حصان أزعجته أصوات النساء فرمى العريس الذي كان على متنه

[فارس عمر]

حصان أزعجته أصوات النساء فرمى العريس الذي كان على متنه أرضا في حفلة عرس في حماه

إعلانات

هاج حصان و طرح عريسا كان على متنه أرضا في حفلة عرسه في مدينة حماه السورية .
و قالت صحيفة محلية أن العريس ابن الثامنة و العشرين كان أراد أن تكون حفلة عرسه اسطورية على غرار ما يشاهده في الأفلام الأجنبية الرومانسية الأجنبية , التي ياتي فيها فارس الأحلام على حصان أبيض , و يحمل حبيبته بين ذراعيه وة ينطلق في رحاب الأرض .
إلا أن الحصان خذل العريس عند دخوله صالة الأفراح النسائية , و هاج من ضوضاء مكبرات الصوت، وهنهونات النسوة، وطرح العريس "المسكين" أرضاً، وانطلق في رحاب الصالة المغلقة والنساء يركضن أمامه مذعورات.
و لم تهدأ ثورة الحصان إلا بعد أن أنهكه الجري و ظهر عليه التعب، وانفض الحفل دون أن يصاب أحد بأذى، أما العريس فجلس متحسّراً لعدم تحقيق حلمه بحمل عروسه على ظهر الحصان والانطلاق إلى عش الزوجية .

 

[تريم]

رد: حصان أزعجته أصوات النساء فرمى العريس الذي كان على متنه

ههههههههههههههههههه حلوة مسكين ما حقق حلمو انا انصحو يتزوج مرة اخرى

ويركب الحصان ويرقص كمان

 

[فارس عمر]

رد: حصان أزعجته أصوات النساء فرمى العريس الذي كان على متنه

أهلين عمو : تريم

خرجه ... بيستاهل ... قال عالحصان قال ؟؟؟؟
مفكر حاله بالبراري ...
بس شو بدك تقولوا ... حموي وركب راسه .. كلهن هيك عنا الحمويين .... لا تأخذيهيم

 

[ميراي الحسيني]

رد: حصان أزعجته أصوات النساء فرمى العريس الذي كان على متنه

أهلين عمو : تريم

خرجه ... بيستاهل ... قال عالحصان قال ؟؟؟؟
مفكر حاله بالبراري ...
بس شو بدك تقولوا ... حموي وركب راسه .. كلهن هيك عنا الحمويين .... لا تأخذيهيم

:7:مو كلهن عمو فارس:7:​

 

[ألم الأمل]

رد: حصان أزعجته أصوات النساء فرمى العريس الذي كان على متنه

موقف مضحك وأنا أتخيل الحصان يرمي العريس امام الحضور
ولكن المضحك أكثر وانا أتخيل المعزومات وهن يتراكضن
خوفا من الحصان ,,,,,,, عاد بلاوي بتحصل خخخخخخخخخخ
[motr1]

بس لو انتظر شوي لما تركب العرووووس
كان بتصير ام البلااااوي
[/motr1]

 

[فارس عمر]

رد: حصان أزعجته أصوات النساء فرمى العريس الذي كان على متنه

:7:مو كلهن عمو فارس:7:​

أكيد عمو مو كلهن كلهن .. يعني بيلتقاله تنين تلاتة غير هيك ...
حتى بالحماصنة كمان مو الكل مجاديب .. كمان في كام واحد عقله صاغ وصاحي تمام .
شكراً عمو ميراي على ملاحظتكِ القيّمة .. حتى فعلاً ما نظلم الحموية كلهم ....

 

[فارس عمر]

رد: حصان أزعجته أصوات النساء فرمى العريس الذي كان على متنه

موقف مضحك وأنا أتخيل الحصان يرمي العريس امام الحضور
ولكن المضحك أكثر وانا أتخيل المعزومات وهن يتراكضن
خوفا من الحصان ,,,,,,, عاد بلاوي بتحصل خخخخخخخخخخ
[motr1]

بس لو انتظر شوي لما تركب العرووووس
كان بتصير ام البلااااوي
[/motr1]

بدك الصدق خيي ألم الأمل ؟؟؟؟
أنا ما تخيلت كيف كانت وقعة العريس ..
أنا تخيلت فعلاً منظر الحصان ... وهوي مستغرب ومدهوش من مناظر هالنسوان بالصالة ..
يبدو انه أول مرّة بحياته بيشوف نسوان أخده حريتها بالملابس ..

وأهم من هيك تخيلت كيف المدعوات عم يزعوطوا ويهربوا من قدام الحصان ...
وهاي بتفوت تحت الطاولة ... والتانية بتتخبى ورا رفيقتها . ورفيقتها بتدفشها عنها ..
والولويل ,, والصريخ .. والركيد .. والبحث عن مخرج .. ويلي بتوقع عالأرض .. وبيقع فوقها الباقيين .. وبنتزع المكياج .. وبتتمزق التياب ....
والحصان المسكين عم يسأل حاله : شو صاير بهالنسوان ؟؟؟ جنّوا يعني ؟؟؟

 

[بسبوسه]

رد: حصان أزعجته أصوات النساء فرمى العريس الذي كان على متنه

هههههههههههههههههههههههههه شكل الحصان سوري اصيييل

 

[ام حسام]

رد: حصان أزعجته أصوات النساء فرمى العريس الذي كان على متنه

موقف لا يحسد عليه النسوااااااان ولا هذا العريييس الرومانسيييييييي

والعروووووووووس اكييد كانت مقهورة من الموقف




سلمت عمو فارس ع الخبر الطريف

واللي يعييش ياما يسمع ويشووووف

 

[دمعة عمر]

رد: حصان أزعجته أصوات النساء فرمى العريس الذي كان على متنه

هههههههههههههه
مسكين .... النهاية مو حلوة

 

[فارس عمر]

رد: حصان أزعجته أصوات النساء فرمى العريس الذي كان على متنه

هههههههههههههههههههههههههه شكل الحصان سوري اصيييل

اهلين : بسبوسة .
أي هيك يبدو .... أصيل هو والعريس كمان ...

 

[عين حالمة]

رد: حصان أزعجته أصوات النساء فرمى العريس الذي كان على متنه

مسكين بصراحة الحصان انا مو زعلانه غير عليه
اكيد طبيعي اصلا يسوي كذا
وسط الغوغاء اللي فوق راسه من النساء هههههههههههههههههههههههه
الف شكر اخي فارس على الطرح

 

[فارس عمر]

رد: حصان أزعجته أصوات النساء فرمى العريس الذي كان على متنه

موقف لا يحسد عليه النسوااااااان ولا هذا العريييس الرومانسيييييييي

والعروووووووووس اكييد كانت مقهورة من الموقف




سلمت عمو فارس ع الخبر الطريف

واللي يعييش ياما يسمع ويشووووف

الموقف ... لن ينساه أبداالعريس والعروس , والنسوان المعزومين ..
المهم الله ستر , ما صار جرحى ومصابين .
العروس ... يا حسرتي عالعروس وقتها ... أكيد بتكون انسطلت ... ولسانها ارتبط ...
فعلاً يالي يعيش .. ياما يشوف ... بس بالظاهر كنتي بالعرس عمو : ام حسام وشفتي ؟؟؟