اماكن لبيع اطعمه الحميه بالكويت

[الغلا خالد]

السلام عليكم

انا جديده بالمنتدى وبحاجه شديده

لمعرفه اماكن بيع الخبز والصمون

والبسكويت واي اطعمه يستطيع

انا ياكلها المصاب بطيف التوحد

وتكون هذه الاماكن قريبه من الجهراء

ارجو سرعه المساعده والرد وشكرا

 

[رحمه ربي]

رد: اماكن لبيع اطعمه الحميه بالكويت

هلا فيج يا الغلا

مركز سلطان اللي بالسالميه فيه كل شي

نوعيه من الدقيق خالي من الجلوتين ودقيق الذره وحليب الارز والصويا

وانواع كثيره من البسكوت والكيك الخالي من الجلوتين

وله فرع بالجهرا بس ماتلقين في الا حليب الارز ونوعيه من البسكويت للرجيم

 

[الغلا خالد]

رد: اماكن لبيع اطعمه الحميه بالكويت

تسلمين يالغاليه وماقصرتي

واذا ماعليج امر تعطيني اسم شركه مالت

الصمون والخبز

والبسكويت شنو اسمه وفديتج ماقصرتي*

 

[رحمه ربي]

رد: اماكن لبيع اطعمه الحميه بالكويت

يا هلا فيج يا الغلا

حبيبتي انا ولدي ماعنده حساسيه من الجلوتين عشان جذي ما دورت علي الخبز والصمون

وشركه المطاحن يسوون توست وصمون خالي من الجلوتين بس لازم تدقين وتحجزين عشان يوصلونه للبيت

وهذا رقمهم 24841866

وفيه مخبز بالقادسيه يسوي خبز وفطاير اسمه الرحي

ولايم لايت بالسالميه عندهم منتوجات خاليه من الجلوتين

اتمني اني ساعدتج

 

[الغلا خالد]

رد: اماكن لبيع اطعمه الحميه بالكويت

تسلمين ماقصرتي حبيبتي..
وجزاج الله خير..
وأي احد عنده معلومات اضافيه
ياليت يفيدنا..