أخبارى الجديدة وبداية الطريق الصحيح بإذن الله

[أختكم فى الله]

[align=center]السلام عليكم ورحمة الله وبركاته

أنا عارفة إن مشاراكاتى قليلة وأغلبها أسئلة ومش بفيدكم بحاجات كتير بس انا لسة برده معلوماتى ضئيلة بالنسبة لمعلوماتكم ومازلت فى مرحلة البحث
بس انا تقريبا كل يوم بتابع كل جديد عندكم ودائما بدعيلكم إنتوا وأولادكم بظهر الغيب ربنا يجعل دعائى من نصيبكم
وأشهد الله العظيم إنى أحبكم فى الله وادين لكم بالفضل عليا وعلى بنتى وأشكر الله العظيم إنه قدر لى إنى أعرف المنتدى الكريم ده إللى حسسنى على الأقل بإنى مش لوحدى .أنا هحاول ادخل فى الموضوع لأنى مهما مدحت فيكم مش هوفيكم حقكم
بس انا حسيت إن من واجبى إنى أقولكم آخر الأحداث عندى يمكن تفيد أى حد ولو بشئ بسيط

سافرنا أنا وزوجى يوم الأحد إللى فات إلى الأسكندرية للدكتور حسين عبد الدايم مش عارفة إنتوا تسمعوا عنه ولا لأ بس إحنا سمعنا عنه كلام مشجع جداااااااا وإنه من الناس القلائل إللى محقق إنجازات فى علاج حالات كتير من التوحد وإنه عنده مركز للعلاج والتدريب وكمان معاه زوجته متخصصة فى نفس المجال
المهم روحنا وكان إنطباعى عن المكان قبل الدخول للدكتور كالأتى
كنت حاسة إن الحكاية جد ومرتبة كان فى دولاب كبير فى الريسبشن مليان ملفات لكل طفل ملف خاص بيه ومدون فيه الحالة من اول زيارة إلى أخر زيارة
وكمان عجبنى جدا إنه مش بياخد أكثر من عشر حالات يوميا علشان كل واحد ياخد حقه يعنى حسيت إن الموضوع مش تجارة زى بعض الناس
المهم دخلناله وحكيناله كل حاجة لاحظناها على البنت من يوم ما إتولدت وبعدين إيدانى ورقة فيها حوالى عشرين سؤال أعلم قدامه صح أو غلط
وبصراحة كان جوابه عليا بالنسبة لحالة بنتى على قد ما كان محير على قد ما خلانى أتفائل شوية

هو قالى أنا بعرف أشم حالة التوحد دى أول ما بشوفها حتى قبل ما أتكلم مع اهل المريض بس بصراحة بنتك محيرانى
فعلشان كدة طلب مننا إجراء بعض الإختبارات عنده هتساعد على التشخيص وقياس نسبة التوحد عندها
وهما 5 إختبارات

1 حركية لأنها متأخرة فى المشى لحد دلوقتى وهى عندها سنة و10 شهور
2 لغة
3 كارز
4 عوامل بيئية
5 تنمية مهارات
إحنا عملنا 4 إختبارات بس لضيق الوقت وعلشان منضغطش على البنت وكان اغلب الأسئلة موجهة ليا خاصة وأبوها يعنى البنت متعبتش أوى بس لاحظت إنهم كانو بيكلمونى وعنيهم على البنت علشان يقيموا التواصل البصرى ومبتسمين فى وشها وبيحاولوا يخلوها تتفاعل معاهم بس أغلب الأسئلة كانت معتمدة عليا انا وبصراحة كنت مبسووووووووووووووووووطة جدااااااااااااااا وكنت حاسة إنى فى قاعدة فضفضة كان نفسى من زمان أحكى لحد متخصص أولا وصبور ثانيا عن كل ملاحظاتى عنها سواء كبيرة أو صغيرة وأحيانا كانوا هما إللى بيسألونى أسئلة متخطرش على بالى بس كنت مبسوطة جدااا إنهم سألوهالى

والدكتور حسين رفض إنه يتكلم فى أى حاجة بخصوص طرقه فى العلاج أو فى حالة البنت إلا لما الإختبارات تكمل الأول ويشخص الحالة

بس إللى لاحظتوا إنهم كلهم عندهم تفاؤل وبيتعاملوا مع حالات التوحد على إنها حالة مرضية وليها علاجها هو مجهد شوية وبياخد وقت بس كلهم مقتنعين إنه بيتعالج وبيقولولى إن فى حالات كتير إتعالجت عندهم وعايشين حياة طبيعية جدااااااااا دلوقتى وفى مدارس عادية وكمان مدارس لغات والغريب بقى إنى سمعت من أحدهم إنهم مش بيعطوا علاج كيماوى ولا حمية إنما العلاج بالتدريب فقط ......بصراحة تفاؤلهم إتنقلى بدون ما أشعر وقلقى ووساوسى عن بنتى تقريبا إختفت بسبب كلامهم وتشجيعهم ليا وكمان طمنونى على بنتى وقالولى إن شاء الله خير ولو عندها توحد بإذن الله هيكون نسبته بسيطة جدااااا

إحنا مسافرين بكرة إن شاء الله نعمل إختبار تنمية المهارات ونقعد مع الدكتور علشان يقولنا التشخيص وخطة العلاج ......... بس إدعولى أرجع بكرة إن شاء الله متفاءلة زى المرة إللى فاتت وميحصلش شئ يفاجئنى
انا عارفة إنى إتكلمت كتير بس كنت عايزة أكون دقيقة معاكم فى شرح الزيارة وحاسة إن حقكم عليا إنى أشاركم فى مشوارى زى ما أنا مشاركاكم فى مشاويركم ومستفيدة منها إن شاء الله أحكيلكم إللى حصل فى الزيارة التانية ولو حد عايز يسألنى أى سؤال أو يستفسر عن حاجة انا تحت امره[/align]

 

[نبض قلبي]

رد: أخبارى الجديدة وبداية الطريق الصحيح بإذن الله

الله يشفي لك بنتك وتفرحين فيها
شعور جميل منك انك نقلتي لنا زيارتك للدكتور
وياريت تطلعينا على النتايج

 

[ريم أحمد]

رد: أخبارى الجديدة وبداية الطريق الصحيح بإذن الله

الله ييسر لك أموك كلها. وإن شاء الله الطريق اللي اخترتيه يكون خير عليكم جميعا.
فقط عزيزتي أوصيك بالاستخارة، فالله سبحانه وتعالى هو وحده علاّم الغيوب.

 

[فاطمة سعد]

رد: أخبارى الجديدة وبداية الطريق الصحيح بإذن الله

الله معاك اختي العزيزه وشكرا على اطلاعنا على اخبارك وان شاء الله تكوني بديت الطريق الصح اللي يوصلك لشفاء بنتك وتفرحي فيها يا رب ولا تنسي تطمنينابعد الزياره القادمه .

 

[ازميرالدا]

رد: أخبارى الجديدة وبداية الطريق الصحيح بإذن الله

عزيزتي
هل الدكتور حسين عبد الدايم هو نفسه اللي عيادته و مركز الجلسات في مصطفي كامل و زوجته اسمها اميمه سليم
يا رب ما يكونش هوه

 

[أختكم فى الله]

رد: أخبارى الجديدة وبداية الطريق الصحيح بإذن الله

شكرا ليكم يا أخواتى عل التفاعل معايا وإن شاء الله هقولكم على النتايج وانا فعلا الحمد لله صليت إستخارة قبل ما أروح وإن شاء الله اصلى كمان مرة

أما بقى أختى أزميرالدا ياريت تقوليلى تعرفى إيه عنه لأنه هو فعلا ياريت تقوليلىىىىىىىىىىىىىىىىىىىىى بسرعة ......... بس حاجة تكون غير إنه عنده بارانوية لأنها واضحة جداااا ومعروفة حتى لتلامذته فى جامعة الأسكندرية أنا منتظراكى

 

[المتفائلة]

رد: أخبارى الجديدة وبداية الطريق الصحيح بإذن الله

الله ايوفقك انشالله

 

[ازميرالدا]

رد: أخبارى الجديدة وبداية الطريق الصحيح بإذن الله

عزيزتي
سارد علي رسالتك التي ارسلتيها

 

[القلب الحنون]

رد: أخبارى الجديدة وبداية الطريق الصحيح بإذن الله

الله يوفقك ويلهمك الطريق الصواب

 

[جوليا]

رد: أخبارى الجديدة وبداية الطريق الصحيح بإذن الله

أختنا في الله بالتوفيق ان شاء الله و يارب تكون هذه خطوة في طريق شفاء صغيرتك ..و نشاركك الفرحة بشفائها و شفاء جميع الابناء في المنتدى قريبا باذن الله

 

[أختكم فى الله]

رد: أخبارى الجديدة وبداية الطريق الصحيح بإذن الله

شكرا أختى القلب الحنون وأختى جوليا

أتمنى إن الأخت أزميرالدا ترد عليا لأنها قلقتنى ولسة مردتش عليا وانا فى إنتظارها

 

[ازميرالدا]

رد: أخبارى الجديدة وبداية الطريق الصحيح بإذن الله

اختي ارسلت لك الرد الان اتمني يكون وصلك

 

[عين حالمة]

رد: أخبارى الجديدة وبداية الطريق الصحيح بإذن الله

الله يشفي بنتك اختي الغالية
ويارب النتايج مبشرة بالخير المره الجاية

 

[ام التواءم]

رد: أخبارى الجديدة وبداية الطريق الصحيح بإذن الله

اختى اختكم فى الله انا من الاسكندريه وانا مع الاخت ازميرالدا ...مع انى لم اذهب له ولكنى سمعت الكثير ولكن ربنا يخلف ظننا ...واستفتى قلبك لعل وعسى واستخيرى الله

شفا الله ابنتك...:23:

 

[أختكم فى الله]

رد: أخبارى الجديدة وبداية الطريق الصحيح بإذن الله

جزاكم الله كل خير وربنا يقدملنا إللى فيه الخير
بس إللى أقدر أقوله إنى لسه مقدرش أحكم عليه من زيارة واحدة وخصوصا إنى مشفتش فى الزيارة دى غير كل خير حتى إن كلامهم عن بنتى وتحليلهم ليها فى الجلسات دى مكنش فيه أى شئ مفاجئ ليا أنا كنت رايحة وعارفة كويس إيه نقاط ضعف بنتى وإيه الحاجات الكويسة فيها بس كنت محتاجة حد متخصص يأكدلى وجهة نظرى وقرآتى لتجارب كتير منكم فادتنى كتير وكنت قادرة أميز ما بين الصدق والتحايل إللى كنت متوقعة إنى ممكن أتعرضله
فأنا حاسة إنهم لما قالولى إن حالة بنتى بسيطة إن شاء الله مكنتش مجرد إسطوانة بيكرروها لكل الناس .. إنما كان الكويس فعلا بيقولوا عليه كويس والشئ المقلق كانوا بيقولوا عليه إنه مقلق وفعلا حالة بنتى محيرة وسبق لما شرحتها لبعض العضوات هنا فى المنتدى أتذكر منهم الأخت علوش إنها قالتلى إنى أشك إن بنتك لا تعانى من التوحد لأنها وجدت فى كلامى أشياء تتناقض مع مريض التوحد
بس ده مش معناه إن بنتى مش بتعانى من مشكلة ومحتاجة مجهود وصبر بس زى ما تقوله كدة قضاء أخف من قضاء
إحنا مستنيين بكرة إن شاء الله نسمع رأى الدكتور فى تشخيص الحالة ونسمع منه الخطة العلاجية المقترحة
وإحتمال كبير إننا منكملش العلاج عنده لأن إسكندرية تبعد عننا 3 ساعات سفر وصعب الإنتقال للأسكندرية فى وقتنا الحالى
فإن شاء الله ناوية أزور مركز موجود فى المنصورة قريبة مننا وأسأل الله إنى أجد فيه ضلتى
بس أنا كنت محتاجة أسمع رأى دكتور كبير زيه فى الحالة كتشخيص
وخصوصا بعد ما سمعت من أخويا وهو طبيب قلب وكان طالب فى جامعة الأسكندرية وأحسبه على خير فى درجة صدقه وإلتزامه ونظرته الثاقبة فى الأخرين وذكاؤه وهو قالنا إنه مبيعتبرش الدكتور حسين مجرد طبيب ده بيعتبره عالم مع إنه عنده بعض الثقة الزائدة إللى ممكن يكون وصل معاها للبرانوية بس ده مينفيش علمه
وكمان صديق زوجى طبيب اطفال هو إللى إقترح علينا الدكتور حسين وقالنا إنه بعتله حالات كتير تعانى من توحد شديد وعمل معاهم نتائج مذهلة فى فترات قليلة وهو مازال على إتصال بالحالات دى
وكمان أخوية وزوجى بيقولولى دايما لو حبيتى تسألى عن دكتور متسأليش عنه مريض ولكن إسألى عنه دكتور زيه لأن مفيش دكتور بيجتمع عليه كل المرضى
وبعد كل ده كمان زوجى سأل عنه دكتور أطفال كبير ومن إسكندرية برده وبيدرس لزوجى الزمالة المصرية فى المستشفى إللى بيشتغل فيها ويعرفه من فترة كبيرة وبيثق فيه جدااااا ....... وقاله إنه كويس جدااااااااا فى المجال ده وهيفيدك ... بس للأمانه قاله متخلهوش يحاول يضغط عليك إنك تكمل العلاج عنده فى المركز بسبب بعد الأسكندرية عننا واطلب منه بس الخطة العلاجية إللى ممكن تتبعها مع بنتك وممكن نروحله فى فترات متباعدة لتقييم حالتها كل فترة

بس بصراحة حسيت إنه فى زيارتنا الأولى دى بيضغط علينا جداا وبيحسسنا إن مفيش أى مكان ممكن يعمل إللى بيعمله هو فى مركزه بس أنا قولت يمكن ده يكون بسبب البرانويا هههههههه وحتى بيقولنا إن فى ناس من السعودية مقيمين فى الأسكندرية علشان يعالجوا أولادهم عنده
ولسه مش عارفة ياترى إيه إللى ممكن يحصل بكرة ربنا سبحانه وتعالى هو العالم

 

[فوضت امري لله]

رد: أخبارى الجديدة وبداية الطريق الصحيح بإذن الله

الله يرشدك الى الصواب ومافيه خير وشفاء ابنتك
اللهم أمييييييييييييييييين

 

[ام مهجه]

رد: أخبارى الجديدة وبداية الطريق الصحيح بإذن الله

الله يفتح عليك ويسرلك كل خير استخير الله هو خير دليل

 

[اام حسن]

رد: أخبارى الجديدة وبداية الطريق الصحيح بإذن الله

الله ييسر لك الامور ويفتح لكم الابواب المغلقة بكل خير
طمنينا حبيبتي عليك وعلى الصغيرة

 

[ام حسام]

رد: أخبارى الجديدة وبداية الطريق الصحيح بإذن الله

الله يوفقكم اختي وييسر لكم السبل

وباذن الله ستوفقون لما فيه الخير لابنتكم وتفرحوا بشفائها

شفاها الله وكل الاطفال"

 

[أم حنيفة]

رد: أخبارى الجديدة وبداية الطريق الصحيح بإذن الله

الله ينور طريقك و يرشدك الى ما فيه الخير و الصواب و الشفاء لابنتك يا رب