جديدة بالمنتدي ...ارجو مساعدتكم

[اسلامي حياتي]

السلام عليكم ورحمة الله وبركاته

ازيكم اهل المنتدي الكرام
انا مبسوطة اوي اني قدرت اوصل لمنتدي زي دة
بجد كنت بدور علي حاجة زي كدة من زمان

اعرفكم بنفسي الاول
انا طالبة مصرية بكلية الطب
بس كدة
ايه رايكم في التعريف الجامد دة....اظن عرفتوني خلاص
:24:

مبدئيا كدة عايزة اقول لكل ذوي الاعاقة
انكم قد ميزكم الله بنعمة الابتلاء بالاعاقة
نعم ...فهي نعمة وليست نقمة
ولو تعلمون كم الثواب اللي ان شاء الله في ميزان حسانكم يوم القيامة بسبب هذه الاعاقة لحمدتم الله كثيرا
وطبعا عارفة ان اهالي ذوي الاعاقة يكونوا في شقاء وعناء اكثر من ذوي الاعاقة ذات نفسهم

بس احب اقولكم ان الدنيا كلها كدة علي بعضها مش نهاية المطاف
واحنا كلنا ضيوف فيها....ضيوف في دنيا الرحمن
فاهم حاجة ان احنا نبتغي رضا الله عز وجل حتي نكون ايضا ضيوفا مستديمين في جنته عز وجل
وقد قال رسول الله صلي الله عليه وسلم :

" ما اصاب المسلم من هم ولا حزن , ولا نصب ولا وصب , ولا اذي ولا غم وحتي الشوكة يشاكها الا كفر الله بها خطاياه "
صدق رسول الله صلي الله عليه وسلم

اسال الله ان يجمعني واياكم في اعلي درجات الجنان

ايه دة انا اكلمت كتير اوي قبل ما ادخل في موضوعي
ولو اني لسة عندي كلام كتيييييييييير حابة اقوله لاخواتي ذوي الاعاقة

طيب ..ادخل في موضوعي بقة
اختي الكبيرة لديها ثلاث اطفال
ولدين توأم وعمرهم3سنوات واربع اشهر ...وبنوتة عمرها سنة وشهر

وقد ابتلاها الله في اولادها الثلاثة بفقدان السمع
علي الرغم من انها وزوجها ليسوا باقارب ولا يوجد في احد العليتين مثل هذه الحالة

وهي الان بدات في استخدام السماعات لاولادها
بدات للولدين منذ حوالي شهرين بسماعة واحدة والسماعة التانية هتركبها قريب
والبنوتة برضو ماشية في تركيب السماعة ليها الايام دي

لكن المشكلة انها كان عندها امل في ان السماعات دي تخلي اولادها يسمعوا وبالتالي يتكلموا
لكن لم تري اي تحسن حتي الان
الولدين صوتهم عالي جدا ولكنهم لا ينتجوا اي حروف معبرة

السؤال بقة هل ممكن السماعة دي تجيب نتيجة وفعلا تخليهم يتكلموا؟؟
خاصة ان البنوتة الصغيرة هتلبس السماعات في سن ضغير ..اصغر من اخواتها؟؟

وهل السماعة الديجتال تفضل عن السماعة العادية؟؟
مع العلم ان درجة السمع ...ضعف شديد

في كمان مشكلة اعتقد انها اكتر نفسية
الولدين "hyperactive" ودايما لما يروحوا اي مكان يحبوا يكسروا ويوقعوا كل حاجة من مكانها
ومش بيستجيبوا لاي نوع من الضرب او العقاب
هل هذا ما يقال عليه في الطب :
" attention defecit syndrome "؟؟؟؟؟

وايه الوسيلة اللي ممكن تتبعها اختي مع اولادها لردعهم عن الخطأ خاصة مع عدم السمع؟؟؟

طبعا زمانكم زهقتوا مني
وقولتوا ايه البنت الارارة دي؟؟
:20:

يللا بقة سامحوني ..اصلي ماصدقت لقيتكم
وادعولي اصلي عندي امتحان باطنة

السلام عليكم

 

[نورالقرآن]

اهلا وسهلا بكِ اختى الكريمة
كلماتك رائعه
بارك الله فيكِ
وأسال الله العظم رب العرش العظيم ان يشفى الاولاد اختك وجميع مرضى المسلمين
ان شاء الله يفيدك أهلا الاختصاص
وربنا يوفقك فى الامتحانات
دمتى بحفظ الرحمن

 

[ahmed abady]

اهلا بك .... فى منتدى التحدى
بس يا ترى طب ايه ؟

 

[اسلامي حياتي]

السلام عليكم ورحمة الله وبركاته

اهلا وسهلا بكِ اختى الكريمة
كلماتك رائعه
بارك الله فيكِ
وأسال الله العظم رب العرش العظيم ان يشفى الاولاد اختك وجميع مرضى المسلمين
ان شاء الله يفيدك أهلا الاختصاص
وربنا يوفقك فى الامتحانات
دمتى بحفظ الرحمن

جزاكي الله خيرا استاذة سمية
ومرسي اوي عالدعوة الحلوة دي
وعلي فكرة عجباني اوي الروح اللي في المنتدي
ربنا يديم عليكم نعمة الحب في الله

اهلا بك .... فى منتدى التحدى
بس يا ترى طب ايه ؟

اهلا بحضرتك استاذ احمد ...مرسي جدا عالترحيب

انا في طب طنطا الفرقة الخامسة
ماتحرومنيش من دعواتكم بقة
الامتحانات جننتني

وارجو من المختصين الافادة في موضوع اختي
شكرا لحضراتكم

 

[المحبة لدينها]

أهلا سهلا بكي أختي الحبيبة
نورتي منتدانا الغالي
و شكرا جزيلا ع كلامك الرائع
جزاكي الله عنه الجنة
و أسأل الله الحنان المنان أن يشفي أولاد أختك و يقر عينها بهم
إنه ولي ذلك و القادر عليه

 

[اسلامي حياتي]

السلام عليكم ورحمة الله وبركاته

أهلا سهلا بكي أختي الحبيبة
نورتي منتدانا الغالي

اهلا بحضرتك يا محبة دينك
المنتدي منور باصحابه

و شكرا جزيلا ع كلامك الرائع
جزاكي الله عنه الجنة

العفو ..علي ايه؟
ربنا يجمعنا واياكم تحت ظله يوم لا ظل الا ظله

و أسأل الله الحنان المنان أن يشفي أولاد أختك و يقر عينها بهم
إنه ولي ذلك و القادر عليه

امين يارب

شكرا لحضرتك

 

[ام فهد الحساس]

وفقك الله ياأختي في امتحاناتك . بالنسبه لأولاد أختك الله يشفيهم يارب بس الي أنا أعرفه إن الأشخاص أو الأطفال الي بيركبوا سماعات لازم برضه ياخدوا جلسات نطق وتخاطب لأنهم ضاع منهم وقت كبير في اكتساب اللغه فياريت تستشير طبيبهم في المسأله دي . أما بالنسبه للحركه الزائده برضه لازم تشوف طبيب أو أخصائي تعديل سلوك لأنها ممكن تكون مشكله حقيقيه وبالتالي لها بروتوكول علاجي معين أو تكون أحد أعراض فقدان السمع ووسيله للتفاعل مع المجتمع والتعبير عن احتياجاتهم . وفقكم الله وطمنينا عنهم
على فكره اسمك حلووووووووووووووووووووووو ومعبر جدا .

 

[سيف الرجال]

اعرف واحد عمل زرع قوقعه احسن من السماعه

 

[~ بنت النيل ~]

مرحب بك الاسلام حياتى

وربنا معاكى ويوفقك يارب

لكن مش المفروض ان احنا الى نسألك ياطبيبه المستقبل

على فكرة انا مع رأى الاخت ام فهد لابد من اخذ جلسات تخاطب