ام لطفل توحدي من الاسكندريه

[نيفين المتفائله]

السلام عليكم ورحمه الله وبركاته احببت فقط ان اشارك معكم في هذا المنتدي المفيد واتمني من الله الشفاء لجميع اطفالنا
وجزاكم الله خيرا

 

[القلب الحنون]

رد: ام لطفل توحدي من الاسكندريه

وعليكم السلام ورحمة الله وبركاته

حياك الله بيننا اختي

وباذن الله سترتاحين بين اخواتك واخوانك بالمنتدى

ياليت تعرفينا على نفسك اكثر وعن طفلك

 

[نيفين المتفائله]

رد: ام لطفل توحدي من الاسكندريه

السلام عليكم كيفك اختي الكريمه انا نيفين من الاسكندريه ابني عنده 12 سنه وعنده توحد ولله الحمد حالته كويسه جدا وفي مدرسه عاديه ولكن بها فصول دمج تعليمي
اي سؤال تحبي تساليه انا موجوده ويارب اكون اخت ليكم والسلام عليكم ورحمه الله وبركاته

 

[أم حزينة]

رد: ام لطفل توحدي من الاسكندريه

مرحبا بيكى
انا ايضا من الاسكندريه
اود ان اعرف مع من تتابعين ومن هم الاخصائيين ايضا؟
وما هى اسم مدرسته؟
و مرحبا بأجدع نااااااااااااااااااااااااااس:3::3::3:

 

[نيفين المتفائله]

رد: ام لطفل توحدي من الاسكندريه

اهلا بيكي اختي العزيزة انا بتابع مع طبيبيه نفسيه ودكتور مخ واعصاب اطفال في الاسكندريه من حوالي 6 سنين وابني حاليا في الصف الرابع الابتدائي ومدرسته اسمها ثمرة الحياه بالاسكندريه وانتي اختي الكريمه عرفيني بابنك وحالته وشكرا لكي

 

[أم حزينة]

رد: ام لطفل توحدي من الاسكندريه

ارسلت لك على الخاص
فى انتظارك

 

[نيفين المتفائله]

رد: ام لطفل توحدي من الاسكندريه

اختي العزيزة مش عارفه ابعت ازاي عالخاص لو تحبي ابعتي لي رقمك واكلمك انا بتابع مع دكتور حسين عبد الدايم ودكتورة اميمه سليم في مصطفي كامل

 

[ام التواءم]

رد: ام لطفل توحدي من الاسكندريه

اهلا وسهلا بك اختى نيفين فى منتدانا واتمنى ان تجدى دائما ما يفيدك عندنا...

اختى نيفين انا ايضا من الاسكندرية ...وياريت تكلمينا اكثر عن ابنك كيف كانت حالته وكيف اصبح حتى تبعث الامل فى قلوبنا وكل قلوب الامهات التى تعانى فنحن نريد ان نسمع دائما اخبار فيها تفاؤل ...وربنا يزيد ابنك فى الشفاء كمان وكمان ويارب يفرحك به

اختى نيفين معذرة اول مرة اسمع ان احد يشكر فى الدكتور الذى تذهبين اليه فنحن سمعنا الكثير عنه وهل هذه المدرسة ابنك يقعد فى فصل عادى ولا فى فصل خاص ..؟ وشكرا جزيلا لك جعله الله فى ميزان حسناتك...:23:

 

[نيفين المتفائله]

رد: ام لطفل توحدي من الاسكندريه

السلام عليكم اختي العزيزة ابني الحمد لله حالته اتحسنت جدا بيتكلم كويس حاليا مستوي ذكاؤه الحمد لله والان في الصف الرابع الابتدائي يدرس منهج عادي ولكن في فصول دمج تعليمي اتمني للجميع الشفاء والتقدم باذن اله ولو حبيتي تسألي عن اي شيئ انا موجوده وتحت امرك

 

[ضي القناديل]

رد: ام لطفل توحدي من الاسكندريه

اهلا وسهلا اختي نيفين وحياك الله ياليت تفيدينا هل عملتي حمية لابنك او ايه هي البرامج والتدريبات والاشياء اللي عملتيها لابنك ومن عمر كم بدأت معه العلاج سواء بالمكملات او الفيتامينات او الحمية او غيرها وايه اكثر شيء جاب نتيجه حلوه معاه حتى الكل يستفيد ويكون المنتدى فعلا مرجع لكل ام تلاقي نفسها بهالموقف وماتلاقي احد يرشدها اول ماتبحث تلاقي تجارب امهات سبقوها والله يشفي ابناءنا جميعا يارب

 

[نيفين المتفائله]

رد: ام لطفل توحدي من الاسكندريه

السلام عليكم ابني بدا المتابعه مع الطبيبه من عمر 5سنوات و10 شهور ولم يقوم بأخذ اي ادويه او علاج ولا عمل اي حميه غذائيه هو الان عمره 12 سنه اول مابدأ مع الدكتورة كان لايتكلم سوي ماما وبعض الحروف الغير مفهومه هو الان يتكلم ولله الحمد ويستطيع التعبير عما يريد وهو كذلك في الصف الرابع الابتدائي في فترة من الفترات كتبت له الدكتورة زيت كبد الحوت اما الان فهو يأخذ فقط دواء لمساعدته علي زيادة التركيز في المدرسه واتمني الشفاء للجميع باذن الله

 

[طاهره]

رد: ام لطفل توحدي من الاسكندريه

عزيزتي نفين يتضح من كلامك والحمدالله ان ابنك في احسن حال
ممكن لو تكرمتي توضحي لي ما اعرض التوحد المتبقيه لديه من وجهة نظرك
لانه ماشاء الله يتكلم وفي مدرسه والحمد الله ذكي
اذن ماهي مواطن الضعف او التوحد المتبقيه لديه
شكرا

 

[نيفين المتفائله]

رد: ام لطفل توحدي من الاسكندريه

اختي العزيزة اكيد طريقه كلامه مختلفه عن من هم في عمره كذلك طريقه لعبه بالالعاب مختلفه حيث يقوم بتدوير الالعاب او اللعب بها بطريقه غريبه ولا يستطيع البدء بحيث او الاسترسال في الكلام كالاطفال العاديين احيانا لا يستطيع الانتظار لدوره في لعبه معينه او وسط اطفال وينزعج وبشده لدرجه الهلع من الاصوات شديده العلو

 

[ام محمد الغالي]

رد: ام لطفل توحدي من الاسكندريه

ربنا يشفيه ويعافيه يارب العالمين وابنائنا جميعا
لو حاولت تعطيه مكملات وفيتامينات كان ممكن كل هالاعراض تروح منه حاولي استشيري كمان اطباء وباذن الله سيكون هناك الشفاء العاجل التام

 

[نيفين المتفائله]

رد: ام لطفل توحدي من الاسكندريه

جزاكي الله خيرا ام محمد بالفعل كان يأخد فيتامينات ومعادن ولكن لم تطلب مني الطبيبه تكرارها وشكرا للمرور والتعليق

 

[ام ميسم]

رد: ام لطفل توحدي من الاسكندريه

اهلا بك اختي نيفين ...
ارجوالتوضيح اكثر مثلا ما اهم شيء عملته لأبنك ووجدتي له ايجابيات ؟ وهل عملت له تخطيط مخ eeg؟
وهل كان لدية كهرباء زادة وعالجتها ؟
وشكر لتعاونك .

 

[نيفين المتفائله]

رد: ام لطفل توحدي من الاسكندريه

اختي ام ميسم السلام عليكم مؤخرا لم تطلب الطبيبه سوي صورة دم كامله وكانت نتيجتها طبيعيه والحمد لله وكذلك egg لم يكن هناك كهباء زائده ولله الحمد فقط يعاني من ضعف في التركيز

 

[طاهره]

رد: ام لطفل توحدي من الاسكندريه

شكرا عزيزتي والحمد الله على كل شكرا

 

[قلبي ضاع معك]

رد: ام لطفل توحدي من الاسكندريه

اختي نيفين ..
اهلا وسهلا بك في المنتدى .. ولكن كيف عرفت ان ابنك عنده توحد يعني قولي لنا القصة من طقطق لسلام عليكم لان احنا نموت بالتفاصيل ونموت بالقصص اللي مثل حالة ابنك هههه ..

يمكن عنده مرض ضعف التركيز والانتباه وفرط في النشاط والحركة لان اللي قلتيه ينطبق علي هذا المرض اكثر من التوحد .. فكيف حكمت على ابنك عنده توحد ؟

 

[أختكم فى الله]

رد: ام لطفل توحدي من الاسكندريه

السلام عليكم ورحمة الله وبركاته

أختى العزيزة أهلا بكى بيننا .. وربنا يشفى إبنك شفاء تام لا يغادر سقما إن شاء الله

بس أنا كان عندى تعليق بسيط .. يمكن تستغربيه شوية .. أنا كان ليا تجربة مع الدكتورة أميمة سليم والدكتور حسين عبد الدايم فى تشخيص حالة بنتى

وإللى لاحظتوا عليهم وعرفتوا عنهم من تجارب أخوات أخرى سبقونى فى زيارتهم .. إنهم بيختاروا الحالات السهلة إللى ممكن يشتبه على أهلها إنها توحد .. ويأكدلهم إنها توحد وممكن أيضا يبالغوا فى التشخيص .. علشان تكون الحالة سهلة وتتحسن بسرعة وتكمل فى مدارس الدكتورة أميمة .. وتنسب ليها كل تطورات الحالة .. وفى الآخر يعتبروها حالة توحد وشفيت على إيديهم ويتفاخروا بيها قدام كل الأهالى ويدعوا كما إدعوا امامنا إن مفيش حد ممكن يعالج حالة توحد غيرهم

عايزة أقولك إن بنتى عندها حاليا سنتين ونص .. والحمد لله فى تطور مستمر وبتوظف بعض الكلمات وبتفهم الكثير ما شاء الله وإدراكها كويس الحمد لله .. مشاكلها الأساسية .. إنها لا تستخدم الإشارة ولا ترد على النداء ومتاخرة فى اللغة والإدراك عن الأطفال إللى فى سنها
وذهبت بيها للدكتورة منال عمر ونفت تماما إنها عندها توحد وإن عندها مجرد تأخر لغوى ومشكلة فى الأحاسيس خاصة التوازن لأنها تأخرت فى المشى لحد سنتين وشهرين بدون سبب عضوى

تخيلى لما ذهبت للدكتور حسين عبد الدايم قبل زيارتى للدكتورة منال .. كان تشخيصه إيه
توحد شديد جدا كلاسيكى وتأخر عام
وإن حالة بنتى صعبة وهما مش بياخدوا الحالات دى بس علشان خاطرنا هيحاولوا معاها .. بشرط إنى متدخلش خاااالص فى تدريبها فى البيت ولا أحاول أعلمها أى شئ ولا حتى كلمة

الكلام ده من حوالى 4 شهور بس .. مش عايزة أقولك بنتى تطورت أد إيه فى الوقت ده ما شاء الله محدش بيتخيل إن عندها أى حاجة سوى تأخر لغوى بسيط وكل ده بفضل الله ثم التدريب فى البيت

معلش طولت عليكى .. بس النتيجة إللى عايزة أوصلهاك .. إنهم كانوا عارفين إن حالة بنتى بسيطة لأنه شئ لا يخفى عن أى دكتور خبير زيهم .. بس كانوا حابين يكبروا الموضوع علشان لما تتحسن ينسبوا لنفسهم شفاء حالة توحد كلاسيكى وتأخر عام ... وخصوصا إنهم قالولى إنى متدخلش فى تدريبها أبدا وده شئ منافى لرأى أى طبيب عنده ضمير لأن الأم هى أهم شخص ممكن يدرب إبنه ... وأنا خايفة بصراحة إنهم يكونوا كبروا حالة إبنك وشخصوها توحد وهو كان أقل من كدة زى ما الأخت قلبى ضاع معك قالت

أنا أسفة على الكلام الكتير بس أنا مقدرتش أقاوم أقولك الكلام ده لما قريت أسماءهم فى موضوعك