لمن يعانى من التلعثم وصعوبة النطق لبعض الحروف

[ميدووووو]

اولا بسم الله الرحمن الرحيم
انا ايضا مثلكم اعانى من التلعثم وصعوبة نطق بعض الاحرف ولكنى قمت بزيارة اخصائى تخاطب
وقررت انى انقل ليكوا كل اللى بيحصل فى الجلسات عشان اللى مش عاوز يروح او اللى خايف يروح لاخصائى

دى اول جلسة ليا وان شاء الله بعد كل جلسه هاجى واكتبلكوا كل اللى حصل يمكن تستفادو وربنا يشفيكوا ويخفف عنكم وعنى

المهم اهم الكلام اللى الدكتور قالهولى : انا هسالك شوية اسئلة فقلتله اتفضل
قالى انت شايف التلعثم عيب ولا ميزة ولا هو ايه من وجهة نظرك
وهل انت بتواجه ولا بتبعد عن المواقف او بتخاف تتكلم عشان ماتحرجش نفسك
وقالى فى الاول لازم تعرف ان التلعثم موجود عند ناس كتير اوى منهم اللى عنده سنتين وتلاتة واربعة ومنهم اللى عنده عشرين وتلاتين واربعين يعنى موجود فى كل المراحل
وقالى احكيلى بدايتك مع التلعثم

فقلتله
انا بدايتى من وانا صغير كنت بعانى من تهتهة خفيفة زى اى طفل بيتعلم الكلام ولكنها بدات تختفى تدريجيا
لحد فترة الاعدادى وبسبب بعض المشاكل الصعبة التى واجهتنى فى الفترة دى ببداية الثانوى بدات ترجعلى تانى ولكن مش تهتهة هى عبارة عن صعوبة فى النطق لحروف معينة زى ك ج ف ب وكان بالاضافة لحرفى الالف واللام ولكنى تغلبت على الحرفين دول ولكن مش عارف اغلب على الاربع حروف الاخرى

فقالى طب ايه اكتر المواقف اللى بتخاف تواجهها او مش بتعرف تتعامل معاها
فقلتله اكتر حاجة هى الامتحانات الشفوى لانها بتبقى وسط مجموعة من زمايلى بتتكون ع الاقل من 10 ل20 فرد منهم ولاد وبنات فمابروحش الامتحان بسبب الخوف ده وده بيسبب ان بنقص 5 درجات ع الاقل فى المادة مع انى متفوق جدا وكمان من المواقف الاصعب انى لما بروح اشترى من المطعم وليكن مثلا سندوتش كفته ( بما ان كفته فيها حرف الكاف ) فمش بعرف انطقها او بلاقى صعوبة فده بيخلينى فى حدذاتى محرج

فقالى طب ايه اللى بينتج عندك لما بتلاقى صعوبة فى الكلام
قولتله وشى بيحمر وبعرق وممكن ساعتها احس بالفشل

فقالى بص انا هقولك ع اهم فحاجة فى العلاج لو كنت فعلا عاوز تتعالج وتخف
فقلتله قول فقالى اولا لازم تعرف انها مش هتتشال من عندك خالص ( قصده ع التلعثم يعنى) بس هتبقى بدرجة قليلة مش زى الاول فقلتله عارف قالى بس اهم حاجة قدرتك وارادتك
لان علاج التهتهة او التلعثم او صعوبة النطق زى المثلث بيتكون من تلت ضلوع
ارادة وتحدى+مواجهة وشجاعة+ثباتوتفوق
فقالى يعنى لازم الاول يكون عندك ارادة وتحدى انك لازم تتعالج بجد وهتخف ان شاء الله
وتانى حاجة المواجهة لانها المحور الرئيسى فى العملية دى كلها وانا هساعدك فكل جلسه هشوف ايه المواقف اللى بتخاف منها وهدربك عليها فى كل الاحوال وفى كل الازمنةوهنزل معاك الشارع واشوفك بعد كده هتتحسن ولا لا وتتعامل عادى بس كله بارداتك وشجاعتك
وتالت حاجة هى الثبات يعنى تتغلب على الامر ده ع طول وبعد ماتخف او يروح من عندك قليلا حاول تدرب نفسك وتجهد نفسك اكتر عشان مايسيطرش عليك تانى

دى كل التفاصيل بتاعت الجلسة الاولى وان شاء الله هكون مواظب معاكم
والجلسة الجاية ان شاء الله يوم الاربعاء القادم
رجاء اخير اعولى ان ربنا يشفينى ويحمينى
ولكم جزيل الشكر واتمنى من انكم استفدتم
​

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدووو
جزاك الله خيراَ على نقلك لنا تفاصيل الجلسة الاول لتخاطب فكره جيده نحن في انتظار الجلسة الثانية
اسأل الله العظيم ان يشفيك ويعافيك ويسهل لك امرك ويكتب لك الشفاء العاجل
شكرا لك مره آخر
دمت بخير

 

[ميدووووو]

رد: لمن يعانى من التلعثم وصعوبة النطق لبعض الحروف

شكرا ليكى يا اختى

 

[عقيلة حيدر]

رد: لمن يعانى من التلعثم وصعوبة النطق لبعض الحروف

شـكــ وبارك الله فيك ـــرا لك ... لك مني أجمل تحية .

 

[ميدووووو]

رد: لمن يعانى من التلعثم وصعوبة النطق لبعض الحروف

شكرا ليكى يا اختى

 

[ميدووووو]

رد: لمن يعانى من التلعثم وصعوبة النطق لبعض الحروف

الجلسة الثانية

بسم الله الرحمن الرحيم

نبتدى بقى الجلسة التانية
اول ما اتكلمنا قال ايه اخبارك فى الاسبوع ده فى الكلام
بتحاول تتكلم عادى وواجهت مواقف ولا لسه بتهرب من الكلام مع اى حد
فجاوبت عليه
وبعد كده طلع كتاب من معاه وجاب مقال كبير وقالى اقراه
قريته بس اى كلمة كنت بفكر فيها مكنتش بعرف انطقها وخاصة لو كان فيها الحروف الصعبة اللى بالنسبة ليا
فقالى مش لازم تفكر في اى كلمة وخليها تطلع تلقائى لانك كل ماتفكر هتلاقى صعوبة فى نطقها
وجاب مقال تانى اطول خلانى اقراه وقالى اقرا ببطء وماتبصش ع اى كلمة فى المقال غير اللى بتقراها
وماتخلش عينيك تسبق الكلام اللى يطلع من فمك
لانك لو بصيت فى اى كلمة فى المقال وشوفتها وقعدت تفكر فيها فمش هتنطقها صح
وبصراحة لما عملت كده نسبة التهتهة قلت لما عملت كده
وبعد كده جاب كتاب تانى فيه تدريبات لكل الحروف اللى فى اللغة
وجابلى حرف الكاف لانه اصعب حرف بالنسبالى
وجاب اكتر من 100 كلمة فيها حرف الكاف
فى الاول او وسط او اخر الكلام
وخلانى اقراهم واحدة واحدة والكلمة اللى يلاقينى فيها بلاقى صعوبة فى نطقها يخلينى اقراها تانى وتالت ورابع
وكل كلمة ع كده
وخلانى اقرا اكتر من جمله فيها حرف الكاف كتير
وجمل من كلمتين او تلاتة كلمات وجمل من عدة كلمات
بس دى كانت كل اللى فى الجلسة والاسبوع الجاى هكملكم ان شاء الله

​

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدووو
اسعدني تواصلك الدائم معنا اتمنى تكون استفدت من الجلسة الثانية
ولكن ماهي التوصيات التي قالها لك الاخصائي حتى موعد الجلسة الثالة ؟
إن شاء ميدووو تكون متواصلك معنا لتعم الفائدة للجميع
جزاك الله خيراَ على هذا الموجهود المبذول
واتمنى لك الشفاء العاجل
ونحن في إنتظار الجلسات القادمة
دمت بيخر

 

[ميدووووو]

رد: لمن يعانى من التلعثم وصعوبة النطق لبعض الحروف

اكيد طبعا استفدت والحمد لله لان املى فى ربنا كبير ان شاء الله
والله هو الدكتور قالى حاول تتكلم عادى لان انت كده بتواجه وبتشجع نفسك
ودى اهم حاجة فى علاج التلعثم
واى موقف يحتاج انى اتكلم فيه اتكلم ومش اخاف
وان لازم اكون واثق فى نفسى ومافكرش فى اى كلام انطقه

ان شاء الله هكون متواصل كل اسبوع ان شاء الله علشان كله يستفاد
وشكرا ليكى يا اختى
​

 

[السائل]

رد: لمن يعانى من التلعثم وصعوبة النطق لبعض الحروف

ياسيد ميدو اولا احيي فيك روح الشجاعة والاقدام والعزيمة على التخلص من هذي المشكلة .. تقريبا انت مشكلتك زي مشكلتي بالظبط وباين عالاخصائي بتاعك انو كويس ومتفاعل جدا معاك .. ربنا يكتب لك كل خير وارجو ان تلعمنا بالنتائج اللي تصير معاك في حياتك العادية اولا باول وكيف انها اخذت بالتحسن التدريجي الى ان تصل الى مبتغاك باذن الله

 

[ميدووووو]

رد: لمن يعانى من التلعثم وصعوبة النطق لبعض الحروف

ان شاء الله ياسائل
وشكرا لردك واتمنى انك تستفاد
وربنا يشفينا كلنا ان شاء الله​

 

[ميدووووو]

رد: لمن يعانى من التلعثم وصعوبة النطق لبعض الحروف

الجلسة الثالثة

كالمعتاد السؤال اللى فى اول كل جلسة اللى هو
حاولت المواجهة وايه المواقف اللى قبلتك واتصرفت فيها ازاى
وبعدين طلب منى انه يدخل معانا فى الجلسة دكتور كمان
عشان يشيل من عندى الرهبة شوية واتكلم قدامهم عادى كانه زى اى شخص ممكن
اتكلم قدامه واوجه بس ع طريقة مبسطة شوية

وبعدين ادانى ورقتين قالى اقراهم فقمت قريتهم كان كل ورقة حوالى كده 20 سطر والورقة الاولى وقف معايا بالظبط
من 4 ل6 كلمات كانوا صاعبين عليا جدا والباقى بنطقه حلو وعادى
والورقة التانية وقف برضه نفس كمية الكلام والباقى عادى
وبعد كده جاب الكلمات اللى كان صعب انطقها وقالى كرر كل كلمة خمس مرات
وكل كلمة يفتح معايا عليها حوار منفصل لوحدها لمدة دقيقة او اتنين كده عشان يشوف كثرة نطق الكلمة
ممكن تخفف من عندى صعوبتها ولا لا

وبعد كده ورانى فيديو ع اليوتيوب هحاول ادور عليه واجبهولكوا لانى مش عارف اوصله تانى
الشخص ده كان عنده كل الحروف ببيتهته فيها بطريقة شديدة جدا ولكنه
مصمم ع المواجهة ومش فارق معاه حد يعيب عليه ولا لا
وبعد ماشفنا الفيديو قالى انت لازم تكون كده مع ان انت احسن منه كتير وحالتك مستقرة عنه
بس لازم انك تواجه ومش تفكر فى نظرات حد ولا كلام حد وكن واثق فى نفسك
وحاول قبل ماتنطق خد نفس عشان تكون مستريح وحاول تتكلم ببطئ

وبعد ده ادانى الورقتين اللى انا قريتهم دول وقالى لازم تقراهم لوحدك مرة وقدام اى حد مرة كمان
وشوف الكلمات اللى انت معرفتش تنطقها اتحسنت شوية ولا بقت عاملة ازاى

دى كانت اهم الحاجات اللى فالجلسة
والى لقاء الاسبوع القادم ان شاء الله
اسال الله ان يشفى كل مريض

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدووو
أنا سعيدة بتواصلك معنا وجزاك الله خيراَ
الحمد لله من كلامك حسيت انك تحسنت واصبح لديك استعداد لمواجهة الجميع
والطلاقة في الكلام أفضل
اتمنى لك تمام الشفاء
وشكراَ لك مره ثانية
ونحن في إنتظار الجلسة الرابعه
دمت بخير

 

[هانى الحسين]

رد: لمن يعانى من التلعثم وصعوبة النطق لبعض الحروف

[align=center]
السلام عليكم ورحمة الله وبركاته
بارك الله فيك وكتب لك الشفاء دمت بخير
وموفق بإذن الله ... لك مني أجمل تحية .
[/align]

 

[ميدووووو]

رد: لمن يعانى من التلعثم وصعوبة النطق لبعض الحروف

شكرا ليكوا ياجماعة والحمدلله انا حاسس بجد انى فى تحسن وده من فضل ربنا وياريت كل واحد يعانى من التلعثم يحاول يجرب اللى انا كاتبه ده لانه جايب نتيجة معايا والحمد لله

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدووو
الحمد لله انك في تحسن وأن جلسات العلاج كان لها نتيجة
اتمنى لك تمام الشفاء
دمت بخير

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدووو
الحمد لله انك في تحسن وأن جلسات العلاج كان لها نتيجة
اتمنى لك تمام الشفاء
دمت بخير

 

[ميدووووو]

رد: لمن يعانى من التلعثم وصعوبة النطق لبعض الحروف

الجلسة الرابعة

الجلسة دى كانت مختلفة الى حد ما عن اللى قبليها
لان كان الضغط جامد عليا شوية
المهم فى الاول السؤال المعتاد عن المواقف اللى قبلتنى والكلام
واتصرفت ازاى واتناقشنا فى المواقف دى
وبعد كده جاب موبايل وقالى النهاردة احنا هنسجل ليك صوت وصورة
وبصراحة انا كنت خايف لانى اول مرة اسجل صوت وصورة
فبدا يعطينى ورق وقالى اقراه وبين مرة وتانية حاول تبص للكاميرا وانت بتقرا
المهم قريت وسجلى المرة الاولى كانت صعبة عليا شوية فتهتهت فى بعض الكلمات
ولكن شوية صغيرين بالنسبة لعدد كلمات المقال ككل
اما المرة الثانية لما اتاقلمت الى حد ما كان الموضوع عادى بالنسبة ليا
وبين كل فقرة وفقرة فى المقال كان بيوقفنى ويسالنى شوية اسئلة
ممكن مختصة بالمقال وممكن اى سؤال عام
عشان ابعد تنبيهى ع القراءة شوية وارجعلها من غير توتر
والحمد لله كان اكتر الكلام التلقائى معاه حلو بنسبة يعنى95% والقراءة برضه تحسنت عن المرة الاولى
وفى بعض الكامت كان يقولى ايه؟ ( ع اساس انى اعيدها تانى)
لان فى مواقف كتير بنتعرض للموقف ده ان محدش يسمع كلمنا فبيقولك عيد تانى كلامك
وانا بصراحة بخاف من كده لانى لما بعيد الكلام بحس بصعوبة بس حاولت اكتر من مرة

وفى اخر الجلسة قالى لازم يكون عندك ثبات انفعالى يعنى
تكون هادى ومتحكم فى نفسك وابعد عن اى شئ مصاحب للانفعال
زى اكل الاظافر او تحريك الرجلين بطريقة عشوائية او الضغط ع الاسنان

بس ده اهم حاجة كانت فى الجلسة ويارب تكونوا استفدتم وياريت تدربوا نفسكوا زى مابعمل كده ​

 

[ميدووووو]

رد: لمن يعانى من التلعثم وصعوبة النطق لبعض الحروف

الجلسة الخامسة

بسم الله الرحمن الرحيم
انا عايز بس ابشركم الاول كده ان الحمد لله التهتهة خفت شوية عندى
بس لسه مش كلها لكن احسن من الاول وده من فضل ربنا
ومتابعتى للجلسات والتدريب باستمرار

الجلسة دى مختلفة شوية لان الدكتور قرر اننا نتناقش ونتكلم فى اى حاجة
فاتكلمنا فى اى موضوع يجى فى بالنا واتكلمنا فى اكتر من 5 مواضيع
ويركز جامد فى كلامى والكلمة التقيلة يركزلى عليها واعيدها كتير
والحمد لله ماكنش فى الكلام كله غير 3 او 4 كلمات بس هم اللى صعبين

بس عشان ماضيعش وقتكم فى كلام عادى
هقولكم ع اهم نصايح قالهالى فى الجلسة دى

1- ان فى الفترة دى لازم اتكلم كتير ومتقعدش ساكت الا فى احيان قليلة جدا
حتى لو بتهتهة بس ماتسكتش

2- لازم تقول رايك فى اى حاجة انت شايفها وامام اى حد

3 - لازم يكون عندك ثبات انفعالى واللى قلناه قبل كده اللى هو عدم اكل الاظافر
وتحريك الرجلين والضغط ع الاسنان

4 - لازم تقرا اى حاجة ولما تقرا تعلى صوتك

دى اهم الحاجات اللى كانت فى الجلسة بس اكتر وقتها كانت مناقشة
بينى وبين الدكتور على مواضيع مختلفة

اتنمى يارب انكم ستستفادوا بجد
​

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدوووو
الحمد لله شكلك في تحسن اتمنى لك تمام الشفاء
واشكرك على هذا المجهود الذي تبذله معنا
جزاك الله خيراً
دمت بخير

 

[ميدووووو]

رد: لمن يعانى من التلعثم وصعوبة النطق لبعض الحروف

شكرا ليكي وأهم شئ يارب الخير يعم ع الجميع ان شاء الله ويشفي كل مريض