تجربه ياسين مع الحجامه و حكايه بدر اللى ربنا شفاه

[التوحد دور برد]

السلام عليكم و رحمه الله و بركاته
اتمنى من الله ان تكونوا جميعا بخير حال
و كل عام و انتم بخير
انا حكتب تجربه ياسين مع الحجامه و حقول حكايه بدر عشان تدينا امل
و كنت عايزه استنى لما تجربه الحجامه تكمل لكن قولت جايز اشجع حد انه يعملها و كمان عشان افكر نفسى ان ياسين اتحسن لانى بمر بظروف الايام دى مخليانى ...... يعنى بلاش اقول عشان الموضوع ده كله امل ان شاء الله
بعد الاستخاره قررنا نعمل الحجامه لياسين
حجامه بالكاسات و التشريط
فى مواضع منتصف الجبهه
اسفل الذقن
مكان الكليتين من الخلف
الاخدعين اللى هما القفا

اول حجامه عملناها ببنج كلى فى مركز طبى بتاع واحد صاحب زوجى لان المستشفيات بترفض يبقى فيها حجامه لان اللى عملها دكتور بيطرى لكنه متخصص فى الحجامه و رجل صالح

المهم بعد ما عملناها ياسين فضل دايخ من البنج طول اليوم مفيش اتزان عنده و مع ذلك عايز يقوم يلعب و ينط و اول ما يحاول يقف يروح واقع و برضه عايز يقوم تانى
قضينا اليوم كله انا و باباه ماسكينه عشان ميتعورش او يتخبط
بعد الحجامه باسبوع ظهرت التطورات
بسم الله ما شاء الله
اصبح تركيزه افضل بكثير
اصبح يستجيب لبعض الاوامر التى لم يتدرب عليها و نستخدمها فى البيت بكثره
و احسست انه بقى موجود فى البيت

شوفوا فى اللى جاى نتيجه الاستخاره فى باقى الموضوع
الحجامه التانيه
بدانا نفكر بلاش البنج
و صليت استخاره فى موضوع البنج ده
و اذ بدكتور التخدير و هو صديق زوجى الانتيم يسافر للخارج و يرشحلنا دكتور تانى
الدكتور التانى قال ان المركز اللى عملنا فيه الحجامه قفل و انه مستحيل يعمل تخدير فى البيت
قلنا الخيره فيما اختاره الله
و عملناها من غير بنج
جه الدكتور و هو نايم و عملهاله طبعا صحى على الالم لقى باباه و عمه مكتفينه و نام من التعب فى نص الحجامه

التطورات
بسم الله ما شاء الله
بقى اجتماعى و لقيته فى مره خلانى فتحت الباب و طلع السلم لحد جدته قلتله خبط ع الباب راح مخبط و د خل و قعد فوق 3 ساعات و كل ما اطلع اجيبه ميرضاش ينزل
و بقى اغلب الايام يطلع عند جدته ينزل لعيال عمه لو حد جه يزورنا يبقى عايز يمشى معاه
و هو كان الاول يستحيل يقعد فى مكان انا مش موجوده فيه
بقى يسلم على الى يمد ايده
الحمد لله

الحجامه التالته
فى البيت
بعدها بقى ياسين الى ميعجبوش يروح قارصه او عضه فى الاول بعد كده الى ميعملوش الى عايزه يروح قارصه على طول
انا شيفاه تطور
بالاضافه لزياده تركيزه و انتباهه الحمد لله

بعدها صليت استخاره نكمل حجامه و لا نقف شهر و لا نقف 3 شهور
و قلت انا حكمل و ربنا يعمل ما فيه الخير
و لمده 3 شهور بعدها مع وجود النيه ان الحجامه تتعمل مينفعش نعملها
مره كنا مسافرين
مره ايام الانقلاب ما حصل
مره فى رمضان و الدكتور قال مش حينفع لانها تفطر الحاجم و المحجوم
و كده وقفنا 3 شهور

بعدها الحجامه الرابعه و دى متمتش فى الايام السنه الى هى 17 و 19 و 21
و محستش باى تطور بعدها

الحجامه الخامسه
بعدها جاله اسهال استمر اسبوع و لحد الان بيعمل 3 مرات فى اليوم
و مش قادره اقيم نتيجتها لان بعدها بقى عنده نشاط زايد جدا بالضافه للاسهال

بجد بنصح الكل بيها و ان شاء الله انا مستمره عليها لحد الشفاء التام ان شاء الله
دعواتكم

حكايه بدر بقى عشان منساش
بدر طفل جميل جدا اسم على مسمى وشه فعلا زى البدر
جاله توحد
فضل ياخد جلسات تنميه مهارات لمده سنتين و نص
مخدش تخاطب
مخدش ادويه
واظب على الحجامه
الرقيه الشرعيه مرتين يوميا
الصدقه
ماء زمزم
ماء قران
دعاء فى الثلث الاخير من اليل

النتيجه
بدر خف من التوحد
طفل طبيعى تمااااما
و مفيش اثر للتوحد عنده خاااالص
فى 6 ابتدائى فى الازهر
و حافظ تقريبا نصف القران
الاول على مدرسته
مش مؤدب و مرازى و مش بيسمع الكلام و مدوخ مامته

عقبال كل اطفالنا ياااارب اللهم امين

من المفارقات انى و انا حامل فى ياسين كان ابوه بيفكر فى اسم بدر الى جانب ياسين
و كان بيقولى اصلى اعرف ولد اسمه بدر و هو بدر
و كان بيحكيلى عنه كتير
و كان بيقول انا عايز ابنى يبقى شبه بدر
ربنا حققله امنيته ياسين جميييييل جداااا
و جاله توحد زى بدر
يارب يبقى زيه و يخف ان شاء الله

انتبهوا من امنياتكم

مستنيه تعليقاتكم و اسئلتكم و دعواتكم
استودعكم الله

[اتكالي على الله]

رد: تجربه ياسين مع الحجامه و حكايه بدر اللى ربنا شفاه

الحمد لله على تطورات ياسين ماشاء الله ولا قوة الا بالله الله يباركلك فيه واشكرك على اشراكنا بقصه بدر حفظه الله وحماه وجعله قره عين لابويه

فقط تعقيبا على الحجامه في رمضان فعلا هناك من يكره عملها نسبه لهذا الحديث ولا اعلم هل هو موثوق ام ضعيف لكن هذا فقط اثناء النهار ... فاثناء دورة الحجامه التي حضرتها كان اخر يوم وهو العملي هو اول يوم من ايام رمضان وفعلا حجمنا وتحجمنا بعد الافطار بحوالي ثلاث ساعات فلذلك يمكن ان تحتجمي في رمضان بعد الافطار

[التوحد دور برد]

رد: تجربه ياسين مع الحجامه و حكايه بدر اللى ربنا شفاه

فعلا اختى اتكالىعلى الله
هو حديث ضعيف
و لكن هذا صوم رمضان فاخذنا بالاحوط
و الدكتور عرض علينا يعملها لياسين بعد الافطار لكننا فضلنا تاجليها لانه حيكون اكل و اتحرك فممكن متحققش الفايده منها

[ام هتان]

رد: تجربه ياسين مع الحجامه و حكايه بدر اللى ربنا شفاه

ماشاء الله تبارك الله عقبال الشفاء التام
ان شاء الله اعملها لبنتي

[هنا حبوش]

رد: تجربه ياسين مع الحجامه و حكايه بدر اللى ربنا شفاه

ما شاء الله..ربنا يتمم شفاؤه ويهديك للطريق الصحيح دائماً

عندي استفسار
على أي أساس يتم تحديد عدد مرات الحجامة؟ يعني تلات مرات في اليوم مو شي صعب!!
عم بتخيل لو أنا كشخص بالغ عاقل راشد وفاهم ليه بعمل هيك، غالباً رح أملّ وأضوج منها، كيف قدرتي تسيطري على هالجانب
والأهم انتِ أكيدة انه معدل التكرار هاد صحيح؟؟
ومن ناحية تانية
مين بيقدر يوضح لي بالضبط شو الشي اللي بتتعمله الحجامة واللي بيعمل هالفرق؟ يعني ميكانيكية عملها لو بدنا نحاول نشرحها من ناحية علمية لأشخاص لا يؤمنوا أبداً بأي نوع طب بديل، واعتقد ان ابنتهم قد تستفيد من تجربة الحجامة...ممكن حد يشرح لي؟؟

وجزيتم خيراً

[التوحد دور برد]

رد: تجربه ياسين مع الحجامه و حكايه بدر اللى ربنا شفاه

ام هتان
نورتى
و شكراعلى ردك

[التوحد دور برد]

رد: تجربه ياسين مع الحجامه و حكايه بدر اللى ربنا شفاه

اختى ا هنا
الحجامه ليست ثلاث مرات يوميا
بل مره واحده شهريا فى المواضع التى ذكرتها
و الموضوع كله بياخد مش اكتر من ربع ساعه
و الالم بيكون اول ما الكاس يسحب الدم فقط
ابنى بدا يتعود عليها عن الاول الحمد لله
الحجامه بتخلص الجسم من الدم الفاسد
الدم بيكون فيه كرات دم مشوهه
و بتحفز الجسم على التخلص من السموم و بتنشط الجسم و تزود الانتباه و التركيز
فى موضوع مثبت فى القسم ده بيشرح عمل الحجامه بطريقه علميه

[اتكالي على الله]

رد: تجربه ياسين مع الحجامه و حكايه بدر اللى ربنا شفاه

عزيزتي هنا

لا اعتقد ان الاخت التوحد دور برد عملتها ثلاث مرات في اليوم يمكن تقصد ثلاث مواضع (علي اعادة قراءة الموضوع من جديد)

اما عدد مرات الحجامه ففي اول مرتين يقضل ان تكون متقاربه اي كل 15 يوم اما بعدها فمرة واحدة في الشهر وغالبا في منتصف الشهر العربي (17و19و21) وهي اكثر الاوقات المستحبه للحجامه

اما بالنسبه لاليه عمل الحجامه وغيرها من التفاصيل فباذن الله انوي عمل موضوع يشرح هذا الجانب فقط انتظر ان يتوفر لي الوقت

واشكر لك طرح هذه الاستفسارات الهامه

[هنا حبوش]

رد: تجربه ياسين مع الحجامه و حكايه بدر اللى ربنا شفاه

مشكورين على الرد أخواتي (التوحد دور برد) و (اتكالي على الله)
وفعلا انا قرأت خطأ، هي ذكرت ثلاث مرات في اليوم وتقصد فيها معدل اخراج الطفل
معلش العتب على التركيز يبدو صار لازمني شوية تدريبات ومكملات غذائية انا كمان

اخدت جولة سريعة في قسم الطب البديل وان شالله لابد ارجع ادقق في بعض المواضيع الملفتة للانتباه
واكيد سأنتظر موضوعك أم طه بشأن تفاصيل عمل الحجامة
جزيتن خيراً أخواتي

[صبري بالله]

رد: تجربه ياسين مع الحجامه و حكايه بدر اللى ربنا شفاه

ما شاء الله تبارك الله
الله يحفظه ويحميه ويقر عينك بشفاءه التام يا رب
أضحكتيني بخصوص الامنيات
انا مقتنع جدا بالحجامة , يكفي انها سنة مؤكدة عن رسولنا الكريم
ولكن لا اعرف حجام متخصص للأطفال
شكرا لك على مشاركتنا تجربتك

[التوحد دور برد]

رد: تجربه ياسين مع الحجامه و حكايه بدر اللى ربنا شفاه

اختى العزيزه اتكالى على الله
انا اعرف ان الايام المستحب فيها الحجامه ١٧، ١٩، ٢١
و لا بتكون الايام البيض كما ذكرتى

اختى استاذه هنا كلنا محتاجين شويه مكملات و الله دايما افكر اخد مع ياسين من الاوميجا الواحد مبقاش فيه دماغ خالص

اختى صيرى بالله
اشكرك على دعوتكالجميله سعدتنى
و اتمنى ان تخدى حجام متخصص يجريها لابنتك الغاليه
شفاه الله و اقر عينك بها

[اتكالي على الله]

رد: تجربه ياسين مع الحجامه و حكايه بدر اللى ربنا شفاه

فعلا معلوماتك صحيحه وانا اسفه انا اقصد منتصف الشهر العربي (17وو19و21) بسبب كون الاخلاط في الدم في قمه هيجانها في هذه الايام

بالغلط كتبت الايام البيض (يبدو انني احتاج حجامه للتنشيط)
اما افضل ايام الاسبوع فهي يوم الخميس ثم الاثنين ثم الثلاثاء ويكره عملها يوم الاربعاء (هناك تفسير ضعيف يقول بان الله سبحانه وتعالى ابتلى سيدنا ايوب بالمرض في هذا اليوم)

[التوحد دور برد]

رد: تجربه ياسين مع الحجامه و حكايه بدر اللى ربنا شفاه

و الله يا اختىكلنا حتاجين شويه مكملات على حجامه على حبه اكسجين عشان نصحصح و ننعنش شويه

بصراحه موضوع افضل الايام مش بلتزم بيه لانى بعملها يوم الجمعه او السبت عشان اجازه من الحضانه بس مبعملهاش فى الايام المكروهه
اعتقد مفيش مشكله فى اليومين دول. مش كده

افكر هذه المره اننا نغير الاماكن اللى بنعمل فيها دايما بما ان اخر مرتين محستش بنتيجه قويه
بفكر فى الراس مثل ما نصحتينى قبل كده بس فى اى مكان من الراس بالظبط
و هل ينفع بدون حلاقه الشعر
و ايضا موضع اعلى العمود الفقرى

و هل صحيح ان نزول الدم متكتل او متخثر او اسود اللون دليل على شده فساده لان اخر مرتين كان الدم كذلك فى منطقه تحت الذقن

و شكرا جزيلالكى اختى و منى ان ارى موضوعك عن الحجامه قريبا

[مسك]

رد: تجربه ياسين مع الحجامه و حكايه بدر اللى ربنا شفاه

ماشالله مبروك على التطورات
حبيت اذكر ان اخصائي علاوي التخاطب نصحني بالحجامه
وعطاني رقم دكتوره سيده لما اتصلت فيها قالت احلقي صفر وتعالي
قلت لا دكتوره اول شوفيه قالت لا احلقي وتعالي اشوف شنو
بعدين قلت اجرب على نفسي بس جسمس مو راسي
سبحان الله طلع من ظهري بلاوي اقول شنو هذا كبدتي طلعت من ظهري
لكني يوم كامل مااتحرك ومااقدر اتكلم كان طوفه طاحت على راسي وكلوني تمر يالله صحيت
خفت من هذا الشعور يجربه علي
وخصوصا ان علاوي ما ياكل شي لا يحب ان يجرب اي طعام
فقلت هو اصلا مافيه دم عشان يصير فاسد


ام ياسيبن زوجك تمنى ولد نفس بدر التوحدي
ولا مجرد تشابهه اسماء
والله فعلا لازم ننتبه لامانينا
ربي ارزقني واعضاء المنتدى شفا عاجل لعيانا حياه سعيده هنيه

[ام اسلام]

رد: تجربه ياسين مع الحجامه و حكايه بدر اللى ربنا شفاه

ماشاء الله الله يحفظ ياسين.
اتذكر ان اول مشاركه لي بالمنتدى قبل 4 سنوات تقريبا تكلمت فيها عن التحسنات التى وجدتها مع الحجامة,وقتها استغرب الاعضاء من الموضووع.
الحجامة فيها خير كبير,من المحزن ان نحرم اطفالنا منه.
اشد على يدك بقووة ان تستمري عليها وان تتعلميها,فهي رائعه لكل افراد البيت,ماشاء الله.
بالنسبة للاماني,اتذكر ان وقت حملي بتوتو كنت احضر برنامج عن عبقرية اينشاتين,وقتها دعووت من اعماق قلبي ان يكووون ابني بمثل شخصيته,وبقيت اكرر دعائي,وللاسف اكتشفت ان طفولته كانت محزنه ولم ينطق الا على عمر التاسعه,وطرد من المدرسة وكان يلقب حمار المدرسة!!!

اختي مسك اتمني ان تجريه الحجامة لابنك,ستجدي عليها خير كثير ,انسي مخاوووفك