لقاء متجدد مع يومياتى

[ام ميسرة]

اولا السلام عليكم ع احلى منتدى

مش عارفة ليه واذ فجاة يعنى حسيت انى بحبكم جداااااااااااااا جداااااااااااااااااااا

وعلشان كده قلت لازم تشاركونى يومياتى

لالالالالالالالالالالالالالالالالالا

مش عاوزة حد يفهمنى غلط ويقول ده عقاب يومياتى مش سيئة للغاية يعنى هى نص نص

احنا هنخلى الموضوع ده يوميات لكل الاعضاء كل عضو فينا حابب نشاركه يوم من يومياته

يدخل يشارك معانا

يارب الفكرة تعجبكم ​

وتسمحولى ابدا انا واحكيلكم عن يوم من يومياتى حصل فى رمضان اللى فات

من عاداتى الرمضانية انى اصحى لوقت الفجر اصلى وانام بس اليوم ده اتاخرت بالنوم
والغريب ان ماما مصحتنيش وده وحده يدعو للقلق

لان احنا كده بقينا امام احتمالين الاول وده المعتاد انها هتنفعل عليا وتقولى ملخبطة يومك ليه
ربنا خلق النهار للعمل والليل للنوم ليه بتغيرى فى طبيعة الكون
خليكى زى باقى الناس ع فطرة ربنا
وانا كالعادة هقعد اتجادل معاها وبعدين اخاف تخاصمنى فهنهى الليلة واقولها معاكى حق يا مامتى يا حبيبتى سورى
وكفى الله المؤمنين شر القتال.
اما بقى عن الاحتمال التانى وده ميقلش صعوبة عن الاول وهى انها تكون ناوية تطلب طلب
وبما انى انا صاحية متاخر وفى موقف ضعيف لازم هوافق ع راى عمنا عمرو دياب ملهاش حل تانى
لاء وخاصة اننا فى رمضان و لو لاقدر الله خاصمتنى يبقى صيامى ضاع
المهم بقى طلعنا ادام الاحتمال التانى وماما قالتلى بنتى حبيبتى عاوزة اطلب منك طلب
قلت ربنا يستر وعطتنى الصدمة وقالتلى انزلى اشترى لحمة
وانا بعيد عن السامعين بقرف جدا من الدم ومقاطعة للحمة ومحلات الجزارة
المهم قلت لاء تعالى ع نفسك عشان مامتك وربنا ميزعلش منك انك زعلتيها
المهم قلتلها هى لى حق الاختيار فى رفض لقيتها ابتدت تاخد وضع الهجوم
قلت وع ايه المهم بقى زبط نفسى وشديت الرحال ع الجزار وانا بتقطع
ودخلت محل الجزارة وقلتله ماما عاوزة ايه ووقفت ع عتبة المحل برة وانا متوجسة خيفة
والتهيات شغالة وانا بتخيل البقرة الغلبانة اللى بيتاكل لحمها ومتاثرة جدا وببص للجزار ع انه سفاح
لاء ومش كده وبس لاء انا قعدت اتخيل لو مراته فى يوم ضايقته وهو ماهر كده فى ماسكة السكين
المهم واثناء تخاريفى وخيالاتى لقيت واحدة داخلة وشايلة ابنها دخلت من عتبة الباب اللى انا فيه قلت هتدخل تطلب
مش لقيتها اتكلمت وطلعت من الباب التانى قلت لااله الا الله الناس مهيسة من الصيام
اه بالحق نسيت اقولكم ان الجزار عنده بابين المهم لقيت الست تيجى من عند الباب اللى انا عنده وتطلع من الباب التانى
لاء واللى يغيظ بقى الناس الجزارين اللى فى المحل عادى خالص
وانا الوحيدة المزبهلة وواقفة فاتحة بؤى براقبها ابص للى ع الكاشير
مستنية يعمل اى منظر ماسك التليفون وبيتكلم عادى
والست مستمريه فى اللف ووشها احمر وتبصلى وتضحك وشايلة ابنها وانا مبرقة
فضلت ع كده 7 مرات وانا اقول لا اله الا الله
وبعدين جت للجزار اللى بيقطعلى اللحمة وقالتله تسمح سكينتك وتتفضل
هنا بقى دمى هرب قلت اشطة ديه مجنونة رسمى عاوزاه يقتلها
المهم العجيب بقى ان الجزار فعلا قرب منها ورفع سكينته هنا بقى صوتى طلع
قلت ايه فى ايه ووشى احمر وكالعادة لما بتحرج بعيط وهبدا انفعل لقيت اللى ع كاشير قالى اهدى متخافيش
ولقيته مسك السكينة وبدل ما يخلص ع الست وهى ان جيتم للحق بعد ما نشفت دمى تستحق يقتلها
لقيته جه عند البيبى الصغيور ابنها ومسك السكينة وجه عند دقنه وسحب السكينة عليه
وهى تقوله حاسب تقتلهولى كل ده وانا مفزوعة وبعدين شكرت اللى فى المحل ولسه هتطلع
قولتلها والله ما يحصل انتى بقى كده تفهمينى ليه لفيتى 7 مرات وعملتى كده فى ابنك
لقيتها وشها احمر وكانت خلجانة جدا وقالتلى ان والدتها قالتلها لازم تعمل كده
علشان الولد الصغير بيتشنج ع طول لان وهو لسه مولود دخلوا عليه بلحمة مش مستوية واثناء ماهى واقفة بتحكيلى لقيت صاحب المحل جه وبيقولها شوفتك وانتى بتلفى ايه ابنك بيتشنج؟؟؟؟؟؟؟
قلت ايه ده بقى ديه حاجة معروفة وانا اللى كيس جوافة
المهم اخدت الحاجة ومشيت والست مشيت وطلعت اجرى لماما اسالها طلعت متعرفش حاجة عن الموضوع ده
تقريبا اجدادنا مشوا ومعاهم اسرار كتير يعنى جدتى لو عايشة كانت زبطتنى
بس برضه احب اعترف انى استمتعت جدا بالقصة هى اكيد خرافة وشعوذة بس تحس انك فى عالم تانى
وناس معاك وعايشة بشكل تانى وقلت الحمد لله انى نزلت اجيب لماما اللحمة لولا انى صحيت متاخر مكونتش شفت الشو الجميل ده
وعسى ان تكرهوا شيئا وهو خيرا لكم
شكرا يا اصدقائى ع حسن استماعكم مع قصة تانية غريبة عجيبة من يومياتى الى اللقاء​

 

[عاشقة الصوت]

جمييييييييييييل
والله صحيح كلامك لا تكرهو شي لعلو خير
يالله في انتظار من يومياتك جميل

الله ينور عليك
تحياتي
عاشقة

 

[ام ميسرة]

حبيبتى عاشقة نورتى الموضوع

وفى انتظار يوم من يومياتك نتشارك معامى فيه

شكرا حبيبتى ع مرورك وتعليقك تسلمى

 

[تناهيد]

شكرا لك اختي الكريمه على مشاركتك لنا يومياتك
ينقل لقسم مدونات الاعضاء لانه قسم خاص كل عضو يطرح فيه يومياته

 

[الدانه]

الله ينور عليك اختي ام ميسره وبانتظار جديدك

 

[ام ميسرة]

شكرا لك اختي الكريمه على مشاركتك لنا يومياتك
ينقل لقسم مدونات الاعضاء لانه قسم خاص كل عضو يطرح فيه يومياته

شكرا اخى تناهيد واسفة ع هذا الخطا معلش

 

[ام ميسرة]

الدانة حبيبتى تسلمى ومنورة اليوميات

 

[ام ميسرة]

السلام عليكم ورحمة الله وبركاته

امبارح كان عندى محاضرات لاء انا مش لسه طالبة فى جامعة انا عديت المرحلة ديه من زمان بس لسه بكمل دراسات وكانت اول محاضرة وكنا بنتكلم فيها عن فشل التعليم وتخبطه فى مصر ولقيت المحاضر اللى دخلنا داخلة غير عاطفية اكنه داخل لاطفال فى روضة بيقول فاشل فشلة قلت هو ده اللى كان ناقصنى علشان يومى يكمل مخبيش عليكم انا اليومين دول الوانى غميقة اوى ومش تمام .
واول حاجة اتكلم فيها وعن فشلها اسلوب التعليم وهو تعليم بالافا :-
مصر والتعليم بالآفا ايوه صح الافا اقصد الافا طول عمرنا فى مراحلنا التعليمية المختلفة بندرس بالطريقة ديه عينيك فى افا اللى اداك عمرك ما تشوف وشه لاء وايه وانت وحظك بقى هل اللى ادامك ده شعره ايه نظامه وايه طبيعة افاه .
والراجل الحقيقة معاه حق كلنا درسنا كده وانا شايفة زيه بالضبط ان ده نظام فاشل بس يعنى هو جت ع ديه ما تعليم فى مصر كله اساسا فاشل كل وزير جديد بيجى وفى دماغه رؤية وخطة معينة عمر ما جه مسئول وفكر يكمل ع اهداف المسئول اللى قبله كله ماشى بدماغه واولادنا يا عينى هما المتبهدلين العيال بقت دماغهم خربانة خالص .
المهم دكتورنا العظيم ده قعد يشتم فى تعليم بالافا ومخبيش عليكم كان كل ما يقول كلمة افا كنت افتكر محمود عبد العزيز واغنيته اه يا افا اه يا افا اه يا افا وكنت ماسكة نفسى بالعافية كنت هفتح فى الضحك لولا ستر ربنا وخاصة انه شكله راجل شرير وقلت شكلى هزاول مهامى بتاعة كل مرة فى انى اطرد خارج المحاضرة.
المهم الراجل خنقنى بالافا وهو اساسا مقعدنا نفس القاعدة عينيك فى افا اللى ادامك وكان ادامى الصراحة شوية افافات غير عاطفية بالمرة فانسحبت من لسانى كالعادة وقولتله يا ريس ما حضرتك ما قعدنا نفس القاعدة ع الرغم ان عددنا صغير ونقدر نعمل دايرة زى باقى دول رد الريس عليا وقالى مفيش عندك اى حس ذكائى البيه بيهزانى قولتله ليه يا ريس نقدر فى منت نقعد كده قالى يا استاذة انتى مصرية وكل اللى هنا مصريين ازاى ينفع هنا يستحيل تطبيق اى حاجة سكت كده وقولتله طيب مادام حضرتك شايف كده ايه لزمة نتكلم فى الموضوع ده اذا كان مفيش امل من الاصلاح ومحدش ناوى يبادر بحاجة لقيته بصلى بقرف وقالى خلى املك فى ربنا كبير قولتله ونعمة بالله وقعدت .
مفيش ثانية ولقيته دخل ع موضوع المدارس الحكومية والخاصة وقال كان ومان فخر نبقى من مدارس حكومية دلوقتى قمة الذل وقعد يتكلم ان المفروض ان التعليم الحكومى يتلغى (المجانى) وكله يدفع فلوس علشان يعلم وكان مضايق جدا انه ازاى يساوى بين طالب بيدفع 100 جنيه وطالب بيدفع 20000 جنيه راحت واحدة قامت قالتله يا ريس لو سمحت واخدين بالكم كلنا بنقوله نفس الكلمة محدش راضى يقوله يا دكتور وقالتله انت مع اى نظام يعنى هما ولاد الفقرا ملهمش حق فى التعليم راح قايلها لاء ازاى وممكن كنتى تصبرى لما اخلص كلامى انتم مجموعة غير متحضرة ولا يوجد لديكم اى ذكاء بالمرة هو قال كده وانا مقدرتش امسك نفسى فضحكت قولتلها اقعدى اقعدى عدى الليلة ع خير محدش يضايقه.
ومفيش منت ولقيت نفسى ادام اتفاقية الجات والدول الراسمالية والسوق الاوروبى والحوارات الفاشلة ديه وهو قاعد الراجل يدينا من كل فيلم اغنية ومعظمنا كان قاعد اساسا فى ماية البطيخ وبعد ما طلع قعدنا انا واصدقائى نسيت اقولكم انى اتعرفت ع اصدقاء كتير مش اوى بس اهم ظراف يعنى وواحد منهم قال طيب مادام الاتفاقية زفت كده ليه نوقع بقى كل واحد بكلمته وانا ملتزمة الصمت ميعرفوش ان لو مكوناش وقعنا كانت المنح والقروض اللى بناخدها من دول الحيتان ديه قطعوها علينا وكنت هنبقى منزويين وع راى الدكتور كنا هنبقى كده زى العراق والريس بتاعنا يبقى صدام رقم 2 وبعد ما كان صدام حامى الجهة الشرقية اصبح الجبار المفترى العنصرى الغوغائى .
الناس مشكلتها انها بتفرق بين الاقتصاد والسياسة ميعرفوش ان ال2 وجهان لعملة واحدة كان نفسى هنا فى مصر يدرسوا لطلبة التجربة الماليزية والنمور الاسيوية ماليزيا ع فكرة اقل مننا واهيه تعليم عندها بقى اعلى مننا عارفين ليه لانها مشت ع خطة كل مسئول بيجى يكمل ع اللى بداه اللى قبله مش اردم واعمل من اول وجديد.
ع رغم انى مكنتش طايقة الريس (الدكتور المحاضر) ع رغم ان راجل ده قال كلام استفدت منه جدا وخاصة لما لفت انتباهنا عن المنهج الخفى والمنهج الكتابى الواضح المنهج الخفى اللى تستشف منه اتجاهات وميول اللى ادامك زى ما عرفت وحسيت منه انه ناصرى ورافض كل عصر الانفتاح للرئيس السادات غير انه مناهض للفكر الاشتراكى وبيكره الراسمالية اللى زى ما هو قال نظام فاشل وطبعا معجب بالاتحاد السوفيتى انا طول المحاضرة كنت شاكة انه شيوعى بس فعلا عجبنى جدا لما لقيته اتكلم عن محمد على والنهضة اللى عملها عام 1840 نهضة التعليم الشامل والقناطر الخيرية اللى بناها والجسور واللى احنا معملناش حاجة وراها غير سد واحد هو السد العالى وواقفين محلك سر ولى دلوقتى كمان فيه خطر عليه بسبب الطمى اللى موجود وراه والارض بتاعتنا اللى بقت فقيرة جدا ولا تتمتع بالخصوبة هيجرى ايه يعنى لو جبنا الطمى ده وبعيناه للفلاحين منها دوله هتحط فى جيوبها ومنها الارض هتبقى خصبة وزراعة افضل ولا انا غلطانة.
اخر حاجة انهى بيها واللى ع طول شىء ده تاعب نفسيتى جدا ان احنا دولة معاها فلوس وموارد احنا دولة غنية والله بس مشكلتنا ان فلوسنا مش فى ايدينا (الدولة) فلوسنا فى ايد الافراد والخصخصة والاحتكار هما اساس البلد
انا حابة اختم بمقولة عاوزاكم كلكم تاخدوا بالكم منها وتنفذوها استمتع بما هو سىء لان القادم اسوأ


الى لقاء فى يوميات جديدة

الله معكم مش عارفة ازاى قادرين تصبروا عليا

جزاكم الله خير​

 

[ألم الأمل]

أم ميسرة
شكراً لكِ على أطلاعنا على يومياتك
أو بالأحرى المواقف التي تعيشينها

أتمنى لكِ التوفيق وحياة سعيدة
إن شـاء الله

 

[ام ميسرة]

تسلم اخى الم الامل ع مرورك وتعليقك

جزاك الله خيرا

 

[ام ميسرة]

انا وطاسة الخضة

فى يوم جميل كده لقيت جرس تليفون بيرن طلعت صديقتى بس صوتها كان متغير منزعجة سالتها عن السبب قالتلى متعرفيش ازاى نعمل طاسة الخضة قولتلها نعم قالتلى بلييز انا مش بهزر انتى اللى ممكن تفيدنى(ع اساس انا المشعوذة اللى فيهم يعنى) المهم قولتلها صدقينى معرفش وبدات اسال وادور عن طاسة الخضة ناس قالوا ديه طاسة نحاس لها شكل معين بنحط فيها اى نبات منبت وننقعه فى المياه ويشربه المخضوض وفريق تانى قال لاءة احنا بنجيب طاسة نحاس ونحط فيها بلح باللبن ونسيبه فى البلكونة لغاية لما ينزل عليه الندى والمخضوضة تشربه فضولى النسائى غلبنى قلت لاءة لازم نوصل لاصل الروايه واشمعنى طاسة الخضة وبالفعل توصلت هسيبكم دلوقتى مع طاسة الخضة
اللى انا مش معترفة اساسا بيها بس حبيت نتعرف ع اصل القصة
​

هي وعاء متعدد الاستخدامات، وتسمى أيضا في بعض البلدان طاسة الرجفة أو الخضة أو الخوفة أو الروعة.

أهم هدف لها هي التخلص من الرعبة التي قد تحدث للفرد من أي شيء أو شكل أو موقف يتعرض له في حياته. ومن الأعراض أو الأمراض التي نستعين بها بطاسة الرعبة، هو العقم، خصوصا إذا كانت المرأة قد حملت وولدت ثم توقفت عن الحمل. عندها يقولون فلانة مرعوبة حيث تسقى من الماء الذي نسكبه بها بعد الصلاة والبسملة على الماء.

طاسة الرعبة هي آنية نحاسية كتب على جدارها الداخلي كلمات وآيات قرآنية مثل آية الكرسي والمعوذات ورسم عليه بعض الزخارف وربما تتنقل طاسة الرعبة من بيت إلى آخر ويطلبها الجيران من بعضهم بعضا إذا تعرض احد أفراد الأسرة للخوف أو الرعبة من شيء ما حيث يرتد له الأمان بشرب الماء من هذه الطاسة.

تصنع طاسة الرعبة أحيانا من الفضة وغالبية الطاسات لها شكل الكؤوس مع ارتفاع دائري القاع وينقش عليها أحيانا رموز سحرية وإشارات لا يمكن تفسيرها إلى جانب بعض الحروف المتفرقة والأرقام والصور.

وكان الناس قبل أكثر من خمسين سنة يحضرونها من السعودية عند ذهابهم لأداء مناسك الحج أو العمرة حيث يعتبرونها من المقتنيات الثمينة التي من الصعب التفريط بها ولكن بنفس الوقت من السهل استعارتها لتهدئة طفل أو شاب.

توجد طقوس معينة يجب الأخذ بها حيث تملأ الآنية بالماء ويجب تنجيمه أي يوضع مقابل السماء ليلة كاملة وفي اليوم التالي يتناول الشخص المرعوب الماء من هذه الآنية ليذهب روعه.

بعض علماء الدين يقول إن طاسة الرعبة هي تقليد شعبي يقوم من خلاله الناس بوضع قليل من الماء في الطاسة ويبيت تحت النجم وفي اليوم التالي يسقى الشخص المرعوب منه وفي اعتقادهم بان ذلك يزيل عنه الخوف وهذا التقليد لا أساس له في الدين ويستعاض عنه بالرقية الشرعية بآيات من القرآن الكريم ويقولون إن أصل هذا التقليد بشرب الماء من إناء كتب على جدرانه الداخلية آيات من القرآن الكريم جاء وقت قل فيه من يجيد القراءة أو تلاوة القرآن الكريم فاستعاضوا عن ذلك وقتذاك بوضع الماء في طاسة الرعبة وسقي المريض منها .

أصبح وجود طاسة الرعبة قليلا لدرجة أننا لم نعد نسمع عن وجود مثلها إلا عند الطاعنات بالسن.

لقد استعملت في الماضي كثيرا وذلك قبل أن تدخل الكهرباء إلى البيوت وكانت الشوارع مظلمة والناس يتعرضون للخوف والرعب بسبب قصص وسواليف مثل الجان والغول والضباع وغيرها . وقد خافت الناس من الخروج في الليالي المظلمة وكانت الأولاد تخاف من النوم لوحدها. ففي السعودية يسقون المرعوب ماء زمزم من طاسة الرعبة .

أصل خرافة طاسة الخضة:

هناك أسطورة تحكي لنا عن أصل طاسة الرعبة العجيبة ، فلقد كان الجان الكبير الخير يستخدمها في الاستحمام ، ثم نسوها في يوم من الأيام بجوار ينبوع وتصادف أن وجدها رجل كان يمر بالمكان ، وفي وقت قصير اكتشف أهمية الطاسة فوضع منها نسخا كثيرة.

مع يوميات جديدة وقصص غريبة تانية​

​

​

​