احتاج الى ارأكم

[ام ايوب]

مرحبا جميعا انا حابه اشاركم بعض التغيرات الي حدثة من لما شخص ابني ابحتمال اصابته ببعض سمات التوحد من لما اخدتوا على المركز من شهرين وحكولي انو عندوا بعض اعراض التوحد الا هو انا ما برد على اسمو وضعف في التواصل البصري وفقدان اللغه وانو ما بعرف يلعب بالعاب متل طفل بعمر جيلوا وانو ما بحب يلعب مع الاطفال من بعض من حكتلي هالاشي صرت بحيره و قلق و كتئاب من وقتها ترك كل اشي حتى البيت بطلت اشتغل او اعمل اي اشي غير اني كل وقتي قاعده معو و هو كان كتير كتير بحضر على التلفاز طيور الجنه وكرميش فانا من وقتها لغيتها بالمره وما بحطولوا على اشي على التلفزيون من مدة شهرين لهلأ ابني صار لما اي حدا ينادي عليه مش بس انا يلف وجهو ويرد صار يطلع ويضحك مع الكل حتى بس يعمل اشي غلط بسير يطلع فيكي اذا شايفتني او لا وبس اطلع في وابينلوا اني معصبه بسير يضحك عشان انو ما اضل اطلع في بعصبيه صار يفهم كلمة ممنوع او لا و بس يكون معو التلفون واحكيلوا هات احكي الو بحطلي اياه على ودني واذا مسك النظاره بحطها على عيوني و بعرف انو المعلقه للاكل و الكاسه للشرب وبعرف شو يعني كلمة باي وكلمة الى اللقاء وبس مرات ياخد اشي من اختو وتسير تبكي بحكلوا ممنوع اختك حبيبتك ديده ديه بسير يبكي بضل يضوا ويطفي الضو وهو من قبل ما بحب يقعد لحالوا بالعكس لما يكون قاعد بمحل لحالوا بيجي يقعد او يضل حدا او محل ما الكل قاعد صار ولد مرح هو صح لهلاء ما بلعب مع الولاد بس لما يكونوا يركضوا وينطوا بحب يلعب معهم هيك مرات بمسك الطابه وبرميها بسير يطلع باختوا عشان يركضوا ويتسابقوا على الطابه هو لسه مع بحكي بس طول اليوم بحكي كلام واوصوات بس لسه مش مفهوم حكيوا صار يمسك السياره ويمشيها على الحيط وعلى الطاوله مرات صار يعمل اشياء ويطلع فيكوا انو شايفتني بس يروح ابوه او انا محل وما ناخدوا ببكي بدوا يجي معنا بحب ينام حدي بالليل بفيق وبيجي بنام حدي ومرات بحط راسوا على صدر ابوه وبنام هيني بعمل هيك يعني الحمد الله هو خلال هالشهرين عم بتغير كتير حتى الكل ملاحظ هالاشي وبحكولي شو عم تتعمليلو حكتلهم ولا اشي كان بغيبوبه وهلأ بلش يصحى منها مع انو لسه ما بلشت معو ولا اشي من جلسات النطق او تعديل السلوك هو لسه ببلش بشهر واحد انو سو رأيكم كتير حابه اعرف ارأكم من خلال تجاربكم وخبرتكم الله يشفي اولدنا اجمعين

 

[ريم أحمد]

رد: احتاج الى ارأكم

أهلا بك أختي الكريمة
كل طفل في عالم التوحد حالة خاصة قائمة بذاتها
طالما أن ابنك يستفيد من طريقتك معه
إذن أنت تقومين بعمل جيد
ما ذكرتيه تحسنات راااااااائعة جدا خلال وقت قياسي
ما شاء الله لا قوة إلا بالله

استمري على نفس طريقتك بالتواصل معه
إضافة إلى جلسات التخاطب التي ستبدأ قريبا بإذن الله
وف نفس الوقت اعتني كثيرا بتغذية الطفل بالطعام الصحي فقط
ابعديه عن كل الأطعمة المصنعة والمؤذية
ويمكنك إضافة بعض المكملات المفيدة مثل زيوت السمك
اسألي الصيدلاني عن أفضل نوعية مهما ارتفع ثمنها
فبعض الأنواع يكون بها معدن الزئبق
وبالتالي تضر أكثر مما تنفع

أدعو الله أن يشفي لك طفلك
آمين

 

[ام ايوب]

رد: احتاج الى ارأكم

شكرا اخت ريم والله يشفي اولدنا جميعا

 

[رتيل]

رد: احتاج الى ارأكم

غاليتي أم ايوب .. إن شـــاء الله حالة إبنكي بسيطة

لأنه إنتي ذكرتي بيستجيب لكم ويميزكم ويتفاعل معاكم ويلعب مع الأولآد

وإتضح لي ماشاء الله إنه ذكي وعنده إدرأك وتمييز

لكن بالفعل كما ذكرت عزيزتي ريم أحمد

سويلو جلسات تخاطب لأن عمره لسه صغير

عشان تسابقي الوقت ويتشافى أكثر واكثر إن شاء الله ومن بدري

تكلمي معاه إنتي وابوه وأي أطفال ثانيين خليهم يتكلمو معاه

وخطوتك سليمة بإلغاء كراميش وطيور الجنة

لأنه يصير بس مركز عليهم

جيبلو مثلآ كرات ملونة أزرق وأصفر وأحمر

وسوي بكراتين مربعة صناديق ولونيها أو حطي عليها ورق ملون يعني

تكون العلب أو الصناديق بنفس ألوان الكور

وخليه يحط الكورة الصفراء بالصندوق الأصفر والزرقاء با الأزرق وهكذا

يعني بإمكانك تسويله بعض الأنشطة في المنزل تساعد على زيادة التركيز وتنمية الإدراك عنده

برضو الأوميقا 3 رائع والله وهو زيت السمك

ممتاز لزيادة الإنتباه والذكاء

أسأل الله العظيم الرحمن الرحيم إنه يشفي طفلك ويكون بأتم صحة وعافية يارب

 

[ام ايوب]

رد: احتاج الى ارأكم

شكرا لكي اخت رتيل والله يشفيلك ابنك
انا كتير بحاول معو هو الحمد الله مرات بحكي انو هو ولد طبيعي بس لو بحكي ما في عندوا مشكله ومرات من الوسواس لانو فكرة انو عندوا توحد محتمله صارت لو بعمل اشي وهادا الاشي طبيعي صرت افكر انو مش طبيعي مرات بحس انو هو ولد عنيد وخجول بس هادي هيه مشكلتوا بس الحمد الله هو احسن كتير من قصص ابتسمعيها ان شاء الله الله يطلقلوا السانوا ويسير يغرد ويحكي راح بمشيئة الله يكون ولد طبيعي
انا بعطيه الاميغا3 بس مش كل يوم لانو هو مرات بقبل ومرات لا بس راح اضل احاول
وان شاء الله يضل هو بتحسن كل يوم بعد يوم ويسير ولد ما بدي اياه متل كل هالولاد بس يكون قريب من كل اولاد جيلوا
وان شاء الله ربنا ببعت هالعلاج والشفا للكل هالاطفال وبرحمهم برحمتوا

 

[رتيل]

رد: احتاج الى ارأكم

الله يحفظه لكي يارب واسأل الله تعالى الواحد الأحد أن يحلل عقدة من لسانه

آمين يارب العالمين

طيب عزيزتي أم أيوب بالنسبة للأوميقآ إللي تستخدميها هي شرآب

أو كبسولآت ؟

بإمكانك لما يرفض تناوله كل يوم إنك تخلطيه مع الأكل مثلآ وجبة الغدآء

عشان ماينتبه لطعمه

وتأكليه إياه

لأنه أنا وصفلي الدكتور لبنتي كبسولآت أوميقا 3 و6 و 9 متوفرة با الأردن ..كل يوم حبة واحدة

أحيانا أفرغها مع الرز أو أي أكل ثاني لأن بدآخلها زيت

والحمد لله تتناوله بدون إشكال

خليه يشرب عصير برتقال طازج وخففي من السكريات

طيب عزيزتي إنتي متأكده عنده سمات توحد ؟

يعني هل عرضتيه على أكثر من طبيب ؟

 

[ام ايوب]

رد: احتاج الى ارأكم

كنت استخدم سائل بس ما قبل وبميز طعموا منيح اذا حطيتوا مع اي اشي هلق جبتلوا نوع متل حبات الشوكولاته هو شاكك انها مش شوكولاته بس بكولها
انا عرضتوا على مركز واحد بعد اسبوعين بدي اخدوا عند اخصائيه نفسيه وتربويه وهيه اختصاصها توحد ان شاء الله بطمنلي بالي
وجارة اهلي عندها مدرسه للاطفال الي عندهم مشاكل متل التوحد ومشاكل سلوكيه وابنها عندوا توحد لما وريتها اياه حكتلي هو ما عندوا توحد حكتلي دهو عندوا مشكله انو عايش بمرحله اصغر من عمروا لانو كان يقضي وقت كتير على التلفزيون فكان مش ميز بين الواقع والخيال بس هلأ بلش يميز عشان هيك عم يتحسن حكتلي انتي ساعديه و اعطيه الجلسات عشان يسير تحسنوا اسرع ولو ما عملتلوا اشي هو مع الوقت برجع منيح
واي حدا بشوفوا خصوصا لما يكون جاي على بالوا يخفف دموا و يتزانخ ويلعب بحكولي مين الا حكالك عندوا توحد والكل ملاحظ تحسنوا خصوصا اهلي لانهم بعاد وكل شهرين او تلاته بشوفوا
تسلمي اختي على دعوتك و مشاركي رأيك لانو راي الكل بهمني الانو كل واحد بستفيد من التاني ومن تجربتو