هذا توحد اولا ريحوني

[هيله]

اللي يعرف قصة ابنتي
سبق وقلت ان الطبيبه النفسيه طلبت مني ادخلها حضانه
دخلتها حضانه تفاعلت قليلا مع الاطفال بتسوي حركات الرياضه مع الاطفال مبسوطه اول ماالبسها تنبسط
يقولون تلعب مع الاطفال وتسوي حركات الرياضه بالبيت ماتسوي شي صوروها وشفتها تلعب مع الاطفال شوي وتفك شوي وترجع مره ثانيه وتقلدهم
لاحظت عليها ترد الكلام مثلا اقول لها رحتي المدرسه ترد مره تقول دسه يعني مدرسه
لعبتي مع احمد تقول اد يعني احمد كذا
ماكانت تردد
تتبسم طول الوقت وتركض وتضحك كانها تتذكر اصحابها بالحضانه
ولكنها ماتتكلم يعني مااعرف اي شي صار لها هناك بس حسيت انها مبسوطه بالمكان الجديد
وحتى الان ماادري بنتي ايش عندها بالضبط هل هو توحد او قصور في النمو اوتشتت اوعدم تركيز اذا الدكاتره موعارفين انا ايش اسوي

طيب اخليها تردد الكلام ولا اتركها مااسالها عشان ماتتعود على الترديد بدون معنى

 

[نجمة الرياض]

رد: هذا توحد اولا ريحوني

اهم شي خليك متواصله معه وتكلمي معه كثير وفرحيها باي شي جديد هي تسويه ويدل على تطور ايجابي في سلوكها

 

[هيله]

رد: هذا توحد اولا ريحوني

اخت نجمه كيف افرحها احس انها ماتفهم شي ابد

 

[ياربي رحمتك]

رد: هذا توحد اولا ريحوني

اخت (هيله) الله اشافي بنتك وابني وابناء المسلمين جميعاً
حبيبتي مادري عن ظروفك بس ياريت تحضريها لدكتوره عبير في الكويت وتريحي بالك لانك تعبتي وانتي بين الدكاتره ولم تجدي اي فائده ولم يجيبك احد منهم بمرض ابنتك ولكن مبدأياً انصحك باستمرارها في الروضه وخطوة جيده انها ماشاء الله بدأت باللعب معهم ولكن لاتتركيها من غير علاج انصحك بالدكتوره علي الاقل تعرفين ماذا اصابها وماهو علاجها وكذلك في الفتره هذي احضريلها اخصائي تعديل سلوك شفاها الله والله اطمن قلبك يااختي علي بنتك يااارب

 

[نجمة الرياض]

رد: هذا توحد اولا ريحوني

يعني انا ابني ماهو جايب خبري بس لما يكون يلعب و يصلح شي صح باللعبه اضمه بقوه واصرخ واو مثلا
ولا اقول له شاطر حبوب واضل ابوسه وادغدغه حتى وان هو ماابدا اهتمام صدقيني بيكون فرحان
يعني لا تتركيه لوحدها حتى وان هي ماعطتك اهتمام انت لا تسوين مثلها انت لازم تعطيها الاهتمام الى هي بحاجته

ومثل ماقالت ياربي رحمتك حاولي تعرضيها على طبيب دان او ابدي معها حمية الجابس وشوفي اذا فيه تحسن بسلوكها. انت عطي نفسك اربع شهور مع الحميه ان لاحظتي تحسن استمري وان كان لا فماراح يضرك

بعدين انصحك تقرين عليها الرقيه حق العين
اقري عليها يوميا ولا تتركيها ابدا بدون رقيه

 

[هيله]

رد: هذا توحد اولا ريحوني

وشو حمية الجابس وشو تعديل سلوك وجزاكم الله خيرا حبايبي

 

[نجمة الرياض]

رد: هذا توحد اولا ريحوني

حميه الجابس تلقي معلومات عنها في منتدى الحميه
الاستاذه ريم و المهاجره ماقصرو ترجمو الحميه وكيفيه العمل بها

مع اني ااكد عليك اقري على بنتك شكل بنتك منضوره من لعبها معك او شي مثل كذا
والدليل انها تلعب في الروضه بس في بيتكم تنتكس
الى اعرف ان فيه ناس عيونهم تجي على شي مثل اعرف امي الله يرحمها كانت منظوله عن طبخ الجريش كانت لما تسوي جريش في بيتنا بنفسها ماتلكله واذا اكلته تتعب لين تطلعه من بطنه. بس كانت عادي تاكل الجريش الى تسويه اختي في بيتها وتجيبه لامي.
يمكن احد شايفك تلعبين مع بنتك وحاسدكم و عشان كذا هي معك انت بس ماتتكلم ولا تلعب ؟؟
مادري كذا استنتاج من كلامك عنها في الحضانه

 

[حلم وانكسر]

رد: هذا توحد اولا ريحوني

يااختي بالعكس هذا تطور انها تردد اوتنطق اي شي اهم شي تتواصل معك اهتمي فيها وفي كلامها اللي تقوله لاتطنشينها لا لالالا اذاتكلمت ناظريها وتكلمي معاها حتي لوترديد هذا بداية التواصل والخروج من توحد الله يشفيها

 

[عابره سبيل]

رد: هذا توحد اولا ريحوني

مثل ماقلو الاخوات
وبنتك ان شاء الله مع الايام بتتحسن اكثر
بلمتابعه والاهتمام والدعاء والتحصين والعطف والحنان وتطوير