اهالي الاردن الغالي و فلسطين الحبيبة.......دعوة للتجمع

[واحة الامل]

السلام عليكم و رحمة الله وبركاته​

يعطيكم العافية جميعا​

​

الامهات و الاباء في الاردن و فلسطين ممن عندهم ابناء معهم توحد​

ارجو ان نتجمع هنا لتبادل الخبرات و اسماء الاطباء و المراكز و طرق العلاج المتبعة مع اطفالنا

ولكم جزيل الشكر​

 

[ام مودة]

رد: اهالي الاردن الغالي و فلسطين الحبيبة.......دعوة للتجمع

ليش يا واحة امل هذه العنصريةهههههههههههههههههههه

 

[ام اسلام]

رد: اهالي الاردن الغالي و فلسطين الحبيبة.......دعوة للتجمع

مافي حد احسن من حد,,,,يعني اهل المغرب احسن منا.......يلا يا واحة زيدي التجمع شوي.خلينا نوحد الامة العربية.ههههه
طبعا كلامي للدعابة,ولكن قصد الاخت واحة,فقط المساعدة بذكر الاماكن العلاجية,للاهال الجدد.
طبعا,اعود لادون ملاحظاتي لاحقا,دمتم بخير

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

ليش يا واحة امل هذه العنصريةهههههههههههههههههههه

له له الله يسامحك :2:

طيب يلا احكينا تجربتك و نصايحك:2:

مافي حد احسن من حد,,,,يعني اهل المغرب احسن منا.......يلا يا واحة زيدي التجمع شوي.خلينا نوحد الامة العربية.ههههه
طبعا كلامي للدعابة,ولكن قصد الاخت واحة,فقط المساعدة بذكر الاماكن العلاجية,للاهال الجدد.
طبعا,اعود لادون ملاحظاتي لاحقا,دمتم بخير

انداري :2:

يلا بنستنى رجعتك يا حلوة:16:

 

[ام مودة]

رد: اهالي الاردن الغالي و فلسطين الحبيبة.......دعوة للتجمع

حتى انا كنت اداعبها لا تزعلي ام عبودي

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

انا وضعي كالتالي

مقيمة في جدة

ابني الكبير هلا عمره سنة و 9 شهور

اخدته على دكتورين الاول قال عنده ضعف تركيز و تاخر كلامي و التاني حكى عنده سمات توحد لكن التشحيص صعب لانه لسه صغير


طبعا لا عملتله حمية ولا شي لانه زوجي حكى لازم نعملها عند مختص تغذية على اساس انه الولد صغير ولسه مش كل اسنانه طالعه

بالنسبة لاطباء الدان نفس القصة ابو العيال مو مقتنع فيهم

الشي الوحيد اللي مقتنع فيه هو التدريب السلوكي

قرات كتاب سمات التوحد وعلاج التوحد لوفاء الشامي و اخذت صورة واضحة عن الموضوع والعلاجات

حكيت مع عدد من المراكز الكل رفضوا لانه الولد لسه صغير

مركز جدة للتوحد حكولي بنتصل عليكي لنشوف كيف بنقدر نساعدك ولسه ما حد حكى

حاليا بدور على اخصائية تعديل سلوك تيجي على البيت عشان تدرب الولد و اتعلم منها وان شاء الله ربنا يوفقنا بوحدة بنت حلال

حتى استغل الوقت قبل ما انزل على الاردن بشهر 7 و الله الموفق

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

لا مو زعلانه ام مودة بس اخدت على خاطري ههههههههه

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

يلا سولفوا اشوف

 

[سمر خالد]

رد: اهالي الاردن الغالي و فلسطين الحبيبة.......دعوة للتجمع

طيب .....

أنا فلسطينية مقيمة في الكويت ؟؟
يا ريت تنطبق علي الشروط و بأقدر انضم الكم و لا ما إلي مكان بينكم .؟؟؟

بانتظار قراركم الكريم علي أحر من الجمر

تحياتي​

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

هلا بيكي اخت سمر

اكيد بتنطبق الشروط طبعا

انا اردنية مقيمة بجدة

نورتينا يا حلوة و ان شا ءالله نستفيد من هالتجمع

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

شو شكله ما عجبكم تجمعنا ؟؟؟؟

 

[أم ياسمين]

رد: اهالي الاردن الغالي و فلسطين الحبيبة.......دعوة للتجمع

حيا الله الجميع بكل بقاع الأرض
أخواتي أنا في الأردن وعندي طفلة داون سندروم
من أسبوع وأنا أنتظر رد من أي عضو يكون بالأردن ...
حتى بدأت أحس إني العضو الوحيد من الأردن
بدنا نجمع أصواتنا حتى نرفع كتاب للمجلس الأعلى لشؤون المعاقين
من أجل دعم أطفال الداون سندروم
http://www.t7di.net/vb/showthread.php?t=37533
يا ريت اذا بتعرفوا حد بالأردن تبلغوه حتى يشاركنا
ولكم الأجر من الله
اللهم شافي أولادنا واحفظهم واحميهم
يـــــــــا رب:23:

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

هلا ام ياسمين بقدر ابعت ايميلات ان شاء الله برابط الموضوع و لا يهمك حبيبتي

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

ام ياسمين دخلت الرابط

هلا شو المطلوب بالضبط انتي حاطة حلقى من برنامج بيحكي عن الموضوع

طيب ما في مكان تتسجل فيه الاسماء اللي ناويين ترفعوها للمجلس

 

[ام اسلام]

رد: اهالي الاردن الغالي و فلسطين الحبيبة.......دعوة للتجمع

بالنسبة لابني عمره 6 سنوات ,عرفنا بالحالة وهو بعمر 2 والنصف.
بدأنا العلاج التخاطبي, بذلك العمرفي عيادة الحكمة للسمع والنطق,عند دوار المدينه الرياضية,مجمع فرح,بصراحة كنت محظوظة بالاخصائية,لانها عرفت تحتويني انا الام وتضعني على اول الطريق.
لم يدخل ابني اي مركز تربية خاصة ابدا,لكني استعنت بمدرسة تربية خاصة كانت تاتي للمنزل,واعطتني الافكار الاساسية للتعامل مع طفلي,وبعدها بدات انا اطور الافكار والعمل,بناءا على انه هناك مشكلة ولها حل.
يعني على سبيل المثال,بعد فترة التنظيف لابني من الحمام,مرت عليه فترة,تراجعت الامور لديه واصبح لايعرف يستخدم الحمام,اشكر الله اني لم احظى باحد المدربين الفاشلين الذي قد يقول لي ان هذا واقع التوحد وانه لن يعرف استخدام الحمام لوحده مرة اخرى,والذين ذهب ضحاياهم اطفال كثيرين نتيجة قلة الدراية والخبرة,فالتعامل مع الطفل المتوحد انه كائن لا يستوعب ولا يفهم هي جريمة بحقه,المهم ابني لم اتركه وفترة عدم قدرته على استخدام الحمام لم تتجاوز الشهرين,وماشاء الله عنه.
طبعا قبل ان يفتتتح عيادة الاكسي كير,والتوتال ولنس,وهما اول اول مركزين لمتابعه التوحد بالاردن طبيا,لم يكن غير اسلوب التعديل السلوكي والتخاطب,وهناك الكثير من المدارس المرموقة ,ولكن الكلفة على الاسرة الاردنيه مرتفعة.
ومشكلة اخرى,ان الاخصائيين المتمكنين في الموضوع,يحصلو على عقود مغرية للخليج,وبالتال يبدأ مع ابنك من هون وبعد ما يتعود الولد عليه والامور تصير تمام,يسافر,ونبحث من جديد عن شخص اخر,وووووووووقد يستجيب معه الطفل وقد لا يفعل,باختصار,احيانا احقد على الخليج,ههه.؟
طبعا انا تابعت مع ابني بالتوتال ولنس ,عند د.محمد المومني,وقمت بعمل التحاليل,والاكسجين واستخدام تحاميل الدمسا,وبصراحة,تقدم ابني كثيرا,
حاليا قمت بزيارة عيادة طب تكميلي,لعمل غسيل للقولون للطفل,وهناك الكثير لاحدثكم به,لكن...................................عندما اجرب العلاج,وارى النتيجة.
بس تنزلي عمان بعطيكي اخت واحة رقم اخصائية التربية الخاصة,واخصائية النطق ,ان احببت.

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

بالنسبة لابني عمره 6 سنوات ,عرفنا بالحالة وهو بعمر 2 والنصف.
بدأنا العلاج التخاطبي, بذلك العمرفي عيادة الحكمة للسمع والنطق,عند دوار المدينه الرياضية,مجمع فرح,بصراحة كنت محظوظة بالاخصائية,لانها عرفت تحتويني انا الام وتضعني على اول الطريق.
لم يدخل ابني اي مركز تربية خاصة ابدا,لكني استعنت بمدرسة تربية خاصة كانت تاتي للمنزل,واعطتني الافكار الاساسية للتعامل مع طفلي,وبعدها بدات انا اطور الافكار والعمل,بناءا على انه هناك مشكلة ولها حل.
يعني على سبيل المثال,بعد فترة التنظيف لابني من الحمام,مرت عليه فترة,تراجعت الامور لديه واصبح لايعرف يستخدم الحمام,اشكر الله اني لم احظى باحد المدربين الفاشلين الذي قد يقول لي ان هذا واقع التوحد وانه لن يعرف استخدام الحمام لوحده مرة اخرى,والذين ذهب ضحاياهم اطفال كثيرين نتيجة قلة الدراية والخبرة,فالتعامل مع الطفل المتوحد انه كائن لا يستوعب ولا يفهم هي جريمة بحقه,المهم ابني لم اتركه وفترة عدم قدرته على استخدام الحمام لم تتجاوز الشهرين,وماشاء الله عنه.
طبعا قبل ان يفتتتح عيادة الاكسي كير,والتوتال ولنس,وهما اول اول مركزين لمتابعه التوحد بالاردن طبيا,لم يكن غير اسلوب التعديل السلوكي والتخاطب,وهناك الكثير من المدارس المرموقة ,ولكن الكلفة على الاسرة الاردنيه مرتفعة.
ومشكلة اخرى,ان الاخصائيين المتمكنين في الموضوع,يحصلو على عقود مغرية للخليج,وبالتال يبدأ مع ابنك من هون وبعد ما يتعود الولد عليه والامور تصير تمام,يسافر,ونبحث من جديد عن شخص اخر,وووووووووقد يستجيب معه الطفل وقد لا يفعل,باختصار,احيانا احقد على الخليج,ههه.؟
طبعا انا تابعت مع ابني بالتوتال ولنس ,عند د.محمد المومني,وقمت بعمل التحاليل,والاكسجين واستخدام تحاميل الدمسا,وبصراحة,تقدم ابني كثيرا,
حاليا قمت بزيارة عيادة طب تكميلي,لعمل غسيل للقولون للطفل,وهناك الكثير لاحدثكم به,لكن...................................عندما اجرب العلاج,وارى النتيجة.
بس تنزلي عمان بعطيكي اخت واحة رقم اخصائية التربية الخاصة,واخصائية النطق ,ان احببت.

ما شاء الله عليكي يا ام اسلام

فعلا الام ما لازم تقلل من قدرات ابنها انا مرات بشتري العاب لابني

ابوه بيصير يحكيلي ما رح يفهملها رح يرميها بالارض و يدورها

لكن انا بصمم اني اجيبها و بحاول ادربه عليها و اذا ما استحاب بتركها فترة و برجع

لكن لو حطيت ببالي انه توحدي ولعبه بس الرمي و التدوير فعلا رح يضل هيك

ويسلمواعلى الارقام مقدما وعلى فكرة الاسعار هون بالخليج كمان مرتفعة يعني الجلسة بتكلف حوالي 150 ريال - 350 ريال يعني من 30- 70 دينار و الدفع بيهون بس الاولاد يتحسنوا و الله المستعان

 

[بلال عودة]

رد: اهالي الاردن الغالي و فلسطين الحبيبة.......دعوة للتجمع

السلام عليكم ورحمة الله وبركاته
الفاضلة واحة الامل
اشكر لك كريم دعوتك للمشاركة بالموضوع
وباذن الله نتواصل بمايخدم شريحة الاطفال التوحديين واسرهم الكريمه
خبير التربية الخاصة
ا. بلال عودة

 

[أم ياسمين]

رد: اهالي الاردن الغالي و فلسطين الحبيبة.......دعوة للتجمع

ام ياسمين دخلت الرابط

هلا شو المطلوب بالضبط انتي حاطة حلقى من برنامج بيحكي عن الموضوع

طيب ما في مكان تتسجل فيه الاسماء اللي ناويين ترفعوها للمجلس

تسلمي يا واحة الأمل ... ربي ينولك كل آمالك
حبيبتي أنا ما حطيت أي عنوان حتى ما يعترضوا بالمنتدى
لكن اذا فيه مجال تبعثيلي ايميل (ايميلي مسجل ضمن معلوماتي الشخصية)
ورح أبعثلك برقم موبايل أبو عبد الله إلي كان معه اللقاء في الحلقة
وهو متولي المتابعة كاملة بجهوده الشخصية
وعلى فكرة السيدة يلي اتصلت بالبرنامج انضمت لمنتدى التحدي الأسبوع الماضي
والله أني مش عارفة كيف بدي أتشكرك
ربنا يهنيك بأولادك ويشافي ابنك
يــــا رب:23:

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

السلام عليكم ورحمة الله وبركاته
الفاضلة واحة الامل
اشكر لك كريم دعوتك للمشاركة بالموضوع
وباذن الله نتواصل بمايخدم شريحة الاطفال التوحديين واسرهم الكريمه
خبير التربية الخاصة
ا. بلال عودة

مشكور اخ بلال لاستجابتك لدعوتنا اكيد رح نستفيد من خبراتك


انا عندي استفسار عن تاهيل اهل و بالخصوص والدي الطفل التوحدي

هل يوجد دورات لتعليم الاهل الطريقة الانسب للتعامل مع الطفل؟هل تعقد هكذا دورات بالاردن؟

تسلمي يا واحة الأمل ... ربي ينولك كل آمالك
حبيبتي أنا ما حطيت أي عنوان حتى ما يعترضوا بالمنتدى
لكن اذا فيه مجال تبعثيلي ايميل (ايميلي مسجل ضمن معلوماتي الشخصية)
ورح أبعثلك برقم موبايل أبو عبد الله إلي كان معه اللقاء في الحلقة
وهو متولي المتابعة كاملة بجهوده الشخصية
وعلى فكرة السيدة يلي اتصلت بالبرنامج انضمت لمنتدى التحدي الأسبوع الماضي
والله أني مش عارفة كيف بدي أتشكرك
ربنا يهنيك بأولادك ويشافي ابنك
يــــا رب:23:

هلا ببعتلك ايميل:19:

 

[ام مودة]

رد: اهالي الاردن الغالي و فلسطين الحبيبة.......دعوة للتجمع

انا اردنية كيف اتواصل معك يا ام ياسمين
واحة الامل ابعدي شوي بدي احكي مع ام اسلام
اختي ام اسلام هل ابنك يتكلم الان وكم تاخد اخصائية التخاطب على الجلسة مشكورة
واحة الامل شكراً على الموضوع