الزلاغيط الحديثة للشعب السوري

[فارس عمر]

:7::7:
​

​

آويييييييها يا مازوت ويا كاز

آوييييييييها ويا بنزين ممتاز

آويييييييها واللي بيرفع الأسعار

آويييييييها تفقع في وجهه جرة غاز

لي لي لي ليــــــــــــــــــــــيش


آويييييييها .. الحكومة طلبت تبرعات

آويييييييها .. ويا شعب يلا هات هات

آويييييييها .. داست عالبنزين وسكّرت الخمس سرعات

آويييييييها ... و احنا المعترين ما إلنا غير الله والآهات

لي لي لي ليــــــــــــــــيش


آويييييييها .. قالوا المواطن حيطو واطي

آويييييييها .. بياكل الكف وهو راضي

آويييييييها .. ومهما عملوا فيه

آويييييييها .. دايما ممنون حتى وجيبه فاضي

لي لي لي ليـــــــــــــــــــــــــيش


آويييييييها .. يسعدلي الله الحكومة

آويييييييها .. ولو عشنا عالبصل مع الثومة

آويييييييها .. ويللي بيشكي من الغلا

آويييييييها .. ريتو ينقلب بومة

لي لي لي ليـــــــــــــــــــيش


آويييييييها .. ويا عدس يا مجروش

آويييييييها .. والشعب من غيرك متل الملطوش

آويييييييها .. وإذا فكروا يغلوك

آويييييييها .. راح الشعب كللو بلوش

لي لي لي لييــــــــــــش​

 

[ندى الايام]

رد: الزلاغيط الحديثة للشعب السوري

هههههههههههههههههههههههههه
هي اخرتها ياابي زلاغيط وخلاص

 

[فارس عمر]

رد: الزلاغيط الحديثة للشعب السوري

هههههههههههههههههههههههههه
هي اخرتها ياابي زلاغيط وخلاص

اهلين بابا .. شلونك يا بنت ؟؟ بخير ؟؟
زلاغيط .. لكن شو مفكرة؟؟ ليش بيطلعلنا غير نرقص ونزلغط ؟؟ مفكرتينا متل اهل تونس ؟؟؟
هاي عطوا لكل موظف 360 ليرة سوري بالشهر دعم لمازوت التدفئة . بس اعتبارا من الشهر السادس الجاي .. مو مليح ؟؟
الله يديم الحكومة .. حوليهم للدولار لشوف ؟؟ بيطلعوا حوالي 8 دولارات . بدك أحسن منهيك دعم ؟؟؟ :22::22::22::4::4::21::24::24::24:

 

[ندى الايام]

رد: الزلاغيط الحديثة للشعب السوري

انا بخير بابا انت كيفك ووين هالغيبة كلها اشتقنالك
كتر خيرهن ياابي 8 دولارات احسن من بلا
طالع بايدنا غير هيك يعني ؟؟؟؟

 

[صمت الغروب]

رد: الزلاغيط الحديثة للشعب السوري

ههههههههههه

الله المستعان

بعين الله

 

[صمت اللياالي]

رد: الزلاغيط الحديثة للشعب السوري

ربي يسعد ايامك عمو فارس وايمت هي الزغاريد
ألفوها لسة مو سمعنا فيها بعد غلاء الاسعار ولا قبل
8 دولارات للموظف للتدفئة وغير الموظف خليه بردان وكمان بالشهر السادس
الله المستعان

 

[ندى الايام]

رد: الزلاغيط الحديثة للشعب السوري

الله يسامحك ياصمت الليالي
قال الغير موظف
مابيكفيه انه عايش بالبلد كمان بدك ياه يتدفى
مابنقول الا الله المستعان

 

[صمت اللياالي]

رد: الزلاغيط الحديثة للشعب السوري

والله معك حق حبيبتي
بس شو بدنا نعمل طماعين
بعين الله

 

[متفائله جداْ]

رد: الزلاغيط الحديثة للشعب السوري

هههههههههههههههههههههه

 

[فارس عمر]

رد: الزلاغيط الحديثة للشعب السوري

ربي يسعد ايامك عمو فارس وايمت هي الزغاريد
ألفوها لسة مو سمعنا فيها بعد غلاء الاسعار ولا قبل
8 دولارات للموظف للتدفئة وغير الموظف خليه بردان وكمان بالشهر السادس
الله المستعان

اهلين عمو ... معقول لهلأ ما سمعتي بهالفرحة والزغاريد ؟؟ وين عايشة عمو؟؟ بالمريخ ؟؟
غير الموظف كمان اله نفس المبلغ , إذا كان مصنف مع الأسر المحتاجة , تحت بند إعانة الأسر غير المتوظفة في الحكومة .. ولا يهمك , حقكم بيوصللكن على أخر بارة . بس المهم لازم تزلغطوا .. بتعرفي تزلعطي عمو؟؟؟ زلغوطة شامية .. وإذا ما بتعرفي اسألي ندى الأيام . مافي اشطر منها بالزلاغيط الشامية .. ياللي مطلعها : أويهاااااااااااااااااااا.. وبتكمل الفرحة بعدها ...

 

[سفير الغرام]

رد: الزلاغيط الحديثة للشعب السوري

ههههههههههه
يسلموووو