هييييييييييييييه عملت عيش ولبن صويا وبسكويت كمان

[الامل في الله]

النهارده قلت أتوكل على الله وأدخل أعمل شوية مخترعات لبنتى لان مانعه عنها اللبن ومشتقاته وكذلك الدقيق بس ما فيش عندى أى بدائل فى المدينه اللى أنا فيها والبنت بقى عندها حاله من الحرمان فظيعه لدرجة بنخاف نخرج تماما لان بترمى نفسها فى الارض امام أول سوبر ماركت يقابلها ومستحيل تقوم غير وهيا مكوشه على كل اللى ايدها تطوله من كيكات وبسكويت وشيكولاته شيل شيل عبى عبى زى على بابا لقيت فول صويا بعد دوخه نقعته فى ماء وبعدين ضربته فى الخلاط وصفيه وغليته مع فانيليا وده عملت منه رز باللبن الصويا وطلع منه ملعقة جبنه بعد وضع الليمون عليه زى الجبنه السائله اكلتها فورا لكن الرز لحد الان على غير عادتها ما قربتش له الويلف اللى فى مناخيرها صحى ما حاسة الشم عندها فوق العاده وتصفية الصويا ما رمتهاش حطيت جزء فى الطعميه(فلافل) كانت هشه ومقرمشه والجزء التانى عجنته مع بطاطس مسلوقه مع دقيق ذره وبيكربونات وحبة البركه وسمسم ولبن صويا رايب وسبت العجينه ريحت وحطتها فى قالب الكب كيك وخبزتها شبه الكيزر ولله الحمد اكلت منه حتى ميزو وده ما تخيلتوش اخد منه وعمل ساندوتش جبنه واكله عادى يعنى لان اكله محدود غير ميار طول اليوم فى المطبخ او قاعده جوه لتلاجه التلاجه تتصرف وتطلع لها أكل وعملت لها شكلمه ودى بيض مع عسل ابيض او جلوكوز وجوز هند وبس وكمان بسكويت جوز هند مع دقيق ذره وطحنت رز ونشا وبيكربونات ووبيض وكمان من نفس عجينة البسكويت بس خفيفه القوام عملت كيك وذهلت لما لقيتها ارتفعت زى الكيك العادى بس ما رضيوش بيها عجنتها بالعسل وكورتها مع جوز هند وكاكاو خام وشيكولاته خام اكلتها ايه رأيكم مش سوبر وومان دعواتكم لبنتى بالشفاء لان الاسبوع ده عملت كام مصيبه كانت بترمى نفسها من البلكونه ومره من سور السلم كانت سابقانى على السلم لقيتها بتركب لسلم فى الدور الرابع حصان لولا صرخت نزلت واخدت الفلوس من شنطتى ومن بنطلون باباهم وقطعتها فتافيت ده غير انها دخلت وقفلت الباب عليها من جوه عن طريق كرسي وتصرخ وعايزه تطلع لحد باباها ما جه وكسر الباب ولو كان طالها كان كسرها معاه ربنا يشفيها يارب

 

[رادوبيس]

رد: هييييييييييييييه عملت عيش ولبن صويا وبسكويت كمان

عزيزتى الامل في الله
ايه الشطارة دى بسم الله ما شاء الله عليك انا حاروحلك البيت عشان آخد كورسات طبيخ عندك بس يا ريت تقبليني :abu-asail20 (7):
اما عمايل بنتك كلهم كده ما تضيايقيش مرة يارا سهتنى وانا واقفة في المطبخ وراحت قافلة باب المطبخ بالمفتاح وفضلت اصرخ افتحى يايارا ولا حياة لمن تنادى لغاية ما الجيران سمعونى واتصلوا على باباها في الشغل جه وفتح الباب وربنا ستر اصبرى وان شاء الله حيجى يوم وتضحكى على الذكريات دى
ربنا يشفيهم ويبارك فيهم
اختك رادوبيس

 

[الامل في الله]

رد: هييييييييييييييه عملت عيش ولبن صويا وبسكويت كمان

رادوبيس اهلا بيكى ده انتى تنورى انا متعلمه الطبخ من وانا ى ابتدائى ولحمد لله تعليمى من الصغر نفعنى حاليا مع الدوخه اللى انا فيها دى سريعه جدا فى الطبخ يارب يسمع منك وتبقى ذكريات واللى جاى يكون أحسن

 

[ازميرالدا]

رد: هييييييييييييييه عملت عيش ولبن صويا وبسكويت كمان

ما شاء الله عليكي
والله احسن من سوبر وومان كمان:m0dy_net-754:
بالهنا والشفا عليهم
ويا رب تفرحي ببنوتك احلي عروسه

 

[الامل في الله]

رد: هييييييييييييييه عملت عيش ولبن صويا وبسكويت كمان

ربنايخليكى أزميرالدا ويفرحك ببنوتك ويتمم شفائها عاجلا

 

[توحدية]

رد: هييييييييييييييه عملت عيش ولبن صويا وبسكويت كمان

مبروك
لي شؤال ازي عملتي الجبنه

 

[الامل في الله]

رد: هييييييييييييييه عملت عيش ولبن صويا وبسكويت كمان

بعد عمل لبن الصويا وهو ساخن لسه ضيفى ليمون او ملح ليمون هو هيتكتل ويروب بعدين صفيه فى شاش هو معايا زى الجبن الكريمه لافاش كيري كده وملحيه بس

 

[رزونتي]

رد: هييييييييييييييه عملت عيش ولبن صويا وبسكويت كمان

تسلم ايديكي والله يعطيكي العافية ويشافي اطفالك واطفالنا يارب

 

[ام الاشبال]

رد: هييييييييييييييه عملت عيش ولبن صويا وبسكويت كمان

ما شاء الله عليك فنااااااااااااااااانة بجد
طيب انا عجبتني فكرة البطاطس المسلوقة مع دقيق الذرة ووووووو الخ
بجربها ان شاء الله وراجعه لك بالنتائج
تسلمين يا قمر
ربي يسعدك بشفاء العصفورة بنتك وتحسنها قريبا
ان شاء الله لانه على كل شيء قدير

 

[رحانة الجنة]

رد: هييييييييييييييه عملت عيش ولبن صويا وبسكويت كمان

جزاك الله خيرا

 

[الامل في الله]

رد: هييييييييييييييه عملت عيش ولبن صويا وبسكويت كمان

روزنتى الله يعافيكى وتفرحى بالعسوله ابنك ام الاشبال ادخلى المعمل ووافينا بالنتايج خير ان شاء الله وبالهنا والشفا ريحانة الجنه بارك الله فيكى