للتخلص من الكوابيس والأحلام المزعجة

حنونة مصر · 31 ديسمبر 2011

السلام عليكم ورحمة الله وبركاته

أخي /أختي
شوف/ي حاجة فى المنام ( مُخيف/ة لا قدر الله ؟؟؟؟؟؟؟؟

)
او حتى اتكرر معاك حلم مُزعج ؟؟؟؟؟؟

ومجرد انك تحكي ,,, فدا شيئ بيضايقك لأنك مش عاوز/ةتفتكريه ؟؟؟؟؟؟؟

او حتى فى حاجة بتخوفك وبتطير النوم من عينيكى ؟؟؟؟؟؟؟؟

الحل بسييييييييييييط اوى
بس محتاج شوية عزيمة منك

كل اللى انا طالباه منك ::

* انك تنام/ي على وضوء ( يعنى تتوضاء قبل ما تنام مباشرةً )
* وطووووووووووووووووول النهار لاااااااااااازم تفضل/ي على وضوء
( يعنى اذا انتقض وضوئك ودخلت الحمام مثلاً ( اعزكم الله ) ,,, لااااااااااااااازم تتوضاء بعده )

وآدى الدليل

حديث فضل الوضوء قبل النوم ::

عَنِ ابْنِ عُمَرَ رَضِيَ اللَّهُ تَعَالَى عَنْهُ أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:
"طَهِّرُوا هَذِهِ الأَجْسَادَ طَهَّرَكُمُ اللَّهُ فَإِنَّهُ لَيْسَ عَبْدٌ يَبِيتُ طَاهِرًا إِلا بَاتَ مَلَكٌ فِي شِعَارِهِ لا يَنْقَلِبُ سَاعَةً مِنَ اللَّيْلِ إِلا قَالَ: اللَّهُمَّ اغْفِرْ لِعَبْدِكَ فَإِنَّهُ بَاتَ طَاهِرًا". أخرجه الطبراني فى الأوسط (5/204 ، رقم 5087) قال الهيثمي (10/128) : إسناده حسن . وقال المنذري (1/231) إسناده جيد. وحسَّنه الألباني في صحيح الجامع (3936).هذا حديث في الحث على الوضوء قبل النوم والنوم طاهرا

*********************
* كمان لاااااااااااااااااازم تصلى الصلوات فى مواعيدها
( وياريت تقدرى تصليها فى جماعة ان امكن ,,, لكن لو مقدرتيش تروح المسجد يبقا خلاص صلى فى البيت )
* كمان قبل ما تنام/ي ع السرير ,,, امسك/ي ايشارب خفيف او قطعة قماش خفيفة مش تقيلة
وانفض السرير نفض رقيق مش جامد وانت بتقول الدعاء الآتى 3 مرات ::
( اعوذ بكلمات الله التامات من غضبه وعقابه وشر عباده ومن همزات الشياطين واعوذ بك ربى ان يحضُرون )

طيب ليه انفض السرير يا ترى
واحده تقولى انتى بتألفى

اقولها اسمع كده

حديث نفض الفراش ثلاثاً قبل النوم ::

الحديث المشار إليه رواه البخاري ومسلم من حديث أبي هريرة رضي الله عنه قال : قال النبي صلى الله عليه وسلم :
إذا أوى أحدكم إلى فراشه فلينفض فِراشه بِدَاخِلة إزاره ، فإنه لا يدري ما خَلَفَه عليه .

وفي رواية لمسلم : إِذَا أَوَى أَحَدُكُمْ إِلَى فِرَاشِهِ فَلْيَأْخُذْ دَاخِلَةَ إِزَارِهِ فَلْيَنْفُضْ بِهَا فِرَاشَهُ ، وَلْيُسَمِّ اللَّهَ فَإِنَّهُ لا يَعْلَمُ مَا خَلَفَهُ بَعْدَهُ عَلَى فِرَاشِهِ .

وفي رواية للإمام أحمد : إذا أوى أحدكم إلى فراشه فلينفضه بداخلة إزاره ، فإنه لا يدري ما حَدَث بعده .
انت بكدا هتقوم الجان اللى نايمين على السرير

ومش هتنام لامؤاخذة لا فوقهم ولا جمبهم
( مش انت لوحدك اللى بينام على سريرك جن وشياطين ,,, كل البيوت بيحصل فيها كدا )
وإذا التزم كل الناس بهدى سيدنا محمد صلى الله عليه وسلم مش هيتعبوا ابداً فى حياتهم
و هيطهروا بيوتهم منهم

* ياااااااريت القرآن متنقطعش تلاوته وقرأته من بيوتنا لا نهار ولا ليل
( والحمد لله رب العالمين ,,, مفيش بيت مفيهوش تلفاز او كمبيوتر او راديو حتى ,,, يعنى ملناش حجة )

ولما تروح تنام ,,,, اعملى الخطوات دى ::::

* هتنام على جمبك اليمين
* وبعدين اقرأ آية الكرسى
( علشان ربنا يبعتلك ملك يحرسك طوووووووول الليل من اى شيطان او جنى والعياذ بالله )
الملك الجمييييييييل ده هيفضل حارسك وانت نايم ومش هيمشى من جمب سريرك إلا لما تصحا

ولاااااااااااااااازم اول ما تصحا تبدأى يومك بأى كلمة طيبة فيها ذكر الله ذى :
الحمد لله رب العالمين
اللهم بك اصبحنا وبك امسينا وبك نحيا وبك نموت واليك النشور 3 مرات

* بعد ما تقرأ/ي اية الكرسى قول/ي الدعاء ده :: برضو مرة واحدة واحفظيه ذى اسمك :
علشان الدعاء ده ربنا هيمنع بيه عنك اى حلم وحش واى قلق فى النوم
الدعاء هو ::
اللهم رب السماوات السبع وما اظلت
ورب الأرضين وما اقلت
ورب الشياطين وما اضلت

كُن لى جاراً من شر خلقك كلهم جميييعاً
ان يفرُط عليا أحدٌ منهم او ان يطغى
عز جارك وجل ثناؤك وتبارك اسمك ولا اله غيرك ولا إله إلا انت

بس كدا
هتنام/ي نوم هادى جداً إن شاء الله

( وفى طبعاً اذكار كتيييييييييرة اوى للنوم ,,, بس انا مش عاوزة اصعب عليكم الأمور ,, هنبدأ خطوة خطوة وان شاء الله هنلتزم تدريجياً )

* متنسيش حاجة مهمة اوى
انك لااااااااااااااازم تظبط وقت صحيانك على صلاة الفجر
بمرور الوقت هتتعودى على كدا

وبعدها قول/ي الأذكار
( اذكار الصباح والمساء ,, اللى المفروض انك تقرأيها بعد صلاة الفجر وبعد صلاة العصر كل يوم )

وخلى وقت وقوفك فى المطبخ او وقت انتظارك للتاكسى او الوقت اللى راكبة فيه المترو او اى مواصلة كله ذكر لله تعالى
يعنى تقولى ,,,
سبحان الله ,,, الحمد لله ,,, لا اله الا الله ,,, الله اكبر ,,,, لا حول ولا قوة الا بالله العلى العظيم ,,, استغفر الله العظيم الذى لا اله إلا هو الحى القيوم واتوب اليه

دا غير الإكثار من الصلاة على الحبيب المصطفى صلى الله عليه وسلم

وقراءة سورة الملك كل يوم فى المساء
( فهى تمنع عذاب القبر عن صاحبها بإذن الله )
وقراءة سورة الكهف كل ليلة او يوم جمعة
( فهى تنير مابين الجمعتين بأمر الله تعالى )

حفظكم الله ورعاكم
وصرف عنكم كل سو ء
اللهم آآآآآآآآ مييييييييييييييييييييين

ألم الأمل · 1 يناير 2012

رد: للتخلص من الكوابيس والأحلام المزعجة

بارك الله فيك
و
في ميزان حسناتك

حنونة مصر · 1 يناير 2012