الكشف عن جريمة مفوض ورحمة ربي

[رحمه ربي]

رد: الكشف عن جريمة مفوض ورحمة ربي

احسن ندوي لا يرجع نادي البارحه يهدد يبي يعلم علينا

 

[نادي التحدي]

رد: الكشف عن جريمة مفوض ورحمة ربي

شوف يا وليــــــــــــــــــــــــــــــــدي الله يصلحك


لا تطول بحكيك ... وتبي تقول قل ولا تكثر ..... واترك الشفاية لانها بتكبر ال ...



ان كان بك بلا.. او بك خلاف ..ابي اعلمك الدعوى ماهي هرجة ولا دجة


الدعوى صدق وعلوم رجال


ان تبي تخاوينا الله يحييك


بس عاد نبي نسويلك بعض الاختبارات البسيطة نشوف وش عندك



نبيك - طال عمرك - اولا


اولا بتطلع على السيكل حقك او الدباب للنفود ... تدور اقرب طعس ... وحوله اقرب سطيحة او قليب


بتطبح بهن 3 ايام بلياليهن لحالك


ان انمرضت وطحت اجل مع الباب وموفق خير


ان قدرت ورجعت مابك خلاف الله يحييك والى الاختبار الثاني


بنعطيك 10 عكرات ضب و5 ليات خروف بتاكلهن لحالك

بنشوف بعدها الكوليسترول حقك


ان ارتفع اجل مع الباب وموفق خير


وان قدرت الله يحييك والى الاختبار الثالث


بنلعب معك لعبة العنكبوت خابرها او مانت خابرها


بنعلقك بالمروحة من رجولك ونفرها على سرعة واحد

تصارخت وصحت >>> يمه.. يبه ..تكفون.. توبه ..ما اعود .. اجل مع الباب وموفق خير


ان تحملت الله يحييك وللاختبار الرابع


بتقوللنا قصيد من 150 بيت تمدح حالك وتقول انك عنتر .. وابن الخلا .. وامك اضناتك بالبر .. وابوك مربيك مع الذيابة .. وانك معشي الذيب بعد


عجزت اجل مع الباب وموفق خير


قلتهن الله يحييك وللاختبار الخامس


بنشوفك راكب(ن) جيب ربع ومرفع(ن) الكفرات على ثنتين وعقبينها على دباب بكفر واحد ومرفع القدامي

عجزت اجل مع الباب وموفق خير


قدرت الله يحييك وللاختبار السادس

بتدخل سجن الحاير بالرياض .... اقول الحاير ما غيره

بتخاوي الشباب هناك عنبر 4 جنايات وتتعلم منهم 6 شهور وتنجلد قدام السور اقل شيء 350 جلدة

اذا دخلت العنبر بتسأل عن امير العنبر .. اسمه ابو هاجووووس

اياك تقوله ابو هاجس لا يخليك تذوق الموت الحمر .. ما لقيته بيكون بالانفرادي .. تلاقي النائب الاول حقه اسمه ابو ماجد ويلك لو تقول له اسمه ناقص ابو ماجد لااااا اسمه ابو ماجد والقروش واجد .. ما لقيته الا تلاقي النائب الثاني اسمه ابو مشاري يبيع ويشاري اياك تقوله ابو مشاري وتسكت .. واااااضح ..هاااا.. تاخذ دراستك وتطلع

تعبت وما تحملت اجل مع الباب وموفق خير

قدرت اجل الله محييك وللاختبار السابع وهو اخطر اختبار

ال فات كلهم ساهلين هذا غير ....

لا طلعت من الحاير من عند ابو هاجووووس تلاقي قدام باب البوابة بقالة بها افغاني ماغيره احد طول الافغاني مترين وعرضه متر ونصف ويده كنها خف بعير من حقات مزيونات ام رقيبة

الافغااني هذا لابس لبس افغان طبعا

تراعي لسرواله الطويل .. مربوط بحبل طوله 11 متر ملفوف حوله

تحته تلاقي سروال وسط موصول بسلك كهرب.. انتبه لا تشفطك الكهرب .. تحته تلاقي شورت قصير .. وهذا ال تفطن له

تحت الشورت تلاقي مخباته .. بها ريالات وروبيات ما نبيهم

تحتهن تحصل صورة الافغاني و هو طفل عمره يومها سنة ونصف تقريبا وله شارب ولحية بالصورة هذي ال نبيها

ما ابي اقولك لو انه قضب يدك وهي تحت سرواله ايش بيسوي فيك الاجابة بتركها لك بالمستقبل بتعرفها لحالك .. ساعاتها بنقول يطلبكم الحل .. ويا مال الجنة الباردة


اذا جبت صورته فهذا يكفي مؤقتا وبنعطيك رقم وتمسك سرا وتتحرى دورك

افطن لحكيي زين .. ومن اولها بعد حيي ..


لو تحسبها لعبة اجل تابع المحقق كونان واحتريه على سبيس تون


واختباراتنا هذولا نخاف انك من عيال النايدو ( النيدو ) من هالزقرت الله لا يبلانا بيهم

حشى هذا مو بصري كل علوم البدو عندك لي رجعه طويله

 

[نادي التحدي]

رد: الكشف عن جريمة مفوض ورحمة ربي

احسن ندوي لا يرجع نادي البارحه يهدد يبي يعلم علينا

انــي ارى رؤوس أيــنــعــت وحـــان وقــت قــطــافــهــا

 

[نادي التحدي]

رد: الكشف عن جريمة مفوض ورحمة ربي

ترى لايغرك ياكاسبر هذا الامتحان البسيط
انا قلت لمفوض توصى بنادي لانه غالي علينا
وترى هو قدها وبتشوفوا اذا رجع اصلا
هع هع هع هع

هذا تسمونه امتحان

انا الذي تعرف البطحاءُ وطأتهُ
والبيتُ يعرفني والحـلُّ والحرمُ

 

[فله كويتية]

رد: الكشف عن جريمة مفوض ورحمة ربي

ما شاء الله كل هذا يصير بس غبت عنكم يوم واحد

هااااا متى نبدي ترى مليت وانا وحدة ما أحب الأنتظار


الحين جريب يصرفون المكرمة الأميرية وان صرفوها أنسو تشوفوني

أنا تررى مالي صاحب ...ها قلت لكم بتبدون والا اشوف غيركم

 

[مفوض امره لله]

رد: الكشف عن جريمة مفوض ورحمة ربي

ما شاء الله كل هذا يصير بس غبت عنكم يوم واحد

هااااا متى نبدي ترى مليت وانا وحدة ما أحب الأنتظار


الحين جريب يصرفون المكرمة الأميرية وان صرفوها أنسو تشوفوني

أنا تررى مالي صاحب ...ها قلت لكم بتبدون والا اشوف غيركم

نبي تفسير للون الاحمر

هالحين الهواجس والظنون تلعب بي

والهندي ال وعدته اسدده على ما تستلمي المكرمة اقول له انتظر بس فله تستلمها ايش اقول له ؟؟؟

ترين بي نفسية

وضحي

 

[مفوض امره لله]

رد: الكشف عن جريمة مفوض ورحمة ربي

حشى هذا مو بمصري كل علوم البدو عندك لي رجعه طويله

انــي ارى رؤوس أيــنــعــت وحـــان وقــت قــطــافــهــا

هذا تسمونه امتحان

انا الذي تعرف البطحاءُ وطأتهُ
والبيتُ يعرفني والحـلُّ والحرمُ

يا وليدي قلت لك الله يصلحك

هرجة ما نبي

كثر حكي ما نبي

خرابيط ما نبي

علوم بدو او عيس كريم وبراندا وقواطي ومبرد ما عليك

مصيري ولا بنغالي ما عليك

تبي تسوي الاختبارت او لا

​