بسم الله الرحمن الرحيم
السلام عليكم
نعم اخواني وخواتي اكتشفت بعد اعاقة زوجي بعد بتر رجله من الفخذ من اثر الغرغرينه اكتشفت اني ما اعرف اموري الحياتيه اللا البيت والعيال والمدارس ما اعرف اتسوق حق البيت مثل تموين وبعدين شغلات الوزارات و البنوك حتى المستشفيات والدكاتره لان هو يزاه الله خير و يعطيه الصحه والعافيه كان كل شي اهوه يسوي كان كله يقول شلج انتي بالبهذله بالوزارات واغراض تموين كان ما يرضى اني اتعب ولا حتى اشويه حتى في البيت حاطلي خدم وطباخه والحين انا محتاره اشلون اسوي جدولي واشلون اتصرف مع اعاقته وجزاكم الله خير علموني خطوات معاملتي له وبعدين شنو اوفرله واشلون اسويله تمارين واخليه يتحرك بدال ما يصير فيه خمول واشلون اشد من ازره علشان يرجع لحياته الطبيعيه لان اهوه بعد مده بركبوله طرف بس لازم يتهيأ حقها اشلون اهيئه
الحين اهوه يقول اذا طلعت من المستشفى ابي خادم ينام معاي في الغرفه يعني انا اروح انا مكان ثاني علشان يقول انتي ما تقدرين تشيليني لي بغيت حشاكم اروح الحمام بس انا اصريت اني انا اللي انام معاه في الغرفه لاني ما احب افترق عنه قلتله انا احاول بمساعدتك اني اوديك واقوم بواجبك وذا ما قدرت اندي الخادم وانا اطلع بره علشان يساعدك وارجع مره ثانيه لان العيال سوو الغرفه وعزكم الله الحمام على حسب احتياجاته و جزاهم الله خير ما قصرو بس انا ابي منكم انتو خواتي وخواني اتعلموني الشئ اللي اهمه ما يقدرون يعلموني ياه ابي الاحساس والمشاعر اللي انتو تقدرون اتعلموني ياه لانكم عايشين فيها علشان اقدر اوصل بوعيالي بر الامااان
إختكم : ام احمد** منكم و فيكم اني احبكم بالله