د.عبيرالحربي...طبيبةاطفال وتوحد

[رضيت بربي]

السلام عليكم.... دخلت اليوم صدفه موقع للتوحد باشراف د.عبير محمد الحربي وهي طبيبة اطفال في مستشفى الحرس الوطني بالرياض ولكنها مهتمه بالتوحد وكان سبب اهتمامها هو بعد ان رأت اول طفل توحدي في حياتها .... وقد اخذ هذا الطفل منها اهتماما بالغاً دفعها للسفر الى كندا للدراسه عن هذا المرض الغامض مدة 3 سنوات .http://www.tawahod.com/ وهي الان موجوده بالرياض وهذا هو رابط الموقع لمن اراد التواصل معها لعل الله ينفع بها .

 

[أم نودي]

رد: د.عبيرالحربي...طبيبةاطفال وتوحد

جزاك الله خيرا

و لكن اين الموقع اختي الغاليه

 

[رضيت بربي]

رد: د.عبيرالحربي...طبيبةاطفال وتوحد

عفوا هي استشارية نمو وسلوك اطفال اصلا... والرابط ما طلع ماادري ليش... بحاول مره ثانيه ان شاءالله يطلع:::http://www.tawahod.com/

 

[رضيت بربي]

رد: د.عبيرالحربي...طبيبةاطفال وتوحد

وهذاعنوان عملها ومواعيد دوامها وتلفونها... يارب اكون افدتكم
مستشفى الملك فهد للحرس الوطني/ مركز الاعمال /الرياض
كل يوم احد من5-8 مساءا
ت 012020088 -18787
__________________

 

[أم ريمووو]

رد: د.عبيرالحربي...طبيبةاطفال وتوحد

جزاك الله خيرا والله ينفع بها

 

[الحكمة ضالتي]

رد: د.عبيرالحربي...طبيبةاطفال وتوحد

مشكورة ....

 

[طيف الروح]

رد: د.عبيرالحربي...طبيبةاطفال وتوحد

جزاك الله خيرا وبارك فيك وشافى ابنك يارب

بس عندي سؤال هل لها عياده مسائه خاصه للي مايقدرون يتعالجون في الحرس

 

[أبو علوش]

رد: د.عبيرالحربي...طبيبةاطفال وتوحد

جزاك الله كل خيــر

 

[رضيت بربي]

رد: د.عبيرالحربي...طبيبةاطفال وتوحد

شكرا لردودكم الجميله ...الغاليه طيف الروح يمكنك الاتصال عليها والاستفسار عن ذلك ويبدو لي والله اعلم انها متعاونه جدا مع اهالي التوحد وهذا ما لمسته من ردودها على الاستفسارات في موقعها .

 

[ضي القناديل]

رد: د.عبيرالحربي...طبيبةاطفال وتوحد

عزيزتي طيف الروح هي تعمل يوم الاحد في مركز الاعمال يعني بفلوس وهذا موجود بكل المستشفيات الحكوميه تم وضع مركز اعمال كمستشفى اهلي في المستشفى الحكومي يعني تدفعين كانك في مستشفى خاص بس في مستشفى حكومي شفت العجب اللي ماطلع الا في هذا البلد حتى المستشفيات الحكوميه يعني اطباء الحكومه تدفع رواتبهم واجهزه ومباني الحكومه اللي مسويتها ومع ذلك تعالج المواطن المسكين بفلوس يعني الكل ينهبك في هالبلد الحكومه والتجار الله المستعان
وترى وزير الصحة السابق رفض وجود مثل مراكز الاعمال هذي وتعهد باغلاقها لكن على قولة فجر السعيد الشق عود ماقدر عليهم ظلت مراكز الاعمال زي ماهي مانقول الا الله يسخر لنا وييسر لنا من يساعدنا وليت يوصل صوتنا لابونا عبدالله والله والله والله مايرضى باللي قاعد يصير بس وش نقول الله المستعان ولاحول ولاقوة الا بالله

على فكرة عزيزتي في المستشفيات الخاصه الكشفيه 200 على اقصى تقدير بس عندهم الكشفيه 400 الى 600 عن تجربه اكلمك
والمضطر يركب الصعب على قولتهم
بالتوفيق

 

[طيف الروح]

رد: د.عبيرالحربي...طبيبةاطفال وتوحد

وش نسوي ياضي القناديل الله يعين بس

اهم شيء هل فيه نتيجه من هذا ولا بس خساير ع الفاضي

هل فيه احد جرب الدكتوره عبير واستفاد ياليت احد يقول لنا

 

[طيف الروح]

رد: د.عبيرالحربي...طبيبةاطفال وتوحد

وهذاعنوان عملها ومواعيد دوامها وتلفونها... يارب اكون افدتكم
مستشفى الملك فهد للحرس الوطني/ مركز الاعمال /الرياض
كل يوم احد من5-8 مساءا
ت 012020088 -18787
__________________

الرقم فيه غلط
الرقم الصحيح
012520088تحويله 18787

جزاك الله خيرا على المجهود

 

[بحر الشقى]

رد: د.عبيرالحربي...طبيبةاطفال وتوحد

شوفي انا اتابع ابني عند الدكتوره عبير صراحه رائعه بمعنى الكلمه وقمه في التعامل والله ماتحسن ابني الى لماسرت اراجع عندها وهي الي شخصته صح وعند لما العوهلي تخاطب برضوه بنفس المستشفى جزاهم الله خير

 

[ابو فيصل]

رد: د.عبيرالحربي...طبيبةاطفال وتوحد

جزاك الله خير اختي

 

[ام البنات]

رد: د.عبيرالحربي...طبيبةاطفال وتوحد

الدكتوره عبير رائعه صح
ولكن ليس لديها ما تقدمه لنا من تدخلات علاجيه
فقط تقييم ,,,,, طيب وبعدين تقييم وبس وش الفايده

 

[أم مالك]

رد: د.عبيرالحربي...طبيبةاطفال وتوحد

تشخيص ثم تشخيص ثم تشخيص وووووووووووووووين العلاج والتدخل
انا بموت ع ملوكي ماعندنا في المدينه اللي ساكنينها مركز لازم بالاسبوع اروح الرياض مرتين
اللهم اشفي مالك واحلل عقدة لسانه وفقه عقله وتفكيره وادراكه وكل مريض

 

[الدانه]

رد: د.عبيرالحربي...طبيبةاطفال وتوحد

اسال الله لابنائكم الشفاء الدائم

 

[منى توحد الكويت]

رد: د.عبيرالحربي...طبيبةاطفال وتوحد

جزاك الله خيرا والله ينفع بها

 

[ضي القناديل]

رد: د.عبيرالحربي...طبيبةاطفال وتوحد

وديت ابني لها اليوم وقالت ماقدر اقول فيه توحد لكن فيه تأخر لغوي وحولتني على اخصائية وراثه وجينات عشان نسوي تحاليل تدلنا على سبب هذا التأخير وايضا قالت لازم تدريبات التخاطب ضرورية جدا وكذلك الاختلاط بالاطفال يعني ضروري تسجيله في روضه
يعني ماشاء الله عليها تحسينها فاهمه وعارفه وش قاعده تقول وتحاول بقدر الامكان توصل للواحد الفكره بطريقة سلسه وبسيطه الله ينفع بها يارب
دعواتكم والله يشفي جميع المرضى يارب