مواقف يوسف لعب*ضحك*حزن*شاركوني بمواقفكم

[شروق الأمل]

رد: مواقف يوسف لعب*ضحك*حزن*شاركوني بمواقفكم

ما شاء الله عليه شاب وسيم و انيق ربنا يحفضه

تسلمين اختي هذا من ذوقك

حاسالك شوية اسئلة عن يوسف و اتمنى تجاوبيني عليها

انا تحت امرك باللي تبين

هل يوسف يتكلم طبيعي هل يخرج لوحده مثلا ايروح لمقهى
على فكرة المدينة لي انتم ساكنين فيها تجنن يا بختك يا يوسف

والله هو من ناحية يتكلم طبيعي اكذب عليك اذا قلت ايه
فيه اشياء بتكون مو مفهومه عنده
و يمكن اكثر ما اثر عليه من و هو صغير اننا ما كنا نشد عليه في مخارج الحروف كثير لاننا كنا نفهم عليه و كان هذا يكفي
بس الحين مو دايم كلامه فهوم لان مثلا عنده حرف ف و حرف ث احيانا يبدلها ببعض

و مخرج حرف الميم مو دايما يكون سليم مو دايم يكون الحرف واضح

و مثل كذا


اما انه يطلع لوحده لا
كان و هو صغير يروح السوبر ماركت يجيب خبز او عصير و ابوي يحاسبهم بعدين او نعطيه فلوس هويحاسبهم
بس بعد فتره بطل يروح

و صاير جالس في البيت ما يطلع الا معاي اذا رحت مشوار او زياره لاقاربنا او مع ابوي

و في وحده نعرفها من نفس منطقتنا ولدها مثل يوسف بس اكبر منه شوي لما سألتها امي عنه قالت مثل المحبوس في غرفته لايطلع و لايدخل ما ندري متى ينام و متى يصحى و بس يطلع ياكل و يرجع
لان عنده تلفزيون في غرفته مثل طريقة اخوي يوسف و تقول جالس في غرفته 24 ساعه
و علشان كذا ما ابي يوسف يصير مثله


سويت شغله حسيتها حلوه شوي
غرفته تفتح على الصاله اللي احنا جالسين فيها
فخليت دولاب التلفزيون و البلايستيشن قدام الباب و قلت له يخلي الباب مفتوح و اذا فاز في سباق او شي نشجعه
و حسيتها حركه حلوه حتى هو مبسوط منها

و اي سؤال ثاني انا حاضره
عيوني لكم

 

[حسون امال]

رد: مواقف يوسف لعب*ضحك*حزن*شاركوني بمواقفكم

با رك الله فيك شروق الامل و الله فكرة فتح الباب على الصالون فكرة حلوة و انا سالتك هل يخرج لاني فيه اطفال داون يحبوا يخرجوا للشارع كثير و هدا خطر عليهم لانك كما تعرفين مخاطر الشارع كثيرة و انا اتمنى ان سعد ابني ايكون هادي مثل يوسف و ايكون ايحب البيت اكثر من الشارع لاني ساكون مرتاحة اكثر و هو في البيت

سؤال اخر هل بيكلمك عن الجنس اللطيف مثلا يقول لك هده عجبتني هده جميلة
هل انت تكلميه عن مخاطر الشارع و تنصحيه ان لو مرة كان في الشارع لوحده لا يكلم الغرباء و لا يتق فيهم لانهم ممكن يؤدوه هل يفهم و يستجيب للاوامر لاني سمعت ان الداون لما حد يطلب منهم يروحوا معاه بيروحوا حتى لو كان غريب انا اريد ان اعرف هل كلهم كده هدا الامر يقلقني كثيرا
و انا اشكرك كثير لانك بتجاوبوا على اسئلتي شكرا مرة اخرى شروق الامل

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

عزيزتي اسئلتك في غاااااية الاهميه

و لو اقول لك وش كان يسوي يوسف يبي لي بألف مجلداات

لكن انتظريني لي عودة مع اجابه وافيه شافيه ان شاء الله


يمكن اتأخر عليك شوي لكن سامحيني لاني مشغوله الحين

 

[ام محمود]

رد: مواقف يوسف لعب*ضحك*حزن*شاركوني بمواقفكم

انا فخورة بشروق وبتعاونها واسمحوا لي اقيم الموضوع وقيموة معي

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

شكرا لك غاليتي ام محمود

والله مواضيعكم اللي تستحق التقييم اكثر من موضوعي
و اعذروني على التأخير لان النت عندي فيه مشاكل من ايام المطر ما يفتح معاي بسرعه فسامحوني على التأخير

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

غاليتي ام سعد حسون امال

في البدايه كلهم يحبون يطلعون كثيييييييييير و يمكن احيانا تدورين له ما تحصلينه
و هذا اللي سبب ليوسف كثير من المشاكل في المواقف اللي ذكرتها لكم


و بعد ما يكبرون يصيرون يحبون الجلوس في البيت

و للمعلوميه يوسف من زمان يتمنى نطلع من البيت في رحله او نروح مكه
ادعوا لنا ان الظروف تتيسر قريب و نروح مكه يارب

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

سؤال اخر هل بيكلمك عن الجنس اللطيف مثلا يقول لك هده عجبتني هده جميلة

احيانا
احيانا في المسلسلات نطالع انا و هو و امي و نتكلم انا و امي في هذي حلوه هذي لبسها حلو هذي مكياجها حلو هذي لبسها مو حلو

و كذا
فهو مثلا شاف وحده تشبهني في صفات معينه - صفات خاصه ما بأقول لكم عليها- يقول هذي انتي

سوي شعرك زي هذي
شافني حاطه مكياج و انا طالعه مناسبه
بعدها يقول هذي زيك و انتي رايحه الحفله هذاك اليوم
يعني يربط اللي يشوفه فيني ما يقول رأيه في وحده علشانه

يعني مايقول هذي تعجبني او هذي رهيبه او كذا لا
بس الاحظه انه يحب يشوف صور بنوتات كشخه صور مكياج و قصات شعر اذا شافني ادور في النت جلس يطالع معاي

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

هل انت تكلميه عن مخاطر الشارع و تنصحيه ان لو مرة كان في الشارع لوحده لا يكلم الغرباء و لا يتق فيهم لانهم ممكن يؤدوه هل يفهم و يستجيب للاوامر لاني سمعت ان الداون لما حد يطلب منهم يروحوا معاه بيروحوا حتى لو كان غريب انا اريد ان اعرف هل كلهم كده هدا الامر يقلقني كثيرا

والله غاليتي هذي التوصيه كانت تقولها امي لنا جميعا و احنا صغار
بس لما كبر ما نقولها له كثير لأنه اصلا مايطلع مكان بدون ما يكون مع احد مننا
حتى لما احد من اخواتي تكون طالعه كشته مع زوجها و الاولادها يمرون ياخذونه ماياخذ راحته معاهم يكون كل همه من الاطفال
فلان لا يطيح من المرجيحه
فلانه بتروح بعيد لازم تكون قريبه منا
فلان مايقدر يمشي انا باقوم معاه
طبعا مايقوله بالكلام بس من خلال مراقبته لهم و رايح يشوف هذا و يلاعب هذي لدرجة انه مايكون مرتاح طوال الوقت عكس اذا هم جوا معانا في طلعه للملاهي او رحله يكون مرتاح كثير و عادي مايفكر فيهم

و انتظريني باقول لك سالفه بخصوص طلعاته من البيت

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

لما كان صغير يحب يطلع من البيت احيانا ندور عليه ماندري وينه

و بعد فتره صار يروح المحطه (سوبرماركت و ورشه و محلات حلاق و خضار و كافتريا و مجموعه محلات كامله بجنب بعض قريبه من البيت)

و يروح ابوي يجيبه


بعدها صرنا نقول له يجيب بريالين خبز و ابوي يحاسبهم او نعطيه فلوس و يروح يجيب و ابوي راجع من العمل يمر عليه و ياخذه معاه

بعدها صار فيه واحد في الورشه والله نسيت اسمه -ان شاء الله اذا تذكرت اسمه رجعت اقوله- كان يحب يروح عنده يوسف يجلس يطالع في السيارات و يقرأ معاه جريدة الاهرامات الظاهر فيها ملحق خاص بالسيارات يروح يقراه معاه و يجيبه معاه البيت

بعدها تطورت العلاقه
صار ياخذ 2 بيبسي من المحطه و يروح للبنشري واحد ليوسف وواحد للبنشري

لما سافر البنشري صار مايروح كثير للمحطه



و ماكنا نخاف انه يطلع من البيت كثير لان المنطقه اللي احنا فيها اغلب الجيران مسافرين وقت الدوامات النهم اما متوظفين في جده او مكه او الطائف او الرياض او الدمام

بس وقت الظهر مانخليه يطلع ابداً
لان قريب مننا مدرسة اولاد و مدرسة بنات و تروح السيارات من الشارع القريب مننا


و في فتره انكسر ساقه و كانت رجله مجبره من نصف الفخذ الى رؤوس اصابع القدم
و ماكان يقدر يروح و يجي
و مره دورنا عليه ماحصلناه
و لما طلعنا الحوش حصلناه رافع رجله و يسحب على الارض بمساعدة يديه المهم انه يطلع بأي طريقه بس زين لحقناه قبل يطلع من الحوش



و للمعلوميه
كل ابواب البيت كانت امي تقفلها و الحوش بعد و تخبي المفاتيح عندها علشان مايطلع في الليل بدون ما نحس عليه

لكن كل ما كبر كل ما خفت الحركات هذي و الحمدلله

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

و انا اشكرك كثير لانك بتجاوبوا على اسئلتي شكرا مرة اخرى شروق الامل

العفو عزيزتي
انا جاوبتك من واقع حياة يوسف و اي سؤال ثاني انا في الخدمه

مثل ماقلت اللي تبي سؤال مساعده استفسار انا موجوده

 

[حسون امال]

رد: مواقف يوسف لعب*ضحك*حزن*شاركوني بمواقفكم

الحمد لله ان هده المواقف مرت بسلام و يوسف بخير الان ربنا ايعينا اننا نحافض عليهم و ربنا ايبعد عنهم اولاد الحرام و دعواتكم لينا ان ربنا يسترها معانا
هناك سؤال ثاني بيقولوا ان تصرفاتهم تكون طفولية يعني يوسف يحب يختلط بالكبار و لا الصغار مثلا لما ايجوا ضيوف رجالة هل يقعد معاهم يكلمهم

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

هناك سؤال ثاني بيقولوا ان تصرفاتهم تكون طفولية يعني يوسف يحب يختلط بالكبار و لا الصغار مثلا لما ايجوا ضيوف رجالة هل يقعد معاهم يكلمهم

والله ماقد سمعت كذا بس الاحظ صح فيه حركات طفوليه في لعبه في مزحه في حركاته

لكن اذا فيه رجال لا طبعا يجلس مع الرجال
مستحيل يقوم من عندهم الا نادراً يمكن احنا اللي غرسنا هذا فيه لأن دائما ما نناديه الا
الرجال يوسف
الشيخ يوسف
حتى لما يروح ابوي و اخواني مشوار و هو يجلس يقول ابي اروح معاهم
أقول انت رجال البيت علشان تحمينا اذا جاء حرامي او رجال ثاني تكون انت موجود

فصار خلاص هو رجال


و كل الرجال اذا قابلوه مع ابوي يحبون يسلمون عليه و يسولفون معاه و هو يفرح بكذا لدرجة اذا قلنا مين هذا قال هذا يعرفني يسلم علي
و احيانا اذا قابلوه في الشارع يسلمون عليه


حتى العمال يحبون يمزحون معاه لأنه يحب السوالف و المزح

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

ربنا ايعينا اننا نحافض عليهم و ربنا ايبعد عنهم اولاد الحرام و دعواتكم لينا ان ربنا يسترها معانا

اللهم آآآآآميــــــــــــــــــــــــــــــــن يارب

 

[لياني]

رد: مواقف يوسف لعب*ضحك*حزن*شاركوني بمواقفكم

ربنا يحفظ جميعاطفالنا
شروق انت كنز من المعلومات
بجد اجاباتك مفيدة
من واقع تجربتك مع يوسف
ريحتينا خالص
اشكرك ام سعد على سؤالك مثل هذه الاسئلة

 

[لياني]

رد: مواقف يوسف لعب*ضحك*حزن*شاركوني بمواقفكم

طيب هذا موقف حلو ومؤلم بنفس الوقت

قبل عدة ايام
كانت ليان نايمة ومو متريحة تتقلب وتطلع صوت غريب
قامت امي على صوتها لاقتها بتبكي ومو عارفة تنام
قامت حطتلها المصاصة رجعت نامت
يا حرام البنوتة كانت تحلم بايامها التعيسة بالمستشفى ...

موقف ثاني
كنت قاعدة مع ليان لعبها ودربها
رحت جيب كرة والكرة دي بضيع لما بدي اياها
رحت وطولت رجعت لاقيتها موقعة الوردة وملية المكان بالقاذورات
ورافعة يديها ورجلها وبتقول " ادااا" مثل الي طار بالسما ههههه

موقف اخر
دة مقلب عملته مع ليان
سجلت صوتي عالجوال
وانا نادي باسمها ووضعته ببنطالها من ورى وشغلته
وهي تبحث والدور
منظرها يضحك وهي تبحث عمصدر الصوت
ومو ملاقياة

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

هلا حياك الله حلم الطفوله
تسلمين يالغاليه بس هذي حياه كامله لازم تكون مليانه مواقف و معلومات



بس حرام عليك كذا تعذيب لأختك تجلس تلف تدور عليك

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

هذا موقف جديد

طبعا هالموقف تغيبت بسببه عن المدرسه 3 ايام تقريبا


في بداية فصل الربيع يطلع في شجر اللوز الأزهار و بعدها اللوز و يكون في بدايتة اخضر و حلوو كثييير نتضارب عليه علشان مانحصل كثير كبيره في حجمها نقدر ناكلها


المهم
عندنا شجره لوز هي الوحيده اللي اهلي معطينا الضوء الأخضر في انا ناكل منها

و هذاك اليوم انا و يوسف واقفين عندها مانلحق اللوز فنرجع نرميها بحجاره علشان يطيح اللوز


و شوي دخلت تحت الشجره علشان اشوف اللوز اللي نقدر ناكله في اي مكان علشان اعرف كيف ارمي الحجر و على اي غصن بالضبط <<<<<اللي يسمعني يقول محترفة رمايه مايدرون اني من جنبها


المهم والله و انا ادور يوسف يقول لي اطلعي قلت ما بأطلع وش عندك؟!

قال ترى بارمي و كان ماسك حجر و مو اي حجر
حجر كبير شوي و له راس مدبب

قلت ماني طالعه عناد ( لأني متأكده انه مابيرمي و انا تحت الشجره)
لكن شكله قال مابيطيح عليها او بكيفها او ما ادري وش اللي دار في باله هذاك الوقت
رمى الحجر و مادريت الا راسي دااااااايخ و احط يدي على راسي مكان الضربه بس مو كفي لا مكان المعصم حطيته على مكان الضربه - الحين تفهمون ليش اشرح-
جلست اخاصمه و رفعت صوتي
(انت ماتشوفني تحت الشجره ليش ترمي غبي ماتفهم و قلت كلام و الله ما ادري وش قلت بالضبط بس عن جد الضربه اللي جتني خلتني اعصب بشكل)

و ترى كان عمري وقتها 6 سنوات يعني هو اربع سنوات

و جيت راجعه على البيت قلت راسي دايخ بارجع البيت اريح شوي و كان في بالي اني بارجع انام و بيروح الوجع

و شوي الا اشم ريحة دم
و اطالع في يدي في معصم يدي الا فيه دم استغربت من وين جاني
اشوف انفي مافي دم
فمي؟!!
بعد مافي دم

ادور و شوي قلت يمكن من راسي
بس حطيت يدي و شفت الدم
والله تجيني دووووووخه فضيعه
و راسي يوجعني
و مباشره بكيت و انا راجعه البيت حتى ما اشوف الطريق من الدوخه و الدموع


و ارجع الظاهر وحده من خواتي شافتني و سألتني مدري وش صار اتذكر بعد كذا و خواتي يضمدون الجرح و اللي راح يجيب يوسف علشان مايجلس لوحده في المزرعه

و جلست في البيت غايبه 3 ايام و ما اقدر امشط شعري

لما رحت مع ابوي علشان يشوف الحجر اللي انرميت فيه
اسمعه يقول لأهلي الله ستر و الا كان صار شي ثاني

 

[’’ جـــنى ’’]

رد: مواقف يوسف لعب*ضحك*حزن*شاركوني بمواقفكم

طيب هذا موقف حلو ومؤلم بنفس الوقت

قبل عدة ايام
كانت ليان نايمة ومو متريحة تتقلب وتطلع صوت غريب
قامت امي على صوتها لاقتها بتبكي ومو عارفة تنام
قامت حطتلها المصاصة رجعت نامت
يا حرام البنوتة كانت تحلم بايامها التعيسة بالمستشفى ...

سلامات ايومه ماتشوفي شر
هما كدت عندهم مشاكل في النوم
جنى وهي نايمه بتقوم وتجلس

موقف ثاني
كنت قاعدة مع ليان لعبها ودربها
رحت جيب كرة والكرة دي بضيع لما بدي اياها
رحت وطولت رجعت لاقيتها موقعة الوردة وملية المكان بالقاذورات
ورافعة يديها ورجلها وبتقول " ادااا" مثل الي طار بالسما ههههه

ياعيني عليها هههههههه شكل الورده مو عاجبتها ؟! :2:

موقف اخر
دة مقلب عملته مع ليان
سجلت صوتي عالجوال
وانا نادي باسمها ووضعته ببنطالها من ورى وشغلته
وهي تبحث والدور
منظرها يضحك وهي تبحث عمصدر الصوت
ومو ملاقياة
هههههههههههههههههههه حرام عليك ليه تعملي كدا
بس هذا تدريب حلو عشان تتعرف على مصدر الصوت
خساره لو صورتيها :2:

تحياتي

 

[’’ جـــنى ’’]

رد: مواقف يوسف لعب*ضحك*حزن*شاركوني بمواقفكم

هذا موقف جديد

طبعا هالموقف تغيبت بسببه عن المدرسه 3 ايام تقريبا


في بداية فصل الربيع يطلع في شجر اللوز الأزهار و بعدها اللوز و يكون في بدايتة اخضر و حلوو كثييير نتضارب عليه علشان مانحصل كثير كبيره في حجمها نقدر ناكلها


المهم
عندنا شجره لوز هي الوحيده اللي اهلي معطينا الضوء الأخضر في انا ناكل منها

و هذاك اليوم انا و يوسف واقفين عندها مانلحق اللوز فنرجع نرميها بحجاره علشان يطيح اللوز


و شوي دخلت تحت الشجره علشان اشوف اللوز اللي نقدر ناكله في اي مكان علشان اعرف كيف ارمي الحجر و على اي غصن بالضبط <<<<<اللي يسمعني يقول محترفة رمايه مايدرون اني من جنبها


المهم والله و انا ادور يوسف يقول لي اطلعي قلت ما بأطلع وش عندك؟!

قال ترى بارمي و كان ماسك حجر و مو اي حجر
حجر كبير شوي و له راس مدبب

قلت ماني طالعه عناد ( لأني متأكده انه مابيرمي و انا تحت الشجره)
لكن شكله قال مابيطيح عليها او بكيفها او ما ادري وش اللي دار في باله هذاك الوقت
رمى الحجر و مادريت الا راسي دااااااايخ و احط يدي على راسي مكان الضربه بس مو كفي لا مكان المعصم حطيته على مكان الضربه - الحين تفهمون ليش اشرح-
جلست اخاصمه و رفعت صوتي
(انت ماتشوفني تحت الشجره ليش ترمي غبي ماتفهم و قلت كلام و الله ما ادري وش قلت بالضبط بس عن جد الضربه اللي جتني خلتني اعصب بشكل)

و ترى كان عمري وقتها 6 سنوات يعني هو اربع سنوات

و جيت راجعه على البيت قلت راسي دايخ بارجع البيت اريح شوي و كان في بالي اني بارجع انام و بيروح الوجع

و شوي الا اشم ريحة دم
و اطالع في يدي في معصم يدي الا فيه دم استغربت من وين جاني
اشوف انفي مافي دم
فمي؟!!
بعد مافي دم

ادور و شوي قلت يمكن من راسي
بس حطيت يدي و شفت الدم
والله تجيني دووووووخه فضيعه
و راسي يوجعني
و مباشره بكيت و انا راجعه البيت حتى ما اشوف الطريق من الدوخه و الدموع


و ارجع الظاهر وحده من خواتي شافتني و سألتني مدري وش صار اتذكر بعد كذا و خواتي يضمدون الجرح و اللي راح يجيب يوسف علشان مايجلس لوحده في المزرعه

و جلست في البيت غايبه 3 ايام و ما اقدر امشط شعري

لما رحت مع ابوي علشان يشوف الحجر اللي انرميت فيه
اسمعه يقول لأهلي الله ستر و الا كان صار شي ثاني

الحمد لله على السلامه شروق الامل :2:

والله انك عنااديه جداا :15:

ليه ماطلعلتي هههه ؟ ربي يخليكم لبعض ويحفظكم :23:

كذا الاخوه لازم يكون فيه تضحيات :2: << هذا عذر اخوي اذا صقعني غلط :20:

تحيآتي

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

والله عاد من العناد استاهل

بس بيني و بينك
والله ما توقعت انه يرمي ابداً لأنه خواف شوي و علشان كذا مافكرت اطلع
و بعد حتى رميته ماشاء الله تبارك الرحمن وش قوتها على كبر الحجر الا انه قدر يرميه

لا و المشكله اني جلست شايله في قلبي عليه
و اكثر من مره اذا بقينا لوحدنا انا وهو قلت ليش ترميني بالحجر؟!!

تبي ارميك بعد بالحجر؟!!>>>>>عقل طفله وش تتوقعون