أكلة الشيشبرك بالصور

[فارس عمر]

شيشبرك بالصور ..............

اليوم يا هوانم المنتدى . جايبلكن أكلة شيشبرك بتاكلو أصابعكن وراها أنا شخصيا بحبها منشوف الطريقة والمقادير


الكمية لأربـع أشخاص

المقادير :
- نص كيلو لحمة مفرومة
- بصلتين كبار
- كباية صغيرة صنوبر

- للعجينة:3 كبايات طحين-ربع كوب ماء-رشة ملح

- لبن زبادي كيلو ونص
- باقة كزبرة خضرا
- فصوص ثوم مدقوق

:: طريقــة التحضيــر ::

اولا: نعجن العجينة ونريحها نص ساعة بعدين نمدها ونقطعها لدواير صغيرة ..

ثم نقلي اللحمة بالسمنة مع البصل المفروم ناعم
وونتركها تبرد

..ونحشي الدوائر باللحمة ونطبقها وتضعها على جنب لحتى ما يخلصو الدواير كلهم واللحمة كمان

نضعهم في صينية في الفرن ونحمرهم شوية يعني 10 دقايق ..

نحط اللبن العربي على النار ونتركه يغلي مع التحريك المستمر ونحط شوية شوية العجينات الي عملناهم ونتركهم يغلو على نار هادية مع اللبن ..
ثم نعمل تتبيلة الثوم والكزبرة..ندق الثوم ونفرم الكزبرة الخضرة اذا وجدت ونقليهم مع معلقتين سمنة..لغاية ما يتحمروعلى جنب نقلي صنوبر..
بعد تقريباً نص ساعة نطفي تحت اللبن ونسكبه في صحن غميق ونقليه بالكزبرة والسمنة والثوم والصنوبر ..

صحة والهنا .......... كلو وادعولي..........​

 

[أم دانيال]

رد: أكلة الشيشبرك بالصور

شكرا أخي فارس عمر
سلمت يداك.
ولكن ناقصها مجدرة الارز الى جانبها.
وعلى فكرة الشيش برك بدون تحمير بالفرن تطلع اطيب (هذا رأيي فقط)
"كُل على ذوقك".

 

[فارس عمر]

رد: أكلة الشيشبرك بالصور

شكراً لكِ أختنا الفاضلة : ام دانيال
أنا بعترفلك إنك فعلاً مبتكرة بالأكلات المشهورة بالمنطقة . وبتعرفي فعلاً أصول كل أكلة .
ولليوم منذكرك بالخير أنا والست بقصة شوربة البطاطا , صرنا تقريباً يومياً نساويها
بس بتم أختي ام دانيال فيه فروق بسيطة بكل أكلة بتختلف حتى بين مدينة وتانية عنا في سوريا .
يعني نفس هاي الأكلة . بتشوفي في فرق ببعض مراحلها بين أهل الشام وأهل حمص وأهل حلب .
واقتراح حضرتك بعدم تحمير الشيشبرك نحن بالبيت فعلاً ما منحمرها . بس أنا ناقلها من أيام طبخ والدتي الله يرحمها , مع إنه أصل والدها من حلبا بعكار .
شكراً لمرورك وتعقيبك .
المهم لنشوف بيجربوها الهوانم بالمنتدى ؟؟؟؟

 

[ندى الورد]

رد: أكلة الشيشبرك بالصور

اكله رائعه يافارس

تسلم ايدك

 

[المحبة لدينها]

رد: أكلة الشيشبرك بالصور

شكلها لذيذ
جوعتني أخي . . و أنا عاملة رجيم :7:
الله يصبرنا

 

[بسبوسه]

رد: أكلة الشيشبرك بالصور

مره جميله ولذيذه بس يبغالها وقت

 

[فارس عمر]

رد: أكلة الشيشبرك بالصور

ندى الورد : الشكر الجزيل لكِ

المحبة لدينها : هذه الأكلة لا تصلح لمن يعمل ريجيم أختي الكريمة .
لكنها شهية جداً . حاولي أن تجربيها وكلي منها مرة واحدة وبكميات قليلة . ولا تحرمي نفسك منها .
شكراً لكِ

 

[عين حالمة]

رد: أكلة الشيشبرك بالصور

تسلم يديك اخي فارس على الطبخة

 

[بنت فلسطين 6]

رد: أكلة الشيشبرك بالصور

ما بتنفع للرجيـــــــــــــــم

انا بحب الشيش برااااااك

النا الله لازم نصبر بس على فكره احنا بنحب نحمره

قبل وضعه على اللبن

شهيتنا اخي فارس

 

[فارس عمر]

رد: أكلة الشيشبرك بالصور

بسبوسة : يبدو عليكي ما بتحبي تطبخي . صح؟

عين حالمة : ويسلم أيديكي أنتِ كمان .. إن حاولتي تجربي وتطبخيها ... بس ما تكوني متل بسبوسة . وتقولي : يبغالها وقت ؟؟؟؟ من شان ما تعذبي حالك وتشتغلي فيها ؟؟؟
بنت فلسطين : أنا محلك .. بساويها وباكل منها , ولا بسأل على الرجيم ... بعمروا الأكل الطيب ما موت حدا ...