اللي استخدمو الميزو والامبوشي والطحالب البحرية ...؟!

[قلبي ضاع معك]

السلام عليكم

اخواتي بغيت اعرف كيف استخدم الميزو والامبوشي ( ثمرات )لابني عمره سنتين .. كم الجرعه ..

وايظا الطحالب الموجوده عندي ( الكيلب . النوري . الدولسي . الوكامي ) كيف استخدمها ؟

انا بحثت في المنتدى لقيت اكثر من طريقة اي احسن طريقة لاستخدامهم ؟

وهل لاحظتو اي استفادة او تغير على ابنائكم لما اخذو هالاطعمه ؟

 

[سمر خالد]

رد: اللي استخدمو الميزو والامبوشي والطحالب البحرية ...؟!

أختي الغالية
يا ريت تخبريني بالضبط من اي اماكن في البحرين بتشتري هذه المواد (الطحالب بانواعها و الامبوشي و الميزو) ، ياريت لو بتخبريني العنوان بالتفصيل .
تحياتي​

 

[قلبي ضاع معك]

رد: اللي استخدمو الميزو والامبوشي والطحالب البحرية ...؟!

اهلا اختي سمر برد عليك هنا وارسلت لك عالخاص ..

المحل اسمه وادي الطبيعة تابع للدكتورة لمياء الشهابي طب بديل .. والمحل انا جدا تحمست لما لقيته حتى لقيت فيه القمح المستنبت وطحالب سبرولينا .. على شكل كبسولات .. وايظا عنده اكل وصابون وكلها عضوية حتى بذور الكتان يعني راح تلقين فيه اشياء جداااا مفيدة وحتى زيت الزيتون وخل التفاح عندهم عضوي .. انتي كتبي قائمة بكل الاشياء اللي ببالك واعطيها اياه وهو يطلعها لك لو موجوده عنده ..

محلهم شفتي مجمع الولو اللي فيه ميغا مارت وايظا مجمع مارينا مول .. ورامز كلهم صايرين صوب واحد في منطقة وحده وفي على جنب رامز عمارة فيها المحل يلقى اسمه على الشارع بس

الدوار اللي عند رامز يأخذه سيده يمشي بعدين تجيه اشارة يأخذها يو تيرن بيلقى العمارة على جنبه اليمين يدخل اول لفة فيها باركات للسيارات والمحل داخل ..

وهذا تلفونهم دوامهم من الصبح اظن بين 8 وال10 يفتحون الى الساعه 4 العصر .. 17232959

اتمنى اني افدتك ..

 

[قلبي ضاع معك]

رد: اللي استخدمو الميزو والامبوشي والطحالب البحرية ...؟!

محد قالي اشلون استخدمهم .. الميزو اخلطه مع الشوربة دايركت .. ؟
والطحالب اغلي ماي واسكبه عليها ؟ ثم اضيفها للشوربة ؟؟

هل هالطريقة صحيحه لان هاذي الطريقة اللي شفتها ..

 

[لا يأس مع الله]

رد: اللي استخدمو الميزو والامبوشي والطحالب البحرية ...؟!

طيب يا اختى هل حسيتي بتحسن لطفلك بعد الاستخداااااااام؟؟؟؟
وش نوع التحسن؟؟؟
مشكوره اختى ((قلبي ضاااع معك))

 

[ميسره]

رد: اللي استخدمو الميزو والامبوشي والطحالب البحرية ...؟!

السلام عليكم
أختي قلبي ضاع معك أنا أعطي لإبنتي الأمبوشي المعجون ربع ملعقة صغيرة يوم بيوم أخلطها مع أول لقمة في طعام غدائها الأخت ريم أحمد جزاها الله خيرا كنت مرة سألتها و أعطتني هذه الطريقة.

 

[ميسره]

رد: اللي استخدمو الميزو والامبوشي والطحالب البحرية ...؟!

أما الميسو فأناأخذ ملعقة صغيرة و أذيبها مع قليل من الماء البارد وأضيفها إلى الشوربة أو أغلي ماء وبعد ذلك أضيف نوع من الطحالب وأتركها على النار 3 دقائق وأ ضع فيه ربع ملعقة الميزو بعدما أذيبه في قليل من الماء 3 مرات بالاسبوع

 

[قلبي ضاع معك]

رد: اللي استخدمو الميزو والامبوشي والطحالب البحرية ...؟!

لا يأس مع الله ..
لا حبيبتي ما جربتهم لحد اللحين لاني اعطي الولد حليب الابل وما ابي اخلط له اكثر من شئ وبعد لاني مو عارفة طريقة الاستخدام ..

ميسرة ..
الامبوشي اللي عندي مو معجون ثمرات ؟؟ ؟ ما ادري كيف استخدمه اهرسه مع الاكل واعطيه اياه ؟؟؟
ومشكورة على طريقة الميزو من وين جبت الطريقة ؟

 

[ميسره]

رد: اللي استخدمو الميزو والامبوشي والطحالب البحرية ...؟!

أختي إن كان يمكن أن تهرسي الأمبوشي و تضيفه إلى أكله فلا يوجد مانع
طريقة الميزو من د هيام الشادلي وعند إضافته في الشربة في آخر الطهي هي طريقتي
أتمنى لك أن أكون قد أفدتك أختي العزيزة

 

[قلبي ضاع معك]

رد: اللي استخدمو الميزو والامبوشي والطحالب البحرية ...؟!

مشكورة حبيبتي ميسرة جدا استفدت من طريقتك وخففت علي البحث ... ان شاء الله اليوم ولا بكرة اجربهم .. والله يجيب اللي فيه الخير ..