السلام عليكم
من البدايه ابي اقولكم اني متلخبطه والدنيا صاااكه فيني وتعبانه وحامل فلو حصل لخبطه اعذروني وتحملوني ..
توتي عمره سنه وشهرين كل شي فيه تمام الحمدلله من الا الاشياء اللي راح اذكرهاا الحين..
بدأ ينقلب ويحبي ويوقف ويمشي في سن طبيعيه حيث انه مشى في سنه وشهر بالضبط والحمدلله طبعا بعد ما صرت اعرضه للشمس واعطيه فيتامين لايف مارك وكمان مكمل غذائي لان الدكتور لاحظ ان وزنه لما بدأ يمشي ضعيف كان وزنه على السنه تقريبا 9،5 كجم احس شهيته للكل متوسطه او اقل من المتوسطه ما رضعته غير شهر فقط وبعدها كان ياخذ صناعي الحين انا مادربته على الاكل بيده ولا ياكل الاشياء الصلبه زي قطع الفواكه والاشياء الناشفه لازم مع الرز ايدام او شربه عشان يسهل البلع
امي لاحظت عليه يوم كان عمره ثمان شهور انها لما تصفق له ما يلتفت وكمان لما تناديه ما يلتفت بس كان لما اشغل طيور الجنه طيراااااان يجي للتلفزيون لما سألت الدكتور قال عايدي
الحين نفس الشي ما يلتفت لما اناديه ولا يهتم فيني ولما نشغل طيور الجنه يجري عشان يشوفها
يقول بس اببببه واددده على خفيف بس هالكلمتين اللي نطق فيهاا احاول اخليه يصفق ويقلدني لكن ما فيه فايده أشاور له بيدي باااي ما يقلد يحب ابوه ومتعلق فيه مره لدرجة انه اذا لبس الثوب يعرف انه بيطلع يقوم بيكي ويلاحقه واذا سمع صوت مفاتيح الباب يجررري على الباب يعرف انه ابوه جا
له تقريبا ست ايام عنده اسهال لونه اصفر وكريه الرائحه وبعض الاحيان الاكل مو مهضوم بس اتوقع عشان الاسنان لان بس طلع له اربعه 2 فوق و2 تحت .
الاشياء اللي يفهمها لما اسويها عودته اني لما اعد 1 2 3 اشيله وارفعه فوووق ويضحك منها يعني ينته لما اعد يعرف اني بأطيره
لي كم يوم وانا اغني من انا شيد طيور الجنه بابا تلفوون على طول يراقب فمي ويبتسم بس ما فيه اي محاول تقليد
وعنده مشكله في قفل الباب يبكي بشده لما احد يقفل عليه الباب يعني الخدامه لما تطبخ ماتخليه يدخل معها المطبخ فتدخل وتقفل عليهاا يبكي او اذا احد دخل الحمام كمان يبكي لان ايام البرد كنت احبسه في الغرفه عشان الجو بارد فاعقد من هالحركه
النوم الحمد لله تمام ينام مثلا 2 بالليل ويصحى 12 او 1 الظهر متواصل والحمد لله ما يغلبني في النوم
ومن ناحية البكاء الحمد لله ما يبكي الا لما ابوه يطلع او احد يقفل الباب
بالله طمنوني هل هذي اعراض توحد والا ايش
علما ان ولد عمه ما تكلم الا في سن 4 سنوات ..
وترا انا اتكلم معاه اقوله يلا نصلي - هيا حمام - وكذا يعني
الله يوقف اللي يرد علي ويطمني وربي خايفه واهملت نفسي وانا حامل بالثامن وصرت ابكي ليل ونهاار