الكل يبيع الغروب وانا اشتريه
وعلى اد ماقدر اقعد احلم فيه
والميه رايحه وجايه تلاعب كعوب رجليه
على جذع شجره ريحت راسى
وهمس لى ورق الشجر
وقعد يكلمنى بالاى فى راسى
وحفييفه عملى اغنيه
على صوتها غمضت عينيا
ومابين النوم والصحيان والميه بتجرى جريان
الغصن وطى عليا يقول بكل امان
شوفى الساعه كام
قومى الحقى السحاب بيفتح الباب
والشمس هاتتستخبى
وكتيرة ساعات الليل وكمان ساعات النهار
ويادوب هى ثوانى بحاول احلم ف امان
بشترى الغروب هو ده ركنى للاحلام
ورقه شجر وغصن وميه دول صحابى
وركن مغربى ده مكانى
ضميت الغصن لخدى وقلت مافى ئشىء بيدى
لازم افتح عينيا
واسيب الصحبه دية
مافيش للحزن داعى الشجرة فهمت وداعى
وبخفه رفعت رجلية وهى بتسقط ميه
بكره ف نفس المكان هاجى احس بامان
وكمان بشقاوة الميه وحنيه صحابى ليا
انا الكسبانه ف البيعه دية
ومافيش اى خسارهى ثوانى من الاحلام
تغنى فيها الالوان
بسرعه عينيا تنام
واخد الغصن بين ايديا
والكل يبيع الغروب وعلشان كده انا اشتريه
سيرين
تعليق