مستنى موج رحمتك يا حى يا قيوم

[أم لطفل توحدى]

إبنى حبيبى سامحنى إوعاك منى تزعل يوم​

صحيح قصرت فى رعايتك وحقك لو على تلوم​

دا جرحك يابنى كاوينى ومن همك جفانى النوم​

دا حتى الهم من همى ومن حيرتى صبح مهموم​

وعجز الطب فى حالتك محيرنى وخلانى ضعيف مهزوم​

رحت لأطبا كتير لجل يشوفوا لى حل​

قال الأطبا دا مرض دواه ماهوش معلوم​

واللى يلاقى له دوا راح يبقى سيد القوم​

يدوا له جايزة نوبل والخلق لجله تقوم​

طب أعمل إيه ياطبيب قال لى الطبيب الصبر​

وأنظر كده حواليك تلقى المرض بالكوم​

سلمت أمرى إليك ولقدرك المقسوم​

ياخالق الأكوان والعلم بيك معلوم​

لو هى دى قسمتك يبقى الخضوع محتوم​

ومش حأمل دعاك بين الصلاة والصوم​

وبضعفى راح أناجيك وبين إيديك راح أقوم​

عبدك وملك إيديك ظالم ماهوش مظلوم​

ياما إرتكب فى ذنوب وعاش حياته غشوم​

كافر بنعم الله جاحد لنفسه ظلوم​

بس الأمل فى رضاك عمره ماحيغيب يوم​

وعشان كده بأرجوك ترحم فؤاد مكلوم​

شايف بعينه ضناه عايش سجين محروم​

غرقان فى بحر المرض وإيش عرفه بالعوم​

حتى الصراخ إنقطع جوا الفؤاد مكتوم​

مستنى موج رحمتك ياحى ياقيوم​

مستنى موج رحمتك ياحى ياقيوم​

مستنى موج رحمتك ياحى ياقيوم
من أب لابنه أحمد:bb (8):

 

[مسك]

رد: مستنى موج رحمتك يا حى يا قيوم

بضعفي ان اجيك وبين ايديك راح اقوم


الله ما اروع هذه الكلمات انها تتحدث عني
كيف وصلتي الي مايشعر به قلبي انه نفس الابتلاء توحد

 

[ياربي رحمتك]

رد: مستنى موج رحمتك يا حى يا قيوم

وأنظر كده حواليك تلقى المرض بالكوم
؛؛؛؛؛؛؛؛؛؛؛؛؛؛؛:؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جاوبتي عن تساءل في فكري دائماً لماذا كثر التوحد وخصوصاً اخصائيه امريكيه شاركتنا الراي بقولها في السنه والنص الاخيره كثرت اعداد اطفال التوحد وكذلك التأخر في النطق ؟
بالفعل اصبحوا بالكوم . هل كان موجود ولكن المجتمع يجهلون تسميته ؟ او انه انتشر مؤخراً واصبح مثل الانفولنزا .