أرجوكم يا أمهات ساعدونى أنا شكة إن بنتى عندها توحد

[أختكم فى الله]

السلام عليكم ورحمة الله وبركاته

أنا بنتى عندها سنة و5 شهورونص وهى طفلتى الأولى

هحاول أشرحلكم حالتها بإختصار بالإيجابيات والسلبيات

هى الحمد لله تواصلها البصرى معايا أنا وأبوها كويس جداااا يعنى لما بنكلمها وعينا فى عينيها مش بتهرب من عينيننا ولا حاجة وبتتفاعل معانا لما بنلاعبها ونضحكها وبتستجيب لبعض الأوامر البسيطة زى هاتى بوسة أو حضن أو إعملى باى
وتلعب معانا بالكورة يعنى أديهالها وتديهانى
ومش بتحب العزلة ولا الروتين بالعكس لما بغيرلها الروتين اليومى بتاعها بتكون فرحانة
ومش بترفض الأحضان ولا التقبيل بالعكس بتحبنا نحضنها ونبوسها
مش بتعمل أى عنف ضد نفسها ولا ضد الأخرين
كانت بتناغى لما كان عندها شهرين وقالت بابا وماما فى وقتها ودلوقتى مركزة على كلمة بابا أكتر وبتقول ماما قليل وبتتكلم كتير كلام مش مفهوم ومش موجه لحد

بس إللى قالقنى عليها
إنى لما بندهلها مش بترود عليا خالص ممكن ألفت نظرها بأى حاجة ممكن أغنيلها أو أعمل أى صوت تانى يلفت نظرها بتبصلى على طول بس لما أى حد يندهلها بتتجاهله خااااالص
وأوقات كتير بتقعد تحرك إيديها وتبصلها وممكن تعمل كدة وحد بيكلمها وتستمر فى كدة ومتبصلوش .. وكانت وهى عندها 6 شهور لما كانت تقعد ووراها مسند كانت تخبط دماغها فيه أكتر من مرة بس بطلت تعمل كدة خالص لما بدأت تسحف مع العلم إنها إتأخرت فى السحف سحفت سنة و4 شهور ولسة ممشيتش لحد دلوقتى بس الدكتور بيقول إن ده طبيعى لأنها كمان سننت بدرى
مش بتشاور على أى حاجة عايزاها بصباعها بس بتروح تيجيبها بنفسها
مثلا التيليفزيون بيكون مقفول بتفضل تبصله وبتكون عايزانى أفتحه بس محاولتش مرة تبصلى وتشاورلى عليه علشان أفتحهولها ولعبها بتروحلها بنفسها وتمسكها بس مجبتليش مرة لعبة توريهانى وتلفت نظرى ليها
ولما بشاورلها على حاجة مش بتبص على الشئ إللى بشورلها عليه بس بتبص على صباعى
وعندها لعب كتير بتلعب بيها بس لو جيبتلها لعبة جديدة بترفضها الأول وبعد وقت بتبدأ تتعود عليها بالتدريج
بصراحة الحاجات دى مخوفانى وقلقانى وبتحسسنى إنها مش طبيعية واحترت وتعبت شوية أقول البنت كويسة وشوية أقول لأ مش طبيعية

وقررت إن شاء الله أعرضها على دكتور متخصص بس لسة معرفش حد وياريت حد من سكان القاهرة يقولى على دكتور كويس
بس لحد ما ألاقى الدكتور ده ياريت يا جماعة تساعدونى بخبرتكم وجزاكم الله كل خير

 

[توحدية]

اختي العزيرة ان شاء الله ما فيش حاجة
طبعا اللي الاشياء اللي ذكرتها التي تقلقك لك حق ان تقلقي منها
بس بنت صغيرة لن يستطيع احد تشخيصها توحد ام لا
انت ذكرتي الاشياء التي تقلقك انصحك ان تشتغلي عليها نقطة نقطة
مثلا خذي هدف انك تعلميها ان تشاور على الاشياء وركزي على هذه النقطة وهكذا مع باقي الاشياء التي تثير قلقك
سؤال هل بنتك فطمتها اي لسه بترضع ام توقفت عن الرضاعة
حتى لا قدر الله لو طلعت توحد هي صغيرة وانت معك في المنتدي امهات كثيرة عندهم خبرة في التوحد اكيد هيساعدوكي

 

[غموض امراة]

اختي
ممكن البنت معاها ضعف بالسمع بالاول اكشفي على السمع
اعرف حالات كثييييرة طلعت بسبب ضعف السمع وعدم الرد على نداءك
انشاء الله مافيها الا العافية

 

[فاطمة سعد]

اختي اهلا وسهلا بك
وان شاء الله تطمني على بنتك وما يكون عندها اي مشكله .
اختي بنتك ما زالت صغيره وحتى الاطباء ما راح يشخصوها الان ..انا سمعت طبيبه تتكلم عن هذا الموضوع ,,قالت ممكن بعض الاطفال الصغار تظهر عليهم بعض الصفات التي ان وجدت في من هم اكبر منهم شُخصت توحد ولكنهم يتجاوزوها ومع الوقت تختفي هذه الصفات ,
اختي يمكن بنتك طبعها هادئ لانها الاولى ,,
لكن هذا لا يمنع ان تتحدثي معها طوال الوقت ولا تجعليها تلعب بالالعاب وحدها ,وعندما تشُيري لها عن اي شيء اجعلي وجهها مقابل هذا الشيء وامسكي اصبعها واستعمليه للاشاره مع اصبعك واذا لم تنتبه اقتربي من الشيء المشار اليه و اجعلي اصبعها يلمس هذا الشيء مع ترديد اسمه .
اختي الله يطمن قلبك وقلب كل أم يا رب .

 

[ام فهد الحساس]

أختي العزيزه يارب أنشاء الله تطمني على بنتك. بس كأخت جديده لنا عاوزه أنبهك عزيزتي لنقطه مهمه وخطأ فادح الكثير من الأمهات يقعوا فيه.أنتي أقرأي تجارب الأمهات واستفيدي منها مش عشان تعملي إسقاطات على بنتك . أهم شيء التشخيص الصح من طب تطوري وأخصائي سلوك وتدخل مبكر شاطر وأخصائي نفسي او عصبي إن أتيح .وربنا يطمنك عليها بس ماتوهميش نفسك .

 

[ريم أحمد]

أهلا بك أختي الكريمة
معك كل الحق أن تقلقي على ابنتك. إن شاء الله أحد من أهل القاهرة يفيدك باسم طبيب جيد للتشخيص.
لكن نصيحتي لك مثل نصيحة الأخت توحدية، اعرفي تماما ما ينقص ابنتك من مهارات بحسب عمرها واعملي عليها بشكل مدروس من الآن. أيضا أنا أنصحك أن تبدئي بالإشارة بالإصبع لأنها أمر مهم جدا.
ابني تأخر كثيرا في المهارات الحركية، أيضا زحف في عمر سنة ونصف ولم يمش حتى عمر السنتين والثلاثة أشهر. عرفت أن نسبة قليلة من المصابين بالتوحد يكون عندهم تأخر حركي كذلك.
طبعا لا أريد أن أزيد قلقك، لكن اعملي في مسارين متوازيين: البحث عن طبيب جيد للتشخيص ومن ثم العلاج، وفي نفس الوقت أنت درّبي طفلتك بالاستفادة من خبرات الأهالي خصوصا.

 

[جوليا]

الله يطمن قلبك على ابنتك و ان شاء الله مافيها إلا كل خير و تكون مرحلة و تعدي مع التدريب .. حاولي تشاركيها أنشطة كثيرة و كلميها كثير و كذلك القصص المصورة .. اقرئي عليها القرآن و خاصة آيات الرقية الشرعية ..و اعرضيها على طبيب و يارب يطمنك عليها

 

[ازميرالدا]

اختي العزيزه اهلا بك....
في رايي ان ما قلته عن ابنتك فيه حاجات فعلا مقلقة مثل انها لا تشاور.... لا تستجيب للنداء عليها رغم استجابتها لغناءك مما يوحي بعدم وجود مشكلة في السمع ..... كانت تقول ماما و بابا و الان مركزة علي بابا فقط .... النظر لايديها .... انا مش عايزة اقلقك بس اننا نعمل حسابنا و تطلع ان شاء الله طبيعية احسن من التهوين و تطلع لا قدر الله مصابة بالتوحد.....
بالنسبة للتشخيص لن تجدي احد علي الاقل في مصر يعطيك تشخيص لانها صغيرة انا ذهبت بابنتي و هي عمرها سنة و 10 شهور لاستاذ في التخاطب لانها كانت لا تتكلم و لا ترد علي النداء فاعطاني بعض النصائح باني اكلمها كتير واصف لها ما نفعلة اثناء اليوم بكلمات قليلة وواضحة و لكن لم يقل لي ما تشخيص حالتها و طلب ان اعود له بعد 4 شهور اذا لم تتحسن و عندما عدت له قال لي انها عندها توحد و انه كان شاكك و لكن لم يجزم لي لصغر سنها ..... انصحك بشيئين الاول ان تستمري في مراقبتها بدقة هل التصرفات التي تقلقك تزداد ام تزول بالوقت ...
الثاني ان تحاولي لفت نظرها للنداء علي اسمها بتحريك راسها برفق نحوك.... عندما ترغب في شئ قبل ان تحضرية لها اجعليها بالمساعدة تشاور عليه و شوفي مدي استحابتها لك لفترة... لو لا قدر الله لم تتحسن و زادت مخاوفك اذهبي لاحد الاطباء النفسيين المتخصصين مثل الدكتوره هبه عيسوي او منال عمر لعمل الاختبارات اللازمة.... بالنسبه لعدم مشيها حتي الان لا يبرره انها سننت بدري و هذا عن دكتور ثقة قد يكون لديها نقص كالسيوم او فيتامين د نصيحتي استشيري طبيب اخر....
ارجو الا يقلقك كلامي فكما قلت لك ان شاء الله تكون مافيهاش حاجة بس نعمل حسابنا احسن بدل من الكلام اللي كان بيتقالي علي ابنتي و هي صغيرة ما هو كل الاطفال كدة... بكره تتكلم ...انت كنت هادية زيها و انتي صغيرة و غيرها..
و ربنا يوفقك و بلغينا بالتطورات.....

 

[أختكم فى الله]

جزاكم الله كل خير على الإهتمام والرد
انا نفسى أروح لدكتور ويشخص الحالة علشان أرتاح
طيب هى حتى لو معندهاش توحد الدكتور ميقدرش يعرف إنها كويسة معندهاش توحد ويفسرلى الحاجات التانية إللى عندها دى إيه
وأنا إللى محيرنى إن تقريبا كل المصابين بالتوحد بيحبوا العزلة وبيعيشوا فى عالم لوحدهم وبيحبو الروتين وبنتى مش كدة خالص .. ومش عارفة هل يمكن لسةهتظهر عليها الأعراض دى
أنا شوفت برامج كتير فى التيليفزيون وعلى النت وبيقولوا إن التوحد ممكن يتشخص من سن سنة ونصف وبيكون أحسن إكتشافه فى السن ده

وسؤال تانى
معنى إنكم بتقولولى أدربها على الرد على النداء والإشارة هل ده معناه إن فى أطفال طبيعين بيتأخروا فى الحاجات دى
وحتى لو كان عندها توحد واستجابت معايا للحاجات دى يبقى خلاص الخطورة راحت يعنى
هى الحمد لله بتتعلم بسرعة لما بركزلها على حاجة بتتعلمها خلال يومين أو تلاتة بالكتير وفى حاجات بتاخد يوم واحد بس

وياريت تدولى عنوان وأرقام تيليفونات لدكاترة فى القاهرة أكون متشكرة جداااا

 

[أختكم فى الله]

اختي العزيرة ان شاء الله ما فيش حاجة
طبعا اللي الاشياء اللي ذكرتها التي تقلقك لك حق ان تقلقي منها
بس بنت صغيرة لن يستطيع احد تشخيصها توحد ام لا
انت ذكرتي الاشياء التي تقلقك انصحك ان تشتغلي عليها نقطة نقطة
مثلا خذي هدف انك تعلميها ان تشاور على الاشياء وركزي على هذه النقطة وهكذا مع باقي الاشياء التي تثير قلقك
سؤال هل بنتك فطمتها اي لسه بترضع ام توقفت عن الرضاعة
حتى لا قدر الله لو طلعت توحد هي صغيرة وانت معك في المنتدي امهات كثيرة عندهم خبرة في التوحد اكيد هيساعدوكي

أنا لسة مفطمتهاش
ياترى ليه السؤال ده

 

[أختكم فى الله]

اختي العزيزه اهلا بك....
في رايي ان ما قلته عن ابنتك فيه حاجات فعلا مقلقة مثل انها لا تشاور.... لا تستجيب للنداء عليها رغم استجابتها لغناءك مما يوحي بعدم وجود مشكلة في السمع ..... كانت تقول ماما و بابا و الان مركزة علي بابا فقط .... النظر لايديها .... انا مش عايزة اقلقك بس اننا نعمل حسابنا و تطلع ان شاء الله طبيعية احسن من التهوين و تطلع لا قدر الله مصابة بالتوحد.....
بالنسبة للتشخيص لن تجدي احد علي الاقل في مصر يعطيك تشخيص لانها صغيرة انا ذهبت بابنتي و هي عمرها سنة و 10 شهور لاستاذ في التخاطب لانها كانت لا تتكلم و لا ترد علي النداء فاعطاني بعض النصائح باني اكلمها كتير واصف لها ما نفعلة اثناء اليوم بكلمات قليلة وواضحة و لكن لم يقل لي ما تشخيص حالتها و طلب ان اعود له بعد 4 شهور اذا لم تتحسن و عندما عدت له قال لي انها عندها توحد و انه كان شاكك و لكن لم يجزم لي لصغر سنها ..... انصحك بشيئين الاول ان تستمري في مراقبتها بدقة هل التصرفات التي تقلقك تزداد ام تزول بالوقت ...
الثاني ان تحاولي لفت نظرها للنداء علي اسمها بتحريك راسها برفق نحوك.... عندما ترغب في شئ قبل ان تحضرية لها اجعليها بالمساعدة تشاور عليه و شوفي مدي استحابتها لك لفترة... لو لا قدر الله لم تتحسن و زادت مخاوفك اذهبي لاحد الاطباء النفسيين المتخصصين مثل الدكتوره هبه عيسوي او منال عمر لعمل الاختبارات اللازمة.... بالنسبه لعدم مشيها حتي الان لا يبرره انها سننت بدري و هذا عن دكتور ثقة قد يكون لديها نقص كالسيوم او فيتامين د نصيحتي استشيري طبيب اخر....
ارجو الا يقلقك كلامي فكما قلت لك ان شاء الله تكون مافيهاش حاجة بس نعمل حسابنا احسن بدل من الكلام اللي كان بيتقالي علي ابنتي و هي صغيرة ما هو كل الاطفال كدة... بكره تتكلم ...انت كنت هادية زيها و انتي صغيرة و غيرها..
و ربنا يوفقك و بلغينا بالتطورات.....

كلامك صح يا أختى وجزاكى الله كل خير وعافى الله إبنتك وابنتى وكل أولاد المسلمين
بس ياترى بنتك مكنتش بتتكلم خالص ولا حتى كلام مش مفهوم
ولو سمحتى لو تعرفى عنوان أو تيليفون الدكتورة هبة العيسوى أو الدكتورة منال عمر
ياريت ربنا يكرمك وياترى نظامهم إيه يعنى الحجز والكشف لأنى من خارج القاهرة

 

[نورالقرآن]

اهلا وسهلا بكِ اختى الكريمة
ان شاء الله تفيدى وتستفيدى معنا
أسال الله العظيم رب العرش العظيم
ان يشفى بنتك ويعافيها وجميع مرضى المسلمين
فى امان الله وحفظه

 

[أبو أمامة]

السلام عليكم و رحمة الله و بركاته اختي في الله اعرضي ابنتك على متخصص و الله يطمنك عليها

 

[ازميرالدا]

عزيزتي اختكم في الله....
بالنسبة لابنتي كانت احيانا يا دوب بتقول كلمتين او ثلاثة...ولا تستخدمهم دائما بطريقة صحيحة و بعض الاصوات الغير مفهومه (انا مش حسميها كلمات لانها كانت لا توجهها لاحد و لا تقصد بيهم شئ ) و دة كان غير طبيعي بالنسبة لطفلة عندها سنة و 10 شهور
بالنسبة للدكتورة هبة عيسوي و منال عمر فسارسل لك رساله خاصة حتي لا تحذف للارقام من الادارة ... ولكن الارقام التي سارسلها هي ارقامهم من عدة سنوات لاني لا اتابع معهم حاليا فارجو اذا كان احد الاخوات من مصر لديه ارقامهم يرسلها لك ايضا...
وفقك الله

 

[روى روى]

اختى اختكم فى اللة
انا لن اخيفك ولكن افضل ان تتاكدى الان وترتاحى والى ان تذهبى الى طبيب
انصحك اولا بعدم اعطائها الحلوى والشيكولا والشيبسى والشيتوس وكل هذة الاشياء والسيريلاك من القمح
توجد ميلوبا وسيريلاك من الارز
اطهى لها الارز مع الجزر والتفاح
قدمى لها مغلى ملعقة سمسم عالى الكالسيوم
اهتمى كثيرا بشوربة الخضار وابتعدى عن الاسماك الى ان تتاكدى لان الاسماك قد يكون فيها رصاص ومعادن اخرى ثقيلة
لن يوافق اى طبيب باعطاءها المكملات الغذائية لانها صغيرة السن وسيكتفون بالفيتامينات العادية
انا لا احبطك ولكن اطلب منكى ان تاخذى الحذر فقط واتجاة التغذية الصحية لا ينطبق فقط على الاطفال الذين نشك ان لديهم توحد ولكنها نصيحة نقدمها لكل الاطفال بسبب الخطر من الملونات والاطعمة المكتسبة
لان لى صديقة كانت تشك بان طفلها لدية توحد ولفت على الاطباء (محمد بركة- منال -نجوى-امانى)
ولم تجد حلا الا اجراء تحليل فى مركز البحوث تحليل جينات مكلف قليلا ولكنها ارتاحت
من اى البلاد انتى
هل انتى قريبة للقاهرة

 

[ازميرالدا]

لان لى صديقة كانت تشك بان طفلها لدية توحد ولفت على الاطباء (محمد بركة- منال -نجوى-امانى)
ولم تجد حلا الا اجراء تحليل فى مركز البحوث تحليل جينات مكلف قليلا ولكنها ارتاحت
من اى البلاد انتى
هل انتى قريبة للقاهرة[/quote]

اختي روي روي اول مرة اسمع عن وجود تحليل للجينات يبين اذا كان الطفل مصاب بالتوحد ام لا لانه اذا وجد هذا التحليل نستطيع عملة حتي للاطفال حديثي الولادة
ارجو ان تذكري تفاصيل اكثر عن هذا التحليل
و شكرا

 

[روى روى]

اختى ازميرلدا
هناك طريقتين لمعرفة اذا كان هناك خلل فى الجينات ام لا
الاولى الذهاب الى مركز البحوث ويفضل الاربعاء الاول من الشهر لاننى نصحت بذلك
وتدخلى الى قسم عيادة الوراثة وتطلبى اجراء تحليل للجينات لاكتشاف التوحد
الثانية ان تذهبى الى مستشفى جامعة عين شمس التخصصى تقريبا التحليل يعمل يومين فى الاسبوع
انا لم اجرب عين شمس ولكن صديقة جربتهم
وهناك مكان خاص مشهور لة اكثر من فرع فى المهندسين ومصر الجديدة لكن مكلف جدا حوالى 1000يورو وهذا كان من 3 اعوام

 

[علوش]

عزيزتي ... أهلا بك بيننا

الحقيقة إن كل ما قلت بعضه مقلق و بعضه عادي .. يعني مثلا الكلام الغريب عادي جدا في هذا السن .. أغلب الأطفال في هذا السن و أكبر تبدأ بكلمات غير مفهومة و قد يظن البعض إنه كلام حقيقي و لكن عند التدقيق فيه نجد ان فيه و لا كلمة حقيقية .. المهم في هذا الكلام في هذه المرحلة أن يكون مكون من بعض الحروف الحقيقية الواضحة

و بالنسبة لقول بابا و ليس ماما .. أيضا عادي .. أغلب الاطفال تقول بابا أولا و قد فسرت لي طبيبة تخاطب أن حرف الباء أسهل في النطق عليهم

و لكن البنت مازالت صغيرة جدا على التشخيص .. أنا إبني شخص مبكرا .. كان في عمر سنة و 8 شهور و لم يقبل أي طبيب أن يشخصة و لكني أنا شخصته و بدأت معه العلاج دون طبيب في عمر سنتين و شهر

عزيزتي هناك أمراض كثيرة تشبه التوحد في الأعراض .. ربما فقط لديها مشاكل في التركيز أو مشاكل في السمع .. ليس ضعف في السمع بل هناك مشاكل أخرى مثل عدم التركيز على الصوت المطلوب تميزه و هذا يتطلب أن تكبر قليلا ليستطيع الطبيب تحديد نوع المرض و العلاج المطلوب

نصيحتي لك ..
1- إلحقيها بحضانة تذهب إليها يوميا أطول فترة ممكنة لتختلط بالأطفال
2-تكلمي معها كثيرا .. طوال الوقت إوصفي لها ما تفعلين كأنك مذيع كرة قدم في الراديوا
3- قدمي لها إختيارات قدر الإمكان ( مثلا : تمسكين في يد عروسة و في الأخرى مكعبات و تسأليها تريدين مكعبات أم العروسة و دعيها تفكر و تختار )
3- قليلي جلوسها أما التلفزيون يكفي ساعة واحدة يوميا و إشغلي وقتها بالألعاب التعليمة المناسبة لعمرها و إمكانياتها
4- إخرجي بها من المنزل كثيرا لترى أشخاص أخرين و اماكن جديدة تحفزها على التفكير و تأمل ما حولها
5- ركزي على صحتها العامة و لماذا لا تمشي إلى الأن
6- خصصي لها دفتر مذكرات تكتبين فيه ما تستطيع ان تفعل و ماذا تقول بالتواريخ لتستطيع مقارنة و متابعة تطورها أو تاخرها بدقة و سجلي أيضا فيه أي مرض يصيبها و أي دواء تتناولة
7- أخري اللجوء للأطباء لعدة أشهر فقد يقودك الأطباء لمتاهات أنت في غنى عنها و يصفون لها أدوية تضرها و إنتظري نتائج الحضانة بعد تعودها عليها

عزيزتي ... أنا لا أقول لك لا تقلقي و لكن أقول لك لا تتعجلي في قرارات قد تضر إبنتك .. إبنتك تستحق أفضل طبيب في هذا المجال و صرف المال في هذا الأمر هو أفضل إستثمار و كل من في هذا المنتدى تقريبا عانى من خطأ التشخيص ... أهم نصيحة أقدمها لك هي

دكتورة عبير عوض

هي تخصصها في طب الأطفال التطوري و تطبق علاج الدان على الأطفال المصابين بالتوحد و هي أكثر من يمكن أن يشخصوا حالة إبنتك سواء كان توحد أو غيره و تقريبا أغلب المنتدى يتابع معها
أتمنى أن نسمع عنها خيرا قريبا

 

[أختكم فى الله]

أختى علوش جزاكى الله كل خير على النصائح المفيدة
أنا فعلا بدأت أطبق جزء منها
بس بصراحة أنا منهارة جدااااااااااا وأعصابى تعبانة وحاسة فعلا إن بنتى عندها توحد
أكتر حاجة محسسانى هى حركة إيديها لأنى مش لاقيالها تفسير وكمان إنها مش بترد على إسمها خالص ومهتمة بكل الصوات إللى حواليها إللى يكح أو يعطس أو حتى صوت زرار النور لما بشغل النور فى أى غرفة حتى لو بعيدة عنها وكمان بتخاف من أى لعبة جديدة مش بترضى تمد إيديها عليها خالص .. بس بتحب تمسك أى أوراق هى دى الحاجة الوحيدة إللى ممكن تمسكها بدون عناء ولا تدريب أنا حاسة إن ده كله كافى بإن أى دكتور يقدر يوضع حل لتشخيصها .. الحاجات الوحيدة إللى مش فيها من التوحد هو عدم حب العزلة ولا الروتين يعنى لو غيرت الروتين بتاعها أو حتى خبيت لعابها أو غيرت أثاث الشقة مش بتتأثر ولا بتغضب ومهما كانت غضبانة مش بتعمل أى عنف ضد نفسها ولا ضدنا وخايفة إن ده إللى يكون عليه الدور ومش هستحمل صدمة إنى فجأة ألاقيها رافضانى أو رافضة أبوها فكنت عايزة ألحاقها بدرى أقبل ما أى أعراض تزيد عليها وبجد محتارة ومش بنام تقريبا

أنا أكتر واحدة أتمنى إنه ميكونش توحد لأنى حاسة إنى هموت لو إتأكدت من التشخيص ده طبعا الحمد لله وربنا لطيف بينا وأنا راضية بقضاء الله بس حاسة إنى أضعف من إنى أستحمل الإبتلاء ده وربنا هو القادر إنه يهون عليا أنا وأبوها
ياريت يا أختى تشرحيلى شخصتى ابنك إزاى
وكمان ياريت تقوليلى معلومات أكتر عن الدكتورة عبير عوض يعنى عنوانها أو تيليفونها وطريقة الحجز و الكشف ضرووووووووووووورى الله يكرمك لأنى منتظرة أى معلومة عن دكتور كويس علشان أروح على طول لو دلوقتى حلا أنا فى انتظار ردك

 

[ام فهد الحساس]

السلام عليكم أختنا في الله . ربنا يطمنك على بنتك يارب .ويطلع شكك غلط .
بس حبيبتي قوي إيمانك أكتر . وتماسكي أيا كانت النتيجه -يارب خير-
فابناؤنا بحاجه لتماسكنا وقوتنا وثباتنا فنحن الأمل والنور لهم. وانظري للمحنه دائما على أنها منحه يرفع الله بها الدرجات وتأكدي دائما أن الله يحبك لأن هناك من هو أكثر إبتلاء.
وفقك الله وقواكي ورفع درجاتك . وحاولي أن تتشاركي مع من حولك في المشكله فالحمل لمل يتوزع يخف ! زوجك أبنائك اخوتك أمك ..........................
ونحن طبعا أخواتك في المنتدى.
أولا عليك بالتشخيص الصحيح وحسنا أنك أخترت د. عبير . بالنسبه لعنوانه فهو في الموضوع المثبت للأخت منيره . وطمنيييييييييييييييييييينا عنك.