ابنى و التخاطب ارجو المساعده من ا هنا حبوش

[التوحد دور برد]

بدا ياسين جلسات التدريب بتنميه المهارات و بعد ان تعلم اجزاء الجسم و بعض الاشياء و الاوامر بدا التخاطب
كانت الجلسه بطريقه الاغلاق السمعى
اغنيه قصيره تنتهى بنفس الصوت و المطلوب انه يقول الصوت ده
ساعات يقول و ساعات لا
حسيت الاخصائيه انفعاليه و عصبيه و بعد شهر رحت لاخصائيه تانيه كتقييم
قالت الطريقه غلط و نشتغل معاه بطريقه التليد الحسى بمعنى انه يحس بمخرج الصوت عشان يقوله و اوصت باخصائيه تانيه
اشتغلنا معاها من شهر 5 مع بعض الاجازات فى مجموعها شهر تقريبا
الاول مكانش فى نتيجه و بعدين بقت تضغط على مخرج الصوت عشان يطلع غصب عنه
بقى يول حاجات بسيطه جدا جدا مع الالحاح و التكرار لكن من نفسه لا
فى طريقه تانيه حسيت انها جابت مع ياسين اشتغلنا بيها فتره قصيره جدا اثناء فتره التكامل السمعى
بدون ما يطلب من الطف انه يقول
مثلا تفاحه يقعد الاخصائى يقول و يكرر تفاحه حلوه تفاحه حمر مدوره قطعها ناكلها و يكرر تفاحه كتير
و معتمده على الكلمه مش الصوت الواحد
الاخصائيه طلبت منى اجرب لابنى حد تانى معاها يمكن يجيب معاه
رحنا لاخصائيه تانيه بتشتغل بالطريقه الاخيره دى و حسيت انه متجاوب معاها صحيح مش بيقول اللى بتطلبه بس كل جلسه بيقول حاجه بدون ضغط
لكن طبعا اللى بيقوله مش بيكرره تانى و دى المشكله
و عندىىىىىىى جدا يعنى بيبقى عارف و مش عايز يقول
ساعات بيحرك بقه فى وضع الكلمه و يقولها على الصامت بدون صوت
فانا كنت عايزه اعرف اى طريقه تكون افضل فى الشغل معاه
و هل لو اشتغلنا مع الاستاذتين مع بعض فيها مشكله و لا غلط
هل فى حاجه اقدر اقدمهاله فى موضوع التخاطب و لا كده احنا ماشين صح
و جزاكى الله خير

[هنا حبوش]

رد: ابنى و التخاطب ارجو المساعده من ا هنا حبوش

بصراحة الاساليب المعتمدة غريبة عجيبة...ولا تتناسب مع طفل توحدي او حتى تأخر لغوي عام.

بس معلش علشان ما أظلم حدا ممكن بس تقوليلي كم عمر ابنك بالضبط (بالسنة والشهر)
و من امتى عم بياخد جلسات التخاطب؟
كيف وضع لغته الاستيعابية؟ يعني لأي درجة بيفهم الكلام بدون إشارة مساعدة؟ بيفهم مستوى كلمة ؟ جملة؟ أسئلة؟ أوامر؟

-------------------------------------------------------------
الأصل مع اطفال التأخر اللغوي أن لا نطلب منه أن ينطق لا كلمة ولا صوت
(إلا في حالات التأخر اللغوي التعبيري فقط)
وإنما نثري لغته الاستيعابية و هو تلقائياً بعد فترة معينة وعند وصوله لمستوى استيعابي معين سيبدأ بالتقليد ومن ثم التكرار والاستخدام
-------------------------------------------------------

حتى لا أستبق الأمور أكثر أرجو أن تجيبي عن اسئلتي ثم اساعدك من حيث الطريقة الأنسب

بالتوفيق

[التوحد دور برد]

رد: ابنى و التخاطب ارجو المساعده من ا هنا حبوش

اختى العزيزه
شكرا على سرعه الرد

بصراحة الاساليب المعتمدة غريبة عجيبة...ولا تتناسب مع طفل توحدي او حتى تأخر لغوي عام.

بس معلش علشان ما أظلم حدا ممكن بس تقوليلي كم عمر ابنك بالضبط (بالسنة والشهر)
3 سنوات و 8 شهور و 10 ايام

و من امتى عم بياخد جلسات التخاطب؟
الجلسات الاولى مع اول اخصائيه منذ عام تقريبا لمده شهر توقف بعدها شهران تقريبا و بدا من اول شهر 5 اللى فات مع استاذته الحاليه الى الان 3 جلسات فى الاسبوع و احيانا تكون جلستين فقط
و الاستاذه الاخيره بقالنا اقل من شهر حوالى 6 جلسات و هى الى طريقتها انها مش بتطلب منه الكلام
كيف وضع لغته الاستيعابية؟ يعني لأي درجة بيفهم الكلام بدون إشارة مساعدة؟ بيفهم مستوى كلمة ؟ جملة؟ أسئلة؟ أوامر؟
بدايه هو خلص لوفاس المبدئى و شغال بورتاج مع لوفاس متوسط
و هو بيفهم اغلب الكلام اللى بقوله
ممكن اقول بيفهم جمل و بعض الاسئله اللى اتدرب عليها فين ياسين فين ماما بابا فين بق عين ايد و الاوامر بيفهمها لكن مش بينفذ اغلبها
لكن استاذه المهارات رايها انه فاهم كل حاجه بتقول عليه سوسه

-------------------------------------------------------------
الأصل مع اطفال التأخر اللغوي أن لا نطلب منه أن ينطق لا كلمة ولا صوت
(إلا في حالات التأخر اللغوي التعبيري فقط)
وإنما نثري لغته الاستيعابية و هو تلقائياً بعد فترة معينة وعند وصوله لمستوى استيعابي معين سيبدأ بالتقليد ومن ثم التكرار والاستخدام
-------------------------------------------------------
هل قصد حضرتك على الطريقه اللى بتشتغل بيها الاخصائيه الاخيره
انا وديته لدكتور احمد الصباغ لو حضرتك تسمعى عنه و قالنا نفس كلام حضرتك ده بس للاسف انا مكنتش اعرف حد شغال بالطريقه دى
حتى لا أستبق الأمور أكثر أرجو أن تجيبي عن اسئلتي ثم اساعدك من حيث الطريقة الأنسب

بالتوفيق

جزاكى الله خيرا

[هنا حبوش]

رد: ابنى و التخاطب ارجو المساعده من ا هنا حبوش

مبدئياً لا أشجع أبداً التعامل مع اكثر من اختصاصي لنفس المجال في نفس الوقت
ذلك سيسبب ارباك للاختصاصي والطفل والاهل حتى لو اختلف الاسلوب

ثانياً..عزيزتي قد يختلف الأسلوب الذي أقدم في المعلومة او الهدف للطفل لكن الرابط الأساسي هو التدرج في الاكتساب اللغوي بحسب المنظومة الطبيعية للاكتساب

المنظومة الطبيعية للاكتساب اللغوي هي (لغة استيعابية ) ثم (لغة تعبيرية) ثم (استخدام) ثم (نطق)

يعني خطأ إني مثلا استهدف توضيح نطق الكلمات إذا كان هو ما بيستخدمها تلقائياً أصلا
وخطأ إني أطلب منه يحكي كلمة وهو لسا مو مخزنها ضمن حصيلته اللغوية

بناء على ذلك

الطريقة الأصح لتقويم اللغة عند ياسين هي أن استهداف اللغة الاستيعابية

نبدأ فيها بالتدرج أيضاً
بمستوى كلمات مفردة
مثلا: باستخدام صور مفردة لأشياء مناسبة لعمره و وضعه وبيئته
ثم نطلبها منه ونحن بجواره كحد أقصى بكلمتين (هات تفاحة) وان كان صعباً عليه نطلبها بكلمه (تفاحة) فقط مع إشارة باليد بمعنى اعطيني
يفترض ان نكرر هذا التدريب مع ما لا يقل عن 60 كلمة (ليس في جلسة واحد) وان استجاب لها كلها نبدأ للانتقال للمرحلة التالية وهي أن نطلب عن بُعد ونزيد تعقيد الأمور(اعطيني سيارة و تفاح) (حط البطة على الكرسي)
ونبدأ بزيادة طول الجملة باستخدام (الربط بين كلمتين بحرف العطف و) (تكوين جملة من فعل وفاعل) (الصفات الأساسية) (ظروف المكان)

تلقائياً كلما ارتفعنا في المستوى اللغوي الاستيعابي وطبقنا التدريبات في المنزل وعممناها في الحياة اليومية بشكل تلقائي ولم نحصرها ضمن تدريبات العيادة، سيصل هو بنفسه لمرحلة يستخدم فيه ابعض الكلمات ولو بشكل غير واضح دائماً.

خصوصا أنه أتم لوفاس الأول وهو الان في المرحلة الثانية أي أن سلوكه وانتباهه مناسبين ليعمم ويقلد
----------------------------------------

لا أنصح أبداً باستهداف نطق او تسميته للكلمات بشكل مباشر في هذه المرحلة، فذلك يشعره بصعوبة المطلوب منه، لكن عندما تؤخذ الأمور بالتدريج سيكون الأمر أسهل بالتأكيد.

--------------------------
وضحت الصورة.؟
ان لم تكن الاجابة كافية أعلميني فقط ^_^
بالتوفيق

[وفوي]

رد: ابنى و التخاطب ارجو المساعده من ا هنا حبوش

عزيزتي هند حبوش
انه من الفخر لي ان استنير بارائك المفيده
لاحرمك الاجر

[التوحد دور برد]

رد: ابنى و التخاطب ارجو المساعده من ا هنا حبوش

عزيزتى استاذه هنا
جزاكى الله كل الخير
ما شاء الله عليكى
ياسين الحمد لله بعد ان كان لغته الاستقباليه مفييييش خالص
بفضل الله ثم جلسات المهارات بقى بيفهم اغلب الكلام
يعنى لغته الاستقباليه فيها اكثر من 60 كلمه بكثير الحمد لله
المجموعات الضمنيه فواكه خضار حيوانات طيور مواصلات اجزاء الجسم حوالى 50 و اجزاء البيئه المحيطه حوالى 30 بالاضافه الى الافعال تقريبا 20
بالاضافه الى ما يكتسبه فى البيئه بنفسه
ما شاء الله عليه هو ذكى
فهل قصد حضرتك باللغه الاستيعابيه و تنميتها اولا هو ما وصل ياسين له
فاذا كان كذلك هل من الخطا ايضا ان نعلمه نطق الكلمات او حتى الاصوات
بقى ان اذكر
كنت بعمل لياسين تدريبات ظلام بعدها زادت الاصوات اللى بيطلعها بدون هدف و غير موظفه ثم توقفت
طلعت تانى بعد سبيك و بعد ما وقفته وقفت الاصوات
ثم بعد التكامل السمعى بشهرين رجعت الاصوات تانى و الحمد لله موقفتش لاننا بنحاول نوظفها فى جلسات التخاطب
شكرا ليكى جدا اختى الكريمه