نتيجة آخر زيارة للطبيب

[أختكم فى الله]

السلام عليكم ورحمة الله وبركاته

أنا النهاردة كنت عند دكتور المخ والأعصاب ودى كانت زيارتنا له بعد 3 أسابيع من العلاج
وقالنا إنها الحمد لله فيها تحسن .... بس هتحتاج الفترة إللى جاية دى إنها تروح حضانة لتنمية المهارات
علشان متتأخرش عن إللى فى سنها ومع الرعاية الشديدة والتدريب إن شاء الله هتحصل إللى فى سنها فى المهارات واللغة إن شاء الله لأن حالتها بسيطة الحمد لله

بس المشكلة إن الحضانة دى مش موجودة فى بلدنا وهتحتاج سفر ساعة ونص وهيكون مرهق جدااااا على بنتى وبالذات فى الحر ده
وخصوصا إنها بتعمل جلسات علاج طبيعى بالليل علشان المشى فلو هنسافر كل يوم للحضانة او حتى يوم ويوم وكمان علاج طبيعى بالليل بيتهيألى هيكون مرهق عليها جداااا وكمان عليا

فأنا إقترحت على زوجى إقتراح وعايزة آخد رأيكم فيه
إننا نستنى لما العلاج الطبيعى يخلص وكمان الحرررررررر الشديد ده وكمان رمضان إن شاء الله ... وأسأل الله إنها تكون مشيت فى الفترة دى يعنى شهرين أو 3 بالكتير
بس طبعا فى الفترة دى أنا مش ناوية أهملها فى التعليم إن شاء الله هحاول أركز على نقاط ضعفها الظاهرة قدامى وأحاول أصلحها وكمان أخرجها كتير ....... بس حابة إنكم تساعدونى وتدلونى على طرق لتنمية مهاراتها هى عندها سنة و7 شهور دلوقتى وأكتر حاجتين نفسى أعلمهم ليها إنها ترد على إسمها وإنها تشاور على الأشياء إللى هى عايزاها وتبص على إللى بشاورلها عليه وياريت تقولولى أعلمها كدة إزاى

وكمان إن شاء الله خلال أسبوع هنزور الحضانة أنا وزوجى علشان يشوفوا حالتها ويقولولنا هتحتاج كام ساعة فى الأسبوع علشان تتحسن وناخد فكرة عامة من دلوقتى حتى لو مش هنبدأ دلوقتى
بس حابة أسألكم هل كل الحالات حتى التوحد البسيط بيحتاج الذهاب للحضانة كل يوم ..... يعنى مش ممكن ينفع يوم ويوم أو يومين فى الأسبوع علشان ظروف السفر .. وهى لسة صغيرة على البهدلة دى
أتمنى إنكم تقولولى رأيكم بصراحة وهل أنا كدة ماشية صح ولا برده هكون مقصرة فى حقها وهتأخر فى علاجها


والدكتور كتبلها دوا جديد إسمه Apexidone المادة بتاعته إسمها (ريسبريدون) ربع سانتى بالليل لمدة أسبوع وبعد كدة نزود الجرعة لنص سانتى علشان العصبية وإضطرابات النوم وأنا خايفة إنه يكون له أعراض جانبية ومكتوب إن من اعراضه الجانبية الصداع وممكن زيادة فى الوزن ورعشة فى الإيد ... بس زوجى بيقول إن ده مع الجرعات الكبيرة ........ بس بصراحة انا خايفة عليها منه وحابة أعرف منكم هل حد جرب الدوا ده أو شئ يشبهله وإيه إللى ممكن يحصلها بسببه ولا الجرعة بسيطة ومش هتأثر عليها مع إنه الدكتور قال إننا هنستمر عليه فهل الإستمرار عليه ممكن يظهر الأعراض دى

منتظرة ردودكم بفارغ الصبر أرجو إنكم متملوش منى ومن كتر أسئلتى
​

​

 

[جوليا]

أعانك الله أختي في الله و هداك و دلك للطريق الصحيح .. فعلا بنتك صغيرة و هذه ميزة كبيرة ممكن توديها الحضانة مرتين في الاسبوع و انتي تكملي شغلهم في البيت معاها و بكده تكسبي احد خبرة يدلك و يرشدك لتدريبها لأنه إذا المشوار في تعب عليها ممكن يؤثر هذا على أدائها في الحضانة ..
و بالنسبة للدواء استخيري الله كثيرا و استشيري طبيبا آخر ان امكن أعطيته ولدي بجرعة نصف ملي زاد وزنه 6 كيلو في أربعة أشهر فقط ثم أوقفته ..

 

[ام الحلوة]

الله يهديك لطريق الصحيح

 

[ام حسام]

الله يشفيها ويعينك على تربيتها ويهديكي لما فيه الخير لها ولكم"

وباذن الله ستفيدك الاخوات من خلال تجاربهم "

اسال الله رب العرش العظيم ان يشفي اطفالنا جميعا وييسر السبل لذلك

 

[المحبة لدينها]

أسأل أن يعينك أخيتي و يشفي أبنتك
انه ولي ذلك و القادر عليه

 

[بدر الكويت]

الـــلــــه يكشف عـــن ابنتـــك الضــــر,,واستخيري أختي ومــا خاب من استــخــار الباري جل وعلى

 

[أختكم فى الله]

أعانك الله أختي في الله و هداك و دلك للطريق الصحيح .. فعلا بنتك صغيرة و هذه ميزة كبيرة ممكن توديها الحضانة مرتين في الاسبوع و انتي تكملي شغلهم في البيت معاها و بكده تكسبي احد خبرة يدلك و يرشدك لتدريبها لأنه إذا المشوار في تعب عليها ممكن يؤثر هذا على أدائها في الحضانة ..
و بالنسبة للدواء استخيري الله كثيرا و استشيري طبيبا آخر ان امكن أعطيته ولدي بجرعة نصف ملي زاد وزنه 6 كيلو في أربعة أشهر فقط ثم أوقفته ..

السلام عليكم ورحمة الله وبركاته

جزاكى الله كل خير أختى جوليا

ربنا يطمنك .. أنا نفسى تكون فعلا كل إللى محتاجاه يومين فى الأسبوع علشان دول فعلا إللى ممكن أقدر أوديها فيهم علشان السفر بس وتعبه ........ لأنى خايفة يكون ضرورى أوديها كل يوم ومقدرش أعمل كدة وأحس إن مقصرة معاها

بالنسبة للدوا يا أختى شكرا على النصيحة ... بس ياريت أعرف منك هل فى خلال 4 شهور إللى إبنك أخده فيهم كان عامل معاه إيه يعنى التحسن كان فى إيه بالظبط غير النوم
ولما بطلتيه كان بالتدريج ولا مرة واحدة ومفيش مشكلة من إيقافه ولا إنتى إستخدمتى بديل له ؟
لأن بنتى الحمد لله متعتبرش عصبية دلوقتى هى فى البيت هادية الحمد لله وكمان بره البيت بس كانت شكوتنا للدكتور إنها كانت متعودة على بعض من أقاربنا بس دلوقتى بتعيط وتتعصب لو حد فيهم حب يشيلها أو يلعب معاها
فكتبلنا الدوا ده وقالنا علشان إصضرابات النوم والعصبية فأنا مش عارفة هو فعمنا غلط ولا الدوا دا ممكن يحسن من العلاقات الإجتماعية

 

[رضيت بربي]

استخيري الله

استخيري الله

[align=center]الاخت ريم لو تاخذي رايي انا انصح بعدم استخدام الدواء هذا وارفضيه بشده وحاولي تستخدمين الاشياء الطبيعيه مثل الثوم والزنجبيل لان هذي الادويه نفسيه وتسبب ادمان . واستخيري الله قبل ما تاخذين اي استشاره.انا ولي حالته شديده ومع ذلك رفضت واصريت على رايي واختلفت مع زوجي على هذي المساله وحملني المسؤوليه في تاخر شفاء الولد ولم اهتم وتمسكت برايي وبحثت في كتب عن العلاجات النفسيه ووجدت ان الدواء له مخاطر جسيمه لدرجة انها تجعل المريض يعض جسمه بقوه ويقضم شفته عندئذ اقتنع زوجي وقال الحمد لله اننا لم نعطه .وهذا من توفيق الله اولا وآخرا .الله يوفقك[/align]م لمافيه الخير ويشفي ابناءنا ويجعل شفاؤهم في ايسر الأمور .

 

[أختكم فى الله]

أم الحلوة .. أم حسام .. المحبة لدينها .. بدر الكويت
جزاكم الله كل خير على المشاركة والدعاء ربنا يشفى أبناءكم وأبناء المسلمين كلهم هو القادر على كل شئ


ياريت أعرف منكم إزاى أقدر أدربها فى البيت على المهارات إللى تنقصها إللى أشرت ليها فى الموضوع
أو دلونى على مواضيع تفيدنى فى الحكاية دى ....... وهل أبدأ معاها فى التخاطب من دلوقتى ولا لسة صغيرة؟

 

[جوليا]

أختي في الله
بدأت استخدام الدواء مع ابني و كان عنده لغة (يعرف مسميات الأشياء و ممكن يطلبها ) و أيضا مع استمرار التدريب لاحظت في بداية استخدامي للدواء أن استخدامه للغة زاد بشكل واضح و أنه أكثر هدوء و تركيز و قلت حركته و كذلك العصبية بعد فترة لاحظت أن التأثير الايجابي للدواء قل وطلبت الطبيبة زيادة الجرعة لأن وزنه زاد و أنا خفت عليه و عندها قررت ايقاف الدواء مر بفترة صعبة بعد ها أما الآن عاد لطبيعته و انخفض وزنه قليلا ..
بالنسبة لتدريب ابنتك انصحك بالقصص الملونه اللى تكون صورها واضحة (فوتوغرافية) تسمي الصور و تحاولي توصفيها (مثلا تفاح حمراء ناكلها هم ....
كمان الدمى و العرايس (شوفي عروسة حلوة عندها عين و عين مع الاشارةطبعا زي .... عندها عين ..وكمان ماما عندها عين ... ) المهم اضفاء روح المرح و تغيير نبرات الصوت عشان تشدي انتباهها و اصبري ممكن ما تهتم في البداية بس مع المحاولات العديدة راح تفاجئك بإذن الله باستجاباتها و تواصلها معاك
و كان الله في عونك و عوننا جميعا

 

[فاطمة سعد]

اختي العزيزه
اسأل الله ان يشفي ابنتك ويطمن قلبك عليها .
بالنسبه للدواء اذا كان مثل الريسبيريدال ولكن بمسمى تجاري اخر (واعتقد ذلك ) فانصحك عدم استعماله لاثاره الجانبيه العديده وابنتك ما زالت صغيره جدا عليه ,,استعملي الخلطات الطبيعيه لتهدئتها مثل اليانسون والنعناع ,وهذا اضمن واحسن خصوصا لسن ابنتك ,لا تعرضيها لتركيبات كيميائيه في مثل هذا السن ,وانصحك بالرجوع لموضوع [ خلطه طبيعيه كبديل للريسبيريدال ] تجديه في الصفحه 5 ,,فيه تجارب الاخوات عن هذا الدواء .
اتمنى الشفاء العاجل لابنتك ,

 

[أختكم فى الله]

أخواتى رضيت بربى .. جوليا .. فاطمة سعد وكل إللى ردوا عليا سابقا جزاكم الله كل خييييييييييييييييييييير ومن قلبى والله
وأشكر الله العظيم إنه وفقنى للوصول إلى مثل هذا المنتدى وإلى أخوات وأخوة مثلكم بصراحة أنا مش عارفة من غير مشورتكم دى إيه إللى كان ممكن يحصل لبنتى إنتوا نبهتونى فعلا وأنا بناء عن كلامكم عملت بحث عن الدوا ده ومستغربة جدااااااااااااااااا إزاى الدكتور كتبه لبنتى وبجد بجد فقدت الثقة فيه ........ ومش هقولكم على مدى غضبى منه .. لأن الأعراض إللى الدوا ده بيتاخد علشانها مش موجودة فى بنتى الحمد لله نوبات الغضب وتعمد إيذاء النفس والعدوانية بين الأطفال ولا حتى فرط الحركة بالعكس دا هى ما شاء الله عليها هادية وأحيانا بنحس إنها كسولة
وكمان حتى السن إللى بيتاخد فيه الدوا للأطفال من 5 سنين ل16 سنة وبنتى عندها سنة و7 شهور بجد أنا مش مصدقة إن الدكتور يعمل كدة للأسف أنا حسيت إنه من الدكاترة إللى حافظين وبس ومش فاهمين

كل إللى قولناهولوا أنا وزوجى إنها الحمد لله بعد العلاج omega 3 --stemulan الحمد لله بقت هادية ومتفاعلة معانا أكتر فى البيت بس لاحظنا إن فى أشخاص فى العائلة كانت بتحبهم وتتفاعل معاهم مبقتش بتحب تلعب معاهم وبتضايق لما بيشيلوها
وسألنى عن نومها قولتله ممكن تصحى 4 أو 5 مرات علشان تشرب حاجة وبتنام تانى
قام كتبلها الدوا ده وقال علشان إضطرابات النوم والعصبية مع إنه سألنى عن نومها فى أول زيارة وقال إن ده طبيعى
وكمان أنا عارفة إن بنتى نومها طبيعى جداااا بالنسبة للى فى سنها علشان كدة شكيت فى الأمر وسبحان الله ربنا إللى وفقنى فى الموضوع ده
فعلا انا مصدومة فيه وقررت أنا وزوجى نبحث عن دكتور تانى يشوف البنت تانى لأنى شكيت بصراحة فى الدكتور ده وفى كل كلامه ومحتاجة فعلا أروح لدكتور تانى
لأن الدكتور كان كتبلها كمان حقن cerebrolysin وجراح المخ والأعصاب إللى عرضنا البنت عليه إستغرب إنه كتبلها الحقن دى وقال إن البنت ما شاء الله حالتها بسيطة جداااااااا وقال على العموم متزودوش عن 8 حقن ولدرجة إن فى دكتور تانى قالنا إن إللى عند البنت ده مش توحد دى تصرفات تشبه بعض سمات التوحد بسبب مشكلة عنده فى المخ ظهرت فى الأشعة المقطعية وإن شاء الله هتزول السمات دى بالوقت بس هى هتتأخر شوية عن إللى فى سنها فى مراحل التطور بس تأخر بسيط جدااا بس ده كان دكتور أطفال وإحنا قولنا هو برده مش متخصص أوى فى الموضوع ده

على العموم حساب الدكتور ده عند الله والحمد لله إن ربنا هدانى ليكم ووفقنى وشكرا ليكم مرة تانية وموضوعك يا أخت فاطمة عن البديل كويس جدااااا وإن شاء الله هعمله لبنتى مع إنى حاسة إنها مش محتاجاه بس مش هيضر إن شاء الله ممكن أخليها تشرب منه كوب قبل النوم بس علشان يساعدها على النوم بهدوء

جزاكم الله كل خير ونجا الله أبناءكم من كل سوء وشفا الله أبناءكم وأبناء المسلمين وجعلهم الله لكم قرة أعين فى الدنيا والآخرة