افيدونى بالله عليكم انا خلاص تعبت

[التائهة]

السلام عليكم
انا متابعة الموقع بتاعكم من مدة وكل يوم بدخل وبتمنى الاقى حلول جديدة لانى فعلا تعبت ونفسيتى مدمرة
انا عندى بنتى 5 سنين و11 شهر وعندها توحد وحالتها سيئة جدا جدا ونفسى تدخل المدرسة زى باقى الاطفال اللى فى سنها
جربت معاها كل حاجة الادوية ومخلتش دكتور الا لما روحتله وخدت دوا كتير جدا ومشيت على الحمية سنة وهى زى ما هى وكل دكتور يقولى مسألة وقت
لحد ما سنها كبر ومفيش تحسن وجربت حاجات كتير ملهاش عدد وخلاص مش لاقيه حل ومفيش حاجة بتدينى امل فى بكرة واخر حاجة فكرت فيها ادخل واكتبلكم لانى عمرى ما كتبت فى مواقع قبل كدة
اعتمدت على اخويا وسجلى هنا
انا متابعة مواقع كتير على النت بشكل يومى وحبيت اسألكم عن واحد اسمه ابو عمر هو معروف باسمه كدة وعالج ابنه بنفسه مين هنا جرب طريقته خصوصا ان فى ناس كتير بتاكد نجاحه
انا من صعيد مصر وزوجى مسافر وصعب جدا اسافر وزوجى مسافر وانا لما كلمت ابو عمر قالى لازم تيجى بالبنت وانا مستعدة اواجة الصعب بس عايزة حد بس يطمنى
حد يقولى ان فى علاج مجرب غير اللى جربناة
الله يخليكم نفسى حد يقولى حاجة تطمنى

 

[حيرانة]

رد: افيدونى بالله عليكم انا خلاص تعبت

أختي لازم تكوني حذرة من المعالجين لان التوحد يحتاج تدريب مكثف ، طيب جربتي تعطي بنتك اوميغا ٣ وإذا ظروفك تسمحلك سجليها بمركز أو أعطيها جلسات تعديل سلوك وتخاطب عند معلمة خاصة . ومشان أعطيك أمل ببكرة انا اعرف ابن صديقتي كان كل أعراض التوحد عنده شديدة حتى كنت أقول مستحيل هالولد يتطور والآن ما شاء الله يتكلم ويتفاعل ويمزح ويلعب مع الأطفال يعني طفل طبيعي الله يحفظه مع انه لم يذهب لمركز ولا أخذ أدوية بس أخذ زيت السمك وأمه عاملته كانه طفل طبيعي ، وفيه الأخت ريم معانا بالمنتدى ابنها لم يتكلم حتى الخمس سنوات والآن ما شاء الله يدرس في مدرسة عادية وكثير تجارب ناجحة ان شاء الله الأخوات يدخلوا ويفيدوك أكثر.

 

[حيرانة]

رد: افيدونى بالله عليكم انا خلاص تعبت

صحيح أختي نسيت أقول لك أني تذكرت هذا المعالج وهو الآن عضو موقوف معنا في المنتدى بس بصراحة طريقته في العلاج مبهمة وغامضة فكوني حذرة .

 

[التائهة]

رد: افيدونى بالله عليكم انا خلاص تعبت

اختى تقولى انه عضو موقوف ليه ؟ انا شوفت حالات كتير بتشكر فيه ومصورين نفسهم بيشكروه بالفيديو ومن دول مختلفة
مش فاهمة ممكن توضحى ؟ وبنتى على فكرة فى حالة غيبوبة كاملة كانها مش شايفانا وعملتلها كل التحاليل والاشعة سليمة وخدت اوميجا سنتين وبتاخد لحد دلوقتى

 

[التائهة]

رد: افيدونى بالله عليكم انا خلاص تعبت

كمان بتوع المركز قالولى مفيش منها فايدة بعد سنتين واكتر مع التدريبات

 

[بشرى اليسر]

رد: افيدونى بالله عليكم انا خلاص تعبت

الله يطمن بالك..... فوضي أمرك الى الله.... اكثري من الدعاء فهو الشافي... اعطيها أوميغا 3 وانت متوكلة على الله.... لا تعتمدي على الأسباب .... فانما هي اسباب علينا الأخذ بها لكن الله هو الرحمن الرحيم الذي بيده ملكوت السموات و الأرض خالقي وخالقك وخالق الكون كله بما فيه. وهو على كل شيء قدير.... ... النقطة الثانية لا تستعجلي النتائج لأن هذايثبط من همتك...... الله يشفيها

 

[ريم أحمد]

رد: افيدونى بالله عليكم انا خلاص تعبت

أعتقد أنك تقصدين أحد الأعضاء الموقوفين من المنتدى
اسمه في المنتدى "كوكا كايرو"
تم إيقافه لأنه خالف أحد قوانين المنتدى بإعلانه أنه يعالج التوحد
والمنتديات مكان لتبادل الخبرة بين الأهالي فقط وليس للترويج لأي علاج
خاصة من قِبل أشخاص غير مؤهلين للعلاج

كما أن العلاج الذي طرحه مبهم جدا
وحاولنا الاستفهام عن طبيعة العلاج حتى يكون الأمر واضح لمن يريد المتابعة معه
تعذر وقتها بأنه يريد الاحتفاظ بحقه في إخفاء أسس العلاج

لا أعرف من يتابع علاجه معنا هنا في المنتدى
لكن يمكنك متابعة مواضيعه التي كان يطرحها هنا في منتدانا تحت اسم "كوكاكايرو"
كما يمكنك الاطلاع على تجارب الأهالي وأنواع العلاجات التي اتبعوها علّك تنجحين في تحديد الطريق الملائم لك

أدعو الله ان يشفي ابنتك شفاءا تاما لا يغادر بعده سقما
لكني أنصحك وبشدة ان تبدئي معها من اليوم بالرقية الشرعية (إن كنت مسلمة)
وأنصحك بالرقية الموجودة في الرابط التالي لأنها متكاملة بشكل جيد:
http://www.t7di.net/vb/showthread.php?t=70770

 

[التائهة]

رد: افيدونى بالله عليكم انا خلاص تعبت

شكرا اختى
مفيش حد هنا جرب طريقة ابو عمر وجرب البرامج اللى بيعملها ؟
عموما شكرا

 

[ام اسلام]

رد: افيدونى بالله عليكم انا خلاص تعبت

الله يكوون بعوونك,وييسر اسباب الشفااء لك.
اختي اعتقد انه في اعضاء جربوا طريقة العلاج,ولم يبلغوا بالنتائج.

استخيري الله وشوفي المناسب ل بنتك.

 

[التائهة]

رد: افيدونى بالله عليكم انا خلاص تعبت

اختى ريم مستشارة دى يعنى حضرتك دكتورة ولا لقب ؟ طيب حضرتك جربتى طريقته ؟ وبصفتك دكتورة انصحينى انا زهات منكتر التجارب

 

[كوكـتـيـل طبيعي]

رد: افيدونى بالله عليكم انا خلاص تعبت

هل جربتي حقن ام بي 12 ... وبرضه كيف عرفتي ابو عمر

 

[التائهة]

رد: افيدونى بالله عليكم انا خلاص تعبت

بصراحة انا فرحت لما شوفت الناس بتتكلم وبتقول ان ولادهم اتغيروا ومسجلين اعترفات بالفيديو بنفسهم وحسيت ان فى امل
ومستغربة لانى لما شرحتله ظروفى قالى مش حتدفعى اى فلوس خالص وبجد انا نفسيتى تعبت وربنا يعلم حالنا

 

[كوكـتـيـل طبيعي]

رد: افيدونى بالله عليكم انا خلاص تعبت

بصي يا اختي .. ارجو ان تتوقفي عن الكلام بهذه الطريقة عن ابو عمر لاني باقي لي ( تكه ) واقول له يابو عمر انت القلب الحنون وبابا وماما ... اوكي

تكلمي عن بنتك وحالتها وحاولي تتواصلي مع الاخوات هنا ... ممكن تورينا مجموعة فيديوهات للاباء وارقامهم للتاكد مثلا .. فين المنتديات ال بتتكلم عن التوحد ال بتتابعيها يوميا والاطباء ال رحتي لهم والادوية وكده يعني

بس نستفاد مش اكتر

 

[التائهة]

رد: افيدونى بالله عليكم انا خلاص تعبت

عرفته بالبحث عالنت وجربت الحقن دى لما كان عندها 3 سنين

 

[ريم أحمد]

رد: افيدونى بالله عليكم انا خلاص تعبت

اختى ريم مستشارة دى يعنى حضرتك دكتورة ولا لقب ؟ طيب حضرتك جربتى طريقته ؟ وبصفتك دكتورة انصحينى انا زهات منكتر التجارب

أختي العزيزة:
في المنتدى، لقب مستشارة يعني أنني أحمل بعض الخبرة التي تمكنني من إجابة الأهالي بناءا عليها
وخبرتي جاءت من طول تجربتي مع التوحد فقط لا غير
لكنني لست طبيبة نهائيا

لم أجرب طريقة أبو عمر
ولا أعرف قريب جربها
لكني أذكر أن بعض الأعضاء جربوها ولم يذكروا لنا النتيجة

لا أريد أن أحبطك
ذلك أني لا يمكن أن أنصحك بطريقة معينة في العلاج دون غيرها
لأن الاستفادة بين الأطفال متنوعة تنوع مرض التوحد
الشيء المؤكد الوحيد عندي هو الرقية

ذكرت لك أن المنتدى يزخر بخبرات لا يستهان بها على الإطلاق
لكن كل طريقة علاجية تفيد البعض وليس الكل

ابني استفاد كثيرا وتحسن من متابعتي لمشاكل الهضم التي كانت واضحة جدا عنده
أطفال آخرين تحسنوا على علاج الدان
وآخرين على الهوميوباثي
وآخرين على حمية جابس وحدها
...... الخ

لذلك أتمنى أن تتعرفي أكثر على خبرات الأهالي
وتتبعي الطريقة العلاجية التي تجدينها أنسب لابنتك من ناحية الأعراض
طبعا من خلال طبيب طالما كان ذلك متاحا
وكذلك اختيار الطريقة الأنسب لطبيعة حياتك وعائلتك
حتى لا تحملي نفسك فوق طاقتها
فعلاج التوحد سيكون لسنوات طويلة
وأنت بحاجة لطرق ممكنة التطبيق
بدل أن تعيشي في صعاب شديدة تتسبب لاحقا بقطع العلاج

 

[التائهة]

رد: افيدونى بالله عليكم انا خلاص تعبت

بنتى مش معانا خالص وكانها بتشوف ناس تانية وتضحك كتير وكتير بتصرخ لوحدها وبتضرب دمغها فالحيط ومعندهاش كهربة ولو عايزة حاجة بتصوت ومش بنفهملها ومبتحبش حد ياخد منها حاحجة او حتى حد يمسكها
هى عرفانا انا واخوها واختها الصغيرة بس ومش بعرف اخرج بيها بتعمل فضايح
روحت لدكتور هشام حتاتة ودكتور دعاء فى الدقى ودكتورة منال عمر بتاعة التلفزيون وروحت لدكاترة كتير وكلهم تابعوها ومفيش فايدة
عملت اكتر من 50 جلسة اكسجين بردو

 

[التائهة]

رد: افيدونى بالله عليكم انا خلاص تعبت

يعنى مفيش علاج سريع ظهر لحد دلوقتى طيب فى حد فنفس حالة بنتى وجرب علاج وشاف نتيجة
متشكرة ليكم والله يجازيكم كل خير

 

[التائهة]

رد: افيدونى بالله عليكم انا خلاص تعبت

اختى كوكتيل الفيديو اللى اتكلم عليه على موقعه شوفت كتير بالبحث ومعرفش انقله هنا ازاى خبرتى ضعيفة بالنت

 

[ريم أحمد]

رد: افيدونى بالله عليكم انا خلاص تعبت

الله يعافيها يارب

بالتأكيد لا يوجد علاج سحري
تابعي خبرات الأهالي في المنتدى هنا
والجميع بإذن الله سيقدمون لك المساعدة عندما تختارين طريقك

بالتوفيق

 

[فديتة]

رد: افيدونى بالله عليكم انا خلاص تعبت

هل جربتي الرقية ؟؟ لم يبقى لك غيرها .

جربيها حتى وان كنتي غير مسلمة .. وان وجدتي تأثير ايجابي منها فتأكدي انك لو استعملتي الرقية مع الاسلام لكان تأثيرها أكبر والتحسنات أكثر ...

قررأت تجربة نصراني شفى الله ابنتة المريضة بالرقية فقط وهو غير مسلم ومع ذلك جرب الرقية كآخر حل ... عندما نفذت جميع السُـبل وعندما شفيت ابنتة أسلم .

عليك بحليب ألابل .. ممتاز ولكن تأكدي ان الابل لاتاخذ ابر تكثر الحليب بتاعها. وجربي التوقف عن المكملات لشهر او اثنين ربما كانت بها سموم
أسأل الله العظيم رب العرش العظيم ان يشفيها
​