ابنى العنيف...ساعدونى بالله عليكم

[أبو مودى]

السلام عليكم ورحمة الله
هذه اول مشاركة لى فى المنتدى

ابنى محمد حيكمل 4 سنين باذن الله الشهر ده

عنده سمات توحد بيتابع مع حنون عزوز و متابع مع مركز ا-علاء شحاته الولد ما شاء الله بدا الشغل من سنتين و كان ماشى حلو و ابتدى يتكلم و يشاور و بعدين فاجاة من كام شهر تحول للعنف و رافض اى شغل و بيضرب و يعض و كنت موديه حضانه مع شادو بهدلها و عورها و عور اى واحدة تشتغل معاه و مبهدلنى انا و امه و ده اثر عليه و اخره جدا و توقف عن الكلمات اللى كان بيقولها
فى البعض بيقول علشان اتاخرنا فى دروس التخاطب و اخرين ربما شاف عنف فى البيت و اخرين ربما من الضغط اللى عليه من سن 2
الله اعلم لو حد عنده تجارب مشابهه او معلومات او حاجة يحكى

و جزاكم الله خيرا:2bb (36):

 

[دكتوراحمد]

رد: ابنى العنيف...ساعدونى بالله عليكم

السلام عليكم ورحمة الله وبركاته
ابشر بالخير
فالاستاذ علاء لة سمعة طيبة باذن اللة
بخصوص العنف فى التعامل
ربما من الضرورى
عمل الاتى
ضغط اذن (بعض اطفال التوحد عندهم حساسية للاصوات العالية )
رسم مخ ( من الممكن زيادة نسبة الكهرباء
تحليل غدة درقية ( ربما زيادة فى نسبة الهرمونات )
التفسير الاخير احتمال صدور عنف من احد الاخصائيين المتعاملين مع الطفل
وهناك تفسير اخر ربما زيادة الحصيلة اللغوية لدى الطفل احيانا تؤدى الى زيادة النشاط بمعنى رغبة الطفل بالتواصل اللفظى تؤدى الى انه يرغب فى التواصل لكن لا يعرف الطريقة
فاحيانا يؤدى ذلك الى فرض سلوك العنف فى اثناء التواصل كطريقة للتعبير عن التواصل
غير ذلك ابشر بالخير
ولا تقلق​

 

[أبو مودى]

رد: ابنى العنيف...ساعدونى بالله عليكم

جزاكم الله خيرا اخى الكريم
انا ارجح اخر احتمالين و بالفعل غيرت الاخصائية
شكرا لردك الوافى