كيف اتصرق ساعدوني.......

[ليث وليد]

السلام عليكم ورحمة الله وبركاته
اني طبعا ابني عمره 8 اشهر الان قصتي مع ابني اني حملت بيه اتناء احدات ليبيا في بداية التورة الليبية الي مر عليه من االخليع والرعب يعلم بيه ربي والحمد لله المهم كل ما نمشي لدكتورة اني عندي بنت من قبل بعدين حملت بيه واني فرحانه امتي قالولي ولد واني خاطري فيه ويقولولي حاله باهي وفي صحة جيدة بعد ذلك جبته في رمضان خامس يوم تحرير طرابلس واني صايمة فجائتني الدكتورة اتناء الوالده ان ابني احتمال يكون دوان وقالتلي فيه تحليل ياكد طبعا هذا كله واني مازلت في الوالدة المهم جتني صدمة ما يعلم بيه الا ربي ....
طلعت من حجرة الوالدة اكتشفت انهم قالوا لزوجي وهو وصاهم انهم ما يخبروني بس هما سبقوه وقالولي المهم كانو الكل يقولولي تو تشوفي ابنك ما فيه شي طبيعي بس كانت نقوللهم ان عندي احساس قوي انه داون اني عمري 30 المهم جي العيد بعد العيد طلع التحليل وطلع دوان من الاول دخلت في حالة نفسية ما يعلم بيها الا ربي اول ما جبته بس كان ديمة في حظني سخفني وخفت ان نكون مش قد هدي المسؤالية بس بعدين ربي نزل علية الصبر ومشيت عملت ايكوواكتشفت عنده تقبين في القلب وفتحة في المعدة وهو عمره 15 يوم وعندة تشوه في حنكه الفك الاعلي لفمه وعندة فتك في معدتة والحمد لله قعدت لهية بالحاجات هذي .ونسائل علي كل شي يخص الدوان بس المعلومات كانت قليلة بعد تلاته شهور تعبلي هلبة رقدت بيه في المستشفي عنده بلغم في صدرؤة شهر نديرله في العلاج الطبيعي .
توه عمره 8 اشهر نخاف نوكله مرات ينخنق ومنعرفش ان العلاج الطبيعي مفروض من سن مبكرة توه كيف عرفت نحب نعرف في هدا السن شن ممكن نقدمله ارجوكم ساعدوني هو زي العسل ربي يحفضة واني نموت فيه

 

[القبطان عادل]

رد: كيف اتصرق ساعدوني.......

اختى الكريمة الطفل الداون دة خير من عند الله وسبب دخولك الجنة والله والله سبب دخولك الجنة
الاكل دة افضل استشارت الطبيب ودة الافضل اما الباقى ان شاء الله كل الاخوة والاخوات سوف يسعدونك ان شاء الله
ودخلى هذة المداونة ان شاء الله تجدى الكثير لطفلك ان شاء الله هذا هو رابط المداونة
http://elbarbary1951.blogspot.com/p/dvdvdswswds.html

 

[ام الحلوحمودي]

رد: كيف اتصرق ساعدوني.......

عزيزتي اطفال متلازمة داون يحتاجون رعاية كبيرة تو كلي على الله ابني كان عنده ثقب كبير في القلب عيب في الصمام وانشغلت بهذي الامور حتى سنة وشهرين تقريبا بعد ذلك بدات معه تدريبات البورتج والمساج وهكذا الى الان ونحن متابعين والله معانا جميعا

 

[أم التوأم]

رد: كيف اتصرق ساعدوني.......

السلام عليكم ورحمة الله وبركاته
مرحبا بكى أم ليث وليد بالمنتدى، والله يحفظه لكى ويسعدك بتطوراته ان شاء الله.
ليث الان عمره 8 شهور ماشاء الله عليه، المهم هو الاطمئنان على حالته الصحية أولا قبل البدء فى العلاج الطبيعى
والتمارين.وذلك باستشارة اخصائى للقلب ومراجعته والاستفسار عن التمارين المسموح بها له .
وفى أثناء ذلك داومى على المساج الخفيف للجسم وتدليكه.
قومى بعمل تمارين ومساج الوجه والفم.
ركزى على شد انتباهه طول الوقت بتعليق العاب تصدر اصوات واضاءات مختلفة فى السرير.
اما بالنسبة للتغذية والاكل فيستحسن مراجعة الطبيب اولا بخصوص فتحة المعدة والفتق. ولذكرك ايضا انه يعانى من مشكلة بالفك العلوى.
ستجدى كل ماتحتاجين اليه فى مدونة أم محمود. وان شاء الله تتابعينا بأخباره وعما توصلتى اليه فى استشاراتك للاطباء.
وتقبلى تحياتى.