أخر أخبار حبيبة بنتى

[أختكم فى الله]

آخر أخبار حبيبة
​

الحمد لله بتتطور فى المهارات , تطورها فى اللغة مازال بطئ

أكتر شئ بتعمله الأيام دى إنها واقفة قدام المراية

من فترة كانت بتحب تخلينى ألبسها إيشارب من بتوعى وتقف بيه قدام المراية وتقعد تشاور وتتكلم كلام غير مفهوم .. كنت فرحانة باللعبة دى فكنت بسيبها وحسيت إنه تطور كويس

بس اليومين دول الحكاية زادت .. وكل تفكيرها طول اليوم فى المراية .. وأى هدوم تشوفها قدامها حتى لو كان قميص لباباها أو كاب أو حتى نظارة شمس أو إسدال الصلاة بتاعى عايزانى ألبسهالها وتقف بيها قدام المراية وتقعد تتكلم وإن منعتها تبكى وتدايق .. وإن طفيت نور الغرفة إللى فيها المراية بتضايق جداا ومتسكتش غير لما أنور الغرفة تانى

وساعات بلاحظ إنها واقفة قدام المراية تغنى بعض الأغانى إللى بتسمعها فى التيليفزيون طبعا الكلام بيكون مكسر وأحيانا بتقلد حركات الأطفال فى الأغنية .. أو بتاخد موبايلى أو تيليفون البيت وتعمل كأنها بتتكلم فيه طبعا كلام مش بفهم منه غير ( السيكم ) يعنى السلام عليكم أو ألو بس لازم كل ده يكون قدام المراية ... حتى لو معاها أى صورة أو لعبة تحب تروح قدام المراية وتحط الصورة بطريقة تخليها تشوفها فى المراية وتقعد تبص على الصورة فى إيديها وعلى الصورة فى المراية وكأنها بتقارن بينهم

غير إنها بتنتهز أى فرصة تشوف صورتها حتى لو فى فرن البوتجاز ولو روحنا أى بيت وشافت صورتها فى إزاز أو مراية أو أى شئ ممكن يعكس صورتها مش بتتنقل من قدامه لدرجة إنها فى الشارع أكتر شى بيلفت نظرها هو خيالها على الأرض لو شافته مش بتركز غير فيه

يا ترى أسيبها تلعب بالطريقة دى ولا أحاول أمنعها وإيه تفسيرها من وجهة نظركم هل هو تطور أو هو مشكلة لازم تتعالج​

 

[أم دانيال]

رد: أخر أخبار حبيبة بنتى

اختي في الله
مبروك تطورات حبيبة، اعتقد ان سؤالك بحاجة لاخصائي، ولكن هذا السلوك يفعله ابني في بعض الاحيان، وأعتقد من وجهة نظري ان الاطفال يفعلون ذلك تعبيرا عن فرحهم بما يقومون به، وحتى يروا ردة فعلهم امام المرآة، عندما كان دانيال صغيرا كان يقف امام المرآة ويغني اغنية معينة، ومع الوقت نسي هذه العادة.

 

[ام شريف]

رد: أخر أخبار حبيبة بنتى

مبروك علىالتطورات وان شاء الله من احسن ل احسن
شريف كمان مر بوقت طويل كان بيلبس وبيقلع طول اليوم وقاعد فى الدولاب يلبس لبسه ولبس اخوه وبرضه كان بيحب يقف قدام المرايا كتير ويطلع اصوات انا سيبته لغايه ما التجربه خدت وقتها وهو نسى واهتم بحجات تانيه
عموما اسالى مختص هو يفيدك احسن مننا وكل سنه وانتى طيبه

 

[قول يا رب]

رد: أخر أخبار حبيبة بنتى

لايوجد شك انهاحاجه كويسه ابنى بيحب لما يبكى يروح يشوف تعبيراته وهو بيبكى بس اعتقد ان اهم حاجه مش اتركها تزيد عن الحد وبرضه اكيد الاخصائى حيفيد اكثر

 

[قلبي ضاع معك]

رد: أخر أخبار حبيبة بنتى

مبروووك تطورات حبيبة ... وحمودي يحب يشوف نفسه في المراية على عكس الاول كان يرفض رفضا قاطعا ان ينظر لنفسه في المرايه .. ولكن الان يخجل عندما يرى نفسه ويضحك او يبتسم .. ربما شعر الان بوجوده في هذا العالم وتعرف على نفسه ..
ان اتوقع ان هالشئ جميل وجيد حاولي تستغليه بأن تجلسي قدامها امام المراية وتتكلمي عشان تبص في حركات فمك ولسانك وممكن تعمل حركات تخليها تقلدك وتتعلم التقليد

 

[حـــــلا]

رد: أخر أخبار حبيبة بنتى

تطورات جميلة ما شاء الله يا رب منها لأفضل وصولا للتعافي الكامل بإذن الله

بين طفلتي حلا و المرآة قصة عشق و تعلق من زمان.. أعتقد أن هذا الأمر جيد جدا و مدخل لتعليم الكثير من المهارات كما قالت أختي فوضت امري لله.. كالتقليد و التعرف على أعضاء الجسم و التعرف على ايماءات الوجه و لغة الجسد..


بالتوفيق إن شاءالله و كل عام و أنت و أسرتك و حبيبة الغالية بألف خير

 

[ريم أحمد]

رد: أخر أخبار حبيبة بنتى

أعتقد أن كل سلوك يعمله أطفالنا ممكن ان نستلغه لتعليمهم شيء ما....
استغلي حب حبيبة للمرآة وعلميها أجزاء الجسم، نطق بعض الكلمات، والكثير....
كما أن ما تفعله حبيبة قد يكون رغبة جميلة في تقليد الوالدين....
حاولي تطوير طريقتها إلى تقليد الحيوانات أو تقليد حركات بعض الأعمال البسيطة.... وذلك بهدف تعليمها اشياء جديدة....

هناك علاقة غريبة بين الأطفال من مرضى التوحد والمرآة.....
ابني ايضا له تصرف غريب جدا مع المرآة لا أجد له تفسير مؤكد....
فهو إذا بكى يركض إلى أقرب مكان فيه مرآة لينظر إلى وجهه وهو يبكي.....
هذا الأمر لا يوقف بكاءه، بل هو يستمر في البكاء، فقط يقوم بالتفرج على وجهه من عدة زوايا وهو يبكي....
وإذا لم يجد مرآة قريبة يحاول النظر إلى انعكاس صورة وجهه في أي زجاج قريب......
كان سابقا لديه بعض الحركات النمطية التي يقوم بها فقط أمام المرآة.....
لكن اليوم لم يبق من علاقة محمد بالمرآة إلا مشاهدة وجهه أثناء البكاء!!!!!

كنت ومازلت أعتقد أنه من أكثر مشاكل ابني هو الإحساس بنفسه وجسده...
وربما هذا الأمر يجعل لديه فضول للنظر إلى وجهه وهو تحت انفعال البكاء.....
سابقا كان محمد ينفجر ضاحكا إذا بكى أحد الأطفال إلى جانبه..... ربما هو الآن يسمع صوت بكائه ويريد أن يقارن الصوت بتعاليم الوجه....
والله أعلم

 

[ندى الملا]

رد: أخر أخبار حبيبة بنتى

اعتقد هذي فرصة جيدة ان تستغلي المرآة كمعزز وتعليمه اشياء بطريقة الصور ( Picture Exchange Communication System PECS) فتقدر تشوف الصور من خلال المرآة مثلا
خاصة ان الحاسة البصرية عند المصابين بالتوحد قوية والأشيا اللي يشوفونها تركز في مخهم اكثر...
الله يخليها لك انشاءالله وتتحسن اكثر

 

[الامل في الله]

رد: أخر أخبار حبيبة بنتى

يارب الشفاء التام لابنتك واولادى والجميع شئ رائع تعلق بنتك بالمرايه الاخصائى في تعديل السلوك كان بيطلب منى انى اوقف الطفل امام المرآه لكى يتعلم التركيز والتقليد والتعرف علىاعضائه

 

[أم مجد]

رد: أخر أخبار حبيبة بنتى

ماشاء الله تطورات رائعه وفرق شاسع بين ماكنتي تصفيه من حالة ابنتك سابقاً و اليوم ...
مجد يحب يرى نفسه بالمرآه و يسوي حركات مضحكه بوجهه حتى أنه مرت عليه فتره كلما أكل شيء يذهب أمام المرآه و يظل يراقب حركات فمه و يفتحه ليرى الطعام فيه لكنها فترة و انتهت ..
إن شاء الله تخف تعلق حبيبه الزائد بالمرآه و لكن يظل بالحد المعقول لأني أظن أن الطفل يتعلم أشياء كثيره أمام المرآه كأجزاء الجسم بالاضافه إلى مراقبة حركات جسمه ممايحسن التآزر البصري و الحركي.