افضل مركز تخاطب استفاد منه طفلك

[بسمة تحدي]

بسم الله الرحمن الرحيم
مثل ماهو واضح بالعنوان ياليت كل طفل استفاد من مركز تخاطب تذكري اسم المركز والأخصائيين
راح أبدا بتجربة ابني طلال وصل عمره 4سنوات ولم ينطق اي كلمه مفهومه جربت اعطيه جلسات تخاطب وجيب له أخصائي تخاطب في البيت بدون فايده ذكرت لي ام طفله جزأها الله عني كل خير مركز تواصل بالرياض ورحت له وتم تشخيص طلال وتحدد له جلسه في الاسبوع بعد شهرين من الجلسات حسيت انو الخوف والتردد من الكلام بدء يخف وكذلك بدء يقلد بعض الكلمات من اخوانه طبعاً نطقها مش صحيح مره ولاحظت انه صار يحب يجيب اي كتاب او مجله فيه صوره وياشر عليها واقوله اسمها ويحاول ينطقها.
ومستمره في الجلسات وبأذن الله راح أبلغكم بنتجية التطور
أتمني كل من لديها تجربه مع هذا المركز او غيره تذكرها ليستفيد الجميع

 

[ام البراءه]

رد: افضل مركز تخاطب استفاد منه طفلك

مركز تواصل وين بالضبط وهل هو عباره عن جلسات تخاطب او يداوم فيه من الصباح للظهر وكم تكلفته الله يجزاكي خير
سواء جلسات كم ياخوا على الجلسات
انا اسمع عن مركز عزام كثير يمدحوه وانا ناويه ادخل ولدي فيه لانه اخصائيه وحده بس هي الي تمسكه فتهتم فيه كثير
بس سعره غالي 30000الف​

 

[رفيق الدرب]

رد: افضل مركز تخاطب استفاد منه طفلك

تواصل مركز للتخاطب وتعديل السلوك جلسات فقط

الجلسه ب 200 ريال

كنت اخذ فيه جلسات تعديل سلوك لحمودي في العصر والمركز كويس فيه افضل منه

شرق الرياض في مدارس بواكير الاهليه في المساء جلسات تخاطب وافضل من تواصل

وفيه جلسات صباحية مجانيه في مركز السمع والكلام التابع لوزاره التربيه والتعليم يعطون

جلسات صباحية فقط لتعديل السلوك والتخاطب في شرق الرياض حي الروابي كذلك

وروضات الدمج فيه فصول لصعوبات التعليم يدمجونه في الاطفال الطبعيين ويكثفون عليه

جلسات التخاطب وتعديل السوك ساعتين يوميا والله يسير الامور من عنده

 

[أم سلطان الحنيط]

رد: افضل مركز تخاطب استفاد منه طفلك

ياليت في مركز مثله في جدةأنا تعبت من المراكز مع ولدي ولم ينطق أو يتعدل سلوكه الا مع اخصائية التخاطب أمنية عادل الله يجزاها خير
بس هي في الصيف بالاسكندرية وأريد اخصائية أو مركز مضمون بجدة

 

[بسمة تحدي]

رد: افضل مركز تخاطب استفاد منه طفلك

جزاك الله خير اخوي (رفيق الدرب) على إفادة اختنا ام البراءه عن مركز تواصل
وبالنسبه لجلسات تعديل السلوك والتخاطب الي في شرق الرياض وين موقعها بالضبط وياليت تفيدني اكثر عنها وعن فصول الدمج لاني ساكنه في شرق الرياض اقرب لي

 

[رفيق الدرب]

رد: افضل مركز تخاطب استفاد منه طفلك

جزاك الله خير اخوي (رفيق الدرب) على إفادة اختنا ام البراءه عن مركز تواصل
وبالنسبه لجلسات تعديل السلوك والتخاطب الي في شرق الرياض وين موقعها بالضبط وياليت تفيدني اكثر عنها وعن فصول الدمج لاني ساكنه في شرق الرياض اقرب لي

في مركز التدخل المبكر شارع عبدالله بن عباس حي الروابي في نفس مجمع الامل والصم والبكم

اذهبي لهم وحددي لهم موقع سكنكم وهم سيقومون بتوجيهكم لاقرب روضة دمج اذ كان عمره صغير

واذ كان اكبر مرحلة ابتدائية يتم الوجيه لمدراس الدمج القريبه منكم