حليب الابل موجود فى مصر

[ام شريف]

السلام عليكم ورحمه الله

حبيت ابشر الاخوات اللى فى مصر انى لاقيت مكان موجود عنده حليب الابل طازج ومضمون انه مش مغشوش وتقريبا سعر الكليو 7 جنيه هو معهد البحوث الحيوانيه دا مكانه فى الدقى جمب نادى الصيد انا كلمتهم دلوقتى ودا رقمهم 0233374820 وان شاء الله هروح دلوقتى اشترى منه واجرب ل شريف ويا رب يكون فى الشفا
ولما هرجع ان شاء الله هبلغكم بلى حصل

 

[جوليا]

رد: حليب الابل موجود فى مصر

بالتوفيق يارب .. ان شاء الله يعجب شريف و ربنا يجعله فيه الشفاء

 

[ام شريف]

رد: حليب الابل موجود فى مصر

مشكره اوى يا ام يوسف وللاسف انا لسه مجبتوش بس خلال الاسبوع دا هروح اجيبه

 

[أم دانيال]

رد: حليب الابل موجود فى مصر

موفقة انشالله يا ام شريف، حسب ما قرأت من تجارب بعص الاخوة بالمنتدى انه في بداية الاسبوع الاول من تناول الحليب لأطفالهم لاحظوا عليهم انتكاسات، فلم يكملوا، وهناك اخت نسيت اسمها تابعت مع ابنها بالرغم من الانتكاسة وفي الاسبوع الثاني بدأت التحسنات تظهر. نصيحتي ألا تيأسي ولو رأيتِ بعض الانتكاسات في البداية، والله الشافي.

 

[أسد التحدي]

رد: حليب الابل موجود فى مصر

للعلم اختي ام شريف حليب الابل لا يغلي مثل باقي الحليب فهو يشرب طازة او يحفظ في الثلاجة بالتبريد .. اذا كان طفلك يعاني من طعمه ودسامته اظيفي اليه نصف ملعقة سكر وشوية مياه مغلية واعطيه يوميا بمقدار فنجان 3 مرات . واستمري لمدة 40 يوما متتالية لا تقطعي والا الفائدة لن تحصل . انا جربته مع بنتي مارية والحمد لله تحسنت مليون مرة من قبل ولمدة 40 يوم لكن كل يوم اجيب لها طازج بمقدار كاسة .. والحمد لله الامور تمام .. تحياتي لك

 

[ام شريف]

رد: حليب الابل موجود فى مصر

الحمد لله عز وجل اشتريت اللبن وقالولى انه ممكن يفضل فى الفريزر لمده عشرين يوم وزى ما ابو شهد قال مينفعش يتسخن وقابلت هناك ناس مدحولى فى اهميته
عزيزتى ام دانيال شكرا على النصيحه وان شاء الله انا هستمر حتى فى وجود انتكسات وبفكر كمان بكره اعمل لشريف الحجامه

الاخ الفاضل ابو شهد شكرا جزيلا على اهتمامك وعلى المعلومات القيمه اللى قولتهالى وشجعتنى انى استمر فيه لشريف

 

[ام شريف]

رد: حليب الابل موجود فى مصر

الحمد لله شريف بقاله يومين بيشرب اللبن
لاحظت ان ريحه عرقه مختلفه وريحه الاخراج برضه مختلفه بيتحرك بصورة غير عاديه وبيقعد يضحك مع نفسه ضحك هستيرى وبعد شويه بيعيط برضه بحرقه وكله بدون سبب
عموما انا مستمره مهما كانت العواقب ويارب تختفى الاعراض دى

 

[أسد التحدي]

رد: حليب الابل موجود فى مصر

توكلي على الله ..

 

[ابوشهد]

رد: حليب الابل موجود فى مصر

انا استخدمه لبني من ثلاث اسابيع وفيه تحسن في الذكاء ولله الحمد والنطق اهم شي ينحلب قدامك من الناقه وتكون صغيره وياليت كل يومين

 

[ام شريف]

رد: حليب الابل موجود فى مصر

انا استخدمه لبني من ثلاث اسابيع وفيه تحسن في الذكاء ولله الحمد والنطق اهم شي ينحلب قدامك من الناقه وتكون صغيره وياليت كل يومين

ربنا يشفى بنتك ويعافيها يا رب
بس ينحلب قدامى دى صعبه اوى دا انا لاقيت المكان دا بالعافيه والابل بتكون فى مرسى مطروح يعنى بعيد عن القاهره فكرت اشترى ناقه بس لما اللبن يخلص هعمل بيها ايه وهوديها فين واكيد هضطر اجيب واحده يكون عندها لبن دا غير مين اللى هيراعيها

 

[ام ليلى الصغيرة]

رد: حليب الابل موجود فى مصر

السلام عليكم و رحمه الله و بركاته
لبن الابل موجود عند محلات امتنان للاغذيه العضويه...و يوجد فروع له فى جميع انحاء القاهرة و يباع بالزجاجه فيها 1/2 كيلو ب 9.5 جنيه و ليس مغلى و مختبر فى المعمل بانه خالى من الامراض و علشان كدة سعرة اغلى شويه من بره...و لكنه مضمون ارجو ان اكون افدتكم...و ربنا يشفى جميع ابنائنا

 

[ام شريف]

رد: حليب الابل موجود فى مصر

شكر جزيلا على المعلومه

 

[تفائلوابالخير]

رد: حليب الابل موجود فى مصر

شكرا يام شريف
شكرا يا ام ليلى الصغيرة

 

[ام اسلام]

رد: حليب الابل موجود فى مصر

بانتظار تجربتك ام شريف,ايضا هل حصلتي على الكيفر.

 

[لله الامر]

رد: حليب الابل موجود فى مصر

السلام عليكم يا اخت ام شريف كل عام وانتم بخير لدى سؤال هل يمكن اضافة الفواكة للبن الابل والسكر وضبة في الخلاط لجعلة مستساغ الطعم ؟ وهل استخدام لبن الماعز لة نفس التاثير لانى قرات انة يوصى بة لعلاج الانطواء وشكرا لك واتم اللة على ابنك بالشفاء وكل ابناء المسلمين:23:

 

[ام شريف]

رد: حليب الابل موجود فى مصر

للاسف لاء يا ام اسلام شريف وانا كنا تعبانين جدا دور برد وكحه والتهاب قصبه هوائيه وانسداد شعب ههههههههههه بس الحمد لله النهارده احسن ف ان شاء الله الاسبوع الجاى هجب الكيفر واعمل الحجامه لشريف وربنا يسهل وشكرا على سؤالك

 

[ام شريف]

رد: حليب الابل موجود فى مصر

السلام عليكم يا اخت ام شريف كل عام وانتم بخير لدى سؤال هل يمكن اضافة الفواكة للبن الابل والسكر وضبة في الخلاط لجعلة مستساغ الطعم ؟ وهل استخدام لبن الماعز لة نفس التاثير لانى قرات انة يوصى بة لعلاج الانطواء وشكرا لك واتم اللة على ابنك بالشفاء وكل ابناء المسلمين:23:

شكرا جزيلا على الدعوة ولكى المثل ان شاء الله
انا مش دكتورة بس الشخص اللى هناك قالى تقدرى تحطى عليه فوكه وتصربيه فى الخلاط عادى والسكر برضه عادى معرفش بالنسبه ل لبن الماعز مجربتوش وعموما انا شيف منتكس على لبن الابل بس انا هستمر على البن لمده 40 يوم عشان اقدر احكم وربنا يسهل واشوف نتيجه حلوة

 

[ايمان انور]

رد: حليب الابل موجود فى مصر

ربنا يشفى اولادنا جميعا ان شاء الله
​

 

[ام شريف]

رد: حليب الابل موجود فى مصر

امين يا رب

 

[اام حسن]

رد: حليب الابل موجود فى مصر

ام شريف واضح ان تجربتك السنة اللي فاتت فهل استمرتيتي و اكملتي 40 يوم للبطل الشريف ؟ وماهي ملاحظاتك ؟

ربنا يشفيهم ويريح بالنا ياااااااااااااااارب