يوم من مذكراتي ( في البيت مع هبونه ) ...

[دعها سماوية]

السلام عليكم ورحمة الله وبركاته ..​

السبت 5\12\2009
قمت الساعه 11،35ظهرا او صباحا مادري .. المهم .. نزلت حق غرفة المعيشه لقيت العايله كلها متجمعه
سلمت عليهم وقعدت .. مادريت الا امي تقووول ::
ساره تعالي وكلي هبه البيض عشان بطالع دكتور فيل (اعتقد تعرفونه ) بعدين غسليها ونوميها .. انا اطالع منصدمه
ابي اتريق بصبح على الناس .. طبعا انا ماقدر اقووول لا حق امي .. وافقت وامري لله ​

والحين بدينا المهارات ::​

طبعا هبه نامت وقامت الساعه 1 ::​

لما قامت شربتها حليبها .. وبعدها صرت اذكرها بالمهارات الي علمتها قبل مثل ::​

1- هبونه سوي يا رب .. بعدها ترفع ايدينها كأنها تدعي ..
2- وسألتها هبونة وين بطنك وخدودك .. واشرت عليهم ..
3- بعدين سألتها وين خشمي (انفي ) .. واشرت علي ..
4- وقلت لها هبونة كفك ( يعني give me five ) .. ورفعت ايدها وطقتني ..
5- وقلت لها هبه صفقي وصارت تصفق ..
6- هبونه سوي الله اكبر .. وتسوي طريقة التكبير ..
7- نقولها عطيني بوسه .. تحط ايدها على فمها وتقول اممما يعني نفس البوسه من بعييد..​

وما حبيت اكثر عليها .. فرحت وحطيت لها المكعبات عشان تحطهم فوق بعض ..
في البدايه صارت تصفق فيهم .. بعدين ذكرتها بالطريقه .. والحمد لله حطت ثلاثه ..
وكل ما تحط واحد احنا نصفق ونشجعها ..​

وبعدها ملت منهم .. فقلت خلني اعلمها تحط النظاره على عيونها .. والحمدلله قدرت اعلمها ..
وطبعا صورناها ..( بس ما راح احط الصورة لووووول ) ..​

المهم .. بعدين جبت لها ارنب و دبدوبها ريمي و كلب .. و صرت اعلمها اسمائهم ..
والحين الحمدلله صارت تعرف عليهم تقريبا .. بس الارنب اكثر شي ..​

بعدين جبت لها لعبة الاوتاد .. والحمدلله طبقت البورتج وحطت 7 اوتاد .. ما شاء الله ..
وخليتها تشيل واحد واحد وتعطيني اياه عشان اقولها اللون .. واستانست على هاللعبه ..​

طبعا بين التمارين راحه .. ونغني لها .. مو دايما تمارين ..​

المهم .. بعدين جبت لها علبتين لهم اغطيه .. وخليتها تفتحهم وتسكرهم ..​

وبعدها جبت لها صينيه من حديد كبيرة وعلقت فيها مغناطيس اشكالهم حلوه وخليتها تشيلهم و تحطهم .. عشان العضلات الدقيقه ..​

وصرت اخليها تفتح المصباح وتسكره ..​

وعندنا احنا بالكويت بطاط حباته مثل الخرز .. فبدال ما احط لها خرز وتاكلهم حطيت لها هذيل الحبات عشان تاكلهم
والحبات حييل صغار .. ورميت الحبات في الصحن وخليتها تاكلهم منها تستانس هبه ومنها اقوي عضلاتها الدقيقه ..​

وطبعا انا استغليت الوقت الي نغني لها .. وصرت اعلمها تحرك جسمها يمين ويسار .. وما شاء الله تعلمتها ..
والحين اذا سمعت اي صوت موسيقى ترقص عليها .. الله يحفظها ..​

وطبعا اذكرها بالمهارت حتى بوقت الاكل ..
مثل تغسل ايدها وتاكل من الملعقه و تحاول تشرب من الكاس (بس لحد الان ما تعلمته بالضبط ) ..​

وطبعا قبل ما تنام ..
اقرا لها قصص لانها كثيير مهمه .. واخليها تمشط شعرها ..​

وطبعا انا اكتفيت بالمهارت هذيل عشان ما اتعبها .. وكل يوم غيير ..​

.. تحياتي سارة اخت هبه .. :16: ..​

 

[لياني]

رد: يوم من مذكراتي ( في البيت مع هبونه ) ...

سارة نشيطة اكثر مني
انا حاطة ليان تلعب لوحدها وجالسة ههه
طبعا لا تفكروني مهملتها امبارح راح ظهري وانا موقفتها عركبها
مش حكملكم بمغامراتي مع ليان
خلينا نشوف مواهب هبة
في حكي كتييييير عالموضوع لي عودة

 

[نادي التحدي]

رد: يوم من مذكراتي ( في البيت مع هبونه ) ...

بارك الله فيك

 

[دعها سماوية]

رد: يوم من مذكراتي ( في البيت مع هبونه ) ...

سارة نشيطة اكثر مني
انا حاطة ليان تلعب لوحدها وجالسة ههه
طبعا لا تفكروني مهملتها امبارح راح ظهري وانا موقفتها عركبها
مش حكملكم بمغامراتي مع ليان
خلينا نشوف مواهب هبة
في حكي كتييييير عالموضوع لي عودة
على فكرة ما كذبت لما قلت سارة بخيلة .....

لا مستحيل نفكر ان مهملتها ..
وشنو قصدك بأني بخيله ..:1::1::1: ..

 

[دعها سماوية]

رد: يوم من مذكراتي ( في البيت مع هبونه ) ...

بارك الله فيك

اسعدني مرورك اخي نادي الليالي .. تحياتي ..

 

[ام محمود]

رد: يوم من مذكراتي ( في البيت مع هبونه ) ...

ماشاء الله صفحه رائعه مرجع لكل طفل متلازمة داون يري السلاسه والوضوح في تنظيم المهارات واستغلالها صح
جزيتي الخير يا سارة
هادئه الانفاس مع هبونه وهذا ساعدها في تعلم اللعب والمهارة بحرفيه ماشاء الله
حددي عمر هبونه ليكون الفائده اكبر للامهات
اكيد ماما دائما تطلب منك مساعده هبونه لانك ماشاء الله اخصائيه في فنون التعلم
ربنا يحفظك يارب

حلم الطفوله
يالا شدي حيك واكتبي مذكرات ليان وهنقارن من البخيل ؟؟

 

[فارس عمر]

رد: يوم من مذكراتي ( في البيت مع هبونه ) ...

مرحباً عمو سارة
أولاً قبلة مني - أنا الجد - ليد هبونة . التي قامت بكل هذه الأعمال والتمرينات والألعاب والرقص - ما شاء الله عليها - هذه الأعمال التي أعجز عن إداء أكثرها , وخاصة الرقص .. لكن يمكنني الغناء لهبونة عندما ترقص .

ثانياً تحية إكبار ورفع القبعة لك عمو سارة .
تصلحين ملاكاً حارساً ومعلمة لكل طفل .
لامتلاككِ القدرة والمعرفة والصبر .
كما تصلحين مقدمة برامج خاصة لتعليم الأمهات طريقة التعامل الصحيحة مع أطفالهنّ . لقدرتك على امتلاك أدوات اللغة المناسبة في التوضيح ..
وأخيراً : أنا مع ملاحظة أختي الصغيرة - انتبهي لكلمة الصغيرة , طبعاً بالنسبة لي وليس بالنسبة لكم - مع ملاحظتها الدقيقة والهامة بضرورة ذكر عمر هبونتنا .. لنستطيع القياس والمقارنة ..
لكِ تقديري

 

[دعها سماوية]

رد: يوم من مذكراتي ( في البيت مع هبونه ) ...

ماشاء الله صفحه رائعه مرجع لكل طفل متلازمة داون يري السلاسه والوضوح في تنظيم المهارات واستغلالها صح
جزيتي الخير يا سارة
هادئه الانفاس مع هبونه وهذا ساعدها في تعلم اللعب والمهارة بحرفيه ماشاء الله
حددي عمر هبونه ليكون الفائده اكبر للامهات
اكيد ماما دائما تطلب منك مساعده هبونه لانك ماشاء الله اخصائيه في فنون التعلم
ربنا يحفظك يارب

حلم الطفوله
يالا شدي حيك واكتبي مذكرات ليان وهنقارن من البخيل ؟؟

اخجلتني معلمتي الفاضله ..
اشكرك على تشجيعك الدائم لنا .. وحرصك على تعليمنا .. فضلك كبيييير اعجز عن وصفه ..
لكن جزااك الله خيير الجزاء وحفظ الله لك محمود .. لم اكون و لن اكون قادره على العطاء لهبتي الا بتشجيعك ..
ف شكرا لك معلمتي ..

 

[دعها سماوية]

رد: يوم من مذكراتي ( في البيت مع هبونه ) ...

مرحباً عمو سارة
أولاً قبلة مني - أنا الجد - ليد هبونة . التي قامت بكل هذه الأعمال والتمرينات والألعاب والرقص - ما شاء الله عليها - هذه الأعمال التي أعجز عن إداء أكثرها , وخاصة الرقص .. لكن يمكنني الغناء لهبونة عندما ترقص .
ستصل القبله بإذن الله .. وشنو تبي اكثر عمو فارس يغني لها .. من قدها ..
ثانياً تحية إكبار ورفع القبعة لك عمو سارة .
تصلحين ملاكاً حارساً ومعلمة لكل طفل .
لامتلاككِ القدرة والمعرفة والصبر .
شهادة اعتز بها عمو فارس .. والله اخجلتني .. ولا استطيع التعبير .. اعذرني ..
كما تصلحين مقدمة برامج خاصة لتعليم الأمهات طريقة التعامل الصحيحة مع أطفالهنّ . لقدرتك على امتلاك أدوات اللغة المناسبة في التوضيح ..
شكرا لك لكنني اقل من ذلك بكثيير ..
وأخيراً : أنا مع ملاحظة أختي الصغيرة - انتبهي لكلمة الصغيرة , طبعاً بالنسبة لي وليس بالنسبة لكم - مع ملاحظتها الدقيقة والهامة بضرورة ذكر عمر هبونتنا .. لنستطيع القياس والمقارنة ..
تحياتي لأختك الصغيرة .. والاكبر مني :16: ..
هبونة طبقت كل المهارات المكتوبه تقريبا في عمر السنه وثلاث اشهر .. لكن الان عمرها سنه واربع اشهر .. ومهاراتها اكثر لكنني اكتفيت بتذكيريها هذه المهارات لهذا اليوم .. حتى لا اتعبها ..

لكِ تقديري

ولك مني محبتي عمو فارس .. شكرا لك ..

 

[الصقر العماني]

رد: يوم من مذكراتي ( في البيت مع هبونه ) ...

بصراحة الذي أعجبني فيكِ أختي العزيزة سارة هو الحوافز التي تعطيها للحلوة هبونه بعد كل مهارة تعملها وهذا يعطيها دافع للاستمرار وعدم الملل وإن شاء الله نسمع عن هبه كل الأخبار الطيبة وتشوفيها في يوم من الأيام أجمل عروس

 

[دعها سماوية]

رد: يوم من مذكراتي ( في البيت مع هبونه ) ...

الله يسمع منك اخي الصقر العماني ..
اسعدني مرورك واسلوبك الرائع الذي يشجعني على المضي في مساعدة هبتي و تطويرها ..
شكرا لك اخي .. تحياتي لك ..

 

[’’ جـــنى ’’]

رد: يوم من مذكراتي ( في البيت مع هبونه ) ...

على اهتمامك بأختك ربي يخليها لكم ويحفظها

 

[دعها سماوية]

رد: يوم من مذكراتي ( في البيت مع هبونه ) ...

بارك الله فيك انت .. والله يخلي لك جنى ويحفظها ..
نورت الموضوع ..

 

[لياني]

رد: يوم من مذكراتي ( في البيت مع هبونه ) ...

ما شاء الله عنك يا هبة
تطوراتك كلها تجنن
اختك ما شية معك صح ومهتمة فيك كتيييييير
سارة بتستاهلي هدية كبيرة
ما شاء الله عنك

 

[ام لوجى]

رد: يوم من مذكراتي ( في البيت مع هبونه ) ...

ماشاء الله رائع تقدم هبه على فكره مثل عمر لوجى بينهم ايام فقط
والمنافسه محتدمه بين لوجى وهبه مين اشطر فى اتقان المهارات
بارك الله فيك ساره اخير عرفنا اسمك
ساره ممكن استلفك من ماما يوم عندنا فى البيت

 

[دعها سماوية]

رد: يوم من مذكراتي ( في البيت مع هبونه ) ...

ما شاء الله عنك يا هبة
تطوراتك كلها تجنن
اختك ما شية معك صح ومهتمة فيك كتيييييير
سارة بتستاهلي هدية كبيرة
ما شاء الله عنك

هلا والله نووووورتي الموضوع .. مشكوورة على الكلام الي قلتي ..
لكن الصراحه الي يستاهله هو انت و الكل يشهد ..
الله يخليك ليان ويخليك لها ..

 

[دعها سماوية]

رد: يوم من مذكراتي ( في البيت مع هبونه ) ...

ماشاء الله رائع تقدم هبه على فكره مثل عمر لوجى بينهم ايام فقط
والمنافسه محتدمه بين لوجى وهبه مين اشطر فى اتقان المهارات
بارك الله فيك ساره اخير عرفنا اسمك
ساره ممكن استلفك من ماما يوم عندنا فى البيت

:16:
المنافسه راح تكووون رائعه بس على شرط كل واحد يساعد الثاني (مادري شلون صارت منافسه ) لوووول ..
اذا تبيني يووووم .. من عيووووني الثنتين بس تكووون هبه معاااي .. Ok ..

 

[شروق الأمل]

رد: يوم من مذكراتي ( في البيت مع هبونه ) ...

ماشاء الله تبارك الرحمن


الله يخليها لكم ان شاء الله تقدمها حلو كثييير


و تنوعك في الاساليب و حتى في الكتابه اكثر من رائع

ننتظر الجديد من النشاطات و التدريبات

 

[دعها سماوية]

رد: يوم من مذكراتي ( في البيت مع هبونه ) ...

اهلا فيك شرووووق الامل ..
شكرا لك على مرووورك االرائع واسلوبك الاروع ..
اسعدني مرورك كثيييييييييييييييييييييييير ..
تحياتي ..

 

[القبطان عادل]

رد: يوم من مذكراتي ( في البيت مع هبونه ) ...

ماشاء الله تبارك الرحمن ربنا يحفظها لكم