حالة فجر

[أم فجر]

بسم الله الرحمن الرحيم

تحية طيبه لزوار هذا المنتدى الرائع و القائمين عليه .. جزاكم الله خير و الله يشفي لكم حبايبكم و يبعد عنكم كل بأس و سوء ..

ما راح أطيل ف المقدمة لأن موضوعي أنا و بنت أخوي طويل ... و بصراحة حالة بنت أخوي مسببة لنا حيرة و قلق و ألم لا يعلم فيه إلا الرحمن الرحيم .. الله يحلل عقدة لسانها و يشفيها هي و ابناء المسلمين

شاركت أنا و أمها في هالمنتدى على أمل نفهم وش حالتها و نعرف وش الحل و من وين نبتدي ؟ لكن إلى الآن محتارين

بنت أخوي عمرها ألحين سنه و تسع شهور تقريبا .. ولادتها طبيعيه و حبت و مشت و سنها تسع شهور .. و كانت تضحك و تتغاغي و ف سن 7 شهور نطقت ماما و بابا و دداا ( جده )

و كانت تتفاعل معانا عااادي و تروح و تجي مثلها مثل أختها إلي أكبر منها و بنات عمها

لين قبل 5 شهور تقريبا لما صار عمرها سنه و 3 أشهر وقتها لاحظنا إنها ما تتكلم و ما تطالع فينا نهائياً و من أول ما تصحى لين تنام وهي بس قدام التلفزيون ع طيور الجنه و كراميش تضحك للتلفزيون و تتفاعل معاه
و إذا طفينا التلفزيون تبكي و ما تحب بيت جدتها و لا بيت عمها و إذا جاتنا تنااام لين ترجع لبيتهم

و ما تلعب مع أختها و بنات عمها و إذا قربوا منها تبتعد منهم و احيان تبكي .. مع العلم إن أختها تغار منها و تضربها ف يمكن تعقدت من هالشي

ولاحظنا بعد إنها صارت تلخبط بيني و بين أمها لأنها ما تناظر بوجيهنا فلما تبي أحد يشيلها و بحكم إن أنا و أمها تقريبا نفس الحجم و الطول تجي عندي و لما اشيلها و تلمح وجهي تبكي و تدور أمها
و هالموقف كان يتكرر كثير لما أكون أنا و أمها بنفس المكان

المهم دورنا بالنت و امها أرتعبت لا يكون عندها توحد و سجلنا بالمنتدى و طلعنا بكذا فكره و بكذا اسم دكتور

و من الأفكار إلي طلعنا فيها إن لازم نبعدها عن التلفزيون و بالفعل من ثاني يوم أمها سكرت التلفزيون ف البداية كانت تبكي و تتململ بس بظرف يومين لله الحمد نست التلفزيون و ابتدت تلعب ف البيت

و أبوها و أمها و جدتها و أعمامها صارو يحاولوا يلعبوا معها و صارت تطالع بأمها و أبوها و تعرفهم زين .. لأن قبل كانت ما تعرف أمها إذا لبست حجاب الصلاة أو العبايه بس بعد كذا الحمدلله صارت تعرفها و ما تخاف منها .. وأبوها ما كانت تنتبه له إذا دخل البيت .. بس ألحين إذا رجع من الدوام تركض له و تحضنه و تفرح فيه و تحب يشيلها و يرفعها لفوق

و صرت آخذها أدور فيها لبيتنا و بيت عمها بحكم إن بيوتنا في حوش واحد .. و صارت تحب بيت عمها لأن فيه ألعاب ..

الحمدلله يعني في ظرف شهر و نص تقريبا صارت تطالع فينا عادي و تتواصل بصريا و إذا شافت في إيدينا شي يعجبها تجي و تاخذه و إذا بغت تطلع تلعب أو تروح اي مكان تجي تمسكنا بإيدينا و تسحبنا للمكان إلي تبيه


و ما صارت تبتعد أو تخاف من أختها و بنات عمها إذا لعبوا معاها ألف حمد و ألف شكر لك يااا رب

والله ما تتخيلون فرحتنااا بهالتطور البسيط ..


و بتوفيق من الرحمن و رحمة لما أتصل أخوي بالدكتور محمد المؤمني سبحان الله كان جاي لـ قطر و رتبوا معاه موعد و راحوا له و كشف عليها و شافها و قال لله الحمد ما عندها توحد يمكن سمات توحد و الحمدلله على كل حال


طبعا الدكتور عطاها أوميغا 3 .. و زوجة أخوي غيرت حليبها


وبعدها صارت تنطق بااباا بااباا و ماما ماما بشكل متكرر بس بدون ما تكون مقصوده ... و بعدها صارت تنادي أمها بس بنفس الطريقه ماما ماما ماما ماما بشكل متكرر فهمتوا علي ؟

أحنا خايفين تكمل سنتين بدون ما تنطق غير هالكلمتين .. يمكن تقولون توهاا صغيره و بدري عليها ... بس قرينا تجارب الناس و أدركنا أهمية التدخل المبكر

ولو تشوفون أمها كيف حالها والله تنرحم و تعور القلب .. من يوم ما لاحظنا إلي في فجر وهي حالتها حاله .. لا تاكل عدل و لا تنام عدل و تبحث بشكل متواصل ف النت

حتى كلام الدكتور ما طمنها .. و لا ريح بالها هي تخاف بنتها ما تتكلم

إيه صحيح نسيت أقول لكم إنها خلال الشهرين إلي راحوا قرت سورة البقرة لمدة اربعين يوم و كانت تقرا على الماي إلي تسوي منه حليب لـ فجر


هذا إلي حضرني و كتبته .. و ما زلنا مو متأكدين وش هي حالة فجر ؟ هل هي سمات توحد ؟؟ أم فرط ف الحركة و قلة تركيز ؟؟ أم مشكلة ف النطق و التواصل ؟؟ و نخاف ننتظر لين تكبر و يكون علاجها أصعب



و هل في أطفال حالتهم زي حالة فجووور ؟


الله يشفي كل الأطفال و يجعلهم صالحين بارين بأبائهم و أمهاتهم و يشفي كل مرضى المسلمين و يغفر لنا و لكم

سااامحوني ع الإطاله .. و اعذروني لكن والله ما عرفت من اسأل و لا من أكلم ...


و مشكورين على هذا المنتدى الهادف و المفيد

والسلام عليكم و رحمة الله و بركاته .. وصلِ اللهم على أشرف الخلق و امام المرسلين سيدنا محمد عليه أفضل الصلاة و السلام



عمة فجر

 

[أم عبادي]

رد: حالة فجر

الله يشفي فجوره يارب وتشوفونها عروسه ،انصحك اختي بلبن الابل فهو مفيد وصحي ويقوي العظام والمناعه والدكتور المومني ينصح به،وانصحك ايضا بزيت كبد الحوت (سفن سيز) انا جربتهم على ابني

 

[أم فجر]

رد: حالة فجر

يا حياتي يا أم عبادي آآمين و تشوفين عبادي مهندس و معرس و تشوفين عياااله ياا رب .. ألف شكككر ، بس حليب الابل ناخذه من الصيدليه و إلا عادي من ابلنا ؟ نغليه و نشربها إياااه .. و كبد الحوت إلي قلتي عليها لازم يوصفها الدكتور و إلا نقدر نجيبها من الصيدليه ؟؟

 

[أم عبادي]

رد: حالة فجر

حلب الابل يكون طازج ،انا كنت اغليه لكن اكتشفت ان فائدته اكثر بدون غليان يعني اعطوها حليب طازج بدون غليان ولا تكثرون لها لان عمرها مازال صغير
وبالنسبه لزيت كبد الحوت تاخذونه من الصيدليه قولي للصيدلي عن عمر فجر واسأليه كم مره تعطونها فاليوم
انا ابني تحسن على زيت كبد الحوت جدا ،كنت اخلطه له بالملعقه مع عصير المراعي الخالي من السكر واعطيه فالمرضعه ابني اول مره اعطيته الحليب صار معه اسهال لانه اول مره يشربه وهذا شي طبيعي وبعدها بطنه تعود على الحليب وصار طبيعي ،نصيحه مني فجر بعدها صغيره لاتعطونها ادويه اهتموا فيها واعطوها اشياء طبيعيه ممكن تساعدها وتحسنها

 

[أم فجر]

رد: حالة فجر

ألف شكر يا أم عبادي إحنا بنجرب و بنتوكل على الله .. و الحليب إذا ما فادها ما راح يضرهاا إن شاء الله

 

[أم عبادي]

رد: حالة فجر

العفو عزيزتي،والله يشفي اولادنا وجميع مرضا المسلمين

 

[كفاح مثمر]

رد: حالة فجر

السلام عليك اختي عمة فجر اولا وقبل كل شي البنت لسه صغيرة انا بنتي كانت كذا ولما كنت اطوف بها في مستشفى حمد ويشوفها الدكتور محمود فوزي ويحاول يشوف استجابتها قال ما عندها توحد بس سمات توحد

طبعا لان البنت صغيرة جدا واعراض التوحد تقريبا توضح بعد سنتين ونص لذا لا تقولوا خلاص البنت ما فيها توحد والله ان بنتي كانت كذا وبعد السنتين بدت شوية شوية وتظهر عليها اعراض التوحد
يا ليت يا اخواتي تخبروا الاهالي اللي عندهم اطفال توحد يشوفوا التطعيمات اللي محتاجينها لاطفالهم سواء التوحدي او غير التوحدي و نطلب من الدكتور محمد المومني يجيبها المرة الثانية واتصلوا عليه على رقمه الخاص وكلموه عن الي انتم محتاجينه عشان يجيبها لنا
احنا كان معانا ملف تجمع لاطفال التوحد بقطر بس نايم لان اغلب الامهات مشغولات

http://www.t7di.net/vb/showthread.php?t=66805

 

[أم فجر]

رد: حالة فجر

السلام عليك اختي عمة فجر اولا وقبل كل شي البنت لسه صغيرة انا بنتي كانت كذا ولما كنت اطوف بها في مستشفى حمد ويشوفها الدكتور محمود فوزي ويحاول يشوف استجابتها قال ما عندها توحد بس سمات توحد

طبعا لان البنت صغيرة جدا واعراض التوحد تقريبا توضح بعد سنتين ونص لذا لا تقولوا خلاص البنت ما فيها توحد والله ان بنتي كانت كذا وبعد السنتين بدت شوية شوية وتظهر عليها اعراض التوحد
يا ليت يا اخواتي تخبروا الاهالي اللي عندهم اطفال توحد يشوفوا التطعيمات اللي محتاجينها لاطفالهم سواء التوحدي او غير التوحدي و نطلب من الدكتور محمد المومني يجيبها المرة الثانية واتصلوا عليه على رقمه الخاص وكلموه عن الي انتم محتاجينه عشان يجيبها لنا
احنا كان معانا ملف تجمع لاطفال التوحد بقطر بس نايم لان اغلب الامهات مشغولات

http://www.t7di.net/vb/showthread.php?t=66805

وعليكم السسسلام أختي كفااح .. هذا إلي احنننا مرعوبين مننه إحنا نبي نستدرك الموضوع بس مش عارفين و مش متأكدين .. إحنا مو قادرين نشخص حالتها ،، مع العلم إنها تتحسن الحمدلله و رجعت نفس أول بس مشكلتها الكلام لأنها ما تنطق إلا ماما و بابا

التدخل المبكر يساعد بشكل كبير بس في نفس الوقت ما في تشخيص بهالسن ؟؟ الحمدلله على كل حاال ، الله يشفيهم و يصلحهم ياااااا رب

فجور عندهاا موعد معاه هالخميس و بيجيب علاج لها من الأردن و من أمريكاا بس بعد متخوفين من كثررة العلاج .. الله يساعدناا .. و الله يفرج على كل أم و اب موجوعه قلوبهم على ابنائهم

ألف شكر أختي كفاح أنا بأدخل الرابط و بأحاول أفيدكم بإللي أعرفه إذا الرحمن قدرني

 

[كفاح مثمر]

رد: حالة فجر

اختي الادوية هذة غالبا مكملات من فيتامينات وما اعتقد انها اخطر من الادوية اللي بيصرفها لك دكتور اعصاب ومخ انتوا سويتوا الصح انكم تواصلتوا مع الدكتور المومني والبنت لسه صغيرة يمكن يكون مجرد تاخر

بس نصيحة لا تنخدعوا وتقولوا خلاص البنت ما فيها شي لانه هذا اللي صار لبنتي وخليتها على امل انه مجرد تأخر لانه زي ما قلت لك ماكان عندها غير انه النطق قليل وما تنتبه والتشخيص مش مهم اهم شي انكم اكتشفتوا ان البنت عندها مشكلة وتداركتوا الامر بسرعة

المهم انتو وقفوا التطعيمات واطلبوا من الدكتور محمد يجيب لكم تطعيمات خالية من المواد الحافظة وحذاري حذاري انكم تصدقوا اطباء مؤسسة حمد لما يعطوكم ادوية بس اذا فحوصات او رنين مغناطيسي وتخطيط دماغ وفحص سمع سووه عشان تتاكدوا انه مافي مشكلة

 

[ام سيمي]

رد: حالة فجر

لاباس على فجر ....الله يطمن قلبكم عليها ويجعلها قرة عين لوالديها

والحمد لله ان فيه استجابة ...ياليت يستمروا ع الرقية مع التدريب المكثف

لان ابني لما تم تشخيصه كان بعمر سنة ونصف واحدى الاخصائيات النفسية قالت لاتخافين ماراح تتحدد شخصيته وايش بيه

الابعد ثلاث سنوات ...ولكن مااخذت بكلامها والا كان ضاعت فترة مهمة من التدخل المبكر

الاوميغا3 ممتاز جدا

اسال الله العظيم رب العرش العظيم ان يسفيها شفاءا لايغادر سقما

 

[حلم وانكسر]

رد: حالة فجر

اختي العزيزه عمة فجر هناك نوع من التوحد يسمى التوحد البيئي يعني الطفل يكون سليم لاكن يترك امام التلفزيون لفتره طويله فتظهر عليه سمات توحد لاكن بمجرد ان ينتبه الاهل للطفل ويقوموا بدمجه مع الاطفال وابعاده عن التلفزيون يرجع طبييعي باذن الله هذه كانت حالة ابن خالتي والان ماشاءالله يتكلم وطبيعي جدا اما ابني لالالالا توحد مرضي لانه تاخر بالمهارات الحركيه الجلوس والمشي وغيره ويعاني من اضطرابات هضميه اسهال مستمر بالاضافه الى علامات التوحد جميعها شفى الله ابناءنا جميعا

 

[أم فجر]

رد: حالة فجر

اختي الادوية هذة غالبا مكملات من فيتامينات وما اعتقد انها اخطر من الادوية اللي بيصرفها لك دكتور اعصاب ومخ انتوا سويتوا الصح انكم تواصلتوا مع الدكتور المومني والبنت لسه صغيرة يمكن يكون مجرد تاخر

بس نصيحة لا تنخدعوا وتقولوا خلاص البنت ما فيها شي لانه هذا اللي صار لبنتي وخليتها على امل انه مجرد تأخر لانه زي ما قلت لك ماكان عندها غير انه النطق قليل وما تنتبه والتشخيص مش مهم اهم شي انكم اكتشفتوا ان البنت عندها مشكلة وتداركتوا الامر بسرعة

المهم انتو وقفوا التطعيمات واطلبوا من الدكتور محمد يجيب لكم تطعيمات خالية من المواد الحافظة وحذاري حذاري انكم تصدقوا اطباء مؤسسة حمد لما يعطوكم ادوية بس اذا فحوصات او رنين مغناطيسي وتخطيط دماغ وفحص سمع سووه عشان تتاكدوا انه مافي مشكلة

أهلين أختي كفااح ، أبوهاا رافض نهائياً مستشفى حمد و مراكز مؤسسة حمد بكبرهاا و السبب إنه مافي إهتمام من جاانب مؤسسة حمد بهالمواضيع و للحين متأخرين من ناحية التشخيص و العلاج

و التطعيماات إحنا شاكين إنها السبب لأنها بعد تطعيمة السنه و شهرين جاتها هالحاله الله يشفيها هي و ابناء المسلمين

و زوجة أخوي قررت إنها تراجع لتطعيمات كل عيالها عند المؤمني هي و زوجة أخوي الثاني بعد ما تحرينا عن موضوع التطعيماات و علاقتها بمرض التوحد و غيرهـ

بالنسبه لفحص السمع سوينااه قبل 3 شهور و كاان فيه مويه ع طبلة الأذن و أخذت علاج من عند دكتور أجنبي متخصص ف نفس الشي بس ناسيه أسمه و الحمدلله راحت المويه

أما الرنين المغناطيسي و تخطيط الدمااغ إلا الآن ما سويناها ..

و جزاج الله الف خير أختي كفااح إنتِ و جميع من في هالمنتدى والله يشفي لككم كل حبايبكم ياا رب

 

[أم فجر]

رد: حالة فجر

لاباس على فجر ....الله يطمن قلبكم عليها ويجعلها قرة عين لوالديها

والحمد لله ان فيه استجابة ...ياليت يستمروا ع الرقية مع التدريب المكثف

لان ابني لما تم تشخيصه كان بعمر سنة ونصف واحدى الاخصائيات النفسية قالت لاتخافين ماراح تتحدد شخصيته وايش بيه

الابعد ثلاث سنوات ...ولكن مااخذت بكلامها والا كان ضاعت فترة مهمة من التدخل المبكر

الاوميغا3 ممتاز جدا

اسال الله العظيم رب العرش العظيم ان يسفيها شفاءا لايغادر سقما

آميـــــن ياا رب العالمين و يشفي لك ابنك و تفرحي فيه ياا رب

بالنسبه للرقيه أمها مستمرره فيهاا ، و لما تنام فجور تحط عند راسها رقية الاعضاء تبع الشيخ ابراهيم الأحمد < وإلي دلنا على هالرقيه وحده من هنا الله يجزاهاا خير

و الأوميغا 3 تاخذه ألحين ، بس الدكتور المؤمني قال ابتداءاً من الخميس لما يجيب العلاجات الجديده راح توقف الأوميغا 3


و الحمدلله على كل حــال .. و اسأل الله العظيم رب العرش العظيــم إن يشفي لك ابنك شفاءء لا يغادر سقماً و يفرحك فيه ياا رب

 

[أم فجر]

رد: حالة فجر

اختي العزيزه عمة فجر هناك نوع من التوحد يسمى التوحد البيئي يعني الطفل يكون سليم لاكن يترك امام التلفزيون لفتره طويله فتظهر عليه سمات توحد لاكن بمجرد ان ينتبه الاهل للطفل ويقوموا بدمجه مع الاطفال وابعاده عن التلفزيون يرجع طبييعي باذن الله هذه كانت حالة ابن خالتي والان ماشاءالله يتكلم وطبيعي جدا اما ابني لالالالا توحد مرضي لانه تاخر بالمهارات الحركيه الجلوس والمشي وغيره ويعاني من اضطرابات هضميه اسهال مستمر بالاضافه الى علامات التوحد جميعها شفى الله ابناءنا جميعا

اختي العزيزه عمة فجر هناك نوع من التوحد يسمى التوحد البيئي يعني الطفل يكون سليم لاكن يترك امام التلفزيون لفتره طويله فتظهر عليه سمات توحد لاكن بمجرد ان ينتبه الاهل للطفل ويقوموا بدمجه مع الاطفال وابعاده عن التلفزيون يرجع طبييعي باذن الله هذه كانت حالة ابن خالتي والان ماشاءالله يتكلم وطبيعي جدا اما ابني لالالالا توحد مرضي لانه تاخر بالمهارات الحركيه الجلوس والمشي وغيره ويعاني من اضطرابات هضميه اسهال مستمر بالاضافه الى علامات التوحد جميعها شفى الله ابناءنا جميعا

بصراحه مرت فتره أدمنت فيها التلفزيوون و إحنا كنا نشوفها مبسوطه قدامه و مو ناقصها شيء ف كنا مخلينها على كيفها و إحنا نظن إنه إلي نسويه هو الصح

فكنا بس نأكلها و نعطيها الرضاعه أو نبدل لهاا < تخيلي

مع العلم إن أمها كان عندها قرحه و متعبتها و أختها الكبيره مدلعه و تغاار منها يعني إذا شافتنا نشيلها أو نلعبها تزعل و تنتهز أي فرصه عشان تضربهاا فكان في نظرنا أحسن حل نخليها قدام التلفزيون بعيد عن أختها علشان ما تغار منها و تضربهاا

لو تعرفين كيف أنا و أمها متحسرين و متندمين على تفكيرنا .. قدر الله و ما شاء فعل و الحمدلله على كل حال بس تعرفين كيف تفكير الأمهاات و لو سويت كذا و لو عملت كذا أستغفر الله لا اعتراض على مشيئة رب العالمين

الله يشفيه لك ولدك ياا رب و تشوفيه زي ما تتمنين و الله يجعله صالح و بار فيك ياا رب العالمين