صدمات عمري زودتني قناعه

[غدير الشوق]

:23:

كل شي أحبــه أتوقــع ضيــاعه

ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!

ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي

وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني

ومِنْهو مِنْ أهلي فالعَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟

ومِنْهو يرتِّب .. غرفتي .. / والدفاتر
وإن شاف ( صوره ) لي صاح وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايف يروح العُمْر .. وأكُونْ خاسر
وإن طار طيري .. ما يفيد / التمنِّي

وخايف يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

الضيق وافي .. والحزن حيل وافر
والجرح أكثر شي .. شفته يحبني

عايش وميِّت بين .. ماضي وحاضر
والصبر [ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّ وحشني !!

( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي !!​

 

[بنت التحدي]

رد: صدمات عمري زودتني قناعه

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايف يروح العُمْر .. وأكُونْ خاسر
وإن طار طيري .. ما يفيد / التمنِّي
يسلموووووووووووووووووو
كلمات جميله
احترامي

 

[غدير الشوق]

رد: صدمات عمري زودتني قناعه

مشكورة اختي الغالية
والكلمات جميلة بمرورك
تسلمي​

 

[ويستمر الامل]

رد: صدمات عمري زودتني قناعه

:23:

كل شي أحبــه أتوقــع ضيــاعه
( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي !!​

اللطف عليك
الله يحفظك لشبابك
قصيدة رائعة لكنها تشائمية بعض الشيء

 

[مازال لدي امل]

رد: صدمات عمري زودتني قناعه

 

[ابونواف]

رد: صدمات عمري زودتني قناعه

قصيده جميله وكلها أسئله داخليه
من اعماق القلب

تقبلي مروري وانتي بصحة وعافيه

ابونواف

 

[الفجر الباسم]

رد: صدمات عمري زودتني قناعه

السلام عليكم
أختي الغالية غدير الشوق
بارك الله فيكِ
لمَ كل هذا التشاؤم
هداكِ الله
ويسر أمورك وأبعد عنك الهموم

 

[روح]

رد: صدمات عمري زودتني قناعه

رآئعه هي هذه الأبيآآت ..
و كم أحب إني أسمعهآآ ..

أبدع صآحب الأبيآآت بهذه القصيده ..

موفقه يارب ..

روح..

 

[بسبوسه]

رد: صدمات عمري زودتني قناعه

صح لسان قايلها