من حسني مبارك الى شعب مصر

[العربية]

ياشعبي حبيبي ياروحي يابيبي , ياحاطك في جيبي يابن الحلال
ياشعبي ياشاطر ياجابر خواطر, ياساكن مقابر وصابر وعال
ياواكل سمومك يابايع هدومك , ياحامل همومك وشايل جبال
ياشعبي اللي نايم وسارح وهايم , وفي الفقر عايم وحاله ده حال
احبك محشش مفرفش مطنش , ودايخ مدروخ واخر انسطال
احبك مكبر دماغك مخدر , ممشي امورك كده باتكال
واحب اللي ينصب واحب اللي يكدب, واحب اللي ينهب ويسرق تلال
واحب اللي شايف وعارف وخايف, وبالع لسانه وكاتم ماقال
واحب اللي قافل عيونه المغفل , واحب البهايم واحب البغال
واحب اللي راضي واحب اللي فاضي , واحب اللي عايز يربي العيال
واحب اللي يائس واحب اللي بائس , واحب اللي محبط وشايف محال
واحبك تسافر وتبعد تهاجر , وتبعت فلوسك دولار او ريال
واحبك تطبل تهلل تهبل , عشان مطش كوره وفيلم ومقال
واحبك تأيد تعضض تمجد , توافق تنافق وتلحس نعال
تحضر نشادر تجمع كوادر, تلمع تقمع تظبط مجال
لكن لو تفكر تخطط تقرر , تشغلي مخك وتفتح جدال
وتبدأ تشاكل وتعمل مشاكل , وتنكش مسائل وتسأل سؤال
وعايز تنور وعايز تطور , وتعمللي روحك مفرد رجال
ساعتها حجيبك لايمكن اسيبك , وراح تبقى عبره وتصبح مثال
حبهدل جنابك وادل اللي جابك , وحيكون عدابك ده فوق الاحتمال
وامرمط سعادتك واهزأ سيادتك , واخلي كرامتك في حالة هزال
وتلبس قضيه وتصبح رزيه , وباقي حياتك تعيش في انعزال
حتقبل ححبك حترفض حلبك , حتطلع حتنزل حجيبلك جمااااال
منقووووووووووووول

 

[الصقر العماني]

رد: من حسني مبارك الى شعب مصر

بدون تعليق
شكرا أختي العربية على الموضوع

 

[صمت الغروب]

رد: من حسني مبارك الى شعب مصر

لا حول ولا قوة إلا بالله

 

[فارس عمر]

رد: من حسني مبارك الى شعب مصر

نعم هذا هو الحب الحقيقي المطلوب .
قلب كبير .

 

[بنت التحدي]

رد: من حسني مبارك الى شعب مصر

لا حول ولا قوة الا بالله
لالالالالالالالالالالالالالالالا تعليق

 

[عبدالواحد]

رد: من حسني مبارك الى شعب مصر

بسم الله الرحمن الرحيم 0000لاشك ان هناك عيوب ومشاكل فى الحكم فى مصر ولاكن هناك ميزات كثيرة وانجازات تمت مقارنة باالعصور الماضية ولا ننكرها ومازالت مصر الكنانة بخير وستظل بخير وهذه الكلمات المكتوبة ممكن تنطبق على اى دولة عربية وكل دولة يوجد فيها تجاوزات للحكام ولاكن الشعوب العربية لاتستطيع الكلام الا الشعب المصرى فهو يتكلم والمعارضة موجودة وحرية الصحافة موجودة واكرر مازالت مصر ام الدنيا بخيرفانا لااقبل ان اسمع ذلك عن مصر حتى لو المتكلم مصرى وهذا رايى الشخصى تقبلومرورى

 

[تناهيد]

رد: من حسني مبارك الى شعب مصر

عذرا فموضوعك لا يعود بالنفع على اي من الاعضاء وما من شاءنه الى ان يخلق الخلاف بين الاعضاء
ينقل للارشيف