أمطار الخير على مدينة العين من تصويري ( مروض الحب ) ..!

[مروض الحب]

وعليكم السلام ورحمة الله وبركاته

الحقيقه صور مبدعه جدآ

واللي مستغربه له

حنا نصلي صلاة الاستسقاء وانتم ينزل لكم المطر
بس
يالله ماشاء الله عليكم
والله يهنيكم وينفعكم فيها

لكن
اقول مروض سيارتك ذي اللي مغرزه
خخخخخخخخخخخخخخ

ياحبكم حق التطعيس ؟؟؟

جعلها الله سقيا خير
وعقبالنا ان شاء الله

وبعد فيه سالفه وصدق فيها الم الالم
شو هالدعايه
ولا قوة واسطه


يسلموووو ع هيك صور
وتسلم يمينك ياغلاي

مرحبا وسهلا فيج طعس وغدير

انتم اهل الكرم والطيبه ونحن نستاهل المطر الي يانى ..!

ايوه طعس موتري هاذ ومتعود يوم انه يطيح مطر اروح الرمله بروحي من دون الحاجه لمواتر خواني :2:

بس اذ غرزت استنجد بهم ومساكين متعبلين بي ودومهم يتنازعون علي بس عادي عيش اش فيها الدنيا :19:

وعاد لاتخبرين عن شباب العين مايصدقون يغيم الجو ولا يطيح مطر تحصلينهم كلهم فالرمله
حتى امس كنت ف الرمله وكانو مسوين احلى عروض :11:

الحين انا الي اسوي دعايه ولا انتي والم الامل ناوين تفتحون بقاله ومسوين دعايه حقها :18::18:

مشكوره طعس ع حضورج وتواصلج وان شاء الله دووم اصور ونزل لكم الجديد بالمنتدى ..!

 

[المحبة لدينها]

يا الله . . ما أروعها ​

صور تجنن​

والله اشتقنا للمطر​

تسلم يمناك أخي مروض ​

يعطيك ربي العافية​

 

[مروض الحب]

ما شاء الله
ربي يجعلها أمطار خير وبركة
وينفع بها البلاد والعباد
مروض لا عمرك تدخل الرمل وقت المطر أسأل مجرب :2:

تسلم على الصور الرائعة
يا مال العافية

هلا بج فتافيت سكر

وصدق الرمله تسبب لك ازمه ايام المطر

هي حلوه بس لاغرزت تبطي تطلع الا بعد عنى وتعب

بس يالله وناسه ولعب وفرفشه ..!

شكرا فتافيت ع الحضور والتواصل

بارك الله فيج

 

[مروض الحب]

ماشاءالله

اللهم اجلها امطار خير

وعم بنفعها سائر بلاد المسلمين

امين يارب

شكرا لج حياه

وبارك الله فيج

 

[مروض الحب]

يا الله . . ما أروعها
صور تجنن
والله اشتقنا للمطر
تسلم يمناك أخي مروض
يعطيك ربي العافية

الله يسلمج المحبه لدينها

وربي يسعدج ويوفقج والخير اييكم ويعم عليكم .!​

 

[الصقر العماني]

مشكور يا مروض الحب على الصور

 

[مروض الحب]

العفو الصقر العماني

وحيااك يالغالي

 

[ام محمود]

وان شاء الله المره اليايه انصور لج الناس وعاد من الناس >> الشباب الي فالرمله :2:

وعلى فكره كأن تخصصي تصوير بس ما الله وفقني فيه والحمد الله

اوقات الدراسه لا نوفق بها من روتين وحشو بالمناهج
لكن الهوايه صعب جدا اتقانها
وبيدك موهبه ماشاء الله اثقلها بحبك لها وبشخصيتك
كثير فشلوا باخذ الشهادات وابدعوا في الفنون
بيتهوفن وعباس العقاد وغيرهم
انت ان شاء الله هتكون لك شان
تعرف
ابن عمي رسام يجنن وهاوي ودراسته اصول دين
الان صاحب مصنع تحف واباجورات تخيل
الموهبه هي التي ننميها ونصقلها بشخصيتنا
اما الدراسه فتاتي حسب اهواء القائمين عليها الان
اوقات التطبيق العملي غير النظري
ربنا يوفقك ونشوفك مصور بارع
ترسم لنا بعيونك وتجسد لنا بموهبتك ايات رحمه الله علي الارض
كعناق السماء للبحر في وقت الغروب
ورمال مبتله بقدرة الرحمن
وطبيعه ارض الامارات هتساعدك
ولا تنسي البني ادمين هه

 

[مروض الحب]

البني ادمين والاوادم اكيد راح نصورهم لج

واكيد ام محمود الواحد ينمي مواهبه بنفسه .. وفي نفس الوقت لما يكون تخصص دراستك .. هو الي انت حابه ومستعد تبذل فيه يكون احسن ... قصدي الابداع يكون اكبير ..!

بارك الله فيج ام محمود وشاكر لج تواصلج وكلماتج الي دايم تعطي الواحد حافز انه يستمر فالابداع والتواصل ..!

 

[ام معاق]

ماشاء الله تسلم يمينك اللي صورة الصور بس مره ثانيه اعزم الاعضاء كلهم ونطلع في الجو الحلو والذبيحه عليك طبعا

 

[مروض الحب]

افاعليج ام معاااق بذبح لكم ناقه سبوق {{

انتو جمعو الاعضاء في باص وانا علي التجهيزات والذبيحه والشوي {{ خبير

مشكوره ام معاق ماتقصرين ..وشكرا ع التواصل والحظور