هو ايه الموضوع؟؟؟؟؟؟؟

[ابن السلاطين]

جالي خبر من كاااااااام سنة فاتوا ان ابن عمة ماما اتجوز
بجد يا سلام بركة يا جامع
طب الف مبروك
ولا روحنا ولا زورنا
وتفوت ايام وشهور ويجيلي خبر برضه
ان ابن عمة ماما خلف بنت
يااااااااااه الف مبروك ربنا يباركله فيها يارب ويا تري سمي الامورة ايه؟؟؟
.....علا
علا؟؟؟ ايه الاسامي دي
مش قادرين يسموا اسم جديد شوية
دة مين اللي سمي الاسم دة؟؟؟
مش عارفين بس تقريبا حماته
يلا مش مشكلة ربنا يباركله فيها
وبرضه لا روحنا ولا زورنا

وبعد فترة.... يجيلي خبر برضه دي علا عيانة
مالها يا جماعة عندها حساسية علي صدرها
يا ستار يا رب وهي صغيرة كدة يااه الف سلامة عليها وربنا يشفيها

صحيح يا ولاد المرض لابيعرف كبير ولا صغير بس يلا ربنا يشفيها يارب
وكالعادة برضه لا روحناولا زورنا
وتفوت سنة علي علا.....!؟
والاقي نظرة حزينة مكسورة مش قادرة تبص علي المستقبل
لان اصلا مش في مستقبل
نظرة كلها خوف وحزن
علا يا ولاد
مالها؟؟؟؟
جالها المرض الوحش
علا جالها سرطان
لا حول ولا قوة الا بالله
ودة بيجي منين
انتي هتهزري يا انجي يعني ايه بيجي منين كله بامرالله
يا جماعة انا مش قلت حاجة
مش فاكرة ساعتها حسيت بايه
بس استسلمت زي ما هما ما استسلموا
هتعالج ازاي وهي في السن دة ولا هنستني تبرعات مستشفي 5757
كيماوي؟؟؟
لا حول ولا قوة الابالله كيماوي وهي في السن دة ربنا يقويها

شعرها وقع...وضغفت جدا
لكن كانت بتمشي وبتتكلم
ماما انا عايزة دة او دة
وطبعا ابوها وامها يا ولداه حاضر يا حبيبتي
وهاتك يا جري يلبوا طلبها يمكن...لالالا بعد الشر
نظرة بابتسامة محروقة من اهه وحضن مليان خوف ولهفة

وعلي طول مكدبناش خبر
لا ما تخافوش احنا برضه لا روحنا ولا زورنا
بس كلنا رفعنا ادينا ودعينا
وتفوووووووت سنين وشهور وايام
ويجيلي خبر ...؟
انجي انتي مش اتصلي بعمتي؟؟؟
لا يا ماما وبعدين انا اتصل ليه هو انا اصلا من امتي كنت بتصل بيهم؟؟؟
هو في ايه؟؟؟؟
..... بنت محمد
مالها....؟؟؟؟
ماتت
..... علا؟
اه
عندها 6 سنين

نزلت دمعه من عيني دمعه تاهت مافتكرش ساعتها نزلت ليه
لا دي دموع بس مش بكا
تهت ,,,حياة مرض ابتسامات وجع والم وحرقة قلب ودموع وموت
كل دة منعني من اني ابكي
بس كان في دموع
كانت في صرخة مكسورة عايزة تصرخ وتطلع بس محدش سامعها غيرجدران قلبي
صرخة منعتني اني اصرخ صرخة اه
وصوت محشرج حزين مكتوم
نظرة حيرة مش عارفة فين او ليه

الموضوع مش موضوع موت ولا كبير ولا صغير
الموت علينا حق وقضاء وقدر ولا نقدر نتكلم فيه
ولا الموضوع موضوع ان الدكاترة كانوا عارفين ان هي عندها حساسية ومع ذلك ادوها ادوية
ساعدت علي تنشيط الخلايا السرطانية عندها
مش مشكلة نصيبها
ولا الموضوع موضوع ان الدكاترة برضه كانوا عارفين ان هي عنها حساسيه ومع ذلك ادوها
جرعة كيماوي زيادة
عادي بتحصل في احسن المستشفيات ومع احسن الدكاترة
يعني هي جت عليها هي
اهي تعددت لاسباب والموت واحد
ولا الموضوع موضوع الم طفل برئ مش قادر يقول الاه

ولا موضوع قهر وحزن وبكا وطفولة مش بقيت طفولة
وصراخ واحزان مدفونة زي صاحبتها
الموضوع مش موضوع حرقة قلب وخوف واشتياق ونظرة توهان ما بتفوق منها غير علي اسم وحد الله
ولا الموضوع موضوع خنجر طعن القلوب ولا في اي صرخة الم ولا توجع
ولاسف مش من قوتنا
لالالالا
من خوفنا...!؟
والموضوع مش موضوع علا ماتت وادفنت
ولا العذاب اللي هي سابته وراها
ولا مسألة سماع ضحكة بريئة او بكا الم وايد صغنتته تتمد عشان تقف
ولا موضوع اهمال وجبروت وعدم لا مبالاه وعدم ثقة وحرمان وخوف

ولا نظرة طفلة لاي بنت شعرها طويل وتبص في لمرايا وتقول هو انا شعري ليه مش بيطلع
ولا موضوع عصر قلب وتفطر ضلوع لما تسمع كلمة عايزة اطلع لما اكبر... لالالالا مش قادرة اسمعها
تخيلوا بقي ان احنا برضه لا روحنا ولا زورنا
والجديد ايه بقي ؟؟؟
اننا حتي ولا اتصلنا
تفتكروا ان هو دة الموضوع
اننا بنحزن ونشارك معنويا ونقول لا ويا حرام والبقاء لله ونشجب ونعترض في المؤتمرات
وشوف اللي بيحصل لاطفال العراق وفلسطين ولبنان ...ووووو
وبرضه لا بنروح ولا بنزور
انا عن نفسي مش عارفة ايه الموضوع يا ريت تقولولي ايه هو الموضوع
الله يرحمك يا علا ويرحم اموات لمسلمين جميعا
ويصبر اهلها
بس ايه بقي الموضوع​

 

[شوق نجد]

رد: هو ايه الموضوع؟؟؟؟؟؟؟

الموضوع
اننا اناس نسعى في محيط حياتنا ومصالحنا
وتناسينا الحقوق اتجاه اخوانا المسلمين علينا
نفكر في انفسنا فقط للاسف
لك كل الشكر اخي الفاضل
حفظك الله ورعاك

 

[متحدية واحد]

رد: هو ايه الموضوع؟؟؟؟؟؟؟

الموضوع اننا رضينا بحياة عادية وعزفنا ان نسطر مسار لحياة فيها المجد والعزة
الموضوع اننا غارقون في التوافه ومنشغلون عن قضايانا الكبرى
الموضوع اننا كثيرا ما نتكلم لكن قليلا جدا ما نفعل
الموضوع ان الموت حق على كل انسان ولكننا نرضى ان نموت موتة عادية
في الوقت الذي منادي الجهاد والاستشهاد ينادي
الموضوع انني لم اعرف كيف ارد على هذا الموضع القيم
بارك الله فيك اخي

 

[امانى محمدكمال]

رد: هو ايه الموضوع؟؟؟؟؟؟؟

​