اولا انا سعيدة جدا بهذا المنتدى انا معاقة حركيا واحب احكيى لكم قصتى مع الاعاقة يالرغم من اعاقتى لكنى عندى امل وعزيمة واردة ولا اياسى من رحمة الله وقدرة انا اتولدت مصابة بشلل وضمور فى العضلات لكن الله منحنى ذكاء وعزيمة وتحملت ظروفى دخلت المدرسة وكنت ناجحة جدا ومن المتفوقين وبعد ذللك بدات امارسى حياتى عادى والتحقت بالملرحلة الاعدادية وكنت اسير على كرسى متحرك وما زالت الى الان اسير بية وكنت محبوبة جدا من اصدقائى ومن المدرسين والتحقت بالمرحلة الثانوية ودخلت ثانوى عام وثم التحقت بالمرحلة الجامعية ودخلت كلية الاداب جامعة الاسكندرية ولكن انا كنت عايزة ادخل كلية اححق فيها ذاتى مستقبلى بمعنى اصح عايزة حاجة اثبت بيها نفسى وفعلا حولت كلية الحقوق بالرغم من ان الكثير نصحونى بانها كلية صعبة ولا اقدر عليها
ولكن بتوفيق من الله نجحت وحصلت على الليسانسى وايضا كملت وحصلت على دبلومة فى العلوم الجنائية ولكن الان انا ابحث عن عمل يكون مناسب لى لان فعلا محتاجة انى اخرج واتعامل مع العالم الخارجى بالرغم من انى واحهتنى صعوبات كثيرة فى حياتى ولكن انا لااياسى من رحمة الله انا مؤمنة بقضاء الله وقدرة
وانا احسن من غيرى بكثير انا بعيش حياتى عادى وبمارسها بشكل طبيعى بالرغم من ان لدى ظروف اخرىان والدى متوفى وامى هى الا ربتنا انا اخواتى
املى الوحيد انى احصل على وظيفة مناسبة لمؤهلى واعاقتى وانا ايضا لدى طموحات نفسى احققها بسى اريد ان يكون احد بجانبى
ربنا عوضينى بحاجات كتير وانا بشكر الله وبحمدة فى كل وقت
على فكرة انا متفائلة جدا وعندى امل فى الحياة ومفيش حاجة اسمها مستحيل طالما ان الانسان عندة ارداة وعزيمة يقدر يحقق كل الا بيتمناة واهم حاجة نكون مع الله
وانا مع الله دائما وبصيلى الوقت فى وقت وبستمع للدروسى الدينية اشكركم