من اجمل رباعيات صلاح جاهين

[miss_m]

السلام عليكم و رحمه الله و بركاته

انا اخترتلكو بعض من رباعيات صلاح جاهين
و ارجو انها تعجبكو لاني بحبها جدا بجد

خرج ابن آدم من العدم قلت : ياه​

رجع ابن آدم للعدم قلت : ياه​

تراب بيحيا ... وحي بيصير تراب​

الأصل هو الموت و الا الحياه ؟​

عجبي !!!​

أنا شاب لكن عمري ألف عام​

وحيد لكن بين ضلوعي زحام​

خايف و لكن خوفي مني أنا​

أخرس و لكن قلبي مليان كلام​

عجبي !!!​

نوح راح لحاله و الطوفان استمر​

مركبنا تايهه لسه مش لاقيه بر​

آه م الطوفان وآهين يا بر الأمان​

إزاي تبان و الدنيا غرقانه شر​

عجبي !!​

​

إيش تطلبي يا نفس فوق كل ده​

حظك بيضحك و انتي متنكده​

ردت قالت لي النفس : قول للبشر​

ما يبصوليش بعيون حزينة كده​

عجبي !!​

​

​

يأسك و صبرك بين إيديك و انت حر​

تيأس ما تيأس الحياه راح تــــــــمر​

أنا دقت مندا ومندا عجبي لقيــــــت​

الصبر مر و برضك اليـأس مـــــــر​

عجبي !!​

​

ياللي بتبحث عن إله تعــــــــــــبده​

بحث الغريق عن أي شئ ينجـــده​

الله جميل و عليم و رحمن رحــيم​

أجمل صفاته .. وانت راح توجده​

عجبي !!!​

​

​

 

[لطفي الياسيني]

جزاك الله خيرا اختي الفاضلة على هذا الذوق الادبي
بارك الله فيك دمت بخير
ويا اهلا وسهلا بك في القسم الادبي

 

[roosaa]

على فكره انا بحب جدا رباعيات صلاح جاهين .فيى ليه حاجه انا بحبها جدا بتقول : ولدى نصحتك لما صوتى اتنبح ما تخفش من جنى ولا من شبح وان هب فيك عفريت قتيل اساله ما دفعش ليه عن نفسه يوم ماندبح عجبى يا ريت بعد اذنك تجبيها كمله لانى ماعرفش منها غير دول بس وشكرا

 

[نور الكــويت]

شكرا ع الطرح الرائع .,’

 

[بنت بغداد]

رد: من اجمل رباعيات صلاح جاهين

شكرا ع الطرح الرائع الروعة

جزاك الله خير