فكرة مشروع

[ام محمود]

اهلا تاتي
اولا عرفيني هل تحبي الرسم
اشتري لوح خشب كونتر هو ارخص الواح الخشب واخفها واسهلها في التقطيع
ومنشار اركيد ومسدس شمعي وكتر
لو بتعرفي ترسمي هترسمي الشكل علي اللوح وتقطعيه
ولو ما تعرفي في صور بالمكتبات صور لاصقه او صور ممكن تلصقيها
لكي نعمل بازل مثلا للقطه
هتضعي الشكل كامل علي اللوح وهتقطعيه كاملا
ولكن اريد شكل القط مقطع الي 3 اجزاء كالراس قطعه والزيل قطعه والارجل قطعه والقطعه الرابعه جسم
وصلت الفكرة ولا اوضح اكثر
ان احببتي تكلميني هاتفيا يكون افضل طبعا

 

[ام محمود]

فينك تاتي
الحماس راح

تعرفي تنفذي هذة اللعبه
هي مهاريا مطلوبه بالاسواق وغير متوفرة وسهل تنفذيها ان شاء الله
وممكن تزيدي عليهم باخر بلاصق كوتشي تعرفيه طبعا
وايضا كبسولات تفتح وتغلق بالضغط
ممكن تجمعي 4 افكار حول صندوق مربع خشبي
من جه يكون ازرار والاخر الاصق بالكوتشي والاخر كبسولات الضغط والجانب الرابع سوسته كبيرة تفتح وتغلق
او الواح منفرده كما تحبي
راعي اولا الازرار كبيرة الحجم ثم لوح اخر بازرار صغيرة
ولوح يعلم اللضم للخيط ارسلي قطعه القماش لمحل الكلف ليعمل بالقماش فتحات للاخرام كما شاهدتيها فوق في حرف ْْْx باللون الاحمر
هي مهمه لتقويه عضلات اليد للطفل مع تازر البصر واليد

 

[~ بنت النيل ~]

شكراً لأهتمامك ام محمود

هى الفكره الاولى كانت نوعاً ما صعبه عليا يعنى عشان تقطيع البازل لأنى مش متمرسه فى المنشار الاركيد

الفكره الثانيه حلوة وسهله ولكن

اشرحها كما فهمتها وتعطينى رأيك فيما فهمت

هجيب لوح خشب ويكون ابلكاش واقطع منه مثلا المقاس هل حسب ما ارى او مقاس معين

المهم واجيب قطعه من القماش واكيد يفضل ان يكون قماش قوى كالجبردين مثلا

اعمل فى القماش فتحه فى النص

مرة اعمل عراوى وزراير تفتح وتغلق

ومرة سوسته

ومرة رباط

لكن هل تلصق قطعه القماش بحيث يكون هناك مساحه لفك الازرار او السوسته لم يلصق ام لا يوجد اساساً خشب او كرتون فى خلف القماش

وبعدين بالنسبه للتوزيع بيكون ازى لو نفذت

على فكرة ام محمود انا فعلا اريد بدايه مشروع وكنت افكر فى مشروع يعنى لو الموضوع ده طلع سهل عليا باذن الله سوف انفذه

وشكراً لكِ جداً

 

[ام محمود]

ان شاء الله تتقني الفكرة ومراكز البيع كثيرة هتجدي محلات للعب الاطفال او الحضانات او الروضات سهل البيع جدا اااااااااااااااااااااااااااااااااااااااااااااااااااااااا
لان هذا المنتج لايوجد الا بمركز التعلم المبكر وسعره عالي جدا وغير موجود الا في اماكن راقيه بالقاهرة فقط

ولو ذهبتي للحضانات ومراكز التدخل المبكر هتقدري تبيعي بنفسك

بخصوص الخشب والله مافيه مشكله تقطيع خشب الكونتر سهل مو منشار زي ما انتي فاهمه دة عبارة عن كرتون مضغوط وقوي

فكرة القماش سهله
كانك هتنفذي بلوزة هاتي القطعتين المتقابلتين وصمميهم كما موضح بالشكل وثبتي بعد ذلك بدبابيس القماش علي اللوح الخشبي فقط لاغير

 

[ام محمود]

تاتي في فكرة حلوة ايضا

هاتي كرتون النتيجه قوي جداااااااااااااا

الصقي صورة لحيوان واقسميها لنصفين خدي بالك من التقطيع بيكون بقطر تعرفيه وليس بمقص
والقص ليس بشكل مستقيم اعمليه كما هيدخل الشكل بداخل الاخر كالبازل
ممكن تستعيني بصور من المكتبات بتلصق علي الورق الكرتوني الخاص بالنتيجه
جمعي بازل حيوانات المزرعه كلها وحيوانات الغابه
والفواكه والخضوروات واشياء المنزل
بسيطه في كل علبه جمعي كل نوع مع بعض
تباع في المكتبات ومراكز بيع العاب الاطفال وغير موجودة بمصر باي مكان

ممكن بعد صنعك للعمل تنزليه بالمنتدي وتعرضي
علي فكرة لو جاده وتريدي المشروع اوسع تعرفي علي نجار تحت المنزل واعرضي الفكرة هيتعاون معكي
بس راعوا الاسعار الناس غلابه

 

[ام محمود]

تعرفي اقسم بالله لو محمود ما كان محتاج لوقتي كنت نفذت المشروع ونافست الشركات

 

[ام محمود]

نسيت حبيبتي ارد علي جزئيه مقاس اللوح الخشبي خلف القماس
تعرفي اعمليه بحجم كتاب المدرسي كبير الحجم

وفي فكرة ايضا اريدك تنفذيها
تعرفي رابط الحزام حزام الشنط نفذيه علي قطعه قماش ايضا خيطي فوقها عده احزمة قماشيه مثل احزمة شنط المدارس هتجديها عند محل بع الخردوات والكلف والزراير
وفكرة العروة تعرفيها
زرار كبير وتصنعي عروة قماشيه وليست عروة عند محل الكلف
الترزي ومحل الكلف والخردوات يعرفها لو قلتي له عليها

 

[~ بنت النيل ~]

شكراً ليكى ام محمود جداً

انا هضع التصاميم على الجهاز وهعملها باذن الله انا دلوقتى عرفت الفكرة يعنى القماش من ناحيه واحده ومثبت بالدبابيس فى جانب الخشب صح

اعمل العراوى والزراير وهو كده يكون مثبت

هنفذه وهضعه لتشاهديه تقولى لى رأيك عشان اكمل

احنا مع بعض فى مصر لو عندك استعداد ان احنا ننفذ مع بعض اكون سعيده جدًوالوقت هيجى لوحده باذن الله

 

[~ بنت النيل ~]

تاتي في فكرة حلوة ايضا

هاتي كرتون النتيجه قوي جداااااااااااااا

الصقي صورة لحيوان واقسميها لنصفين خدي بالك من التقطيع بيكون بقطر تعرفيه وليس بمقص
والقص ليس بشكل مستقيم اعمليه كما هيدخل الشكل بداخل الاخر كالبازل
ممكن تستعيني بصور من المكتبات بتلصق علي الورق الكرتوني الخاص بالنتيجه
جمعي بازل حيوانات المزرعه كلها وحيوانات الغابه
والفواكه والخضوروات واشياء المنزل
بسيطه في كل علبه جمعي كل نوع مع بعض
تباع في المكتبات ومراكز بيع العاب الاطفال وغير موجودة بمصر باي مكان

ممكن بعد صنعك للعمل تنزليه بالمنتدي وتعرضي
علي فكرة لو جاده وتريدي المشروع اوسع تعرفي علي نجار تحت المنزل واعرضي الفكرة هيتعاون معكي
بس راعوا الاسعار الناس غلابه

ان شاء الله ام محمود

انا جادة جداً لكن سوف اجرب اولا واعمل زى ما بنقول دراسه جدوى واشوف نسبه النجاح وبعدين باذن الله ابدء العمل بقوه

جزاكِ الله كل خير

تابعينى​

 

[اميرة الخيال]

فكره رائعه جدا

 

[ام محمود]

اهلا تاتي
صح ما قلتي نفذي القماش ومجهز كانها مثلا بلوزة هنرتديها عليها الازرار والعراوي وثبتيها علي الخشب بعد ذلك
بس راعي ان تكون الاقمشه متينه والوانها مبهجه تجذب الطفل ولا تكون مشجرة او مقلمه تبعد نظر الطفل عن الفكرة الاساسيه وهي الانتباه لتنميه عضلات اليد وتقويتها وتازر بصري حركي
واتنمي مراعاه الامان في الخشب ما يكون به خربشه تجرح اصبع الطفل
وملحوظه اخري الازرار كازرار عاديه ليست زر وردة او زر حيوان زر كبير كازرار الرجال وازرار بيجامات الرجال
فهمتي لتسهل للطفل دخولها بالعروة

في فكرة اخري رخيصه وغير مكلفه وسهله وللاسف بتعرض بالسوق بسعر 16 جنيه وهي تساوي 4 جنيه فقط

 

[ام محمود]

فكره رائعه جدا

تسلمي حبيبتي ممكن تنفذيها

 

[~ بنت النيل ~]

ام محمود

انا بشكرك جداً

ياريت تضعى الفكرة انا هجمع اكتر من فكرة وهنفذها مع بعض ليكون اكثر من منتج

لى سؤال اخر

انتى قلتى الخسب يكون كونتر صح طيب هو مش هيكون سميك بعض الشيئ انا اعرف ان الكونتر درجات

طيب طبعاً الجهه المقابله له هتكون خشب لا يجب ان نطليها حتى لا تأخذ العين ومش هيكون فيها قماش

ام سوف اعمل شكل البلوزة فعلا من الخلف والامام

والفكرة دى تقريباً بتتكلف كام او بتباع بكام لكى اعرف الحدود

انا نفذت شكل كروكى لى لكى اوصل الفكرة وان شاء الله التنيفذ للعينه سوف يكون هذا الاسبوع

 

[ام محمود]

خشب الكونتر رفيع جداااااااا مثل حجم ورقه النتيجه
وغير مكلف اللوح المتر منه لايزيد عن 40 جنيه
الخلفيه اتركيها خشب والوجه قماش
حبيبتي بقايا القماش موجودة بالبيت او لو عندك ملابس غير محتاجاها ممكن تستغليها ههههههه
انا فعلت كده مع حاججات محمود
بخصوص التكاليف لا اعرف هتكلفك كم لو هتنتجي كميه

لا اعرف بتباع بكم بمصر لاني وجدتها علي موقع اجنبي معروضه وغير موجودة بمصر

 

[ام محمود]

الحماس راح

احفظي الصورة علي كمبيوترك وبالزووم قربي الشكل كبريه وهتعرفي ان خلف القماش موجود ايه

 

[ام محمود]

الحماس راح

احفظي الصورة علي كمبيوترك وبالزووم قربي الشكل كبريه وهتعرفي ان خلف القماش موجود ايه

اطبعي الصورة واذهبي للترزي يصممهم لكي وهو واقف بسرعه

 

[ام محمود]

الفكرة الثانيه
جمعي من عند نجار الحارة او نجار المنطقه بقايا قطع لخشب الاكاش عرضها مربع بحجم كف اليد بتكون فضل وبقايا لا يحتاجها
وبالمكتبات كيس به صور مجموعات فواكه ومجموعات حيوانات الصور بحجم الحيوان وبتكون لاصقه ممكن تلصقيها علي مكتب او زجاج او حائط لكن الغرض اصلقها بنفس شكلها وحجمها علي خشب وبالغراء بالخلف الصق لاصق الكوتشي
مفيده للطفل في التخاطب بيضعوهم علي لوحات وبريه بتباع بالسوق
وضحت الفكرة مش هتكلفك كثير مجرد الصور وقطعه لاصق كوتشي
يارب اكون قدرت افيدك
بس ما تغلي علي الناس
لو ماهتعرفي تقصي الخشب النجار ممكن تعطيه العدد والصور وهو هينفذهم

 

[~ بنت النيل ~]

ام محمود الحماس حتى الان موجود لكن مش عارفه ادخل على النت اساساً

انا فعلا حفظت الصور على الجهاز وعملت واحده كروكى زى ما قلت لك وهنزلهالك تشوفيها باذن الله لكن فعلا اليوم مش هينفع ادخل نت خالص

شكراً ليكى جداً

 

[’’ جـــنى ’’]

مشروع رائع

 

[زهرة مسلمة]

السلام عليكم ورحمة الله وبركاتة

هلا اخواتى في الله

جميلة جدا فكرة المشروع دا انا بصدد فتح مركز تخاطب وتنمية مهارات ومستعدة اشتري من اللي يبدأ المشروع دا
خاصة ان في افكار كتيرة جدا جدا فعلا مش موجودة في السوق المصري ولو وجدت مقتصرة على شكرة واحدة او شركتين
انا غلبت عند نجارين بيرفضوا يعملو الاعمال دية لانها يدوية بتاخد وقت كتير وتعبت لما قدرت اوصل لصاحب شركة منتجات تعليمية يعمل الاعمال دية وكمان مش ح يقدر ينفذ كل الافكار لانة بالطبع مشغول بخطوط انتاجة الخاصة بشركتة

عايزة اعرف صممتوا ايه تحديدا لغاية الان ؟؟؟؟

اخواتى أم محمود وتاتى بالنسبة للفكرة دية

أنا شفت اكتر من طريقة منها تصميم كوتشي يجمع هذة المهارات

والفكرة اللى عجبتنى وناوية انفذها هي مكعب المهارات الشخصية
نفس الفكرة السابقة بس محتاجة تتخيلوا معايا الفكرة لانى للاسف مش عندى صورة ليه جاهزة

مكعب اكيد طبعا من 6 أوجة ابعادة 30 *30*30 محشو من بواقى الاسفنج أو من الفيبر لكل وجة مهارة تشبة الموضحة في المهارات التى عرضتوها فى فكرتكم

1- شكل أمامى لبلوزة لها زراير سادة وعراوي تقريبا زراير ويفضل يكونو احجام
2- شكل لجاكيت له سوستة ويفضل نحاس عشان تستحمل
3- شكل لجاكيت له كباسين
4- شكل لحذا ء امامى له خروم من الناحيتين وتدخل فيه رباط كوتشي
5- شكل لحذاء أمامى فيه تاتش من ناحية ومربع معدن من الناحية الاخرى
6- فيه 3 حزام مثبت وفيهم ابزيم لصندل بناتى وتوكية لحزام اولادى وتوكة بلاستيكية زي اللى بنستخدمها في شنط المدرسة

هو الفايدة منه ان الطفل يجيد كل المهارات المتعلقة بالملابس طبعا المكعب بيتنفذ من القماش السادة الزاهى الالوان

ان شاء الله الفكرة دية تعجبكم واجد من ينفذها وانا اول المشتريين للعمل