السلام عليكم ورحمة الله وبركاته ... أخوتى فى الله

[أختكم فى الله]

أخوتى فى الله

أنا بقالى فترة متغيبة عن المنتدى ووحشتونى جدااا

بس انا تغيبت علشان قررت إنى أخرج نفسى شوية من الدوامة إللى كنت عايشة فيها

اتكلم عن التوحد وأقرأ عن التوحد وكل ملاحظاتى على بنتى بتدودينى للتوحد

فحبيت اغير إهتماماتى شوية واكتفى لفترة بإللى انا عرفته منكم وأحاول اطبقه على بنتى فى هدوء

بس محاولتش أشتت نفسى وأبحث تانى واقرأ واقلق نفسى عند سماع أى معلومة جديدة تخوفنى وتشككنى فى بنتى او تؤلمنى

وغيرت إهتماماتى على النت .. وفى البيت .. وده إنعكس على زوجى .. لأنى كنت دايما كل اما اشوفه أقوله انا قريت كذا النهاردة ( وطبعا بيكون عن التوحد )

لحد ما لاحظت إنه بدا ميهتمش بإللى بقوله علشان تعب من كتر ما بفكره دايما بالحكاية دى كل يوم وكل لحظة .. وهو دايما بيحب ينظر للجانب المشرق فى بنتنا ودايما بيحاول يخلينى اركز على مشاكلها واحاول علاجها

بس بعيد عن إطلاق اى مسمى عليها ممكن ينغص علينا اوقاتنا وحياتنا .. ويقلقنا على مستقبلها




منكرش إن بعدى عن المنتدى الفترة دى خلانى أقل حماسا شوية عن زمان فى محاولات تعليم بنتى بنفسى .. بس هى الحمد لله بتتطور وإن كان مازال تتطور بطئ

بس مازال عندى إحساس إنها ممكن تكون أفضل من كدة .. لو كان الإهتمام بيها أكتر .. وتعليمها فى مكان متخصص هيكون أفضل ليها

ومازلت لم اتخلص من تأنيب الضمير إن إنشغلت عنها بأى شئ حتى ولو كان بيسعدنى شخصيا .. مع إنى كنت متعمدة أعمل كدة علشان اخرج نفسى من المود ده .. بس يبدو إن الحكاية مش سهلة أوى زى ما كنت متوقعة

ودايما بفكر فيكم ونفسى اطمن على أبناءكم كلكم واحد واحد وأعرف آخر أخبارهم

الأخت ضاع قلبى معك ... إيه اخبار محمد

والأخت شيما .... ياترى جنى عاملة إيه دلوقتى

والأخت أم عادل ...... ربنا يطمنا كلنا على عادل إيه أخباره

والأخت ريم ...... ياترى محمد عامل إيه

مش عايزة انسى اى حد كلكم وحشتونى و مليش غنى عنكم ونفسى أعرف اخباركم


وإن شاء الله بكره أو بعده بالكتير .. هكتبلكم تطورات حبيبة فى الفترة إللى فاتت دى وملاحظاتى عليها

ربنا يديم بينا الخير ويقر اعيننا بابناءنا ونفرح بيهم وبشفاءهم عاجلا وليس آجلا ... يارب العالمين :23:


​

 

[ريم أحمد]

رد: السلام عليكم ورحمة الله وبركاته ... أخوتى فى الله


سعدت بعودتك لنا
افتقدتك أختي العزيزة كثيرا
لكني قلت في نفس "أكيد مشغولة مثلنا جميعا"
أنا معك في أننا نحتاج للبعد أحيانا عن مجتمع التوحد حتى تكون حياتنا طبيعية أكثر
فأنا أيضا أغلب حديثي مع زوجي ومع أي شخص آخر هو عن التوحد!!! وخايفة أنني بذلك صرت مملة!!
وعلى الرغم من أنني متأكدة أن الابتعاد عن مجتمع التوحد بين الحين والآخر أمر مهم جدا.... إلا أنني نادرا ما أفعله. وإن فعلته أكون مجبرة... كأن يكون الكمبيوتر معطل أو أن أكون مسافرة!!!!
يعني ما فيش فايدة فيّ. هههههههههههههه
ومع أن حياتي هذه الأيام مليئة جدا جدا وليس عندي لحظات فراغ مطلقا. إلا أنني لا أترك المنتدى أبدا وأحاول قراءة كل ما فيه. فالنت شغال عندي على طول. وكل نصف ساعة أطل لمدة دقيقة لأرى الجديد. لذلك فأنا أقرأ كل شيء لكن نادرا ما يكون عندي الوقت أن أكتب.
وبسبب القراءة والاطلاع صار لدي الكثير لأعرضه هنا... لكن للأسف أغلب الوقت أدخل المنتدى وابني الصغير على حضني... يعني يداي مشغولتان ولا يمكن أن أكتب شيئا.

أشكرك على سؤالك عن محمد
هو بخير من ناحية التوحد والحمد لله.... لغة أكثر.. تواصل أكثر.. لعب أكثر.... تعلم أكثر... والحمد لله
الشيء السيء الوحيد هو أن هناك تراجع كبير في مشاكل الجهاز الهضمي ومعها تراجع طفيف في استيعاب ما يقال له... والله يستر.
هذا التراجع أعقب سلسلة الأمراض الكثيرة التي أصابته في الشهور الماضية!! وأعتقد ان كثرة الأدوية التي تناولها بما فيها من ملونات ونكهات صناعية بالإضافة إلى الآثار الجانبية لتلك الأدوية هي التي أثرت عليه سلبا والله أعلم.

 

[قلبي ضاع معك]

رد: السلام عليكم ورحمة الله وبركاته ... أخوتى فى الله

اختي في الله ..

اهلا وسهلا بك مرة ثانية للمنتدى احنا الحمد لله بخير ومحمد بخير الحمد لله بعد انتكاسته الاخيرة التي حصلت له وكادت ان تفقدني الامل باي شئ افعله لاجله .. الحمد لله رجع يتقدم ببطء وانا كلي امل ان تتسارع خطواته في التقدم ولكن الحمد لله على كل حال ..
كنا نخطط للذهاب لاداء العمرة وخططنا لكل شئ حتى السكن والمواصلات وكل شئ ولكن اكتشفنا ان اجازة ابني الكبير تتضارب مع وقت سفرنا ولم اجد من يعتني به في غيابنا خصوصا انه سيكون في المدرسة وسيحتاج لمن يتابع معه .. لذلك اجلنا السفر لوقت اجازة ابني ..حتى اخذه معنا فهو رفض رفضا باتا ان نسافر بدونه خخخ
لقد وضعت موضوع عن برنامج الاخصائية التي حدثتك عنها وتوقعت انك قرأتيه ولكن الظاهر انك لم تطلعي عليه .. ارجو ان ترجعي لمواضيعي وتشوفيه مع ان الاخصائية لم اكمل معها ولم اتابع معها لانها لم تكون على قدر ما توقعته منها ولكن هناك بعض المعلومات التي افادتني في التواصل مع محمد ..
واحب ابشرك ما شاء الله محمد الان عندما يريد شيئا يسحب يدي ويأخذني للشئ الذي يريده .. وهذا شئ افرحني كثيرا هذه الايام .. مع ان تطوره اللغوي مثلما هو لم يتغير

وبببببس هذه هي اخبارنا ننتظر اخبار حبيبة الله يحفظها ..
واشتقنا لك كثيرا يعني هالمرة لا تطولي علينا غيري جو وابتعدي قليلا عن المنتدى ولكن لايام وليس لاسابيع ..؟ اتفقنا

 

[أختكم فى الله]

رد: السلام عليكم ورحمة الله وبركاته ... أخوتى فى الله

أختى ريم

وحشتينى جداااا

والحمد لله إن محمد كويس ربنا يطمنك عليه أكتر يارب وتفرحى بشفاءه التام بإذن الله فى أقرب وقت ... ويباركلك فى أخوه وتفرحى بيه هو كمان .. ومتخيلة الحالة غللى انتى فيها ربنا يكون فى العون ويقدرك

قلبى ضاع معك
الحمد لله على تقدم محمد ربنا يزيد ويبارك .. أنا قرأت الموضوع وفعلا أفادنى كتير وانا كمان على فكرة لاقيت مدرسة تخاطب فى مستشفى جمبنا وحضرت معاها 4 جلسات والحمد لله فى تقدم .. لكن زيارتى للمدرسة غللى تبع الدكتورة منال كل فترة بتتأجل ساعات يكون السبب من عندنا وساعات يكون من عندهم ربنا يسهل ويوفق من عنده إن شاء الله

ومتنسينيش بالدعاء وانتى فى العمرة إن شاء الله

كنت عايزة اطمنكم على حبيبة واخبارها
بس للأسف كتبت من شوية موضوع طويل عريض عنها بس الكهربا قطعت قبل ما أبعته . وجالى حالة إحباط وكسل ... وإن شاء الله هكتبه تانى وأبعتهلكم قريب بس اكيد مش النهاردة ههههههههه


​