيني واحد يقول تفضلي اختي الزبادي اللي تبينه موجود بالرف بالثلاجه
وعندنا شركه المطاحن تسوي توست ذره بس يوم الاحد تقدرون تشترون وتحطونه بالفريزر انا اسوي منه بقسمات بعد
في علب بلاستيك حق الايس كريم حطي حليب الصويا مع موز او مانجا في الخلاط وعبيها في العلب وحطيها في الفريزر صار عندك ايس كريم مفيد وصحي
ان شاء الله جوابي كافي

[قمر]

رد: محلات لبيع اكل الحميه

الف شكر ياليت عرف اين اجدها في المدينه

[فرحتي الاولى]

رد: محلات لبيع اكل الحميه

نجمة الفجر.. في القطيف شارع القدس محل اسمه غذاء الطبيعه يبيع مأكولات للحميه مثل المكرونات وحليب الرز والصويا والكورن الفليكس والبسكويت انا دائما اخذ منه حق ولدي وعنده منتجات شار .

[ام نواف]

رد: محلات لبيع اكل الحميه

السلام عليكم وكل عام وانتم بخير

ابني ليس به توحد ولكن لديه تشتت وتأخر لغوي شديد وقد شخص اخيرا بأن لديه شحنات كهربائية زائدة ووصف له التيقراتول من 3 شهور ودكاترة اخرون من قبل شخصوه أيضا بانه لديه تأخر في النمو اثر على اللغة وهو ينطق ماما وبابا وكلام غير مفهوم فهل يناسبه عمل هذه الحمية؟ أرجو الافادة

[ام المتوحد]

رد: محلات لبيع اكل الحميه

اختي ام نواف اذا اردتي ان تتاكدي هل ابنك يستفاد من الحمية فيجب ان تعملي تحليل لاختبار تحسسه من الجيلوتين والكازيين والا تجربي الحمية فترة مع انها صعبة وتشوفي تاثيرها وفي حمية اهم لحالة ابنك من الالوان الصناعية والمواد الحافظة والشوكلاتة والشيبس اي كل ما هو صناعي والله يشافيه

[تواصل]

رد: محلات لبيع اكل الحميه

بالنسبه لبيت الصحه قفل غلقت المكرونه وقفل

[غموض امراة]

رد: محلات لبيع اكل الحميه

مكه يعني مافي
الله يعيين ننزل جده نجي وناخد حق شهر