الي الاخت الفاضله ام ادهم المصريه

[نيفين المتفائله]

السلام عليكم لاحظت انك من الاسكندريه وابنك في نفس سن ابني رامي هل من الممكن التواصل لمعرفه المدرسه الملتحق بيها والدكتور المتابع معاه وشكرا

 

[ام ادهم المصريه]

رد: الي الاخت الفاضله ام ادهم المصريه

السلام عليكم اختي العزيزه نفين المتفائله شفا الله اولادنا جميعا والله ياختي نفين انا الان مكتفيه بذهاب ابني الي مركز الساحر الصغير في السيوف وللاسف انا ما بتابع مع اي دكتور الان لانهم كلهم من تجار الالم ولم اتوصل الي الان الي علاج مناسب الي ابني لاني عندما دخلت هذا المنتدي قرأت عن حميه وعلاجات لم اسمع عنها من قبل اي دكتور تعاملت معاه في الماضي وانا سوف ابتدي الان من الاول حيث انني لم اتبع اي حميه او اعمل اي تحاليل لابني لانهم كلها لم يذكروا لي اي شئ من هذا القبيل وانا الي الان متخبطه مش عارفه اعمل ايه لكن لو تحبي عنوان وتليفون المركز انا تحت امرك وكمان علشان اكون مفيد بعض الشئ انا كنت متابعه مع الدكتور حسين عبد الدايم وزوجته اميمه سليم وبعد ذلك ذهبت الي الدكتور طارق عمر في محرم بيه وللاسف لا اعرف احد غيرهم وكانت الطامه الكبري شفا الله اولادنا بقدره لا اله الا الله محمد رسول الله

 

[نيفين المتفائله]

رد: الي الاخت الفاضله ام ادهم المصريه

السلام عليكم
فرصه سعيده ام ادهم انا الحقيقه كنت بتدرب في الساحر الصغير لمده اسبوعين اكيد كان ادهم في اجازة الصيف
ربنا يطمنك عليه يارب
وانا متابعه مع دكتورة اميمه ودكتور حسين ورامي في مدرسه تابعه للدكتورة
الظاهر مفيش حد غيرهم في اسكندريه ههههههههههههههه
ربنا يشفي اولادنا جميعا يارب
انا اخدت كورس تخاطب لو محتاجه اي حاجه انا تحت امرك مع تحياتي

 

[ام ادهم المصريه]

رد: الي الاخت الفاضله ام ادهم المصريه

السلام عليكم اخت نيفين وميرسي جدا علي عرض المساعده وربنا يعينك علي حسين واميمه ومطالبهم ادهم كمان كان معاهم من مدرسه القدس الي ثمره الحياه الي الشارع بعد كده لما فلوسي خلصت علي امل في علاج ادهم لكن حسبي الله ونعم الوكيل خلي بالك ولازم تسأليهم بيعملوا ايه بالظبط لانهم مكنوش بيدوني الفرصه دي ابدا لحد لما ابني غرق وانا غرقت معاه اتمني لك التوفيق والشفاء لاولادنا ان شاء الله
تحياتي

 

[نيفين المتفائله]

رد: الي الاخت الفاضله ام ادهم المصريه

السلام عليكم
ربنا يطمنك عليه يارب وتشوفيه احسن الناس

 

[قول يا رب]

رد: الي الاخت الفاضله ام ادهم المصريه

ربنا يحفظ اولادنا اجمعين ،كنت حابه اعرف المده اللى اولادكم ظلوا فيها فى المركز ووصلوا فى التعليم الى ايه وربنا يتم شفاهم قولوا يا رب.

 

[نيفين المتفائله]

رد: الي الاخت الفاضله ام ادهم المصريه

الاخت الفاضله قول يارب
ابني فضل في المركز حوالي 6 شهور وبعدها التحق بالمدرسه
وهو الان في الصف الخامس
ربنا يشفي اولادنا جميعا
وتقبلي تحياتي

 

[قول يا رب]

رد: الي الاخت الفاضله ام ادهم المصريه

يعنى المركز دربه ومرنه وبعد 6شهور كان مستواه مناسب للصف الخامس وهل المدرسه عاديه ولا للحالات الخاصه.
انا ابنى فى مركز فى مصر من حوالى 3شهور ومقدمه له فى مدرسه عادى الصف الاول لكن مش بيروح لانه مداوم على المركز حاليا ،وكيف حاله فى المدرسه بعد المركز .
الله يشفيهم قولوا يا رب.

 

[نيفين المتفائله]

رد: الي الاخت الفاضله ام ادهم المصريه

اختي الفاضله قول يارب
رامي دخل المركز لمده 6 شهور فقط كان سنه تقريبا 6 سنين كان لسه كلامه قليل جدا ومش مفهوم
دخل 6 شهور وبعدها دخل مدرسه تابعه للدكتورة في فصول دمج تعليمي ده كان في سنه 2005
وصل حاليا للصف الخامس وبرضه في نفس المدرسه
يارب اشفي اولادنا
اتمني تقولي لي حاله ابنك وباذن الله تشوفيه احسن الناس