شكر خااااص لكل الأخوة والأخوات فى المنتدى .. وحسبى الله ونعم الوكيل فى الدكتور

[أختكم فى الله]

شكر خااااص لكل الأخوة والأخوات فى المنتدى .. وحسبى الله ونعم الوكيل فى الدكتور

ده كان أحد ردودى فى موضوع أخر زيارة للطبيب ... بس حبيت أعمله موضوع منفرد علشان يشوفوا قدر أكبر من الأعضاء ........ ويقولولى فعلا هل الطبيب ده يستحق إن أفقد الثقة فيه ولا لأ

جزاكم الله كل خييييييييييييييييييييير ومن قلبى والله
وأشكر الله العظيم إنه وفقنى للوصول إلى مثل هذا المنتدى وإلى أخوات وأخوة مثلكم بصراحة أنا مش عارفة من غير مشورتكم دى إيه إللى كان ممكن يحصل لبنتى إنتوا نبهتونى فعلا وأنا بناء عن كلامكم عملت بحث عن الدوا "ريسبيردال" Risperdal والمعروف أيضاً بـ"ريسبريدون" Risperidone ومستغربة جدااااااااااااااااا إزاى الدكتور كتبه لبنتى وبجد بجد فقدت الثقة فيه ........ ومش هقولكم على مدى غضبى منه .. لأن الأعراض إللى الدوا ده بيتاخد علشانها مش موجودة فى بنتى الحمد لله نوبات الغضب وتعمد إيذاء النفس والعدوانية بين الأطفال ولا حتى فرط الحركة بالعكس دا هى ما شاء الله عليها هادية وأحيانا بنحس إنها كسولة
وكمان حتى السن إللى بيتاخد فيه الدوا للأطفال من 5 سنين ل16 سنة وبنتى عندها سنة و7 شهور بجد أنا مش مصدقة إن الدكتور يعمل كدة للأسف أنا حسيت إنه من الدكاترة إللى حافظين وبس ومش فاهمين لأن الأعراض الجانبية للدوا فزعتنى ومفيش مجال أكتبها كلكم أكيد عارفينها وسمعتوا عنها

كل إللى قولناهولوا أنا وزوجى إنها الحمد لله بعد العلاج omega 3 --stemulan الحمد لله بقت هادية ومتفاعلة معانا أكتر فى البيت بس لاحظنا إن فى أشخاص فى العائلة كانت بتحبهم وتتفاعل معاهم مبقتش بتحب تلعب معاهم وبتضايق لما بيشيلوها
وسألنى عن نومها قولتله ممكن تصحى 4 أو 5 مرات علشان تشرب حاجة وبتنام تانى
قام كتبلها الدوا ده وقال علشان إضطرابات النوم والعصبية مع إنه سألنى عن نومها فى أول زيارة وقال إن ده طبيعى
وكمان أنا عارفة إن بنتى نومها طبيعى جداااا بالنسبة للى فى سنها علشان كدة شكيت فى الأمر وسبحان الله ربنا إللى وفقنى فى الموضوع ده
فعلا انا مصدومة فيه وقررت أنا وزوجى نبحث عن دكتور تانى يشوف البنت تانى لأنى شكيت بصراحة فى الدكتور ده وفى كل كلامه ومحتاجة فعلا أروح لدكتور تانى
لأن الدكتور كان كتبلها كمان حقن cerebrolysin وجراح المخ والأعصاب إللى عرضنا البنت عليه إستغرب إنه كتبلها الحقن دى وقال إن البنت ما شاء الله حالتها بسيطة جداااااااا وقال على العموم متزودوش عن 8 حقن ولدرجة إن فى دكتور تانى قالنا إن إللى عند البنت ده مش توحد دى تصرفات تشبه بعض سمات التوحد بسبب مشكلة بسيطة التأثير عندها فى المخ ظهرت فى الأشعة المقطعية وإن شاء الله هتزول السمات دى بالوقت بس هى هتتأخر شوية عن إللى فى سنها فى مراحل التطور بس تأخر بسيط جدااا بس ده كان دكتور أطفال وإحنا قولنا هو برده مش متخصص أوى فى الموضوع ده

على العموم حساب الدكتور ده عند الله والحمد لله إن ربنا هدانى ليكم ووفقنى وشكرا ليكم مرة تانية

جزاكم الله كل خير ونجا الله أبناءكم من كل سوء وشفا الله أبناءكم وأبناء المسلمين وجعلهم الله لكم قرة أعين فى الدنيا والآخرة

 

[ام احمدان]

الله يوفقكم يارب للعلاج الصحيح لبنتكم
أسأل الله العظيم رب العرش العظيم ان يشفي جميع ابنائنا

 

[ام فهد الحساس]

سبحان ميسر الأمور وانا يا أختي دايما بعمل بمقولة (لا خاب من استخار ولا ندم من استشار) . أنا ابني عمره 2سنه وشهرين وبيقوم في الليل 3مرات عشان يشرب ماء او ميلوبا شاي الأعشلب بيحبه كتير وبيرجع ينام وعمري مافكرت أن ده مش طبيعي لأن كل الأطفال في السن ده نومهم متقطع بالذات اذا بياخدو قيلوله طويله .بالعكس انا عندي وحده صاحبتي بنتها 3سنوات طفله جميله وطبيعيه جدا جدا وبتغني وتتكلم وتلعب لكن الأم تحلف انها طول الليل على حجرها تهزها مابتنام . لاتعيري الموضوع اهتمام كتير كثفي الشغل مع بنتك كلميها شاركيها العبي اضحكي معاها ويارب تكبر وتشوفيها عروسه

 

[ام الحلوة]

الله يشافي بنتك وتفرحي فيهااا

 

[البوتاني]

(لا خاب من استخار ولا ندم من استشار)

 

[جوليا]

يارب يفرحك بشفائها و تشوفيها أحلى عروسة

 

[ام حسام]

الله يفرحك بشفائها وتفرحي بها دائمااااا والله يشفي كل الاطفال وييسر السبل لذلك

والحمد والشكر لله ان الامور انتهت على خير قبل ان تعطيها العلاج وتصير لها اي مضاعفات لا قدر الله"


بعض الدكاترة هداهم الله وابعد شرورهم عنا يشخصوا الحالة بنائا على وجود عرض واحد للمرض دون الفحص او البحث عن الاسباب "

 

[أمل وتفاؤل]

يارب يفرحك بشفائها و تشوفيها أحلى عروسة

 

[القلب الحنون]

الحمد لله يالغاليه على تدرارك الامر

انا رغم انه ابني عنده فرط حركه ما شاء الله


والدكتوره قالت ويش رائك نصرف له علاج يجعله هادي


لكن رفضت ذلك خوفا من مضاعفات الادوية


حفظ الله ابنتك من كل سوء

 

[أم عبيدة]

السلام عليكم ورحمة الله وبركاته
اختي العزيزة ....
الحمد لله الذي هدانا جميعا لهذا المنتدى القيم و ادعو الله بالشفاء لابنائنا جميعا ....
هل تعلمين أن الريسبدال تم منعه حاليا في امريكا و يتم سحبه من الاسواق بعد ما تبين اضراره الكبيرة على الجسم اكثر من فوائده ....و يبدو أن بعض اطبائنا الغير موثوق بهم لا يهمهم ذلك ..
تابعي مشوار البحث و التقصي للعلاج مع ابنتكفهي ما زالت صغيرة ...شفاها الله .

 

[أختكم فى الله]

جزاكم الله كل خير وجعله الله فى ميزان حسناتكم ونفع الله المسلمين وأبناءهم بهذا المنتدى الكريم

أنا والله من إمبارح وأنا مش مستوعبة هو ليه الدكتور عمل كدة , لأنه أولا بالنسبه لعلمه هو طبيب وكمان دكتور ومدرس بالجامعة يعنى على علم جيد والدواء شهرته مش محتاجة عالم علشان يعرف إستخداماته وأضراره
وفوق كل ده إن حالة بنتى والحمد لله مش محتاجاه على الإطلاق بفضل الله وحده وأسأل الله أن يديمها على ذلك

وحتى انا مقتنعة بإن لو كانت على سبيل الفرض حالة بنتى خطيييييييرة لأبعد درجة ولازم تاخد الدوا ده علشان تتحسن .. أقل شئ كان لازم يعمله إنه ينبهنا لمضاعفاته ويسيبلنا حق الإختيار مش يكتبوا بكل بساااااااطة وكأنه دواء للكحة وميقولناش أى حاجة عنه .... وأحمد الله إن ربنا ألهمنى إنى أسألكم على المنتدى ... وبقول لو حد غيرى أو حد معلوماته محدودة وغير مطلع ووافق الدكتور وأعطى لأبنه الدواء ده واستمر عليه كان ساعتها هيعمل إيه
والله أنا بقول لو فى قضاء عادل كان الدكتور ده يتعاقب على الخطأ الجسيم ده ........ وانا زوجى دكتور ومندهش زيى بالظبط وبيقول إن له الحق إنه يشتكيه فى النقابة لأنه إللى عمله ده خطأ يستحق العقاب عليه ...... بس عليه من الله ما يستحق والحمد لله إن ربنا هدانى للخير بفضلكم يا أخوتى فى الله ربنا يسعدكم بأبناءكم ويشفيهم شفاء لا يغادر سقم بفضله وكرمه