[إستشاره] التاكد من وجود توحد ام لا

[ايمان السيد مصط]

السلام عليكم
انا عضوة جديده فى المنتدى عندى ابنى عنده سنتين وشهر حاله ابنى انه لغايه سنه ونص كان بيعد الصبح مع جده وجدته اودام التلفزيون واخده لما اروح من الشغل بتكلم معاه وبشغله قناه كوكى ومودى بتاعت الاطفال فى شهر مايو اللى فات الولد جاله التهاب فى زوره روحت كشفت الدكتور قالى انتى مش ملاحظه ان الولد حركته كتير ومش مركز وادانى اسم دكتورة اسمها مها وائل شاهين روحت لها واعدت تسالنى اسئله قالتلى فى الاخر ان الولد عنده سمات توحد من يومها وانا مرعوبه روحت بعدها لدكتور هشام حتاته وقتها قابلنا الاخصائيه اللى عنده واعدت تسال نفس الاسئله واعدت تقنعنا بالدوا بتاع الدكتور والحقنه الامريكى اللى هى فيتامين b12 كمان انا مكنتش معلمه الولد حاجات كتير لانه اول طفل ليه ومكنش بيشوف اطفال نهائى ولا بنخرج نوديه منتزهات او حاجاه خاصه بالاطفال انا دلوقتى بوديه تحاطب وتنميه مهرات وبوديه حضانه فى اخصائيه قالتلى انه معندهوش حاجه من التوحد لانه بيبص فى العين كويس هو بس مكنش موجود فى بيئه ثريه بالتفاعل الاجتماعى وواحده تانيه قالتلى انه عنده سمات عدم تواصل فاياريت حد يفدنى هنا اذا سمحتوا:bb (43):

 

[امنة مهدى]

رد: التاكد من وجود توحد ام لا

التواصل البصرى من اهم العوامل الذى يرتكز عليها التشخيص بالتوحد من عدمه و لكن بشرط ان يكون تواصله مع الكل و ليس الأهل فقط لان بعض أطفال التوحد يتواصلون بصريا فقط مع الأهل. الكل متفق ان الادمان على التلفاز قد يسبب أعراض مثل التوحد ولكنه قد يكون مأشرا ان هناك توحد فمعظم أطفال التوحد يظهرون انجذاب غريب لشاشات . ابنك مازال صغيرا ليشخص بالتوحد امنعى عنه الشاشات و خصصى له وقت للعب ، اهم شىء يطور الطفل هو اهتمام و حضن الام. ادعوا الله ان يكون تاخر طفيف بسبب التلفاز و ليس توحد

 

[ايمان السيد مصط]

رد: التاكد من وجود توحد ام لا

اولا شكرا جزيلا على الرد
انا فعلا مانعه التلفزيون والولد بيتفاعل بصريا مع الناس خاصه لما حد بيلاعبه بس لو محدش لاعبه او بينده عليه وخلاص يبص عليه ويدور وشه تانى وفى خلال شهر فعلا بدء تطور يظهر واحيانا ينطق كلمات ولايرددها

 

[مهاجره]

رد: التاكد من وجود توحد ام لا

وعليكم السلام
احتمال ابنك عنده تشتت انتباه وفَرَّط حركة فقط ADHD
جربى برنامج اندلسيه وابعديه عن التلفزيون وعن كل الشاشات
برنامج اندلسيه
دا الموقع
http://alkenaniesmaeel.wix.com/andaloussiadodi

دى المراحل
http://alkenaniesmaeel.wixsite.com/andaloussiadodi/blank-7

وللاستماع الى الحلقات على اليوتيوب
https://m.youtube.com/channel/UCldqC24woX7P718sdISl04w

اختى ادخلى على الروابط لمعرفة ان كان ابنك عنده توحد او لا
من خلال ردك على الاسءله هتتعرفى اكتر على اعراض التوحد

مقاييس للتوحد ،،أشهر المقاييس كارز او جيليام لمعرفة ان كان الطفل عنده توحد او لا
http://www.kalamee.com/index.php/هل-طفلك-يعاني-من-التوحد؟-اليك-أختبار-كارز-لقياس-التوحد
http://www.kalamee.com/index.php/أختبار-ومقياس-كارز-2-لتشخيص-التوحد
مقياس جيليام
https://slpemad.files.wordpress.com/2015/08/d985d982d98ad8a7d8b3-d8acd98ad984d98ad8a7d985.pdf

 

[ايمان السيد مصط]

رد: التاكد من وجود توحد ام لا

السلام عليكم انا عايزة استفسر وارجو الرد انا ابنى دلوقتى سنتين وشهرين بينطق كلام بس مش بيردد ورايا وحصيله كلماته لاتتعدى السبع كلمات او 10 كلمات وبوديه حضانه وتخاطب فعايزة اعرف السبب وكمان الحضانه اللى بوديه ليه حضانه خاصه فيها اطفال توحد واطفال عادين وكله على بعضه فى ناس يقولولى خليه فى الحضانه الخاصه عشان تعديل السلوك وتنميه المهارات وفى اخصائى قالى لا يروح حضانه عاديه خالص مع اطفال طبيعين واحيانا بيصدر منه حركه الرفرفه ووديته لدكتور قالى مقدرش اقول ان عنده توحد دلوقتى بعد الاختبار اللى عمله للولد تعامله معاه والاسئله بتاعته معانا ارجو الرد

 

[ام اسلام]

رد: التاكد من وجود توحد ام لا

ان شاء الله تكون مخاوفك في غير مكانها.
من تجربتي مع ابني ومتابعتي للاطفال افي محيطي...لا يعني وجود السمات ان الطفل يعاني من توحد...لهذا كان الاطباء يأخرو التشخيص ل 3 سنوات.
نصيحني قومي بعمل تحاليل مخزون الحديد..وقوة الدم وب 12
وحاولي دعمه بالغذاء الصحي الصحيح...لاتنسي فيتامين د
وحاولي تنمية مهاراته واستثارته من خلال بيئته ..وباذن الله الامور تتعدل ويتحسن.

 

[ايمان السيد مصط]

رد: التاكد من وجود توحد ام لا

السلام عليكم
لو سمحتم استفسار وارجو الرد هلى معنى وجود حركه الرفرفه ان الطفل يعانى من توحد وهل يعنى وجودها التكرار او لو بيعملها كل فترة